canimoecos's Profile

又係一年一度同個fd子一齊去睇流年既時候啦，順便去旺角食好西。Fd子話之前食過呢間越南餐廳，好食，想食多次，好彩今日都唔係太多人排隊，10分鐘左右就入得。間鋪頭細細間，都有啲迫迫地。叫左店員介紹既2號招牌牛柳牛丸粉，話全香港最好食😋湯底ok, 多䓤多芫荽，有2粒切開一半的骰既牛丸仔，食落有口感彈同有油脂汁。河粉幼身，ok。牛柳碎，容易啲由生浸湯變熟。總括嚟講都OK。下次想試吓個蟹肉檬粉。佢都幾得意，好似白粥配油炸鬼咁呢個都跟咗個油炸鬼。小脆，仲有檸檬同辣椒仔。牛油雞翼，(蒜蓉蜜糖雞翼？)比較似家庭餸，同之前其他越南店舖食開嘅牛油雞翼好唔同，呢隻係蜜糖蒜蓉粒。嗰啲蒜蓉粒非常黐牙。唔係唔好食，正常但唔牛油。鮮蝦米卷呢個ok ，食落幾fresh 。金桔梳打(無影到相) $30我叫左微甜，呢個幾好飲！因為夠氣，食到最後飲都仲有氣。fresh最後埋單送咗個越南甜品，個哥仔應該係老細，話尋日喺越南新鮮人手handcarry 運返嚟。唔係咁甜，煙煙韌韌中間個綠豆餡都好食，佢成嚿綠色應該係斑斕啩，但唔係好食到斑斕味。我朋友話比起佢第一次食嘅時候，冇咁驚艷，話之前有個奧巴馬湯粉，好好食，而家無左。但今次唔使排好耐隊之下，有食到都好開心。…Read More

之前聽同事講話呢間芝麻雪糕好好食，好有芝麻味，仲要係現場石磨芝麻整嘅，梗係要去試吓啦。今日有少少落雨，去到都有五、六個人排緊隊，都係為咗個芝麻雪糕嚟嘅我叫咗芝麻雪糕，菲林卷(每人限定一盒)，芝麻糊(凍)。即刻同個大雪糕影張相先，試下個芝麻雪糕先，冰冰甜甜好有芝麻味，上面淋左啲芝麻汁。個筒都係芝麻整架。好好食！呢個係值得排隊嘅。返到屋企試吓個菲林卷，一般。芝麻味唔夠重。質感OK冇太厚太薄，下次可以唔駛試。反而覺得有一啲酒樓仲整得好食。芝麻糊(凍)，味道偏淡。同事之前食過話熱好食啲，可能凍既會令個甜度降低咗。我食咗一半就冇食啦。佢質感係OK 。會食到沙沙既感覺。總括嚟講，夏天啦！可以食多幾次個芝麻雪糕🍦…Read More

食過好多次啦，由2022年開始，間唔中先去食，原來發覺未寫過呢間食評。今日吖仔無端端放學話想去食。有少少肉赤💸，但無計，吖仔好少可主動提議去食。無諗過小朋友會甘有記憶，所以味覺=回憶。唔知佢大個會唔會帶女朋友👫黎食。終於100評好配服其他foodies 甘有恆心Respect👍今日星期六，有啲靜喎⋯⋯一座低，上一籃麵包，全部都熱辣辣，小朋友最鍾意脆脆果塊，有試過經理見佢鐘意食，比多幾塊佢。之後交比吖仔點菜，訓練下啲英文🤭講慢啲，啲waiter都有耐性聽🫶會主動同小朋友講嘢，都child friendly 一如既往，一定有呢個龍蝦🦞意粉。waiter見有小朋友都會走辣。料足，真係有龍蝦。意粉係扁，有咬感，蕃茄汁，有一片片蒜頭，食落有啲似菇片口感，無好勁蒜頭味。好食😋小朋友飛佛今次試豬扒，之前成日食雞好飽。慢煮豬鞍手掌甘上下size,好食😋醬汁配左蘋果蓉果醬，塊扒外圍會熟啲，林得黎，有咬感，中間會再軟啲。好易切。Side dishes 叫左一個牛油炒磨菇, 牛油味香;一個芝士焗椰菜花，上面有脆脆煙肉粒，忌廉味重。都好好食。最後咁飽都要叫個甜品做結尾，crème burlee 都好食嘅，蛋唔夠creamy, 味道係好食，表面層焦糖都ok , 但Paul既蛋會更細滑啲，焦糖薄身少少。之前無post，個日老公生日，甜品有驚喜，仲會主動拍照。喺呢間食lunch，會有套餐，主菜幾個揀再加mini buffet，大概3百幾一個大人，少朋友2百幾。好食😋之前食過既原隻燒雞，會原隻上比你影一影相📸之後就會好似去飲宴食乳豬甘拎去切，ok,比想像中滑，好多配菜烤薯仔粒同豆角…Read More

人🙅‍♀️唔ok: 其實做得服務業，唔係要你恰熟甘笑或一定笑，其本禮貌。真係有無比較都好，高下立見。。。講反啲食物先$32朱古力雞旦仔: 係好食，朱古力燶燶地，幾香。有少少流心效果，唔太甜。熱辣辣，上半部露出來既雞旦仔係脆既，係個包裝袋，有層膠，可能拎入戲院食，所以甘既物料？又可能入袋前風機吹一吹好啲🤔甘又唔可以同專門賣雞且仔店比既。$28烏龍奶茶加$5珠(熱): 珍珠夠煙靭，唔太甜，奶味唔重，茶味ok。本身話做唔到溫。但飲個時係温🤔唔想太大責任，怕做唔到？P.S.我⭐️推的孩子…Read More

又係4少婦Happy Lunch Hour! 12點到無咩人，可以walk in 到😊之前喺尖沙咀淨係食過呢間啲甜品，唔錯既crepe😋Lunch 有happy set! 是日餐湯粟米湯，半打溶啲粟米，留一半有咬口感嘅。ok。煙火腿芝士可麗餅都ok. 除左火腿同芝士仲有菜。菠菜雞肉忌廉扁意粉呢個比想像中冇咁cream，反而蒜油多左，有啲油膩感，但味道唔錯。香烤西冷牛扒配蒜香薯蓉牛扒都冧，同有焦香，好味，細塊咗啲。女仔食OK，男仔就應該唔夠啦。牛油果雞肉芝士漢堡配薯條呢個好食，上下兩片包都有焗熱，底面煎脆再加上沙律醬，好味。薯條都好脆。 好飽肚！可跟餐upgrade 叫飲品。我飲熱朱古力，有拉花，最後凍左，影響左啲啲，下次都係食完先叫嘢飲。再加錢叫左兩款可麗餅。椰香芒果斑斕可麗餅，芒果粒粒雪到雪芭甘。，少咗啲斑斕味，但佢好配合返就到既聖誕節，好似一棵聖誕樹🎄咁，有氣氛。曲奇忌廉可麗餅，ok，無乜特別😗…Read More

幾年無見姨媽姨丈，姨丈話請食飯，梗係介紹姨丈鐘意食既砵仔焗魚腸啦。果邊無呢啲中菜食。呢間之前老公有食過，甘啱姨媽姨丈住對面酒店，天時地利人和，掂！呢間係老店飯店，廚師手藝老到。碟碟都甘好食，係食到最後先上個魚腸，就有啲飽同膩。杏汁白肺湯，處理嗰個肺要好多功夫，不斷泵水清洗乾淨，杏汁味好濃！好飲！冰🧊鎮咕嚕肉好脆！啲糖漿凍咗會變得更加脆口。好好味，但吖仔問點解無菠蘿同青椒🤭魚標豬潤煲: 比較鍾意一係爽一係沙潤既，呢個唔夠爽又唔夠沙，個魚標撘夠。雞油豆苗: 好味😋菜心炒牛肉: 呢個我仔成碟清曬。煙燻太爺雞: 隻雞好有煙燻味，岩岩好，滑雞花鱔煲: 我唔食，但其他人話好好味，條鱔電纜甘粗，成煲食曬！雞蛋焗魚腸: 無腥味，胡椒味重。豉油王炒麵:好味，再乾身啲就好啦！薑汁撞奶:用日本3.6牛奶撞出嚟，有薑味，但係冇薑嗰種辣味，好滑好好食！飽到嘔都要食埋，所以話甜品係有另一個胃😂埋單約3600。姨丈請客實際唔知幾錢。9大1小，差唔多啦👀係啲老人家話貴，都唔知而家啲米幾貴😎同去靚啲既酒樓包一圍甘上下。應該平過姨丈美國唐人街食中餐掛。…Read More

想据扒，本身諗住求其茶餐廳頹据，但心有靈犀咁同老公一齊揀咗呢間🤗門面西餐廳工業風，都整齊企理。墻上有幾部電視介紹下啲扒，但個餐牌無圖，點餐紙排版上有啲唔明點樣剔加280蚊可以叫A5和牛扒套餐，要親切既店員幫忙😆套餐都可以薯條任食，包一杯飲品。薯條要配汽水👀我叫左豬，心諗希望係慢煮之後再煎既🐷。果然係！一刀切落去已經好肯定係，肉質好冧，好好味。老公塊A5西冷🐮，5成熟，都係充滿左入口溶化既油脂。兩塊望落去手掌甘上下大，諗住如果唔夠食先再另叫小食。但加埋個食唔停口，而且食到最後筒底個條都係脆嘅薯條🍟。真係好滿足😌好飽好罪惡感，所以冇再添食薯條，下次會帶小朋友再過嚟食下其他，如意粉甘😆如果可以有多幾條菜攝牙罅就更加好啦，prefect池！…Read More

好少經過呢度，如果唔係附近報左個英文併音班上堂，都唔會喺呢頭食嘢😂有睇過下post 呢度設計概念係貨櫃。附近仲有food court 。好！仲有十堂，可以慢慢發掘下呢度！長沙灣地鐵站A1出口一出，左手邊第一個貨櫃，斜對面係Mosburger。入到餐廳環境錢唔錯，6:45入座平日算無咩人。一座低就就招呼你一兜蝦片😋Openrice訂位有85折，如果唔係今餐2個人食，價錢同出面旺角港島區有得比👏蝦片應該係自己炸既！味道唔錯，脆口不油膩。店員有推生蝦！低食！大大隻，好得意杯仔甘上，睇得下又食得！爽甜！青咖喱雞，都ok, 配返蒜蓉包同薄餅一齊食，如果用反泰國細細粒茄子就更正！蒜蓉包都ok,唔夠蒜香。薄餅唔夠脆口。芽菜好夠鑊氣，偷聽到最後一碟，要店員出去再買芽菜啦😎價錢略貴。櫃台唔知係咪老闆，大大聲標榜係泰國廚師。飲品方面，青檸梳打、珍多冰正正常常。仲諗住上完堂，返黎買個芒果糯米飯，但仍然好飽留返下次😝…Read More

明明想去食點心，落雨，唔行lu，經過呢間車仔麵就入去啦。好既一餐唔好既一餐，肚餓食咗先算。發覺成日去灣仔都有股唔知食乜既感覺😂座低圈餸我叫左墨丸、豬紅、魚腐、牛腩、腩汁+咖喱汁粗麵。所有野都ok, 豬紅同牛腩比較出色😏湯底食唔出有咖喱汁。個粗麵唔係平時食開啲粗麵，都唔粗同唔夠薄😅似扁身意粉，呢度就扣左少少分。老公叫左墨丸、牛丸、豬紅、肥牛、蒜辣雞翼尖、腩汁+沙爹汁河粉。老公鐘意個湯底喎，我比個蒜辣雞翼尖辣到食乜都食唔到味😂另外叫左個炸魚皮同腐乳通菜，都正常！店員都會提下，支紙飲管吉落去支可樂會喪標泡甘，總括嚟講，正常會再去食😀 …Read More

今晚約左人旺角交收！順便食個飯，未收工已經喺公司search吉列牛啦！就呢間啦180個哈哈笑！好意頭吖😂又同老公撐枱腳👀我叫左御燒極上級吉列牛眼望唔覺得個圍邊脆，但燒完食時又幾脆，都juice! 又冧，比想像中有牛味！好食過上次係大阪食果個。甘日本餐廳4,5百蚊既會超級好食同入口即溶😎配左紫菜味素飯，爬曬成碗飯，好在唔多似喺日本米，如果唔係會好漏架啦。老公叫左御燒特級牛小排一般般，無牛味，有啲韌。如果放少少海鹽煎就會好啲！店員好好，會主動加火。有新開張活動，送哈根達斯雪糕👀但我無join到，耶~今日唔想食雪糕。用埋最後一啲火炒埋個椰菜絲😎會再幫襯，要試埋個牛舌😛…Read More

近排傷風感冒菌太勁，前排先入完院，而家到吖仔去睇醫生。感覺醫院開既抗生素較有效。但人太多，都要等，唯有先祭五臟廟。日本居酒屋，有大大個紅燈籠🏮可能係平日，得兩枱客。一入去座低，店員會拎塊黑板比你睇おすすめ有咩推介。Order 左個烏冬比吖仔先，佢係鯛魚濃湯烏冬。比想像中淡左啲，烏冬係分開上既。湯好滾，石碗上keep 得住個溫度，唔會腥，但好似少左啲骨膠原。我叫左幾客壽司，海膽壽司🍣，都係一般，ok 既。唔夠鮮甜。三文魚，老公都話一般。帶子壽司，都係一般。壽喜燒牛肉豆腐鍋，如果呢個配烏冬就正，湯甜，肥牛唔鞋，豆腐滑。鐵板牛舌，薄切，味道ok，一塊塊咁上面加蒽同蒜，都惹味，但喺塊鐵板上放得耐個濟，會硬左少少。日式蘿蔔煮花螺，蘿蔔同花螺都好清甜。好食！帆立貝舞茸蘆筍炒野菌， 呢個堅係好食！我仔食曬。食甘多濃味野，清一清。自己本身好鍾意食雞軟骨棒，呢度仲要係月見(即係加左蛋)好好味！你可能會諗唔覺得有幾好食，但就係食過啲難食既先分到有幾好食😋最後想食甜品，但好似都係選擇唔多。老闆見我地岩咀形，傾左一陣，請左我地食佢研發中既甜品！仲要有乾冰上，好仙氣吖！旁邊仲有蕃茄仔雕花玉兔。好cute! 一條條甘估唔估到係咩？答案係麻糬天婦羅(年糕) 炸得好鬆脆，睇得出師傅既工架！外脆內軟，上面仲畫龍點睛地加左紫菜粉！甜中帶少少咸，另一返風味。食落個感覺，似曾相識。係鮮芋x個Q麻糬。但呢個level up 左，無論煮法同擺盆。希望我下次嚟食嘅時候會有呢個甜品喺menu度啦！…Read More

放工返屋企唔知食咩好，想起呢間有扒据，就去試一試。裝修大概都係維持同之前南記一樣，係轉左個色tone者。客人不多，樓面得一個。座低無水，係咪而家大多數餐廳都慳返🙃老公叫左個是日西冷牛扒餐，價錢係三條1😅唔係鐵板上，配薯菜，跟餐有黑松露忌廉湯，湯質地似bb食既糊仔甘杰，無料，有一啲黑松露醬。味道一般。牛角包正常，但個薯仔沙律，我麻麻，質感麻麻，黏黏地。係平時茶餐廳食果啲雜果沙律加咗薯仔蓉。牛扒係淋既，但無咩牛味，啲醃料應該醃左塊肉幾耐，有啲似燒嘢食去凍肉鋪買個啲扒。我個雜扒都係甘既味道。鐵板上，天使意粉ok好耐無食過。隻蛋煎得幾好😂塊鐵板感覺有一點點黑色既煤炭屎黐住啲食物。價錢係101，唔知點解係一字尾老公話唔值甘既價錢，我覺得咪係一般茶餐廳甘，但要比較既話，樂天好食好多。試過一次就算😝…Read More

曾幾何時屋企附近都有一間牧羊少年，都講緊8、9年前啦。甘岩去整車，發現對面有一間裝修昏暗既西餐廳，原來係牧羊，等拎車就過對面食。架車唔生性要整幾次，所以我都食左幾次，試真啲先上黎寫。甘岩食第一次時，佢有優惠coupon比我可以幫襯第二次。牛油果香芒烤雞沙律配日式胡麻醬色彩繽紛，有視覺享受，好味，有生果（芒果）有肉(雞扒)，仲有nuts, 醬另上，甘豐富嘅配撘，如果女士可以當lunch 食。千島海鮮Pizza 好食，每一格都有一隻大蝦，八爪魚仔，即叫即整。外圈脆內芝士軟，有拉絲效果。12小時慢煮安格斯牛小排配烤澳洲西蘭花日本南瓜新薯芥未醬配菜好好味，薯蓉少少就夠。個扒叫左5成熟，食多幾舊會膩，真係要share。香煎鳯尾蝦香草檸檬意大利粉聞落去有啲怪怪地既，有雀粟既味，但食落去正常ok, 係扁意粉。東京醋汁法國雞翼炸雞翼，食到有醋味，都幾惹味。照燒汁煎乾蒜美國牛柳粒好腍，入味，有DD咸，粒數都多。紅桑子廉芝士奶蓋乳酸飲陣味我老公話似跌打酒，哈哈凍牛奶可可朱古力 少冰一般，朱古力味唔夠濃。…Read More

要覆診，醫生去左巡房，姑娘叫去食嘢。一出醫院見到近，但Openrice 食評麻麻，企左門口睇餐牌一陣，個店員姐姐幾好有介紹可以食咩，熱情難卻就入去試下。裝修茶餐廳家庭式咁，一座低有杯茶飲，個味道飲落係龍眼茶呢個好好，加分。事關我近排入親啲餐廳水都無杯，問一下拎一杯甘。店員姐姐可能見我一個人都會撩下我講野。介紹左廚師係越南人。話正宗既！我病麻，想食清清地叫左個牛肉炒芽菜未除口罩陣香味都已經聞到，條條芽菜都肥嘟嘟，肥牛片，洋蔥，蒜片，蘿蔔絲炒埋一齊。仲有香料。有鑊氣，啲芽菜”索索”聲仲叫左個大蝦米紙卷要配返佢個撈檬汁，單食就清左啲。入面有米粉，蝦，酸青瓜蘿蔔絲，乾蒜。個米紙都有味咸咸地。下次可以再encore, target 係牛油雞翼，同老食Ps 真係清曬碟架！有圖。呀，佢係淨收現金💰…Read More

又係4個少婦北上娛雪⛄️，撘高鐵🚄前，食過all day breakfast 先！我係第一個客到餐廳！其餘2個未到，scan 下有咩食先。跟店員撘下嘴有咩好食😋其餘少婦未到，幫佢地落單，就快脆打卡食完去撘鐵！睇嚟好似貝果🥯最吸引🤩叫左1.煙三文魚牛油果蕃茄他他原味貝果2.豬柳香蔥滑蛋漢堡配薯條加8蚊轉竹炭貝果轉沙律3.香辣秘製糖漿脆炸雞配竹炭貝果仲打包左個煙三文魚牛油果牛角窩夫比S少婦，佢話ok, 個窩夫都係脆既，啲餡料係分開裝。好食😋賣相靚靚之餘，都好食😋。仲有個鞦韆打卡位，但影相📸️位置比較窄，企到入人地廚房映🤣下次有機會要high tea 先！…Read More