LeCFox's Profile

叫左兩個早餐外賣自取，過左等候時間近三十分鐘都未有得拎，而不停出後過我落order嘅單。見到出餐次序唔合理，於是向職員查詢，結果只叫我繼續等，冇幫手檢查係咪漏單。到終於整好，職員就催促我拎走自己個餐，我甚至都未有機會檢查清楚個餐係咪自己嘅，佢已經開始不停呼喝，態度惡劣。返到屋企發現果然有出錯，原本我叫熱朱古力，餐廳就比左熱華田，而杯蓋已經寫明左一個田字，如果職員有對過單，根本唔會出錯。亦有可能係餐廳冇晒朱古力，所以冇問過客人就擅自比華田，想瞞天過海。食物質素就正正常常，扒餐唔好食亦都唔難食。我仲加左個通粉，覺得個湯有好多茶餐廳都會比佢整得出色。整體而言，唔推薦。…Read More

lunch叫左個外賣自取，拎嗰陣發現比漏左份多士，好彩發現到，行左幾步返轉頭，餐廳都肯比返我，到食嗰陣發現原來仲比少左份蛋，叫貝殼粉又變左做螺絲粉，十樣野錯九樣，唔知間餐廳搞乜…Read More

兆萬出名放題多，以前覺得價格算平但質素麻麻，不過呢間令我對兆萬放題另眼相看，款式足夠，味道都唔錯，而且冇漏單情況出現，員工都好主動，態度又好，整體黎講性價比幾高。…Read More

下午茶去左呢間，10分左鐘左右就安排到位，坐低叫咗個炒麵同熱狗，等咗15鐘左右食物就到，味道ok，係鹹少少。只係，有個中年女員工態度令我好反感(其他員工冇問題)。當時鋪內唔算多人，入座時見到座位上有倒瀉飲品嘅污積，於是我好聲好氣想叫嗰位員工比幾張紙巾我自己抹一抹，佢叫我等一等，點知一等就個幾字，期間佢周圍去幫人落單無視咗我，我就企喺餐廳走廊等佢個幾字(絕對唔會係一時唔記得左，因為鋪面開揚，有客人企起身個幾字一定全場都見到)。唔緊要，不過最後嗰位女員工將成棟未開過嘅紙巾大大力就咁掉係我枱面，就走左去，即係想我幫佢fill埋紙巾咁話？本身比佢無視咁耐已經燥燥地，仲要用咁嘅方式比紙巾我，即刻嬲到我彈起。我知客唔係大晒，員工真係唔得閒我咪等陣囉，問題係鋪內員工有好幾個，下午茶客量又唔算多，我都冇話佢張櫈比飲品倒濕咗都唔清，佢就黎發返我脾氣先？唔係呱？就算幾好食以後都唔會再去。呢個鋪位嘅茶記轉過幾手，以前幾手整體都唔錯，今次呢手係印象最差。可能3好茶檔係唔包禮貌好啦。…Read More

疫情之下食多左外賣，呢段時間大部份餐廳外賣自取都有折，呢間黃大仙板長壽司就岩岩相反，丼飯外賣自取冇折不但止，仲要加一，比錢個陣收銀冇提醒，我都係比完錢見咁貴先發現。唔知外賣加一係咪已經好普遍，但就我個人而言，堂食有享用侍應服務嘅，應該加一/比tips，但外賣冇享用侍應服務嘅，就冇需要加一/比tips，最多比返外賣盒錢就合理d。食物方面，味道係ok嘅，但都有可改善嘅地方，例如蟹肉碎有蟹殼，魚生薄ee，細過零食牛肉乾，有d搵笨。價格同質素相比之下，我寧願去返同一商場嘅和氣食堂，起碼個人地d魚生厚切又大大塊塊，質素又唔差。…Read More

近排疫情關係，都係食外賣自取多，而呢間餐廳處理外賣單時情況較混亂，出單唔順先後次序，等左超過半個鐘，催左幾次先出黎，係我之後落單嘅客人都已經走晒。我叫嘅豬扒蛋飯一直唔係d要等好耐嘅飯餐，唔知係廚房漏單定點，反正最後都冇解釋。另一個問題，係食物嘅乾淨程度略嫌不足。今次叫左個豬扒蛋飯，d配菜食幾啖見到一隻菜蟲，食多幾啖又見到一隻菜蟲，令我好懷疑餐廳究竟有冇洗乾淨d配菜先整比客人食。食物味道係ok嘅，但以上兩個情況建議呢間餐廳改善下啦。…Read More

多數lunch去食，一直覺得呢間不過不失，所以都常幫襯，直到有次叫左個洋蔥汁意粉，d意粉仲林過糊仔，d汁又鹹，就決定唔會再食呢間餐廳。茶餐廳黎講，呢間唔係特別平，食物冇乜特別出色，而且唔知係咪收銀心情唔靚，態度時好時壞，比錢都要睇佢面色。…Read More

冇乜特別亮眼嘅菜式，食物質素同一般港式餐廳無異，但價錢就差一大折，係貴過合價錢好多。環境方面又唔係話特別好，算有正常商場餐廳水準，除左間唔時有未收拾好嘅枱外，尚算合格。侍應質素就好唔掂，態度差，座位安排混亂，目測員工都有唔少，但多數行行企企，有客人叫到又回應得十分唔情願，對餐廳印象大打折扣。…Read More

我同朋友第一次黎，唔知有兩度門。我地係商場入面度門入左鋪，當時員工話冇位叫我地出去等陣，咁我地就出番商場內個入口等啦，等左20分鐘，個員工又行出黎叫我地去另外一個門口重新排隊，我地追問點解，佢就話個個先係正門。首先，個位員工態度惡劣，唔承認自己比嘅指示不足。如果當初我地入錯門口，係咪應該講明叫我地去正門排隊，而唔係指示我地出番商場內門口等? 第二，該員工指商場內度門已經貼住左張紙話呢個唔係正門，但當時度門打開左，張紙已經唔係面向客人黎到就見到嘅地方，係咪應該有更清晰指示?最後我地白等左20分鐘，一肚氣，冇去重新排過隊，亦冇心情試入面嘅麵，係非常唔愉快嘅經歷。…Read More