Tung02's Profile

荃灣路德圍附近有好多野食，今次去到想食車仔麵。呢間地道館麵軒好似幾多選擇，又係同路人💛一於試試.湯麵+秘製汁(小辣)三餸：豬大腸(+$3) +蘿蔔+豬皮 共$43豬大腸唔會有陣臭豬味，煮得夠淋。豬皮本身係小辣，唔會淋到爛。蘿蔔無根，夠入味👍🏻秘製汁略嫌唔夠濃，比較稀但有啲鹹，另外仲有四種湯底。.整體：服務態度好，價錢合理。環境同餐具乾淨，唔會好大陣油煙味，餐具同枱面唔會油。餸嘅份量足夠，湯底可更濃。…Read More

去到尖沙咀想食漢堡，即起諗起嘉寶！排隊排左十分鐘左右，揀漢堡又心大心細，樣樣都想試😆.香辣煙肉蘑菇芝士牛堡 $50⭐️⭐️⭐️⭐️ 4/5牛堡嘅命脈就係牛，塊牛肉好多肉汁、好厚😋加埋煙肉、芝士就好香。香辣醬好特別，唔會太辣，食開小辣嘅朋友都可以試下。不過食到後尾有少少膩，要飲返啖凍檸茶中和下😂.日式芥末蝦堡 $42⭐️⭐️⭐️⭐️⭐️ 5/5蝦肉好彈牙、好厚👍🏻(蝦滑最忌就係打得唔夠一咬就散😣)。得芥末醬同蝦肉都好好味，唔洗搞太多花樣，最重要係唔會膩！.炸燒賣(6粒) +$15⭐️⭐️⭐️⭐️ 4/5有少少椒鹽，炸得夠乾.薯條 +$15⭐️⭐️⭐️⭐️⭐️ 5/5粗薯條，份量多，醬料係自助.整體：坐得舒服，漢堡好食又抵食，員工態度一般。…Read More

行完街去揾野食，見到ASAP個海景覺得好吸引😍餐點選擇都好多，決定試一試！.特濃咖喱牛肋肉滑蛋蓋飯 $78⭐️⭐️⭐️⭐️⭐️ 5/5日式咖喱最怕係太甜，呢個濃淡度剛好，牛肋肉唔會太硬。整個組合好夾，飯量好足夠.是日餐湯 +$8⭐️⭐️⭐️⭐️ 4/5當日嘅餐湯係粟米濃湯，不過不失.粉紅玫瑰綠茶 +$5⭐️⭐️⭐️⭐️ 4/5玫瑰花味好香，不過綠茶味唔出🍵鐘意飲玫瑰花茶嘅人就會比較適合♨️可惜只有熱，夏天有時唔想飲熱....整體：環境、餐具都好乾淨，坐得舒服，員工態度良好。食物有好多選擇，餐牌都有幾款。睇到海景，加上好嘅食物質素同合理價錢，令我好想再嚟多幾次👍🏻…Read More

好多人推薦呢間唯一，所以就襯平日嘅下午茶時間先去食，但都要等位。鋪面唔算大，但坐落唔逼，衛生情況一般。.[腩肉+雲吞米線] $47⭐️⭐️ 2/5腩肉：同平時嘅米線舖唔同，佢食落好”鞋”好柴，份量夠多但食落好一般。雲吞：皮超級厚，肉餡好少。湯底偏油，但唔會死鹹。有汽水、冬瓜茶等枝裝/罐裝飲品。.整體：可能聽過唔少好評，所以覺得有啲失望。我認為唔值得排隊食，食到一半已經唔想食餸淨食米線，喺荃葵青絕對有更好嘅選擇。🌝…Read More

去到大圍，唔少人推薦坤記腸粉。望落係鐵皮屋，橙色綠色手寫餐牌，就覺得好地道。.[腸粉] $10/4條[燒賣] $8/6粒⭐️⭐️⭐️⭐️ 4/5腸粉夠滑，麻醬甜醬夠味.[豆漿] $11⭐️⭐️ 2/5雪到有啲變冰，飲落有啲渣.整體：雖然有部風機，但夏天去食真係好熱。環境唔太乾淨涼爽，喺附近可以食，無需特登去。…Read More

想食牛腩麵、雲吞麵，喺荃灣路過嚮腩。有時見有人等位，感覺應該唔錯。港式粉麵黃店唔太多，Check過唔係藍就入左去。🙈門口量體溫，可以填表/掃QR Code。.[牛腩粗麵] [牛筋幼麵] $33⭐️⭐️⭐️⭐️ 4/5牛腩有少少肥，但唔膩同埋唔算太”嚡”，夠入味。牛筋彈牙，唔會太”漿”口。麵有啲鹼水味，不過可接受。.[五香牛雜飯] $49⭐️⭐️ 2/5牛雜飯嘅牛雜食落無湯麵咁夠味，飯唔夠汁有啲乾，餸少飯多，整體唔推薦。.熱飲 +$5 凍飲 +$7凍檸茶、鴛鴦奶茶都可以，茶唔會澀，建議少甜 .菜 +$10腐乳通菜，味道正常無特別，份量夠.整體：價錢經濟，員工態度幾好，餐具乾淨。…Read More