明將食家's Profile

明將食家表示，茄牛麵味道很住家，因為跟在家煮的真的一樣不難吃但不驚人。首先茄牛麵蕃茄味不太濃郁，跟麻油味混在一起，麻油味比重卻和蕃茄味一樣，很一般。奶油多，正正常常，但18蚊略貴，相比之下，遊客最愛的集團茶餐廳的奶油多反而更好。明將食家認為，這裡是追求懷舊體驗之選，食物OK，但也只限於OK。…Read More

首先我地一行四人，點左避風塘炒蟹，招牌炒麵，蟹粉拌豆腐，椒鹽九肚魚，招牌炒麵OK既，但真係OK啦，同我去街邊店買廿蚊一碟完全無分別有咩咁招牌？ 蟹粉拌豆腐同炒蟹，食落完全唔新鮮，一陣怪味，其他人食完都呆左，咁既價錢竟然好似過期野食咁?椒鹽九肚魚諗住實冇死啦，點知咸過咸魚。 最有問題唔係食物，係服務態度，大佬我地唔係幫襯茶記，而且茶記都有好服務態度!但呢間野裝修就靚價錢就貴喇，但服務就九流，次次碟菜到都係扔落台咁既款，你當食客係咩先? 想食野食落單，又十問九唔應。絕對冇下次。…Read More

今日行行下，經過見到呢間亞之媽，韓國野呢排岩，就入左去食個lunch一入到去，侍應好快手將份menu一野扔埋黎，哈哈...我當堂嚇左一跳，然後得啖笑:)。睇左陣決定叫泡菜炒豬肉飯 & 全州牛肉撈飯，不過呢度侍應阿姐，由行埋黎到落完單行開，或者扔menu、拎水比你時，全程都唔會出半粒聲，好似心事重重咁。雖然都想打開佢既心窗，等我唔駛好似欠左佢咁，不過野食到喇，唔諗咁多食野先。全州牛肉撈飯，佢比左一支辣醬我撈飯用，個飯算唔錯 (比起服務)，都算好開心，飯份量好足，不過係冇咩牛肉。食左幾啖飯後，支辣醬就比阿姐拎走左，氣氛一時間靜左，真是估你唔到，哈哈，估唔到支辣醬居然係拎黎比我裝飾用。之後又估唔到，就係我未食完又未埋好單之際，阿姐就已經帶另一位客人黎我地張台則邊等，不過都好，可以快d逃離間餐廳，未尚唔係件好事。總括黎講 - 得啖笑:)價錢唔平但服務差過茶記既韓國菜餐廳。…Read More

晚飯後想吃甜的，就坐下了。記得在將軍澳分店吃過比利時窩夫，蠻好吃的，有點想念就點了。店裡共有三位侍應，其中一位女侍應竟然在替另一位梳辮子，有位客人叫了良久都沒理會，餘下的一位侍應只站在某一角，完全沒有時刻留意客人需要。之後梳辮子的那兩個女孩依然在玩樂，偶有食物要送卻邊拿着電話邊端盤。她先端來了同伴點的焦糖燉蛋，不錯 :)再來我的窩夫，淋上了朱古力醬，急忙吃一口，哇塞！沒有蛋香味也沒有牛油味，只有滿口面粉的感覺，吃下去像糕點多於窩夫，外皮更不夠鬆脆，跟將軍澳分店的比差遠了 非常失望，伴碟的vanilla雪糕雪太凍，中間有小冰塊新鮮水果算最好了，這大概是值五十元的原因？今晚以這頓甜點作結真是個錯誤選擇。…Read More

下班到尖沙咀，約七時十五分到達餐廳，不用等位子真好。兩個人的晚餐，點了三道菜跟飲品。約十分鐘後第一道菜就送上了，是我愛吃的炒芥蘭。急不及待嚐味，我想是用蝦醬炒成的 (？)，可惜調味醬的味道不突出，只有陣陣咸味，更沒有芥蘭獨有的甜味，菜的溫度也不夠熱，只是微暖而已。吃着吃着，其餘的食物都送上來了。第一次吃椰汁辣飯，因為我不大能吃辣的關係，點的時候特別問侍應辣度如何，她說不蘸那些伴飯的醬汁就不辣了，我嚐了一口，一點都不辣啊！還帶有甜甜的椰汁味，盤上還盛有花生銀魚跟蛋，拌在一起不錯吃，我想那位侍應根本沒嚐過這道菜吧。最後的沙嗲串燒 (點了豬肉跟雞肉串) 也送來了，伴着青檸梳打邊吃邊喝，喜歡沙嗲醬裡有花生粒，可是肉質卻不大好。食物質素實在麻麻，主要是餸菜的溫度不夠熱，所有菜都只是微暖。P.S. 旁邊那枱外國人結帳時說了句：oh, it's quite expensive!…Read More