ching_920's Profile

北角超抵食星馬菜！$200有找二人餐，海南雞飯+咸蛋魚皮正到爆！人均$70-90（晚市套餐平到笑，仲要夠飽！） 亂入呢間星馬菜，本來冇期望，點知一試馬六無骨海南雞飯，哇～雞肉滑到識發光，油飯好香，仲要唔會太油膩，啖啖肉冇骨，懶人恩物！馬拉盞通菜，炒得蝦醬味濃但唔會咸到飲水，送飯一流！ 最驚喜係咸蛋黃炸魚皮，脆到「索索聲」，咸蛋黃多到黐住晒個口，邪惡但停唔到口！食完飲返杯桂圓紅棗茶甜度剛好，暖粒粒好舒服～最後仲有叫左美綠哥斯拉（即係美綠恐龍？🤣）超濃朱古力味，飲完成個人開心晒！ 環境方面：小店格局，坐得闊落又乾淨服務方面：員工個個都好快手，落單5分鐘左右就上菜！見我影相仲主動話：「後生女，趁熱食啊！」人情味加分～ 🌟 必點推薦咸蛋黃炸魚皮**（脆到癡線，必叫小食！） 美綠哥斯拉**（朱古力控會瘋狂～） 200有找食到捧住個肚走，仲要樣樣高質，北角街坊有福了！如果嫌茶記悶，呢間絕對係平民星馬菜首選，性價比爆燈，回頭率100%一個人去食的話，建議叫1人套餐，$90有交易，仲平過茶餐廳！😎…Read More

餐廳位於博覽館站B出口行2分鐘就到，超方便👍主要以健康輕食、咖啡同花茶為主，食物好精緻又靚，絕對係休閑及打卡集合之地📸✨餐廳環境真係超舒服，以木系色調為主整睇睇落好有透光感加埋花草🪴綠化植物🌳走入去🍴感覺好有朝氣同好Relax ☺️休閒放鬆💚牆上設計好似飛機窗口,同埋掛住花既🪻標本，襯托得好有特色，確實同wwwtc mall的Tomacado花廚有唔同嘅感覺，超級療癒🌿🍝壽喜燒·意大利粉Sukiyaki Angus Beef Spaghetti意粉沾滿壽喜燒汁,入口甜甜地加上牛肉、香菇同洋蔥,口感好豐富,估唔到成件事夾到,好味🤤🥗蜂蜜烤南瓜田園沙律Honey Roasted Pumpkin Salad分量好足,有南瓜、牛油果、鷹嘴豆、堅果同雜菜,清新健康,好fresh🌿🥐西班牙火腿芝士牛角包Serrano Ham and Cheese Croissant上菜個包仲係暖♨️牛角包好酥脆軟熟,裡面有西班牙火腿同芝士，帶有牛油香味，小編好鐘意食包🥹所以覺得真係好好味‼️推薦‼️🫖蔓越莓花果茶Rose & Cranberry Fruit Tea有玫瑰花、蔓越莓同蜂蜜,飲落去甜甜地酸酸地,清新又香甜,幾開胃,係養生及轉季時嘅完美選擇🌸☕️黑糖火山Dirty Brown Sugar Coffee咖啡同奶比例剛好,香濃可口,賣相唔錯,咖啡杯好似富士山🗻咁～黑糖溶得快，如果要打卡的話記得要快手啲😆真係相機食先📷…Read More

今日同死黨喺旺角血拼到腳軟，5點半衝左旺中對面地下間cafe「Couch CLUB」趕尾班下午茶～Tea Set價錢100內～ ⭐️黑松露粗管通粉一上枱就香到暈！黑松露醬好多，但未至於話超級濃嘅黑松露味道，味道啱啱好～每條粗管通粉都掛滿creamy醬汁，咬落去仲有爆汁感覺～隔離枱個哥哥仔忍唔住問我哋叫咩咁香啊哈哈！跟餐在叫左杯熱伯爵茶，茶味甘香，完美中和膩感～全部食曬！😂甜品控必嗌！招牌提拉米蘇波波（含酒）！係軟綿綿嘅 mascarpone 芝士同底既酒餅～酒香同咖啡苦甜交織，都唔錯～加錢叫咗杯⭐️熱宇治抹茶拿鐵，茶味濃到似去咗京都！奶泡打得細密，飲落順喉唔澀口，仲有靚靚拉花～打卡一流！唔會好甜果種！另一個Tea Set揀咗⭐️番茄香草肉丸意粉，肉丸大粒又juicy，番茄醬係新鮮熬製嘅，酸酸甜甜好開胃～加配左清香嘅熱洋甘菊香柚綠茶，解膩又refresh！ 環境方面都唔錯～坐得超舒服，店員態度友善，唔會催你交枱，我哋攤到7點幾先走都冇黑面～ 一百蚊內食到高質Tea Set，味道、環境、服務全部在線！絕對係旺角鬧市中嘅Hea爆勝地～會再encore！ 溫馨提示：下午茶時段到6點，想試就要早少少到，一個set一般$100內左右。…Read More

今日過開澳門，專登試吓呢間「葡頌苑」。鋪頭細細，但坐得幾舒服，有種家庭式小店嘅感覺。叫咗兩個菜！1）葡式炒牛肉粒2）葡式經典椰汁非洲雞2款都唔錯！好好味👍牛肉粒一上枱就聞到好香蒜味，鑊氣夠！牛肉唔韌，仲有肉汁，撈埋啲洋蔥同青椒一齊食，好惹味，送飯一流。不過略嫌油咗少少，如果怕膩可能唔太啱。至於個椰汁非洲雞，真心有驚喜！醬汁濃稠，椰香同黃薑味平衡得好好，唔會一味的死鹹或者得太辣。雞肉煮得啱啱好，好滑，吸晒啲汁，仲有少少花生碎增加口感，層次即刻豐富咗。點埋個蒜蓉包，真係連汁都想清埋！整體來講，性價比幾高，兩個人食到飽飽都係三百零蚊澳門幣。如果鍾意食濃味同醬汁豐富嘅葡國菜，呢間絕對好ok。會再encore！…Read More

今日同Friend去咗旺角呢間以月球同星空做主題嘅餐廳酒吧，一入門口已經覺得好有型格 vibe，成個環境暗調得嚟又帶住浪漫星空感，每張枱都有個月球波波燈🌕，真係未食先興奮，一定要讚呢度嘅環境真係 chill到爆，音樂揀得好，氣氛💯。✨ 小食：▫️Nyonya Curry Baked Beef Tongue 牛舌厚度切得剛好，唔會薄到冇口感，又唔會韌。配上娘惹咖喱同半溶芝士一齊焗，邪惡但好難停口！薯仔脆片吸晒啲咖喱香，好夾。▫️Fried Bombay Duck With Salt And Pepper + Thai Chili Sauce 即叫即炸九肚魚，超大盆！炸粉超薄，咬落去「索索聲」，椒鹽調味剛剛好，點少少泰式辣醬更加開胃～🌙 Main：▫️Edi Lobster Sauce Udon with Crab Meat & Jumbo Crab Stick 龍蝦汁超濃郁，掛汁力極高～每條烏冬都沾滿醬汁，蟹肉份量唔吝嗇，仲有勁巨型蟹柳，鮮味十足！▫️Beef Steak Poke Bowl 健身人士必嗌！牛肉唔乾唔柴，牛味出，配上藜麥飯、溫泉蛋同新鮮蔬菜，健康得嚟又好味，絕對係良心製作❤️🍹Cocktail ：♍️ Virgo (處女座特調) 酒味偏輕，易入口，帶莓同花香味，啱晒怕濃酒味嘅朋友～打卡靚之餘味道都好平衡！🍋 New York Sour Classic cocktail之一，威士忌底帶檸檬酸甜，面層仲有紅酒做成分層效果，靚到唔捨得搞渾～味道有層次，酒感較明顯，推薦給喜歡濃口味嘅人。Jmoon 無論環境、食物定飲品都有高質表現，係旺角鬧市中一個可以真正 chill 下來嘅空間。會再encore！✨…Read More

銅鑼灣呢間「重房」Omakase，隔咗一年再訪，水準依然keep到！今次帶朋友嚟試佢哋$798嘅lunch set，由前菜到甜品足足14道，真心抵食！前菜秋葵蟹肉配胡麻醬清新開胃，蒸蛋嫩滑到不得了，仲有滿滿蟹肉！生蠔🦪更加係驚喜，柚子啫喱汁+自家製三文魚子，賣相靚到唔捨得食，入口鮮甜爆燈！牡丹蝦配上鳳凰蛋黃醬同虾膏，仲有食用紫蘇花點綴，花香同蝦鮮味撞出層次，正到咁！壽司環節每款都有心思～左口和牛配酸汁jelly減膩感，藍鯨拖羅脂肪分布靚到似藝術品！特別鍾意網燒深海池魚，逼出魚油香氣，入口即化。馬糞海膽手卷用咗風州紫菜，海膽鮮甜零苦澀，紫菜脆到「索索」聲！尾聲嘅魚湯烏冬絕對係隱藏王牌！湯底熬足8小時，魚味濃到似飲緊精華，飲完成個人暖笠笠～甜品櫻花福餅軟糯微甜，為成餐畫上完美句號。環境舒服師傅又好傾，呢個價錢食到咁高質omakase，銅鑼灣來講真心推介！記得提早book位呀～…Read More

呢間波爾圖葡撻真係唔錯！葡萄牙主廚手工製作，每口都食到用心。撻皮用法國頂級牛油，酥脆香濃，入口即化；再配上日本生食級夢王蛋，蛋香濃郁又滑順，口感細膩。無論係抹茶、波特酒、開心果定朱古力口味，都好有層次，份量唔大但夠精緻，啱晒下午茶時光。😋買左呢四款葡撻食！真係精緻又有特色❤️1) Matcha Mille-Feuille Egg Tart抹茶味濃郁，帶微微苦甜，層層酥脆撻皮配滑順蛋漿，好有日式風味2) Port Wine Mille-Feuille Egg Tart用波特酒入味，芳香獨特，甜而不膩，酒香同蛋香完美融合3)Pistachio Mille-Feuille Egg Tart開心果香濃郁，口感豐富，微脆的層次帶出堅果天然甘甜4) Chocolate Mille-Feuille Egg Tart朱古力味香滑濃厚，撻皮酥香，甜度適中，係朱古力控嘅至愛。每款都用日本生食級夢王蛋同法國頂級牛油打造，滑順又酥脆，好正！😋…Read More

今個母親節，去咗一間食冒菜餐廳同媽媽食，試咗佢哋嘅母親節小炒套餐，真係好抵食！整個套餐只需要$358，個個都食到好飽～🌟套餐：有2款小食+1款川菜+2款小炒+1湯 ✨小食-涼拌鼠耳：鼠耳切得薄薄嘅，口感脆口，好似雲耳，比雲耳細少少🤏配上香醋同埋蒜蓉，味道清新爽口開胃😋✨麻辣豬耳絲：味道有啲辣味，豬耳絲嘅質感滑溜配左麻辣醬，好味👍✨主菜-烏蠅酸菜魚：跟套餐既份量估唔到都好多好足料！魚肉鮮嫩，酸菜嘅味道岩岩好👏🏻唔會太酸～✨湯-芥菜鹹蛋湯：以為會苦，點知飲落好清甜，鹹蛋香味融合咗芥菜，飲落去非常舒服，好適合而家呢慣天氣飲，令人好開胃🤤✨小炒-蟹黃豆腐：豆腐滑嫩，好有蟹黃嘅香味😋香味融入豆腐入面，推薦👍✨粉絲蝦煲：佢哋用咗個小爐煲住粉絲同蝦，感覺好似打邊爐，蝦肉新鮮，粉絲吸收咗所有湯汁，味道好濃郁👅餐廳仲提供無酒精飲品，自助飲品只需$25/位，可以隨便享用，選擇多樣，我叫左黑糖桃膠鮮奶，味道香甜，唔會太膩。…Read More

今次我去到銅鑼灣，一間主打飛機貨的日式料理，真係平民價！早就聽聞呢間餐廳性價比高，午餐定食set只需$100-150，絕對抵食。不過有時會見到人龍，建議早啲去拎位。一入去餐廳，映入眼簾係好多日式燈籠🏮，整體氛圍好有日式風情。環境都幾大，有吧枱位同卡位，坐得舒服。落單用掃二維碼，午市定食選擇多到令人眼花撩亂，生熟類都有，真係好難抉擇。我最後揀咗壽司定食，內容包括十款壽司，仲有沙律、茶碗蒸同埋味噌湯。壽司入面有鮭魚、赤身、油甘魚、鱆紅魚、日本魷魚、赤海老、玉子、蟹籽、蟹肉蟹膏同鮭魚青瓜卷，兩排上下整齊排列。每款壽司都係大路款式，味道都好正。油甘魚同鱆紅魚切得比較厚，入口幾滿足；飯粒唔會一夾就鬆散，咁食都已經飽肚。茶碗蒸熱辣又滑，食埋之後更加飽。飲多杯茶，呢個價位真係無得輸。仲單叫咗好多其他菜品，包括：- 日本兵庫縣赤穗生蠔（隻）- 燒三文魚腩- 味淋魚乾- 日本甲紋魷魚（4片）- 活紅貝刺身（2塊）- 牡丹蝦刺身（2隻）- 牛油果大蝦蟹肉沙律配柚子汁- 火炙三文魚- 三文魚籽軍艦- 青瓜小卷- 牛油果軟殼蟹卷每一樣都好有水準，食到好開心！…Read More

今晚我去咗一間朋友介紹嘅日式居酒屋，呢間店唔難搵，因為佢靠近地鐵站，交通方便。餐廳設有outdoor位置，特別係天氣好嘅時候，可以坐戶外，應該會非常舒服。我點咗啲菜色，全部都係菜單上帶大拇指嘅推薦。日式串燒講求食物本身嘅味道，真係好吸引。雖然有好多炸物都幾好睇，但因為今次叫咗太多野，所以冇叫到，下次再嚟一定要試下！今次叫咗：蟹籽野菜沙律：新鮮嘅蔬菜配上蟹籽，口感清爽。刺身盛合5點：有油甘魚、帆立貝、牡丹蝦、三文魚同池魚，每一口都係享受。枝豆（鹽味）：鹽味適中，開胃又好食。鱈魚乾：咸香可口，適合配酒。月見海膽拖羅杯：海膽嘅鮮味好突出，底部嘅拖羅配合得非常好。牛肉重喜火鍋：牛肉質地滑嫩，湯底濃郁。牛油果軟殼蟹卷：軟殼蟹外脆內嫩，牛油果又增加咗香滑感。火炙左口魚邊寿司：每一貫都火炙得剛剛好，味道濃郁。串燒方面：塩燒白鱔：鹽燒嘅白鱔肉質鮮嫩。雞中翼串燒：外脆內嫩，醃製得恰到好處。牛肉芫荽卷串燒：牛肉同芫荽嘅味道結合得非常好。松葉蟹肉壽司：蟹肉鮮甜，壽司飯黏度適中。中吞拿魚腩刺身：兩片厚切，肉質鮮美。三文魚籽壽司：一口咬落去，滿滿嘅海味。整體嚟講，呢間居酒屋非常滿意，食物新鮮，環境舒適。期待下次再來試更多美味！…Read More

又去左尖沙咀新韓國街覓食，試下佢哋推出嘅全新優惠必點BBQ晚市套餐！套餐有兩款肉可供選擇，分別係豬肉同牛肉。我最後選擇咗牛肉set，價錢係$388，包括一份牛肉同兩份主食。一進去，餐廳就送咗好多小碟前菜，每碟都好入味，真係令人食到停唔到！如果唔夠仲可以再添，真係好貼心！而且，食BBQ嘅時候，仲會送生菜，方便包住肉食，非常正！餐廳環境好大～唔會好迫好嘈果種～另外餐廳采用無煙爐，食完唔會成身BBQ味！我最怕食完一浸味！牛肉set入面有BBQ板腱肉，肉質鮮嫩份量夠曬2個人食，呢款肉因為無咩肥肉，口感十足～另外有石鍋拌飯，飯粒粒分明，配上各種配料，去埋餐廳醬汁拌一拌就好有味道。再加上辣海鮮豆腐湯，湯底鮮美，豆腐滑溜，海鮮味十足～其實兩個人食呢個餐都已經夠晒飽，不過朋友話想試多樣嘢。所以再單點咗一份紫菜包飯，咬落去好有口感，今晚真係食到好滿足！整體來講，喺尖沙咀呢個地段食晚餐，環境高質又舒服，仲可以同朋友開心傾偈，最重要係$500就可以埋單，真心覺得好抵！性價比唔錯，大家如果有機會，真係值得一試！…Read More

最近我去咗一間越南餐廳，佢嘅門面設計真係好靚，開放式的風格令人感覺好開揚，空間感十足，坐落喺咁嘅環境中，心情都會好好。我本身諗住試下佢哋嘅全港首創——小黃牛肉粉，但去到餐廳一問，竟然賣曬！真係好可惜，心裡面唔免有啲失落，唯有下次再嚟試啦。幸好我哋仍然試咗幾樣其他菜，首先係辣林殊炒大蜆（Chilli Clam）。呢道菜色香味俱全，蜆肉鮮嫩，配上香辣嘅調味，非常開胃。每一口都充滿海鮮嘅鮮味，特別適合喜歡辣味嘅朋友，食完之後忍不住想再點多一盤！柚子沙律（Pomelo Salad）呢道菜真係好清新，裡面有生菜、胡蘿蔔絲同埋香甜嘅柚子，味道酸酸甜甜，十分開胃，對於想要輕食嘅人來講，絕對係一個好選擇。沙律嘅醬汁亦非常出色，輕輕一淋就令整碗沙律更加美味。生牛河（Raw Beef Noodle）煮得岩岩好，加左新鮮嘅生牛肉，牛肉切得薄薄，質地嫩滑，配上香菜同其他配料，味道相當好，真係越南經典菜式，好味😋雖然未能試到小黃牛肉粉，但呢間餐廳嘅環境同食物質素都讓我留下深刻印象。下次再來嘗試更多菜式，期待可以食到我心心念念嘅小黃牛肉粉！…Read More

最近我去咗尖沙咀全新開嘅韓國街，入面有間由韓國人主理嘅餐廳，名叫BIG MaMa，聽到呢個名就已經覺得好有韓國feel。一入到餐廳，裝潢簡約又時尚，牆上仲有韓國文化嘅元素，令人即刻想起首爾街頭。食左：海鮮辣豆腐湯、鐵板牛仔骨、紫菜包飯同埋前菜辣炒鯷魚。海鮮辣豆腐湯湯底香濃，味道正！豆腐滑溜，仲有多款海鮮，食落去非常滿足，辣味適中，唔會太過火，啱晒我呢啲唔太能食辣嘅人。鐵板牛仔骨牛肉煎得香噴噴，上菜果陣仲熱辣辣滋滋聲～肉質夾雜着肥肉一齊，口感好滑，加上餐廳特製嘅醬汁，味道更加升華～整體唔錯～紫菜包飯包得唔錯，紫菜鮮香，內裡包住新鮮嘅材料，咬落去滿滿嘅滋味，實在係一個飽肚既選擇。辣炒鯷魚作為前菜，份量唔大，鯷魚炒得岩岩好，不過味道唔算好辣，適合唔喜歡太重辣味嘅人。…Read More

韓國的美食真係好難抗拒，尤其係尖沙咀韓國街上嘅「Oppa Cafe and Restaurant」。呢間餐廳不單止提供正宗嘅韓國菜，仲有好多創新的招牌菜，無論你係韓國美食嘅新手定老饕，絕對可以喺度尋找到自己嘅心頭好。今次我特意試咗佢哋嘅無骨甜辣味炸雞半份，真係好驚喜！炸雞外脆內嫩，甜辣醬汁包裹住每一口，香氣四溢，令人一口接一口停唔落嚟。雖然係半份，但份量已經足夠，仲可以感受到炸雞嘅新鮮度，真係食過返尋味！另外，我仲試咗韓式鮮蜆湯，呢碗湯令人感覺溫暖又舒適。湯底清淡而不油膩，蜆肉鮮嫩，鮮味十足，配合啲青蔥同辣椒，簡直係完美嘅搭配。飲一口湯，俾人一種回到韓國海邊嘅感覺，特別適合冬天食用，暖胃又滋補。餐廳嘅環境都好舒服，裝潢充滿韓國風情，無論係同朋友聚會或者情侶約會，都非常合適。而且，服務員態度友善，對於菜單上嘅建議都好有耐心～…Read More

最近去咗位於大角咀嘅人氣韓式大排檔，奧運站B出口行5分鐘左右就到。店內裝潢真係好有韓國大排檔氣氛，仲有唔同韓星poster同韓國地鐵站牌🤣好似真係去咗韓國咁～小編一坐低，店員就送咗每人一盤小食拼盤，前菜有四款，豐富之餘亦都十分開胃🤤✨醬油蟹拼盤 $298 （優惠$198）終於食到小編心心念念嘅醬油蟹。拼盤入邊有1隻醬油蟹、4隻醬油蝦以及1碗紫菜拌飯。特別要一提佢哋嘅醬油蟹，係100%使用韓國產最頂級的延平島膏蟹，而且最重要係醬料！使用到黃金秘方調製，加上使用韓國最高級嘅醬油鹽，可以食得出醬油蟹嘅鮮甜，真係令人一試難忘🥹✨芝士鐵板辣炒年糕雞 $168年糕同雞嘅份量都好多。嫩滑嘅雞搭住彈口年糕同邪惡嘅芝士拉絲，口感豐富，令人一試難忘。✨草莓牛奶配蜂巢特飲（二人份）$98嘢飲方面我哋就叫咗呢個，非常打卡able之餘，酸酸甜甜非常解膩，配辣炒年糕一流…Read More