Phoenix_Phoenix's Profile

16/10/2024放午飯時間一個人去咗易牙食,平時每星期都有去支持，但當日食飯食得好唔開心☹️同好嬲🤬 當日有一個黑髮紮馬尾大嬸侍應帶我入去全餐廳最入面個位，都冇所謂反正食完就走。佢要求我坐埋面，個位太窄我稍為將枱移前咗少少，佢就要求我必須個椅背要移返後，頂住個屏風，佢話如果唔係個屏風就會跌落嚟，我話呢度冇警告話個屏風會跌落嚟，如果危險就唔好安排人坐，佢唔理走咗，只係不停返轉頭要我張椅頂住屏風，話唔比移前喎，而家係咪坐監呀？到我要求要辣椒油，第一次佢「筆」得太少，我請佢再比多少少我，佢話要收2蚊，話每一人只可以要一次辣椒油，叫我下次食喇沙，我話餐牌無寫、餐廳亦冇貼住話要另收費先有辣椒油喎，佢又走開咗，我唔食喇沙，食乜都要佢管呀，佢乜水呀！到我比錢嗰時見到老闆娘，我向佢投訴，原來所有嘢都係大嬸侍應老吹，唔好比我講中，佢係因為懶唔想再去「筆」辣椒油先至話要收費！咁懶就返屋企唔好做啦！真係唔怪得越嚟越多人北上消費，就俾比呢啲人板侍應搞砸曬！我寫返我既經歷係想避免有立心不良人士濫收費、避免有我既經歷。食得好唔開心及要受氣就唔好再去幫襯。…Read More

想分享好差既食飯經歷！一個人星期五晚上9:11pm到屯門Vcity炙燒堂食，一早唸定食乜，叫咗個燒日產牛套餐，9:14pm侍應落咗及比埋張單，單上寫住10:11pm離座，但待應口頭話9:30pm last order,要10pm離開。我得一個人，舖頭當時大概6成人，我又點咗牛肉，理應好快煮好同食完就走得。 點知等左23分鐘，我第一次追侍應問係咪漏咗單，佢話整緊，好，咁我再等，大概2-3分鐘，另一位侍應上咗隔離枱既套餐，隔離枱遲我約10分鐘先入座，我第二次問侍應點解隔離枱遲過我到都可以食先，佢話佢點左燒豬肉飯套餐，我話燒牛仲耐過燒豬肉？ 佢er…er..er，答唔出，佢話同我問下，話大概仲有2分鐘；過左4分鐘，都未到，我再追，佢話要多2分鐘，我話2分鐘又2分鐘，仲有幾多個2分鐘要等，之後搞到9:47pm先上菜，我話你9:47pm先上到菜，唔好叫我10pm準時走呀，我食唔切！食咗大概3分鐘，叫我埋咗單先，收錢就好準時，上菜追極都未到，到左10點我仲食緊，個盤仲有未食完既甜品、湯及未飲完既擰水，個侍應仲好意思問我可唔可以收？ 我馬上話我未食完呀（嬲）！！呢間餐廳真係好差，收錢執嘢就準時，未滿座都搞唔掂，做嘢效率真係慢到嘔，如果佢哋真係做唔切，就唔好叫人入座，又催人快啲食完走，13分鐘叫你食曬成個餐，真係好差好差既用餐感受，啲肥牛偏少又油到爆，冇味既，檸檬得兩塊薄如紙，只係得麵豉湯同個米飯係正常，咁樣既質素、侍應廚房既極慢反應速度，hea住做咁，感覺極差，$108蚊完全唔值，貼錢買難受，永遠都唔會再幫襯！…Read More

陪老公擰回鄉卡順便响附近食晏，第一次去，比入面裝修吸引咗，有特色既懷舊風格，見舖頭座位都乾乾淨淨，openrice多好評就試下啦。我點咗個三餸一麵（米線），食到一半，响湯入面見到一隻超大死咗既烏蠅泡緊湯，真係嚇死人，頂！好癲！我立即停咗唔敢再食，堅嬲亦都好想嘔，我將隻烏蠅「筆」咗出嚟放响枱面。付款時，我嬲到忍唔住同職員講返，職員態度ok冇問題，有講唔好意思，我都有唸過唔响openrice度寫返出嚟，但而家過咗幾日去其他舖頭食麵都不自覺唸返起，有陰影呀，所以我真係要抒發出嚟好down，好灰…Read More

第一次幫襯，今晚去食dinner set，相信亦是最後一次。點咗個喇沙雞翼麵，一送到嚟，聞到一陣好臭好臭嘅臭腳味，聞真啲，原來係個喇沙湯傳出嚟嘅味，算，照食，麵入面夾雜好多斷左既米線，湯又咸又辣，只有雞翼係正常味; 紫菜魚蛋湯係跟餐送既，超級勁勁勁勁勁咸，咸到好似飲緊生抽加鹽湯，嘔呀，紫菜亦都好咸，口感似食膠絲咁，魚蛋正常，但浸過湯都係偏咸，盛惠$62，碗臭腳喇沙麵，我食淨大半碗响度，因為啃唔落。食物味道差，員工態度正常，落單到送單都算快，可能冇乜人。…Read More

突然想响lunch食齋，第一次到同德素食，座位幾多，坐得幾舒服，見到有幾個客人都一個人嚟，lunch時間都可以一個人坐一張4人枱侍應有禮貌，我哋唔駛叫都自動自覺主動幫我哋斟水。先嚟左一個湯，入面有菇,夠熱，唔錯。老公點左個拌麵，我就點左一個lunch焗飯。等餐時間正常，我點嗰個焗飯好好食有芝士焗，入面以蔬菜為主，亦加咗牛油果去焗，好有驚喜，最重要係素，食完冇罪惡感（我食咗幾啖，先記得影相）。一定會再去。…Read More

今日响法國飯店（屯門）買左個外賣做晚餐，惡夢從此開始。乾炒牛河$78，全碎！無一條係完整，最攞命係成盒都係𤓓架！一放入口，只係食到𤓓味，完全食唔到，成盒掉左，好垃圾呀，仲寫住係「人氣食物」，真係唔敢唸其他食物會係點。我老公叫左個銀芽肉絲炒麵$73，面底全部都係冧，一條脆都無，未食過咁差既嘢！唔識煮嘢食呢，就執咗間餐廳，唔好整埋啲垃圾俾人食，食壞人。真係好垃圾好垃圾嘅一間餐廳，以後都唔會再幫襯，亦都會提醒身邊嘅人要小心。…Read More