Prettylady's Profile

   3人行, 必有人要食壽司焉。  見旺角新世紀有3間, 就揀間朋友中意既……    裝修既得意, 上網八下原來沖縄都有分店, 感覺好似又安全D。  halloween有朱古力派, 開心野要鼓勵﹗ 叫左兩個set lunch, 一個太卷同一樣新野, 整體唔貴, 幾好食。  燒三文魚餐, 有沙律, 味噌湯, 前菜, 平在凍飲唔洗附加費, 前菜有點兒求其, 沙律同味噌湯ok,  但燒三文魚味道好得, 乾身得來唔會柴皮, 同埋食得出三文魚味道, 你知好多燒三文魚食完都唔知食乜, 呢間幾好同埋唔咸。  牛肉湯烏冬好似越南粉果D咁好多牛肉, 湯超熱都算幾好味。  海鮮太卷超得! 而且100蚊唔洗好爆料! 手工麻麻但食4舊已經飽到唔識講野, D魚好新鮮大大滿足!  呢個松葉蟹甲羅燒有少少將蟹肉同蟹膏蟹子抄埋一碟, 食就好食不過好似有D求其, 多士好似無撈飯咁好食, 有改善空間  …Read More

明珠閣 - 不只叉燒, 還有點心。好耐, 真係太耐無食過傳統正宗點心, 坊間太多sell賣相既新派點心, 或者我太老套, 一成不變。但以前的蝦餃燒賣唔係大粒夾彈牙, 豬有豬味蝦有蝦味? 傳統是什麼, 我地細個既點心係出籠有籠味, 我相信年過28既朋友一定明白我講乜, 我在這裡找到這種味道。是懷念的。蝦餃皮薄, 蝦彈牙大頭而且並唔會拿到無晒味, 燒賣如果少左上面的裝飾品會更好, 想不出food court佈局的明珠閣可做出如此品質, 認真的surprise! 街知巷聞的叉燒我無叫, 最感人的是鮮竹卷, 呢個私人推介: 個湯一定要飲埋, 一個字”好食”。唯獨排骨收尾有D求其, 肥左D。…Read More

當大家都覺得蛋糕是相機食既時候, 我找到了一間蛋糕是我們吃的。看雜誌說這餅店是日本師傅重要係grand hyatt大廚主理, 第一眼是失望的, 沒有一件我覺得外形吸引倒我。無論如何都要一試, 或者雜誌寫得太好吧。外表一個悶字, 究竟你憑什麼? 一叉之下就知真相: Blueberry Lemon Cheese Cake, 滑! 好不平凡的滑! 中間帶少許檸檬香, 餅底結構複雜與平時既cheesecake差得遠! 必吃! 問問waitress, 原來簡單一個Cheesecake都兩個鐘慢煮, 中間打了意大利砂糖蛋白, 更輕柔, 餅底加了烤脆的核桃, 質感滿點。厲害…之後偷對面果個Dome de Manque 咬一淡, 好輕身, 才明白呢個cake贏係贏texture, 中間還帶點酒香, 應該是cherry wine。這才是餅店。…Read More

好友從編輯升到總編, 加薪後第1件事當然係請食飯, 而貴為總編當然要食得夠豪!! 我定9票贊成無得反對下, 決定咗食日本鐵板燒, 海賀。, 拖羅肥到差唔多全白, 肥美到無朋友!!, 肉味非常濃, 濃得似豬肉, 肉實, 質感似濕晒鹹魚, 好特別一定要試!, 淡淡昆布嘅平衡煙肉濃味, 一軟一硬雙重口感。, Pesto用嘅並唔簡單系Sweet Basil還有其他祕密香草, 味道帶Chervil, 龍蝦系活生生咁送上鐵板, 蝦肉彈牙蝦膏幼滑咸香, 將蝦膏溝祕製Pesto, 用龍蝦肉點上, 清新嘅香草味帶出活龍蝦新鮮甜味, 人生一大樂事!, 日本冬菇味道分別唔大, 蘆筍纖維比本地少, 好似肌膚幼滑亮澤, 最大分別系日本南瓜, 南瓜味道濃過本地幾倍, 而且夠滑, 甜到好過食甜品。呢餐真豪, 多謝晒啦總編…Read More

同事生日, 香港九龍新界都有所以都係喺翻尖沙咀最中間。呢個又話唔食壽司, 一個又唔食扒, 又有人唔食辣, 最好食中餐! 美麗華對面夠晒方便, 而且酒店酒樓應該唔會太差掛…咦?原來係whisk樓下, 不過啲波波令樓底睇落好低,呢個一波兩用嘅設計出咗少少錯。 綜合各位意見我哋叫咗最簡單嘅嘢, 塞螃蟹, 半隻燒雞, 翠玉瓜抄瘦肉, 炒咗碟菜,幾個白飯。塞螃蟹有好多好多帶子, 帶子都好新鮮, 滑而且彈牙, 蛋白好實在唔會散晒, 好濃嘅蛋白味道, 下面有脆底似乎師傅想增加口感層次, 好好食呢個塞螃蟹, 但蟹子有少少多此一舉。燒雞皮普通脆, 雞味道亦普通, 麻麻哋。翠玉瓜抄瘦肉抄得夠鍋氣, 翠玉瓜入口爽而且甜, 瘦肉剛熟唔韌, 雲耳比較軟腍, 成碟菜剛剛好有足夠油包住但又唔會油膩到漏到碟邊, 非常好。個菜就鹹咗啲, 無白飯一定會太鹹。最值得扣分有兩個位, 一就係白飯, 好多酒樓而家都會裝飯裝到圓碌碌, 而呢間酒店酒樓就求其咗啲,似住家飯。另外就係服務, 因為我哋講嘢大聲但我覺得男waiter嘅眼神有啲唔禮貌, 其他waiter, waitress都好好。總結翻, Cuisine Cuisine味道方面無乜驚喜, 但比較嚟講就算經濟, 環境非常乾淨, 服務態度可以(我相信是個別問題), 應該比good。…Read More

同男朋友去THE ONE買衫, 好求其食啲嘢嘅心態底下入咗金寶。個海南雞飯幾好食, 飯唔軟唔硬arm arm好, 煙煙靱靱唔錯。 雞算係有雞味, 不過鞋。不過呢碟河粉太難睇!!!!! =…*&全碟都好多汁, 不過味道唔差, 河粉彈牙蔬菜亦爽口, 河粉好易斷, 點都好好似湯粉好難接受。不過好平, 100蚊左右, 無加一, 下次可以考慮。…Read More

食過呢度嘅蝴蝶酥就會一試戀上, 蛋糕款式老土, 但味道穩定, 帝苑餅店係好經典嘅cakeshop。為講呢個蛋糕之前, 我推一推師傅嘅朱古力牌, 我覺得係帝苑嘅signature, 因為啲字係我喺香港見咁多間cakeshop寫得最靚嘅一間。今次試一個綠茶芒果蛋糕, 好男人味, 好濃, 無論芒果味同茶味都過多, 尤其茶味, 好似沖咗壺壽眉食晒啲茶葉一樣, 接受不來, 回甘回幾日。mousse好滑但比較硬, 賣相非常吸引, 一望就想食, 但今次有啲失望喇。…Read More

爸爸車我哋同埋叔叔一齊去鯉魚門食海鮮同大閘蟹, 本身怕皮膚敏感嘅我一於少理, 作戰!龍蝦伊麵好大隻, 芝士太濃有點兒喧賓奪主, 炸生蠔夠juicy, 蒸扇貝就唔夠味喇, 大閘蟹好好食, 我對大閘蟹唔多大興趣但係今次一食食咗6隻!!! 爸爸重教我分男女, 神色紅啲就係女仔, 肉實膏多味濃, 我覺得適合男士多啲; 而男仔蟹就淺色, 林啲啲膏黃色希啲, 似粥狀, 鮮甜帶海水味, 有少少美國生蠔嘅感覺。不過我覺得最好食係椒鹽賴尿蝦, 外面香口裡面啖啖肉, 真係唸起流口水!好耐無同屋企人一齊食飯了, 有啲感概, 日忙夜忙為個家, 但偏偏做做做做到唔得閑理個家, 諷刺。…Read More

一間好光猛嘅鋪頭, 蛋糕款式不多, 是主打麵包嘅綜合式麵包西餅店。用$30買咗杯PEACH AND LYCHEE嚟試, 因為我自己鐘意桃味, 荔枝亦非常夾, 睇下咩味先個樣就麻麻哋, 坦白講喺ELEMENT賣但樣子似凱X餅店, 兩個心心有少少娘味, 而且Portion真係少咗啲, 一個反轉圓桶形但上面就吉咗, 確實有點兒那過。 再講味道, 無論荔枝味同桃味都幾假, 同樣價錢好多好多選擇了, Raspberry新鮮, 但唔係好夾, 整體係唔好味而且好唔底。之前都買過麵包還可以, 但呢杯唔合格。…Read More

底wor, 44蚊有一碗糖水同1個布甸, 久不久會轉款, 同埋唔會因減價而縮水, 好大碗。芒果布甸唔夠芒果, 但布甸好好食wor, 唔會好甜而且我鐘意佢用jelly粉整布甸, 而唔用布甸粉, jelly粉整布甸會通透而且水粉多, 滑但無咁企身, 清啲。 而布甸粉整會好鞋口, 好粉好木糠, 而且有陣膠味。 杏仁茶太稀, 黑糯米太杰, 我嘗試去搞爛一齊食係失敗咗, 一個非常唔應該嘅配搭, 不過真係底食。不過啲staff效率就低, 做嘢好慢。…Read More

同老豆食個lunch, 難得佢百忙中抽時間, 試試近來響噹噹嘅豚王。為免中招, 特意選擇了最安全嘅豚王, 幾好有得圈, 圈豚角, 走蔥。值得鼓勵係筷子用竹, 竹係全世界生長速度最高嘅植物, 即係豚王非常響應環保, 底讚!豚角好鬆化, 但太肥, 女仔無可能接受, 可以叫做好食但太唔健康, 而麵就okay, 簡咗硬又夠硬, 但係湯令我比0分, 因為我同老豆食嘅時候已經覺得好鹹同太濃, 唔知係唔係味精, 之後夜晚飲好多水都喉嚨好痕, 兩個都有少少唔舒服, 又不至於病, 其實豚王服務好好, 老闆好細心好體貼做好多嘢好custom made, 但係味太多了, 唔敢再試。…Read More

早前好友Kuma生日, 成班中学朋友喺東海堂order 咗個kuromi黑森林蛋糕俾佢!老實講, 個蛋糕食既味道講真真係ma ma 哋, 第一個蛋糕底唔夠軟身, 朱古力味唔夠香! 蛋糕中間只有 少少cherry果醬+果肉, 食落又不夠層次感!不過隻Kuromi 朱古力牌又做得幾cute, 初初我哋4個人以為食唔sai, 最後成班人吹吓水慢慢食又搞點佢個蛋糕價錢$168 /磅....都算係感啦! 見到成班老友同Kuma一齊開開心心...我哋都好開心…Read More

我睇完Forum見過有鬆弛熊, 以為可以帶朋友食”雞”, 點知去到已經無咗喇 =( 係老遠已經見倒鋪頭就南瓜裝飾, 期待有得意嘢。哈哈如果有朋友10月生日一定要試下呢個蛋糕, 像真度唔高但極可愛, 玩味甚重, 店員話頭骨裡面味道可以任簡, 甚至cheese cake都得, 個頭裂開流芝士都米話唔搞笑! 我忍唔住訂咗比我老友B先生…之後見倒一個更搞鬼蛋糕, 個樣真係唔之想點, 好似芝麻雞扭曲版, 即買, 店勁hardsell 話係法國dark chocolate, 70度wor, 我都未聽過個朱古力名…樣子非常之…醜, 哈哈哈但其實真係可愛爆, 原來係好好食, 朱古力好滑, 又唔覺得好dark, 不過好mouse, 好多, 好採兩個人share我覺得兩個女仔先食得晒! 呢隻朱古力真係好食過其他牌子, 食到裡面原來係香蕉, 得! 香蕉蓉同朱古力一樣滑, 而且好香, 聞落有好特別嘅味道, 其他朱古力無, 有少少紅酒味, 唔知代表啲咩, 總之好好食。 缺點係漏, 個Ball好大個, 底食不過太大 =(, 份量係女士2人份量, 一對情侶的話又唔夠食…坐得唔舒服, 凳高臺矮, 但間嘢好靚, 級數同其他鋪好明顯唔同, 難怪標價貴人咁多!下次試下鵝肝餅, 聽佢地講好似好好食咁。…Read More

朋友建議要去食韓國嘢, 山長水遠去到後街, 地點已經唔好, 點知嘢食唔得, 服務重差到你唔信!點咗個牛肉飯, 一個好辣嘅湯, 全州雞飯, 海鮮蛋餅, 餃子, 粉絲抄牛肉。牛肉少少霉, 飯好爛(多水), 辣嘅湯辣得嚟無其他味, 全州雞飯雞絲少到離譜, 雞絲好硬, 海鮮蛋餅無海鮮, 朋友問: 海鮮呢? 我真係找不到, 餃子皮可以, 無內容可言, 粉絲抄牛肉普通。座位窄, 超嘈吵, 一邊聽到掉碗碟聲, 一邊聽到鑽牆聲, 我究竟係唔係發緊夢???? 太過份喇!!!侍應都幾無禮貌, 我哋想加order但係佢話唔OK (每枱只限order一次), 出面確實好多人, 但問題係佢喺我哋未食完已經問我哋走未。 一定無下次! 太無禮貌!…Read More

去沙田求其食餐, 因為去越南食過pho 24就試試香港呢間點, 點之變大餐。 同男朋友叫埋同一款粉, 米粉普通, 有少少太硬喇, 可能湯唔夠熱, 不過好多料, 4隻大大隻青口同埋大蝦, 竟然有大蝦, 應該70幾蚊碗, 再加10幾蚊可加豬扒/雞翼或者(好多選擇唔記得全部), 青口okay, 蝦好好食, 頭好多膏我最鐘意, 有菠蘿同辣椒, 同蟹肉做湯底, 好正。值得讚係香草, 雖然我唔知另外果隻咩名但有隻係金不換, 有青檸, 指天椒同一隻好香嘅鹽, 加晒落去好似去咗越南咁, 好正宗嘅做法, 可能特許經營緣故所以咩都要跟足, 我決定以後食外國餐, 日本也好越南也好意大利也好原來特許經營都真係逼倒餐廳做翻當地一樣, 底食。至於雞翼就炸多咗少少但個味就好特別, 值得試試, 豬扒好好食! 酥脆到想單點 (不過單點肯定貴所以無叫), 而單點根本再食唔落喇…下次去沙田除多間落腳…Read More