lamwing411's Profile

朋友入嚟大角嘴同我食飯俾咗好幾間餐廳佢揀 最後揀咗呢間我哋都唔食牛 所以其實係咩原因吸引到佢我都唔清楚( ´▽｀)我地七點未到就到左 幾好嘅一坐低會問你飲熱水定凍水( ´▽｀)個舖位係四四方方但係有個角落用嚟做廚房所以啲枱嘅擺法係L字型 自己揀左坐喺 L嘅一個盡頭 變咗好多時都要等待員工行過先可以叫到人🙈直接叫左個$458嘅2人set本身個set冇跟野飲所以我地就開咗枝酒飲酒呢啲嘢我就真係唔識( ´▽｀)揀呢一枝係因為佢嘅產地係意大利佢易入口 smooth 嘅 唔甜 其實我都覺得好OK 㗎啦個餐可以加錢轉龍蝦湯咁就梗係加啦首先要讚一讚個樣係靚嘅 唔係平時就咁望到平面一個湯個味其實就好正常 唔係特別喉嚨蝦味都有啲甜 唔確定 但係似湯粉湯 Parma Ham 已經係包好咗蜜瓜不過佢唔係包住一大嚿嘅蜜瓜 而係包住六條蜜瓜切條 我覺得好食嘅 同易咬咗嘅可能因為蜜瓜表面面積大咗就更加顯得好多汁( ´▽｀)咬落我覺得好正不過朋友就話覺得麻麻地可能因為個ham嘅角色係有啲被掩蓋想食青口 但呢度冇( ´▽｀) 佢得大蜆所以嗌左大蜆少見地個蒜蓉包係全個都係咁嘅色少少白位都冇似油炸多過焗 好脆配個白汁食好正( ´▽｀) 至於個蜆 全部開口係基本嘅都算係大隻意粉好食 有兩大隻帆立貝 因為用料夠大隻 所以賣相都靚嘅個人覺得個口感都幾豐富炒意粉做得唔油都唔乾覺得都算做得啱啱好 唔錯，唔錯三文魚個配搭就覺得有啲得怪( ´▽｀)佢嘅配菜係 中華沙律同埋薏米（？）但點解係薏米？係咪冇咁濕？薏米同中華沙律帶少少酸如果正正經經放煎咗嘅厚蕃茄片或者茄角個味道可能都做到差唔多嘅效果如果怕會濕 放幾粒車厘茄都得顏色仲豐富啲睇落靚啲添套餐跟咗cheese cake其實個cheese cake都幾好食係上面唧花嘅cream比較熔冇諗過個cheese cake係有呢個size我以為會好細件 正方體意思意思一下所以都特登嗌多咗個甜品本身想嗌個蘋果批 但係佢話賣晒咁我哋就嗌心太軟啦( ´▽｀)哇個心太軟好好食！！冇諗過佢可以咁流心有時食心太軟出面會好燶或者有啲苦 但係呢一個冇 就係一種好軟熟嘅蛋糕mix brownie 個口感朱古力醬又唔會好甜 所以食落都係唔漏係有驚喜地好好食( ´▽｀) 最後埋單接近$1,200食咗好多嘢 又開咗支酒我覺得都OK 有機會都會覆桌👍🏼…Read More

一家人生日聚餐 都係想食中餐五個人食飯 想揀喺市區又唔想太貴揀左好幾間先搵到呢道佢個位置都幾易搵同埋舖位比想像中大我哋五個人 自覺大食嗌咗個六人餐加叉燒主要係因為佢得四人餐同六人餐( ´▽｀)然後佢個叉燒好似好出名佢首先上嘅第一碟都真係幾出色六人餐所以係六嚿豆腐個豆腐入面非常之嫩好好食冇諗過咁滑( ´▽｀)👍🏼同埋因為佢係第一碟餸 炸得又幾靚仔所以都唔會覺得好熱氣佢呢個魚皮嘅味道非常之內地小食佢係有一種麻麻哋辣嘅感覺我唔知係重慶嘅味道 定係四川嘅味道？😂總之就係你會喺大陸食到嘅嗰隻味佢個咕嚕肉好好食本身以為剩係得眼見嘅幾舊但係實際上冰下面都係咕嚕肉只係佢選擇咗冰鎮而有啲特別嘅地方係雖然佢冰鎮咗，但係都冇話好難咬而個心亦都仲係保持到暖暖地菠蘿士多啤梨藍莓喺味道上面幫助到好多 實際上係視覺上就睇落靚咗( ´▽｀)如果唔擺上去，就剩係得一嚿冰蝦伊麵嚟講 佢有六隻好大隻嘅蝦放喺上面坦白講，佢係幾好食嘅隻蝦但係因為我哋每一人分走一隻然後個面底就變咗冇嘢可以送( ´▽｀)不過佢隻蝦係ok嘅只係拎走晒啲蝦 個面底就變到好難過就咁得個面都唔算濃味叉燒係六人餐以外嘅因為聽講好出名( ´▽｀)又發現真係好好食喎！一上枱個荔枝木定玫瑰露味超級香仲要加埋個火 視覺效果一流另外佢非常之厚身 就咁拎一舊都好厚食落會充滿晒個口好滿足蒸魚就係一條好正路嘅魚( ´▽｀)對魚冇乜要求唔重泥味就可以而佢個蒸魚豉油同平時唔太一樣好難形容，但係唔係平時食開嗰隻味六人餐佢好好咁每一樣都整六份所以我哋都係五個人食六隻鮑魚同六嚿小棠菜鮑魚係一般罐頭鮑本身都幾鍾意小棠菜伴碟有頭有尾睇落好完整 靚嘅，但味道普通哇個茶香雞係我全家人都唔識欣賞佢確實個茶味好濃食落會有啲苦有啲甘睇吓本身你期待嘅味道係偏茶定係偏雞多啲而本身個肉嘅質感都唔算嫩滑又係個叉燒之後上就變到非常失色不過五個人食 $2500內食到大家都好飽其實性價比都高 始終佢喺六人餐入面有好幾味餸都好食所以值得覆桌只係下次會選擇雙數嘅人嚟 同埋食過之後就知道乜嘢好食乜嘢唔啱口味下次就唔使嗌套餐啦！( ´▽｀)…Read More

距離上次黎都真係有一段時間再黎都係因為朋友睇中live band上次係個男 今次自彈自唱嘅係個女原來係會有唔同人表演上次記得係好聽嘅 今次都唱得好好聽( ´▽｀)有人點歌 點左首 在空中的這一秒然後佢唱完之後話其實佢都未聽過啱啱聽完學完就唱 之前都冇諗過如果點咗唔識嘅歌係會點原來要即聽即學😂而家搵食艱難今次叫左個$1,088二人餐同再嗌咗個$188 乳豬結果飽到離哂譜 ( ´▽｀)白酒忌廉汁青口 ⭐️⭐️⭐️⭐️⭐️呢個係一貫地好食( ´▽｀)👍🏼佢個汁好好食亦都夠杰 又好特別咁將法包整成脆片一方面令個汁更易索到落個包道另一方面食嗰陣又冇咁易整損個嘴 蟹肉龍蝦濃湯⭐️⭐️⭐️⭐️⭐️係正常一碗湯嘅容量配勁大隻碟( ´▽｀)好飲👍🏼就咁望都望到足料唔係湯粉湯Parma Ham ⭐️⭐️⭐️⭐️⭐️Ham 同哈蜜瓜永遠都係好夾( ´▽｀)佢用呢款碟上 令到成件事視覺效果清新左香草牛油焗田螺⭐️⭐️⭐️佢係田螺下面放舊菇 口感上都係夾嘅五揀二 侍應推薦話好食所以揀左( ´▽｀)朋友都話好食原隻法式龍蝦米多⭐️⭐️⭐️⭐️⭐️意粉同埋呢一個二揀一唔想食意粉 又見到個名幾特別所以揀咗佢就係龍蝦開半 再鋪少少其他嘢食上去好似喺另外一間意大利餐廳食過 個味都夠濃 所以下面黑醋都冇搶到味同埋隻龍蝦都幾大隻兩個人share都好開心( ´▽｀)慢煮美國威靈頓牛柳⭐️⭐️⭐️⭐️我唔食牛嘅( ´▽｀) 所以全份牛就由朋友食晒冇諗過塊牛咁大份就咁睇相睇唔出 但係塊牛有我手指公一節咁厚我朋友一開始話都幾好食 食到後尾就開始話太鹹話佢實在好多醬料配搭 都係偏重味特別係酥皮下面嘅蘑菇醬不過我有責任嘅 我冇食要佢一個人食哂😂櫻桃木煙燻西班牙脆皮乳豬⭐️⭐️⭐️咁我唔食牛嘛 咪叫多個main囉😂乳豬下面係Mustard 所以有少少辣 唔係預期中嘅味道( ´▽｀)不過其實佢都幾好食嘅上面有無花果又帶返少少清新感覺一口乳豬 同去飲宴分碟上個size差唔多但係個口感就rich好多美中不足嘅係 可能表面面積細 上枱係熱嘅 食食吓就吹暖左因為實在太多野食有樣嘢幾好嘅係 就算張枱都幾大都會係上晒前菜先上主菜所以就算個冷氣都算勁 啲嘢食都未至於凍晒芒果奶黃千層酥⭐️⭐️⭐️得三粒星嘅原因係我以為忌廉部份係芒果味一食落口先發現係奶黃唔係佢唔好食 係我預期佢係更多芒果味不過讚一讚嘅都係甜品唔會太甜食咗咁多嘢之後 芒果都解漏嘅( ´▽｀)最後來個特別表揚我覺得一間餐廳比人嘅觀感好唔好人嘅因素都好重要 呢道嘅人態度同服務都好妹妹勁勤力加水隻杯啲水冇試過飲得完( ´▽｀)👍🏼比起對上一次 今次算係好明顯嘅進步今次比多次機會佢地算係冇做錯決定啦( ´▽｀)…Read More

週末出去食晏都預咗唔平得去邊( ´▽｀)約左朋友去觀塘食飯觀塘出名多工廈餐廳 咁就去食啦星期六都有lunch menu 包湯或沙律 同 一個main手機落完單 就見侍應行埋角落頭裝湯忌廉湯⭐️⭐️呢個湯真係一言難盡。。。( ´▽｀)偏水偏稀 飲落都冇忌廉好creamy嘅感覺但飲落都有啲味嘅鮑魚虎蝦闊條麵⭐️⭐️⭐️⭐️有兩隻虎蝦加一隻鮑魚 睇上去有兩隻蝦都算係多料隻蝦去左半殼🫶🏽 不過就冇咗蝦頭望落就爭少少闊條麵個口感都唔錯 稱得上Al dente 個汁甜甜地都好味嘅烤焗智利嫩滑雞胸配菠蘿莎莎⭐️⭐️⭐️個薯蓉做得都滑身嘅( ´▽｀)不過反而主角嘅雞胸就冇咁滑每一樣野都有味 但每一樣都獨立存在好似大家都唔太夾白酒忌廉煮紐西蘭青口 蒜蓉牛油法包⭐️⭐️⭐️全部都係已斷半殼嘅青口忌廉好濃 麵包偏硬 點汁食會易啲入口吉士焦糖梳乎厘班戟⭐️⭐️⭐️⭐️⭐️呢個本身就預咗會好甜( ´▽｀)所以杯嘢飲飲完之後 都舉咗幾次手加水但就冇想像中漏嘅頂塊焦糖有少少燶味都令個甜品增加咗個質感雲呢拿好香 吉士醬同梳乎厘班戟好夾甜品份量其實都幾多 當一個正餐都可以兩個人兩個餐 +2杯嘢飲 加份青口 加多個甜品埋單約$700 確實又真係好多嘢食左落肚不過一個lunch黎講 其實性價比唔算高係個甜品特別好食所以嗌個甜品再加杯嘢飲做個lunch 係可考慮…Read More

同朋友講想食泰國嘢然後佢推薦屯門嘅呢一間話佢之前經過都好多人排隊( ´▽｀)好啦！ 就到時間就一齊去啦！去到屯門地鐵站原來有架K巴係入到置樂嘅不過巴士app冇寫 好彩( ´▽｀) 我都係問返同區嘅居民可能位置都唔近地鐵站所以其實人流係超級少唔係呢一間嘅問題而係其他附近嘅餐廳都係冇人但係明明嗰陣係7:30 不過咁樣都好靜靜哋都唔錯( ´▽｀)佢有一本大Menu 但係我同朋友都係唔係好鍾意麻煩嘅人所以我哋係直接揀咗二人餐( ´▽｀)而我地就咁睇覺得A 有兩樣嘢都吸引 所以我哋就再單點其中一樣 我同佢都係第一次嚟 同埋覺得個份量係好少 諗住應該都食得晒但係結果上來講，我哋食唔晒🤩泰式串燒半打 👍🏼👍🏼👍🏼留意番佢Menu上面係寫雞同豬所以一心想食牛嘅朋友可能就要失望啦( ´▽｀)個人覺得佢個豬鹹味比較重而雞肉就比較鞋 但係又唔至於唔好食嘅 只係可以更加好馬拉盞鮮魷炒通菜 👍🏼👍🏼👍🏼👍🏼鮮魷唔算多但係呢個係因為同啲菜去做對比係勁大碟通菜！而個馬拉盞都真係幾辣我同朋友都唔係好食得到但係個味道係好食，係幾惹味嘅泰式經典明爐烏頭 👍🏼👍🏼👍🏼我個人幾鍾意佢個魚爐哈哈哈，好得意( ´▽｀)泰式 所以全條魚都係充滿酸辣嘅氣息啱啱食嗰陣已經覺得辣食到後來，可能因為一直加熱就變得更加辣仲要唔小心咬到粒唔知係咪辣椒定泡椒嘅東西令本身飲緊龍眼冰嘅我即刻嗌多個椰青😂我朋友見我嗌多個椰青 佢都嗱嗱聲跟住一齊嗌係好辣 但係問心嗰句其實都係好食嘅只係真係好辣咁解( ´▽｀)焗黃咖喱麵包軟殼蟹👍🏼👍🏼👍🏼👍🏼哇呢個好好食！我本身以為佢中間嗰包係壓實左但佢係掏空咗 所以個包咬落去係軟熟嘅同時佢咖喱係甜甜地完全可以彌補到另外嗰兩碟辣嘅嘢食好好食，不過真係會好飽加上佢墊頭好大所以我哋最後都食唔晒 哈哈哈我哋食到咁樣買單都係四百幾蚊好抵食 問心嗰句 下次我係會再嚟嘅…Read More

本身我唔係一個好食生野嘅人所以都係一位朋友想搵人陪所以先帶我嚟呢度食本身覺得係因為我地早所以冇人但後來發現呢度好似行預約制因為只係限定接幾組客咁難得黎呢道食 朋友仲特登升級咗做蟹宴添由於相片有數量限制所以我直接出一張圖 大概睇吓有啲咩食啦呢個係升級左做蟹宴先會有嘅咁一放低 師傅會同你講由左邊開始食起仲有講左上角嘅蟹仔要咬得碎啲其實佢會有講每一碟係啲咩嚟但係當時我冇即刻記低 到後來我就唔記得咗啦( ´▽｀)三碟嘅texture都好唔同左邊係熟食 脆嘅 中間係上面疑似鵝肝加塊餅右邊個口感滑捋捋 布甸咁就sir咗入口呢個係個羹我個人覺得有少少偏鹹可能我唔識食好嘢 我覺得有啲似味精湯😂呢個個底係疑似柚子啫喱成個setting啊 碗碟啊都好秋意( ´▽｀)個感覺都幾清新 都係秋天嘅感覺！都明白點解會係預約制因為其實係兩個師傅負責晒所有生野個感覺幾良好嘅係就咁望住啲師傅去整啲壽司同刺身喺我地面前用火槍火炙嗰陣聞到好香魚油味呢個係地金目鯛 師父強調只有勝浦出產嘅先叫地金目鯛係同當地嘅水質同礦物質有關其中師傅整呢個嘅時候拎咗一大舊備長炭出嚟同BBQ當然係唔同嘅咁個分別係直接將舊魚放喺個碳上面燒中間冇任何鐵絲網啊嗰啲嗰陣好大煙( ´▽｀)不過係一啲炭屎都冇黐到落舊魚度食嗰陣有啲炭香 都幾特別我本身以為個自製雪葩係甜品 會最後上但其實佢係喺熟食之前上咗酸酸地 都算係解一解之前嘅漏等人開胃食其他嘢食晒之後 仲會有第二個甜品咁呢個甜品相對上簡單得多哈密瓜同士多啤梨都係現成唔使再自己整 但就最緊要係成個格調都喺返度同本身嘅感覺都係好match總結來講，啲嘢食都幾特別好多嘢之前都係未試過之不過可能係我真係本身唔太鍾意食生野就略嫌真係有啲貴但如果聽返隔籬枱嘅評價呢度個質素同埋價錢其實係超值所以如果本身係鍾意食 omakase 都可以試一次…Read More

平日 星期二嘅夜晚 工業區其實我都唔知觀塘區黎講究竟係平日定係假日嘅夜晚係旺啲定其實主力係旺晏晝呢？七點左右 全場只有兩枱食客我係有啲驚訝嘅其實始終我認知嘅觀塘區 係平日超級車水馬龍嘛。。平日嘅夜晚係有set dinner嘅 話平又唔係 話貴又唔算喎不過咁同朋友討論過 既然我哋打算飲Cocktail 又對佢個湯同前菜冇興趣咁我哋就單點啦巴馬火腿牛油果沙律 $80 👍🏾👍🏾👍🏾本身都幾中意食Parma ham 同 牛油果咁個沙律兩樣野都有 就試吓啦料係多嘅！就咁睇 真係每款材料都望到👍🏾不過整體來講係有啲漏嘅沙律牛油果不足以中和ham嘅鹹味芝士加重返個鹹味 又帶漏結果成個沙律都比較Heavy( ´▽｀)香濃芝士煙肉煙斗粉 $128 👍🏾👍🏾👍🏾👍🏾啱啱上枱嗰陣一啲煙都冇有啲震驚但之後撈一撈個粉就 啲煙就供出嚟啦暖暖地 溫度算係啱啱好可以入口煙斗粉係加大版嘅通心粉吸引嘅地方係入面可以放咗啲湯或者汁多數就係呢個位會淥親😂咁佢都真係creamy 嘅 但就暖唔係淥親條脷佢本身每日都有做緊promotion 我地嗰日係做緊半價Pizza同埋$10 一隻生蠔所以我地就叫埋pizza同生蠔落單後 店員再走返過嚟提醒係只可以二選一唔可以同時嗌哂兩個promotion 咁唔緊要 我地咪pizza叫返正價生蠔 $10/隻 👍🏾👍🏾👍🏾我地2個人 叫左十隻生蠔但係其實我係唔食嫁😂😂所以呢10隻都係朋友叫黎自己食佢自己都做餐飲 哇其實已經係成本價仲話呢度嘅生蠔普遍都鮮嘅 不過其實又唔係個個都需要檸檬僻腥直接放檸檬上生蠔道 都有少少影響嘅蕃茄羅勒水牛芝士薄餅 $148 👍🏾👍🏾👍🏾👍🏾Pizza 好得意係長方形嘅仲一開始就幫手開六 基本上每塊都係梯形Pizza其實唔使好多料都可以好好食最緊要係個餅底同個醬係薄批 批邊好脆 上枱都係熱辣辣嘅唔燶就基本上都會係好食😂😂😂就算唔係半價都值得去食👍🏾最後附上單據一張2個人4樣嘢食就點都已經夠飽嫁啦( ´▽｀)唔貴 都算係正常價 不過食物質素一般下一次平日就返個promotion 都可以再黎…Read More

餐廳係朋友book嘅我同佢都係第一次去根據Google map 嘅指示 佢係喺馬會附近咁直覺上 因為喺商場嘅後背底所以唔會覺得係有野食🫠 但就係嗰個位置零零舍舍有一間餐廳而佢雖然有室外嘅位置但全部都係有蓋遮住 落雨都ok嘅啊！其實佢都係一間商場舖另一邊嘅門口就係對商場一坐低就有得食 我遲咗少少到 朋友就叫定薯條同酒香辣蕃茄炸薯條 $48 👍🏾👍🏾👍🏾👍🏾佢係炸好嘅薯條 喺面嗰度加一羹蕃茄醬薯條同茄汁係perfect match但佢就用少少辣嘅茄醬 加溫泉蛋咦 又幾好食喎感覺上仲冇咁熱氣添( ´▽｀)不過中意食脆薯條嘅就再好好諗下先Parma ham with melon $78👍🏾👍🏾👍🏾👍🏾朋友問想就咁ham定有melon 我揀咗有melon 😆就咁食ham都有佢好食嘅位不過有時齋啪ham對我黎講會有啲鹹所以都係跟melon好啲幾中意佢切好一舊舊用牙籤串起ham同melon 一黎唔會食到好俹簁 二黎確保到每舊蜜瓜都有ham香辣蒜香橄欖油大蝦 $58 👍🏾👍🏾👍🏾👍🏾哇就咁數都有8隻蝦啦 哇我又真係覺得好食又抵食喎！58蚊 去蝦頭蝦殼 係留返蝦尾位置食落又冇雪味 咬落仲保留咗蝦厚肉個口感真係好抵食囉其實( ´▽｀)白酒煮青口 $88 👍🏾👍🏾👍🏾個青口都係好食嘅但我就覺得冇乜特別啦可以鹹返少少咁食咗一輪小食 吹左一輪水個main就真係等得比較耐西班牙章魚墨汁燉飯 $258 👍🏾👍🏾👍🏾👍🏾佢比想像中鹹 但呢個係好食嘅賣相都吸引嘅 正方形嘅擺位係有考慮過嘅雖然佢成個獲咁上但係其實份量都唔係好多因為個獲唔算深 不過我哋兩個女仔嚟講都夠哂食啦最後附上單據一張…Read More

朝早十點幾黎到青衣城人流一啲都唔旺可能因為過咗返工時間 又好多舖頭都未開朋友想食天丼 但佢開十一點半 ( ´▽｀)諗住落去睇下menu先 啱食先等 Btw 天丼 = 天婦羅 + 丼飯一睇到張menu 朋友就更加堅定再餓都決定等到11:30都要食佢我估丼飯同定食嘅分別係一個係一隻碗裝晒 一個分開來擺到11:30佢冇準時開門除咗我哋仲有一個女仔喺度等緊即刻對佢期望大咗( ´▽｀)海老穴子天丼 $85 👍🏾👍🏾👍🏾天婦羅有虎蝦、茄子、菇、四季豆、蟹柳見識少 唔知咩係穴子 都懶得Google朋友話即係類似鰻魚但係啲肉都冇鰻魚咁實 又平過鰻魚總之就係炸魚柳啦( ´▽｀)好得意連紫菜都有半塊係去炸咗巨星天丼 $82 👍🏾👍🏾👍🏾天婦羅有蝦、蟹柳、菇、四季豆、紫菜同上面嘅睇落就係少咗穴子同茄子( ´▽｀)基本上天婦羅都係咁嘅味 冇咩好講其實天婦羅脆唔油膩 食落都唔覺熱氣其實真係已經好好不過可能天婦羅太多 食到尾真係好漏。。。。所以好想講下兩個飯底飯係日本米 佢本身配左個豉油好正！個豉油係甜少少嗰種壽司豉油無論配飯定配天婦羅都好好食！明太子魚餅 $28 👍🏾👍🏾👍🏾魚餅部份比想像中厚不過咁樣個口感就比較滿足啲 明太子醬都好食嘅不過可能太多炸物就真係漏左少少最後附上單據都飽嘅 不過lunch同夜晚如果同價我會覺得夜晚黎食好似會抵啲…Read More

呢間餐廳係我一個識食嘅朋友極力介紹話係少有會返轉頭嘅印度餐廳不過我本身就好少食印度野亦唔會話特別搵印度餐廳食飯啱啱到 可能因為先係啱啱六點半就得一位員工走黎走去幾分鐘左右啲員工就開始返幫我掃針卡再帶我坐低再比menu我員工係friendly 嘅Hummus $62 👍🏾👍🏾👍🏾👍🏾朋友問我食唔食hummus 我話ok啊 我第一次見呢個字好似喺Starbucks 都係跟比得包我係真係食嘅 只係第一次見成兜咁上( ´▽｀)之後見朋友熟手將塊包好似開銀包咁搣開再放一羹hummus 入去夾住我就話 哦原來咁食嘅！如果冇佢 我應該都係放嗰羹喺面( ´▽｀) 至於中間橙色嗰個醬員工一放上枱嘅時候就提話very spicy 🌶 所以我係冇試過嘅但根據朋友所講係真係好辣Moroccan Cigars $78 👍🏾👍🏾👍🏾👍🏾好多時摩洛哥菜同印度菜都係分唔清( ´▽｀)可能都會用一句中東菜黎概括( ´▽｀)呢個係咩嚟嫁呢 就係長啲嘅素春卷不過單食唔算濃味 咬落去見到有啲芝士 都係幾好食嘅Zaater Naan $48 👍🏾👍🏾👍🏾👍🏾呢個薄餅又係好好食 佢係軟薄餅上面加啲中東香料鹹鹹地 有啲似蒜同牛油嗰種濃烈 但又唔會似蒜長期留喺口唔知點形容佢 但堅好食😂Fish Tikka $158 👍🏾👍🏾👍🏾注意⚠️呢個魚好辣！佢個橙色唔係酸係辣！條脷會少麻不過menu上冇喺隔離放隻辣椒🌶️所以唔食得辣必須注意‼️佢外貌睇上去都有少少燶燶地預計係炭爐燒出黎係一大舊魚肉 冇骨可能因為辣 所以蓋過左淡水魚嘅泥味所以食得辣嘅都可以試吓Chicken Tikka Masala $138👍🏾👍🏾👍🏾👍🏾印度咖喱雞 都少少辣但冇佢個魚咁辣 同想像中冇乜出入( ´▽｀)佢咖哩個顏色偏橙質地偏稠似糊狀帶中東嘅香料味 可能裝好就上枱 冇液態嗰陣會浮面嘅油都係好食嘅！Pulao Rice $58 👍🏾👍🏾👍🏾👍🏾呢個係傳說中嘅印度飯 係素食黎嘅即係成日講話要用手食嗰種不過我地喺香港嘅餐廳 就都會用餐具食嘅( ´▽｀)佢個飯唔係我地平時食開一粒粒嗰啲米而似係米粉碎哂嘅感覺有蛋炒飯加少少鹽嘅感覺連同上兩道重口味一齊食 好食啊算係做左個中和嘅角色 覺得朋友揀得幾好( ´▽｀)👍🏾👍🏾👍🏾Vegan New York cheesecake $60👍🏾👍🏾👍🏾👍🏾👍🏾係素嘅cheesecake！我覺得上面嗰層係caramel 再加朱古力( ´▽｀)因為都真係甜甜地 但食落又唔會話好漏成件咁食好好食( ´▽｀)Lemon tart $15👍🏾👍🏾👍🏾👍🏾哇$15好平！ 去西餅舖買件餅都唔止！但就唔會話係好驚艷嘅tart ( ´▽｀)唔算酸 但解漏都夠用 反正都真係平 甜品打孖上完全冇問題( ´▽｀)最後附上單據好似食左好多野 而事實上真係好多野我地2個女仔係食唔哂8樣野嘅😂😂連加一但都係679蚊 上甜品前員工有幫我地清枱面同換碟 都有問我地啲野好冇食👍🏾👍🏾👍🏾落單又提我地某啲野叫咖喱嗰陣先叫途中又瘋狂加水 個加一好值😆成個飲食體驗唔錯 真係值得下次再黎( ´▽｀)！…Read More

一向覺得呢個商場設計唔好行( ´▽｀)如果唔係因為book咗枱我都應該唔會上到商場咁高餐廳嘅格局係實用嘅長方形冇玻璃或者其他嘢去隔開商場同餐廳嘅位置夜晚黎呢度食其實都幾抵因為佢嘅menu都係行2人餐400蚊 2個人 喺尖沙咀食西餐 抵啦！本身就好目標明確黎呢度係為咗食佢個龍蝦餐 嘩仲要再平十蚊添！龍蝦湯 👍🏾👍🏾👍🏾嗱西餐黎講我覺得抹碗邊都幾重要( ´▽｀)係賣相嘅問題啊！龍蝦湯好飲 但佢冇好重龍蝦殼嗰隻味如果係鍾意飲好濃嗰隻龍蝦湯就可能會小失望塊包應該係上枱前先放上去所以食落都仲係脆嘅迷你凱撒沙律加挪威煙三文魚 👍🏾👍🏾👍🏾👍🏾 （+$18）煙三文魚隻色唔係幾靚( ´▽｀)不過賣相就同味道冇關始終凱撒沙律就係食凱撒沙律醬( ´▽｀)三文魚子唔算腥 加埋三文魚鹹鹹地同沙律mix 埋都真係幾開胃份量都夠兩個人食 唔錯原隻龍蝦香草意大利飯 👍🏾👍🏾👍🏾👍🏾(+$98)叫原隻啱啱好可以同朋友一人一半( ´▽｀)本身龍蝦殼已經扑開咗不過當然都會留個夾俾你開個risotto 整得都幾好 啲米唔會太生或者太濕個口感同味道都係好嘅原隻火焰焗釀龍蝦披薩 👍🏾👍🏾👍🏾一上枱 店員就將隻龍蝦點著咁樣個賣相總算好啲( ´▽｀)其實點着佢除咗打卡好啲之外係有咩意義？個Pizza唔係好大 兩個人九吋都差唔多啦好得意嘅係 佢係真係釀龍蝦龍蝦入面有三色椒 薯仔 蕃茄個感覺幾得意 因為我都真係第一次食釀龍蝦Pizza底係用比德包做味道都好食嘅 唔難咬開已經好開心( ´▽｀)Brownie in a pan (+$48) 👍🏾👍🏾👍🏾👍🏾👍🏾女人生來鍾意食甜品所以其實都飽㗎啦但係都照加佢影相嘅一刻 佢賣相都仲係靚嘅影完之後個雪糕就開始熔( ´▽｀)所以代表嘅係 真係一整完就上枱啦！佢香蕉個面係焦糖係真係燒到脆嗰種！好食啊所以！最後附上單據咁我哋又真係為咗食龍蝦先黎所以都預咗冇得叫到最平$400埋單食物嘅質素同價錢都合理嘅都值得再嚟覆桌…Read More

母親節喺我地屋企算係一個大節所以我地就算預早慶祝左 正日都係要再慶祝今日我地去左科學園母親節正日喺星期日平時做上班族生意嘅應該就會冇左唔知平日定紅日會旺啲但酒樓就係超級好生意雖然話就話科學園好多豪宅但應該黎飲茶嘅都係非住戶嘅居多排左一陣隊就入得去( ´▽｀)直接講下食左咩啦芝士蝦春卷 $53 👍🏾👍🏾👍🏾👍🏾佢芝士味好濃 好重屋企人話有啲鹹但我覺得可以接受( ´▽｀) 咪芝士鹹香不過係唔同平時飲茶嘅春卷流沙奶黃煎堆仔 $41 👍🏾👍🏾👍🏾👍🏾呢個好食喎( ´▽｀) 就係煎堆入面係流沙完全會係預想嘅味道都做到外脆 不過個心好熱 食要小心( ´▽｀)豬手粒 $78 👍🏾👍🏾注意⚠️有wasabi係辣嘅！係凍食！我個人麻麻地( ´▽｀) 蜜汁叉燒腸 $63 👍🏾👍🏾👍🏾👍🏾近來酒樓都中意用一隻長碟上比起就咁一碟三條腸粉雖然個賣相好咗 但份量少咗個皮做得算薄 口感都唔錯唔會漿住漿住咁薈聚軒鮮蝦餃 $63 👍🏾👍🏾👍🏾估唔到有四粒(⊙_⊙) 仲多左棵西蘭花個皮就略微厚左少少不過個餡係大大粒 份量都可以彌補到呢少少野唔食個皮淨食個餡都開心蠔王叉燒包 $41 👍🏾👍🏾👍🏾都係預期同正常嘅質素同味道( ´▽｀)個包唔會太濕或者太乾叉燒個量合理 味道帶少少甜少少鹹都好食㗎鮑魚鳳凰煎糯米雞 $73👍🏾👍🏾👍🏾👍🏾👍🏾兩隻糯米雞 但得一隻鮑魚所以比左母親節嘅主角食( ´▽｀)煎糯米雞又幾好食喎煎香左就冇左食好多糯米嗰種漏蟹子鮮蝦燒賣皇 $63 👍🏾👍🏾👍🏾👍🏾又係有四粒啊( ´▽｀)！正常味道正常水準 宮廷桂花糕 $30 👍🏾👍🏾👍🏾👍🏾有啲意外因為唔係間間酒樓都有紅棗糕就話常見姐 桂花糕喎！味係好食嘅 少少甜 但都清新嘅不過個人覺得個質感結實咗少少同埋啲料分配得唔均勻其中一個桂花糕入面冇杞子( ´▽｀)最後附上單據四個人食一個母親節嘅晏晝價錢來講就唔算貴嘅 始終都係紅日又有得免費泊車 除咗腸粉 份量都多 大家都飽嘅但係有樣嘢唔好嘅就係我哋啲嘢食都仲未到哂 就連碗筷都比人執埋。。。又話食90分鐘 結果未滿一個鐘就比人隊單收枱可能係因為母親節想做多幾張枱？又知我地係一般好少入嚟科學園？…Read More

疫情前 卜左一月黎呢道食飯但隨住晚市禁堂食同二人限聚本來嘅booking比人取消左到左五月 悉逢母親節同防疫措施放寬特登走去再book返呢間餐廳但見到執剩一間同外賣期間大量負評 其實都真係有啲猶疑卜左六點半 泊好車就行入去提返聲 原來呢個位係後門 見到屋企人坐低之後佢地就提我去返前門嘟返安心出行同針卡因為係母親節 所以其實都有啲母親節嘅Menu不過望完大家覺得唔係好啱食所以我哋都係決定散嗌畫咗10樣嘢之後就遞左張紙比員工然後就開始左漫長嘅等待20分鐘過去 諗住催單 但屋企人提醒 就只有我哋散嗌望住其他枱 無論係早過我哋黎定遲過我哋都清一色係嗌套餐嘅好啦咁再等多陣但等等下都係唔對路 一問之下先知我哋真係漏咗單仲要重新畫過嗰張紙 畫完之後再俾個員工 個員工仲要笑笑口咁話 ‘係囉我仲諗點解你哋啲嘢咁耐’。。。。。。。。🫠七點三嗰陣見到張單啦咁我哋又係大意左 冇諗過要拎單埋單所以冇留意過係會有單 不過可能始終因為我哋等得太耐所以餐廳應該係比我哋打咗尖所以3分鐘之後就有第一味餸上啦北京烤鴨(半) $228 👍🏾👍🏾👍🏾人哋啲片皮鴨多數都係皮多呢度嘅話肉嘅比例都唔少都係睇個人口味啦如果本身個人唔太鍾意食咁騷又怕油其實肉多都係幾好鴨係好食嘅 果皮都係keep 到脆不過青瓜同京蔥就真係可以新鮮番啲有幾多塊皮我冇認真數但係大概都有8-10塊左右霸王小籠包$49 👍🏾👍🏾👍🏾皮唔算好薄 口感可以好啲但湯汁都算多 放落口仲熱焫焫豬柳扒擔擔麵 $85👍🏾👍🏾👍🏾👍🏾比較少見上海菜會叫豬扒 多數都係寫排骨咁當然我知係同一樣嘢啦( ´▽｀)豬扒唔會炸到好油啖啖肉係好食嘅個湯嘅濃稠度都算適中肉碎有炒過 唔係就咁免治豬肉砂鍋雲吞雞 $198 👍🏾👍🏾👍🏾👍🏾個雞湯好好飲飲落唔會覺得味精 雞都多不過雞肉唔嫩 咁都正常嘅始終係用嚟煲湯 料足小棠菜同雲吞都好多 我哋四個人 都可以每人分到一碗嘅四寶烤麩 $72👍🏾👍🏾👍🏾平時啲舖頭多數會叫做四喜烤麩烤麩即係麵筋伴有四種配料 多數有木耳同花生不過呢個四寶 從外貌睇上去就得兩寶佢嘅麵筋都比較多 咁就唔緊要啦當打和滷水汁少少甜少少鹹個味道都係幾好嘅 ( ´▽｀)雞絲粉皮 $82 👍🏾👍🏾👍🏾其實好少話雞絲粉皮會整得唔好食( ´▽｀)都係粉皮底加雞絲加麻醬加青瓜絲佢有樣嘢做得比較好就係個麻醬唔會話好稠不過個粉皮個質感有啲奇怪 比較厚身 似河粉炸銀絲卷 $36 👍🏾👍🏾👍🏾👍🏾炸銀絲卷同炸饅頭嘅分別就係入面會唔會食到一層層嘅感覺咁好明顯佢係真係銀絲卷嚟嘅( ´▽｀)上枱都係熱辣辣 正啊( ´▽｀)山東手抓餅 $38👍🏾👍🏾同印度薄餅嘅分別在於山東嘅好鹹！係超鹹版嘅蔥油餅肉末叉子燒餅 $95 👍🏾👍🏾呢一個係點樣食㗎呢 就係拎起嗰個燒餅 將啲肉碎放落去嗰啲燒餅做餡換句說話講 就係餡餅嘅分開版不過啲肉又係好鹹 放少少落燒餅都仲可以見佢碟肉咁多 一開始就放好多嘅就瀨咗嘢咁其實放幾多餡落去就豐儉由人嘅只係個餅又油 啲肉又油 食落都少少漏雪菜肉絲炒年糕 $99 👍🏾👍🏾👍🏾係呀又係澱粉質( ´▽｀)咁雪菜肉絲就本身都係鹹嘅雪菜個量都幾多 反而肉絲就似肉碎年糕都整得煙煙韌韌 口感係唔錯嘅年糕都多 最尾上所以最後都食唔晒食咗少少就拎外賣盒pack起佢啦最後附上單據圍返每人唔使$300 咁都OK嘅算係合理價錢同埋合理嘅質素…Read More

睇地址誤會左係1881地下但實際上係公主館地下😂😂即係代表去到仲要再上幾層真係入到去公主館內部先會去到后園覺得佢哋啲名都幾有心思公主同皇后 加埋個裝修營造左一種幾尊貴嘅感覺( ´▽｀)不過個門口唔起眼就真係得相中一個小小方框入到去係繼續行古典宮廷風始終都係酒店範圍檔次不能差( ´▽｀)我地三個人 叫咗個二人餐同散嗌少少嘢share LUNCH SET $816筍鮮鮮蝦餃 雪山叉燒包 蟹籽蒸燒賣 👍🏾👍🏾👍🏾點心係6選3 每樣比兩件都正路嘅二人餐呀嘛其實啲點心就係普通點心囉都真係一般酒樓食到嘅質素值得留意嘅係 佢粒燒賣冇蝦 中間係一大舊豬肉松茸菌素羹 👍🏾👍🏾👍🏾👍🏾其實個份量都唔少將所有嘅菇類都切成絲有啲似碗仔翅嘅質感同埋味道係佢個菇菌類嘅口感會比較出係好食嘅都金沙蝦球👍🏾👍🏾👍🏾👍🏾上枱係熱焫焫嘅鹹蛋黃正！佢做到完整包住哂全隻蝦有時煮野用鹹蛋黃 啲油會留喺隻碟度食落又會感覺油淋淋但佢冇呢個問題( ´▽｀) 同埋個金沙係做得幼同算滑所以係真係好好食！濃湯花膠浸菜苗👍🏾👍🏾👍🏾花膠 蘿蔔 都係切絲 濃湯食落應該係雞湯 但又有啲似葡汁( ´▽｀)味道都尚算唔錯不過個人覺得淡左少少因為都見到有蝦乾 預期會鮮同鹹少少迷你擔擔麵 👍🏾👍🏾👍🏾👍🏾好辣 但好好食！佢個麵個質感做得好 軟硬適中上面少少嘅肉碎有額外烹調過唔係就咁熟左放上面就算個湯唔稠 同我預期有啲花生醬嘅感覺唔同但真係好食 不過真係好麻同好辣望到層浮面嘅辣油都知唔惹少( ´▽｀)后園糕點👍🏾👍🏾👍🏾👍🏾芝麻卷同芒果椰汁糕想點名讚一讚個椰汁糕芒果同椰汁中間係一層薄薄嘅紅豆仲要食到有紅豆 令到成件事即刻高檔左同有心思左( ´▽｀)咁以上就係二人餐嘅所有items啦至於我地散嗌嘅部份蒜蓉鮮蝦春卷 $88 👍🏾👍🏾👍🏾👍🏾春卷皮做得薄 但冇散到周圍都係切開咁放望到係釀左滿滿嘅蝦肉蒜香都做得出佢啲有蝦嘅料理都真係做得幾出色春風得意米網腸 $88 👍🏾👍🏾👍🏾👍🏾又係有蝦 哈哈哈😂好食啊呢個！ 佢有啲似炸兩都係腸粉包住炸過嘅嘢但唔同嘅係！佢係米漿(腸粉)包住炸米網！ 而仲要有餡！成個口感立即豐富左好多👍🏾豉油只係另上( ´▽｀) 但就咁原汁原味都正！百利酒蛋撻 $88 👍🏾👍🏾👍🏾👍🏾呢個非常睇口味😂我覺得好食嘅 但同行者都覺得個配搭唔夾佢個baileys味係好重嘅！可能都有少少蓋左個蛋嘅味令大家覺得佢冇左蛋撻個感覺不過我個人比較鍾意曲奇皮多個酥皮Mini 版食落都唔會漏又或者點我地等佢都等得都比較耐 不過佢上枱都熱嘅就算啦( ´▽｀)最後附上單據一張我覺得都偏貴 不過食環境地段就差唔多…Read More

開返晚市未夠一星期成條街都係人係一種報復式嘅出街食飯( ´▽｀)好耐冇見平日夜晚嘅旺角係有人不過一上到黎坐低到起身其實同樓下都幾大對比因為在場過半數都係吉枱睇完一輪menu 都係決定叫2人餐因為按常理來講 套餐應該係抵啲嘅青木瓜沙律 👍🏾👍🏾佢個份量係超級多但係食落去唔係你想像嗰回事魚露都幾多 食落去係偏酸嘅反而冇咗泰國嗰種少少甜味明爐椰汁雞湯 👍🏾👍🏾👍🏾超重椰汁味 佢真係用椰奶去煲個煲唔算好大 但都夠每人碗半左右雞油雖然睇到多 但實際又冇乜雞肉料都係多嘅 啲菇都浮左上面泰式沙嗲雞 豬串👍🏾👍🏾👍🏾正常串燒但偏乾不過都係可以接受範圍之內原條青檸明爐烏頭魚👍🏾👍🏾👍🏾賣相幾靚 一啲都唔單調雖然青檸係另上但其實本身條魚都已經幾酸可能因為辣椒冇放落啲湯道所以食落就唔辣嘅泰式炒金邊粉👍🏾👍🏾👍🏾正常水準嘅野黎佢個份量又係唔知點解好多料都好足 但2個正常人食個2人餐真係唔會食得哂為咗唔浪費 最後我地係有pack起到啲野帶走附上單據一張泰國野黎講正常價嘅味道都係正常發揮嘅 就冇話特別標青要讚嘅就係除左湯 每樣野個份量都好多性價比就因個份量變到好高啦…Read More