yummyhongkong's Profile

尋日親戚約去呢間酒家飲早茶，去到門口攞位，知客唔耐煩一句：自己入去坐啦！飲飲下茶，明明仲有大把枱，有個女部長埋嚟叫我地換枱，語氣仲差到無倫：你地坐去果張枱啦，快啲行啦！阻住晒！（幫襯緊你都話我阻住）呢種服務態度真係令人目定口呆，做咗幾十年人，幫襯咗咁多間食肆，呢間啲服務真係差到數一數二。老實講，食物質素已經唔係好，份量又細，蝦餃燒賣細細粒，加埋個一成50蚊一籠。仲要食到成肚氣，如果唔係俾面親戚我一早拍枱走。…Read More

平時成日見呢間野無乜人幫襯，阿姐成日企出門口拉客。今次諗住近近地又唔知食乜好，見間鋪無乜人，入去試下。坐低諗住落單，我地2個人，張單就打3個人，問咗句，職員好唔耐煩咁剩係識叫人用手機落單，我老公再問多句，阿姐好悔氣咁講：‘’你落咗單先啦‘’。態度惡劣，對答悔氣，即刻令人無晒食慾。我係嚟食野，唔係嚟受你氣，睇你面色㗎。真係未試過咁谷鬼氣，好彩未落單，直接起身走。終於知道點解間野連午市晚市時間都可以無人幫襯。…Read More

諗住近近地食個晚飯，入到去先知中晒伏，食到一肚氣。1. 晚市餐牌選擇少2. 杯同碗附帶上手食客嘅食物殘渣3. 食物質素同價錢唔成正比4. 叫侍應姐姐攞支牙簽，應咗你，但就去幫其他枱收下碟，沖下茶，係酒樓施施然行半個圈先係個衫袋攞幾支牙簽出嚟俾你……你地酒樓支牙簽鑲咗金㗎咩！5. 埋單諗住快啲，連信用咭俾佢，返嚟咭就碌咗，order單欠奉。問佢攞返一睇……嘩，你冇order果啲野，唔知點解會計入張單度，擺明博大霧收多你錢。同佢個部長講，佢就話俾返錢，不過收多你嘅錢就唔連加一退。再同佢講，佢先死死地氣咁退埋多收嘅加一錢……而家都仲有啲咁唔老實嘅呃客手段，低裝!…Read More

食到一半，吹你埋單，唔緊要。承惠197大洋，俾咭佢。過咗5分鐘返黎同你講200元樓下唔收咭---咁你早d講啦！俾咗200蚊，食完都成半個鐘，都唔找錢。你又想收足我兩舊水，又唔俾我碌咭，咁你地酒樓想點呢？食物質素可以接受，不過兩個人以197蚊飲下午茶，可以搵間服務好d囉！…Read More