11november's Profile

今晚經過店舖，見到好似好吸引，叫左多芒西米，食幾啖都唔想食，芒果太大粒，酸到爆，無芒果味又唔香，奶多過芒果汁，又淡又結，仲要唔涷，好似食緊一碗暖既芒果西米，食多兩咪都唔想食。…Read More

今日同honey去撐枱腳，於是唸住試新野，黎左呢間。叫左一個海南雞，一個肉燥面。所謂的海南雞飯，D飯毫無香味，又硬，D雞好明顯係雪雞。肉燥面一般，好咸，面好少。至於餐湯係羅宋湯，但好"希"，好似飲雜菜水。服務？更令人想死。一個高高大大着橙裇衫的男侍應，完全亳無禮貌，我們落單話要A 同C 餐，我地足足講左3次，佢仲問你係咪要D 餐，吓，佢係咪連ABC 都唔識架？佢仲用審犯似的問你：『餐湯飲咩？要咩菜？餐飲呢？』又唔repeat order，就咁行開左，你都唔知佢有無落錯單，佢清理碟時兩次都唔小心跌杯碟，都唔明老闆點解會請佢！環境？坐卡位係OK，但若果坐圓枱就完全唔掂，張小圓凳會坐得好辛苦。整體來說，我完全搵唔到理由會再黎幫襯囉！…Read More

我同男朋友仔看完以下的評語後，專程去試試，結果失望而回，今晚的晚餐有：1-洋蔥豬扒飯，2-蕃茄肉醬意粉，3-一個7寸火腿磨菇pizza，有沙律、甜品和咖啡，價值是$68。先講個沙律，有兩種：什或凱撒沙律，什ok，但凱撒沙律的生菜不新鮮，菜已捆啡邊*ｏ*我叫個豬扒飯和肉醬意粉，碟肉醬意粉得丁屎肉醬，好似食緊齋意粉；豬扒飯的豬扒好細舊，好少汁，又似好似食緊白飯咁，味道一般。至於個甜品，我未食完，老闆娘已問定甜品，佢話平時有芝士蛋糕送，但因今日的蛋糕已餘下２款，所以今晚的甜品只有雪糕和一件小小的cookie。佢仲話這些蛋糕是昨晚剩下的（好誠實啊！），如果要選蛋糕作甜品，要加＄１０。（平時跟餐有蛋糕，今晚因只剩下昨晚的蛋糕，所以要加入＄１０才有得食，哈哈哈哈！佢認為會有人肯加多＄１０元食隔夜蛋糕嗎？）最後是咖啡，只可選擇＄２２以下，如要選特別種類的咖啡便要加錢。總括來說，只有杯咖啡是有水準的。不過以＄６８元個餐就真的不值。我同男朋友仔食完，都覺得好似冇食咁，一陣風冇，不過銀包就少了＄１４５。（我跟住還要去隔離街食多一碗”碗仔翅、燒賣、粉果．．．．等才飽。）…Read More

昨晚和男朋友專程去食佢的海南雞飯，經濟還未正式好轉，這家店已加價，而且加幅很大呢！原本$54的二人晚餐，而家要$60，足足加左不只10%。一人餐原本要$30，而家加到$35。好似搶錢咁。但加價不特只，食物大減，好少飯，好少雞，雞仲要勁肥，所謂個例湯好似史雲生雞湯。完全唔掂！個女人"筆"飯時，我話點解咁少飯，佢話"吓！唔少架啦！"，咁鬼孤寒，d飯好以釀左金咩！扺你冇生意！講返食物質素，個飯冇以前咁好食，唔香，飯身唔靚！碟雞冇乜雞味，可以話完全失望！…Read More