Newbie to Foodie's Profile

由韓國人主理既尖沙咀韓國菜小店！一入到去幾檯客都係韓國人，聽住佢地講野，成件事好似去左韓國咁😂一去到仲有小菜食住先大蔥五花肉 五花肉好粉嫩，食落滑嫩🤤包埋生菜泡菜，滿足我依隻食肉獸😂仲有專人燒肉，由擺爐到燒肉都好企理乾淨，好正❗️人蔘雞湯淡淡人蔘味，唔會重味到令人抗拒😆見到成隻雞係入面好足料，好滑～同埋入面有少少米！好似食粥咁😎泡菜煎餅 好好味！推薦依個好香口好脆唔油，泡菜唔會太辣，趁熱食個下好味到我地叫多個海鮮煎餅😚海鮮煎餅 滿滿既魷魚同韭菜，同樣煎得乾脆，但本豬偏好泡茶煎餅既味道韓式粉絲 入面有牛牛，仲有彈牙既粉絲😌配埋雜菜，炒得幾香…Read More

餐廳係商場入面環境幾靚，侍應好好，提供掛袋既勾俾我地，佢講優惠個時我地太專心望餐牌冇聽到，再問佢個時都有耐性咁講多次🙈好食牛角包，大家去既話要試下佢地既招牌流心牛角包，有鹹有甜有雪糕揀，我都各自揀左三款🥐法式龍蝦湯流水牛角包黎到睇落係好普通既牛角包，一切就爆醬，牛角包蘸上熱既龍蝦湯，冬天食一流，同埋龍蝦湯濃度岩岩好，唔會太水或姐太稠爆餡開心果流心牛角包開心果味道濃郁得黎唔濟，牛角包上既cream質感都好順滑，牛角包鬆軟特濃牛奶軟雪糕牛角包一凍一熱既配搭冇錯，牛奶味道好香濃，個雪糕好好好味🤤我覺得單點食個雪糕都唔過份西班牙黑毛豬腩&黑毛豬頸黑毛豬腩外皮帶香脆，食落軟腍黑毛豬頸姐係豬頸肉啦🤣厚身，咬落有嚼勁挪威鮮三文魚牛油果忌廉意粉淡淡牛油果味道幾清新🌱鳳尾蝦龍蝦汁意大利飯鳳尾蝦彈牙唔霉，飯粒吸收哂龍蝦汁飲品～…Read More

其實都黎食過兩次，印象唔差，坐得舒服，午餐選擇多，有express lunch同satisfying lunch，平D貴D都好食，今次我地人多仲加埋錢試個甜品香辣龍蝦意粉泰式辣～配上九層塔幾惹味😍我覺得岩食5小辣以上既朋友仔，我食到但我隔離朋友仔食唔到😂龍蝦肉絕對係肉眼可見！雞扒烏冬我朋友話之前食過念念不忘，今次要叫滿足自己食慾（對本豬黎講108食碗湯河好似爭啲😂），我覺得湯底冇乜特別，但調味唔會過淡同過鹹係真，雞扒表皮煎得脆香濃蕃茄虎蝦意粉虎蝦彈牙，蕃茄味同名一樣咁濃😘酥炸雞扒炒意粉好大份！成個Pan 拎出黎😂好似中式肉絲炒米既味道，只係換咗一大塊雞扒同埋意粉😂鴨肉湯河粉似泰國湯河嘅味道，鴨肉幾滑唔騷香芒印度煎餅諗住冬天唔岩時節會勁酸，結果係微酸😂，同埋送上黎煎餅都仲酥脆脆皮梳乎厘出乎意料之外地大份，諗住細細個梳乎厘，先叫咁多個分享黎食，我覺得可以3-4個人share一個朱古力同綠茶味都好香，配我鍾意既煉奶/朱古力醬食，唔甜同埋真係好soft，配左脆皮有唔同口感黑松露薯條熱同脆😂同埋睇落唔黑，應該唔係用千年油炸🤣🤣…Read More

一行7個人去九龍城食泰國嘢就岩曬啦～兩個朋友都一致表示想食泰皇閣，就拿拿林打電話去book! 食物點評就往下睇～泰肚餓既關係，我地叫左十樣野咁多仲一人一杯飲品🤣生蝦新鮮彈牙，同埋乾淨，配埋蒜片同辣椒粒，刺激味蕾😝叫左兩個菜，分別係馬拉盞炒通菜同蒜茸炒芥蘭，菜唔老，不過調味再濃味少少就更加好味啦蠔既話蠔味爭D，調味可以再濃D，我覺得麻麻地…因為咩味都食唔到，蠔都唔係特別肥美🙈冬陰功湯，入面有有菇、青口、蝦、魷魚 ，唔會好辣～個人認為帶有少少甜味，我都飲左兩碗😋擺盤有心思，牛扒小山丘🤣牛扒燒得岩岩好，淡淡粉紅色，再舖上滿滿既泰式辣醬，好惹味，椒味濃😚金邊粉每次食泰國菜都會叫個炒金邊粉，上碟靚靚冇走樣🤣熱辣辣👍🏻生菜包，肉碎炒得香口，辣度岩岩好，襯熱食啊😙一黎到好大條鰂魚😂，不過調味都係差啲…串燒，正常發揮，個沙嗲醬偏甜…Read More

重慶大慶唔止係食咖哩～第一眼見到間餐廳心諗：估唔到依到有咁靚既餐廳！打電話book位同埋叫野食都係用英文對話，員工都有禮貌!係餐牌見到非洲加納特飲同埋巴基斯坦芒果汁，勁好奇係咩同埋巴基斯坦芒果係咪特別好味，餐廳提供既係樽裝飲品（都可以問佢拎杯斟出黎）芒果汁味道唔係死甜，係真芒果汁🤣而個個非洲特飲聞落似中藥，飲落似mugwine，有肉桂味，味道酸酸地開胃啊個雜錦海鮮燴非洲飯，我覺得同西班牙既paella差唔多，都係有蝦有魷魚有青口有clams，飯粒濕潤度夠，唔會乾爭爭特色炆牛尾，牛好冧軟骨位易咬～食落感覺似韓式牛肉汁非洲王辣雞煲，有得揀辣度（大/中/小），我地揀小辣，實際上都真係微麻辣（唔需要一啖水一啖雞），絕對食到花椒麻既味道，都唔會愈食愈油叫左雞煲就當然唔好浪費d汁，叫左個Garlic Naan，質感偏冧 、煙韌，但唔夠蒜味唔夠飽就叫多個雜錦海鮮意墨魚汁意粉，而我地都覺得個意粉辣過個雞煲😂小食Nacho!慶祝朋友生日少不免叫甜品，落左個Red Velvet Cake同埋是日甜品：pineapple cake ，好有特色同好食喎，個cake芝士唔漏都好smooth，同埋d生日字寫得好靚🥰都冇串錯字！而個pineapple cake令我好驚喜🥰類似焦糖菠蘿燉蛋～用個菠蘿外皮做容器，表面有層焦糖片，下面係燉蛋+酸酸甜甜既菠蘿果肉，唔錯👍🏻…Read More

之前食lunch想去，點知勁多人，今次醒目打電話book左位先～都好快有人聽電話，一去到就馬上入座唔洗等！總括黎講，我會再一次去食，因為性價比高，一行8個人都好飽，大份同埋食物質素唔差，午市定食選擇多，餐廳闊落燈光柔和坐得舒服，同埋侍應有禮貌👍🏻和風牛肉鍋定食一黎到勁大鍋（大過我塊面），入面好多料，牛肉有多塊，粉絲好好食索哂汁 ，蔬菜既種類都有3種，有娃娃菜、小唐菜、椰菜 ，仲有本菇同金菇豆腐，配埋麵豉湯同飯，飽到上心口🙌🏻滑蛋吉列豬扒飯定食分左5塊小豬扒，個滑蛋岩岩好，仲有少少蛋汁，軟嫩滑口壽司竹（火炙）食唔慣生魚質感低又想食壽司既朋友仔可以食依個火灸壽司拼盤，有三文魚、原條穴子、珍寶壽司蝦、皇帝蟹肉棒、左口魚邊、帶子、牛肉他他、玉子、加洲卷，總共九件壽司+沙律+茶碗蒸+麵豉湯個湯有蘿蔔豆腐，都係經常見到既料，最令我驚喜係仲有一少塊既三文魚～增加鮮味茶碗蒸蛋味濃郁，同湯一樣咁足料，有粉絲、菇、蟹柳蕃茄牛肉烏冬定食蕃茄湯底濃郁，好多烏冬食唔哂⭐️跟餐配搭野飲＋8蚊⭐️加一…Read More

出面睇舖頭細細，入到去原來都幾寬落，坐底用QR Code點餐，有飯有湯粉有撈檬有法包揀，都幾多款揀，樣樣都幾吸引，都要諗左一陣先決定到～點完餐個姨姨個同我地講個system未必準，同我地對單，笑死，咁我地就加番杯野飲啦，希望個system run 得更加好，咁啊姨唔洗咁辛苦啦🤣點依個越式豬頸肉擔心係咪得個幾塊肉，結果黎到係有十塊架，仲要又爽又滑，上面有個D脆脆乾蒜有更多口感，下面又埋左生菜減低油膩感，點埋醬汁，滿足左我依個豬頸肉fans！同埋個飯黎到勁香，成個飯有肉有菜（仲有蔥油）有飯，仲要有擺盤，我覺得好滿足😋香茅雞翼撈檬，天氣熱最岩食撈檬，涼食消暑，同雞翼大大隻同埋炸得酥脆香茅烤牛肉撈檬，牛肉好多，同埋煮得岩岩好，肉嫩～至於個扎肉雞絲湯檬～要形容個湯就係清雞湯咁，唔油冇味精味，唔會想係咁飲水👍🏻凍飲加3蚊*冇service charge，同埋食到好食既午餐，唔錯！…Read More

中秋節一家人想出去食，見到依間之前經過一直想試既西餐，諗起冇試過帶父母去食咩酒店既大餐，暫時都未做到🙉，不過見到由五星級酒店行政總廚主理既扒房，仲要係我住既大埔，本住想帶父母食好西既心，就揀左Fat Belly我最想讚係佢地既服務，我過往同父母食既都係相對平民既餐廳，父母對好多野都好好奇，我媽媽唔識用檯上既鹽樽，侍應有禮貌地教我媽媽點用，而侍應既態度我幾欣賞，冇令我地感到尷尬，同埋都好詳細咁介紹餐牌，當我地做唔到決定既時候，都會俾advices我地而野食方面，餐廳係有花心思係配搭，醬汁同配菜既選擇多，叫一個扒可以配一隻汁而醬汁有牛油蛋黃醬、蒜蓉牛油、阿根廷青醬、紅酒牛肉，仲有個辣醬，配上唔同醬汁有唔同既滋味，我地一家人最鍾意係紅酒燒汁，都係淡淡紅酒味比較襯托到牛肉既香甜。又有8個配菜揀，咁我地就試左薯條、迷你牛肉飯同埋磨菇湯，薯條熱辣辣香脆，迷你牛肉飯牛味濃，飯粒有牛油香味，但一定要熱食，因為凍食既味道係失色不少，磨菇湯就正正常常，隨扒送上既蒜頭勁好食！再有三款芥末醬可以試，有d wasabi 味濃d，有d帶薑味，刺激下味蕾～至於扒既評價，用炭火燒烤爐，都等左差唔多半小時先上菜，我地叫既dry aged 45 days ribeye，beef wellington 唔錯，塊肉好軟嫩，易切。而我地都有試既是日推介Us omaha New York Steak Bone in Strip, 反而依個令我有d失望，食落有啲韌😅都好難切，切到我攰我最鍾意係塊Hungarian Mangalica Pork，配上粒粒蘋果醬，仲有蘋果粒，酸酸甜甜，好夾至於甜品，正常發揮～…Read More

餐廳叫’飲館‘，顧明思義就知係飲野傾計既好地方，一場黎到點都叫杯酒chill下🤣夜晚8:30前買一送一，侍應好有耐性咁介紹唔同酒俾我地認識，我依d入門級既比較鍾意飲甜少少既，就試左侍應推薦由蜂蜜發酵釀造出黎既酒，易入口既蜂蜜酒係到要讚下服務🙌🏻我覺得成個交流過程好好，我地兩個新丁唔識野問多幾次侍應，佢都好有禮貌好好笑容👍🏻野食就決定試吓佢哋既人氣菜式，我就揀左No.1同No.5同埋揀咗串串燒試下首先要讚下佢既豬頸肉，好好味😍😍一大塊豬頸肉串埋一齊，茶上泰式辣醬好香口，我同朋友切開左share，但我地好後悔冇一人一串😂大啖大啖咬先爽，由於好食既關係，我地係有叫多一串🤣飲下酒食下好味既串燒傾下計，成件事好chill😎至於No.1 黃油雞…同我之前食既黃油雞比較下，我覺得相對冇咁出色，雞髀冇我預期之中滑嫩，同埋肉比較少肥膏多，今次兩個人食半隻雞我都覺得唔夠，性價比麻麻地呢而No.5 蝦兵蟹將，蟹肉量ok架，d蟹肉係肉眼可見，微辣同埋淡淡油香，但鑊氣可以再勁d，成個飯再乾爽d就更好食餐廳裝潢裝飾有特色同埋特別既菜式名，睇得出有心思，上菜既餐具都令我好有驚喜，為餐廳增添懷舊復古玩味，而我去既依一晚舖頭播既每一首歌係香港歌手既歌😎加分…Read More

每次屋企人話出去食飯，因為住附近嘅關係，所以好多時都去beans😆今次終於的起心肝寫beans🤣其實每次去都冇失望，menu都會有新品，食物質素唔差，又有擺盤，餐廳環境舒服乾淨✨侍應有禮貌，所以一家人都鍾意去食跟主食加30蚊配小食，蕃薯條感覺健康d，餐飯食到最尾都脆卡邦尼煙肉意大利闊意粉掛汁，連配料都沾滿， 煙肉同菇量夠油封鴨腿肉意大利飯有黑椒味， 鴨肉已拆肉，鴨肉味出再配埋油香味，唔錯 ～配埋芝士脆皮，有陣鹹香味，一碟野食到好多味道😋但今次我覺得個烤雞Pizza麻麻地，落太多蜜糖所以太甜 ，都蓋過燒烤醬同芝士既味道🤔揀一個主食都可以配美式咖啡/檸檬蜂蜜（可選擇甜度同冰量，有熱揀）/黑糖姜母茶（只有熱），今次去檸蜜蜂蜜賣哂😢咁夜就唔飲咖啡，咁唯有養生d揀姜母茶，都唔錯既，姜味重😂侍應都細心，幫我斟水個時見我擺電話係杯隔離，都禮貌地提一提我拎走先斟水，服務有加分🙌🏻…Read More

朋友話我難得入元朗，叫我揀間想食既，因為帶住小朋友都想揀商場入面既餐廳，又有bb凳提供坐得舒服d。我睇過一輪openrice，就揀左依間好壞參半既餐廳，有見服務態度同食物質素都話需要有改善，咁就試下佢~總括黎講，食物質素係普通cafe水準，賣相唔錯，成個定食既配搭幾全面，有沙律、湯、生果、主食、茶碗蒸，仲奉送野飲，性價比唔錯。同朋友傾計先知道朋友唔係第一次黎食，朋友話今次有進步正常左，之前係食完冇下一次，只係因為我想試先再黎食。而服務態度當然視乎當日你遇到邊個侍應，我遇到既女侍應幾有禮貌，上菜少左樣有同我講話整緊，之後再拎俾我，同埋都有同我地傾下計，希望愈來愈進步啦明太子意大利粉要讚下明太子量多，明太子fans表示滿意，我覺得依個定食係幾抵食個芝士漢堡拼吉列大蝦不過不失，冇乜記憶點，不過我覺得食物再熱d就更好…Read More

同事話想出去食lunch，我就突然諗起依間一直想試既餐廳，機會黎啦！餐廳唔大，一眼睇哂，坐到12個客人餐廳好貼心，有提供唔同size 既漢堡飽，肚餓既我就揀左和牛漢堡（original），話自己細食既同事揀左煙肉芝士牛肉漢堡（tasting），下圖供大家參考size和牛漢堡重點當然係塊牛啦！咬落去tender同juicy，牛味濃郁，加埋融左既芝士，配合埋麵包皮鬆軟既質感仲有牛油香，成個漢堡包一d都唔dry，整體好食薯條同煙肉芝士正常發揮飲品加配價錢我認為有d貴...同事叫左但我冇叫到，員工俾左杯凍水我，等我解下渴！…Read More

餐廳位置唔難搵，小店裝潢行溫馨路線，個色調睇落舒服，座位唔多，坐到十位客人，我平日7:30pm去等左20分鐘，門口有一張小椅子可以坐到兩個人。餐點選擇一定冇連鎖餐廳咁多，小店冇加一。食物味道我會話冇太大驚喜，但感覺就係韓國普通家庭煮出黎既味道～賣相就行平實路線。小菜係可以食完再添迷你泡菜煎餅，有d厚度唔係薄身個種，都幾酥脆，酸酸地帶微辣韓式炒年糕，有魚糕，偏甜辣韓式紫菜飯卷（五花腩），冇咩特別，但價錢相對連鎖係抵～…Read More

當初揀依間餐廳都係因為依到既裝潢有特色，感覺返去90年代咁，所以約埋屋企人去懷緬下，環境係乾淨寬敞，屋企人又坐得舒服不得不提係個招牌脆皮乳鴿，又熱皮又脆，最重要係d乳鴿洗得好乾淨，除去內臟除得好徹底而個XO醬炒碧綠海螺片，得地揀左菜芯，一致表示菜芯好靚好清脆，同埋好多海螺片，不過XO醬可以再落多少少，香辣味出d咕嚕肉份量睇落唔多，但每舊咕嚕肉都好大粒好大碟金沙脆魚皮，炸到鬆脆，鹹香蛋黃味椒鹽鮮魷，薄薄既炸漿下見到鮮魷厚實既肉，咬落去脆得黎又彈牙，同埋大大條咁咬好爽蠔仔菜脯煎蛋係真蠔仔唔係蠔豉！煎得乾身薑蔥桶蠔煲，好惹味，d蠔好肥美juicy，熱到辣親個嘴食到最後已經好飽，面對住咁大塊既懷舊蝦多士同咁有鑊氣既黑蒜蝦仁炒飯都要試下可惜既係我地試唔到個糖水，因為冇哂！！！所以大家去食既話食到差唔多就同店員講留定...好味既野係唔等人...…Read More

未去到間餐廳就收到入座朋友既message話環境寬敞，幾靚，坐落幾舒服，又有打卡位(有個秋千)，已經加哂分抵食法國黃油燒雞，燒得好靚仔，個皮少少脆肉質嫩，墊底既蘆筍同薯仔又吸哂d雞油，雞又大隻，性價比高塊striploin好嫩，鎖到肉汁，如果可以，我想自己食一塊水牛城雞翼，醬汁多到，每一啖都食到辣味黑松露薯條，粗薯條有口感，d醬俾我地清哂個帶子墨汁意大利飯正常發揮我個人對carbonara麻麻，因為食過好漏既carbonara...但朋友想食咁就試下，食落creamy得黎唔漏喎，仲有我鍾意食既ham，加分！朋友叫酒可惜我唔好，我就order左薄荷朱古力奶昔，大愛透心涼…Read More