alan162's Profile

今早預鬆咗時間，有限地在Times Square搵地方食早餐，望入去環境唔錯，好舒服，所以坐低咗。叫咗個早餐，要慢煮雞胸肉，再加返個煙三文魚，味道好OK 。早餐包埋飲品，可以選擇即刻上，或者「叫起」，想不到葡萄烏龍茶有驚喜，好香，值得慢慢嘆，慢慢享受葡萄香氣。如果要搵地方玩吓一個人的浪漫，實在非常唔錯。…Read More

好耐之前去過，之後成日都唔見佢開，聽聞佢又再開返，所以尋日行過去諗住食個蛋包飯，睇過餐牌，一啲都唔貴，最平$45嘅蛋包飯，仲有嘢飲包埋。點知除咗蛋包飯嘅滿足感之外，還有手沖咖啡的驚喜，只需要加錢，最貴都係加多$45，相比出邊平好多，一於試吓啦！原來咖啡師好專業，初時叫一杯Premium，點知咖啡師親自過嚟講解，依家用乜嘢咖啡豆，我順便問吓有冇洪都拉斯嘅咖啡豆，超爽的回應，以下省卻3000字……最後，咖啡師按着客人口味選擇合適的咖啡杯，因為我要熱咖啡，佢仲預先用熱水暖杯……好細心！勁！真係無話可說😋…Read More

一家人行完一輪 九龍城，落起大雨，搵個地方休一休，避避雨。想不到叫咗啲嘢食唔差喎！亞女特別喜歡佢杯冷泡凍頂烏龍，我試過，有啲驚喜！唔知我哋真係肚餓，定係啲嘢真係好食，食到差唔多，我哋又叫多一輪嘢食。返到屋企，都唔使食晚飯。哈哈！…Read More