phoebe321's Profile

話說三哥出咗下午茶，聽講仲好抵食，當然要去朝聖啦！唔記得咗影個餐牌，請自行上網睇返～我哋嗌咗兩個下午茶B餐：雙餸米線+三拼小食$481️⃣雞肉魚片頭麻辣五小米線/蒜泥白肉/土匪雞翼/口水汁青瓜😋2️⃣腩肉豬皮麻辣五小米線/土匪雞翼/香草雞翼/麻辣汁豬耳😋要留意湯底只可以選清湯或另加$1轉麻辣湯⚠️米線份量比想像中多，大概有正常份量嘅2/3🍲迷你版嘅白肉雖然只有四塊，但係比咗好多蒜泥，可以嗌腩肉做餸再加蒜食，咁就有好多塊食啦🤣一份小食有兩隻雞翼，嗌晒兩款雞翼就最抵啦😆呢間分店都嚟過幾次，人手短缺，而且下午茶用唔到手機落單，所以都係要直接出去搵姐姐落單就最快啦～…Read More

喺OpenRice睇到呢間日式丼飯外賣店，價錢相宜幾吸引，於是就決定試試日式咖哩吉列豬扒飯🍛$50吉列豬扒同咖哩飯分開放，唔會令到豬扒淋晒，而且拎到返去先開始食，啲豬扒仲係脆口嘅🤤咖哩嘅份量亦唔少，配飯一流，整體性價比高👍…Read More

嚟咗東大街掃街，行過見到手卷舖頭，作為壽司狂熱者嘅我當然要試下😆鹽燒三文魚手卷😋😋😋😋😋一拎出嚟包裝沾滿魚油，但係三文魚嘅醬好足夠，唔會令個手卷好寡，唔洗點豉油都得🤤！其後再嗌咗幾件壽司👇🏻左口魚壽司😋😋😋友人覺得有啲腥，或者下次我會試鹽燒左口魚~日本拖羅蓉軍艦😋😋😋拖羅蓉份量都足，一啖食晒好滿足芝麻八爪魚軍艦😋😋😋😋😋八爪魚好大隻，加上個醬好食，推薦！蟹籽沙律(大)😋😋😋😋😋喺櫥窗見到有賣蟹籽沙律，當然係必食啦😍一定要嗌大份，青瓜絲份量好多，蟹籽同沙律醬嘅份量都足以撈晒全部青瓜絲🤤差唔多食晒先醒起無影相🤣…Read More

聽講呢間茶樓只開到下午2點，於是趁平日有時間就嚟試下～平日去到唔洗等位，自己搵位就可以👍🏻要注意茶樓逢星期三休息‼️6月連星期二都休息，唔好摸門釘呀入到去，地方唔大，坐到10張枱左右。而碗筷、茶壺茶杯全部都係自取🥢🫖茶樓只有一張點心紙，假日先有加一💰漁歌鮮蝦餃🦐皮薄、啲餡都可以接受，不過不失豉汁蒸鳳爪🐔鳳爪係一分為二，有6隻，味道冇出面啲酒樓咁濃奶皇千層馬拉糕😋千層糕香軟鬆化，一定要趁熱食！懷舊珍珠雞🍴估唔到會有三舊咁多，不過入面唔係太多料，食落一般…Read More

從未食過炸大腸嘅我，放工時分經過呢間小食店，都算多人，要排隊。而且圖片都好吸引，令我決定將我第一次嘅炸大腸獻俾佢～馳名炸大腸 $16聽友人講呢間嘅炸大腸算略貴，食落非常新鮮熱辣，外脆內軟，醬汁要自己加。可以一試👍🏻…Read More

想食辣野，就隨意搵到呢間餐廳～餐廳唔係太大，lunchtime時間陸陸續續都會坐滿人🍴用QR code落單，我就嗌咗個水煮肥牛配白飯😆可以揀少飯/多飯/正常，我就揀咗正常首先，個水煮肥牛好大碗😍啲肥牛細細塊，唔多肥肉，份量又多！而且仲有好多配料，芽菜、蓮藕、海帶等等😋夠辣夠麻，值得一試！荔枝伯爵紅茶就比較淡，但都有淡淡嘅荔枝香味～不過要注意⚠️餐廳並無水提供，落單嗰陣要衡量下洗唔洗嗌飲品🙈…Read More

原來係樓上舖嚟，行兩層樓梯～Menu簡單簡潔，除咗set之外仲有a la carte menu📓魯肉飯🍚$30細細碗，開頭以為肉唔多，一路食一路仲有🤣😋好夠味好餸飯👍🏻美中不足係啲肉偏肥少少台式醉雞🐔$70個人唔太鍾意飲酒，所以覺得酒味都幾濃郁🙈肉質嫩滑，唔錯老皮嫩肉🍴$60就咁聽個名唔會知係豆腐🙈炸得外脆內軟，配埋微辣嘅醬好惹味，惟得6舊，價錢頗貴😟下次未必再嗌另外員工唔多，可能太繁忙，我哋想要兩杯水，問咗3次先有人記得比我哋😢…Read More

同三個朋友嚟食，門口裝潢設計簡約文青風，睇唔岀係泰國菜～🦐大蝦炒金邊粉 $108泰國菜必食金邊粉，呢度大大碟，份量十足！味道正正常常，唔算好特別，但份量多同人share都好夠～🤤🥬生菜肉碎包(豬肉) $98豬肉碎份量好多，加咗紫洋蔥，味道同口感都豐富咗！😋🍱小食拼盤 $90炸物最緊要脆！拼盤嚟到時熱辣辣卜卜脆！炸蝦餅大件啖啖肉，好滋味！春卷同雞棗都好食，推介👍🏻🐣青咖喱雞肉 $88青咖喱味道幾濃，而且少辣，十分惹味。入面除咗雞肉亦都有好多蔬菜，唔會太dry亦可解膩～🥰🥭芒果百香果沙冰 $48沙冰多到個杯唔夠裝，要企起身🤣主要飲到芒果味，唔算話太特別～…Read More

偶然行過見到越南野就試食下～炸蝦餅鯪魚餅墨魚餅湯河🍜有三塊餅，一分為二變六舊，正常炸物，都幾好食。河粉湯底夠味，麵質夠淋，唔錯。嗌咗個蝦多士🍤有啲失望，炸得雖然夠脆，但更似食緊麵包。晚餐嚟講，價錢相宜抵食，惟唔太推薦蝦多士。…Read More

成日經過但都冇食過，因為友人強力推薦，於是就嚟試下。Lunch嘅套餐每款都送二至三個小食，青瓜、花生、木耳。香酥雞排配白飯🍴雞排幾大塊，切開約五舊左右，咬落香脆，肉都幾juicy😋台灣肉燥乾拌麵🍴望落有啲dry，不過撈埋啲肉燥，食落味道不錯～食晒啲麵，我哋更將白飯倒落嚟，撈埋啲肉變肉燥飯🤣台灣櫻花蝦肉鬆蛋炒飯🍴炒飯欠缺些少鑊氣，唔會話太乾身食落好dry，都okay椒鹽百頁豆腐🍴呢個豆腐要睇各人口味，我自己就麻麻地，覺得有啲似擦膠，唔知自己食咗啲咩咁，我唔太推薦，但友人就好中意食🙈鹽酥雞脾菇🍴不過不失，還可以嘅～格雷蜜香蘋果冰茶🍹感覺好fresh！！千祈唔好走咗啲蘋果肉，果肉係呢杯飲品嘅靈魂🤤髒髒朱古力珍珠奶茶🍫極邪惡，賣相好靚，奶蓋漏晒岀嚟🤤🤤🤤朱古力加珍奶雙重滋味無得頂，飲品偏甜要注意～…Read More

本身一心諗住嚟食烏冬，點知見到lunch限定嘅串丼，幾特別，而且見隔離枱嘅串燒賣相都唔錯就嗌咗。佢啲串燒有四款系列：鹽燒、韓醬燒、汁燒、辛辣燒🍢因為見個丼得四串，驚份量好少同撈唔到飯，就試匀各系列嘅肉🥩每串都有三舊～鹽燒豬腩串👍🏻👍🏻👍🏻👍🏻👍🏻燒得啱啱好，肉質鮮嫩唔韌，食落有陣陣鹽味，但又唔鹹，好想encore🤤！韓醬燒豬腩串👍🏻👍🏻👍🏻👍🏻用平時嘅韓式醬醃製，甜甜地，同豬腩肉好夾，推薦！😍汁燒金菇肥牛卷👍🏻👍🏻👍🏻個卷好大舊，卷咗好多金菇，不過肥牛有啲燒到乾乾地，三大舊會略嫌有啲濟，同人share會好啲～☺️辛辣燒豬腩串👍🏻👍🏻👍🏻因為四串都食唔岀邊串辣，用排除法揀岀淨返嗰串😂第一啖食落似鰻魚汁，有啲似燒汁嘅味，雖然食唔岀咩汁，不過啲肉好好味😋佢有秘制辣汁同日式和風汁比你撈飯，我揀咗秘制辣汁，都真係有啲辣，不過好惹味，亦係值得推薦！飲品：柑桔蜜🍹係溝到好淡嘅柑桔檸檬🍋飲品：巨峰提子活性乳酸系列🍇淡淡地嘅提子乳酸味，普普通通同行友人嗌咗西班牙豚肉自家製地獄濃湯烏冬，我試咗幾啖湯，覺得唔係地獄級嘅辣，但感覺似飲緊辣油，偏油膩🙈…Read More

本身諗住打電話book位，點知原來係不設訂座，6點9左右嚟到都仲有位～門口見到期間限定嘅menu，係黑松露主題🤤。除咗有set menu，當然唔少得本身嘅a la carte menu啦😍餐廳，播住歌，令人好享受～我哋嗌咗Set for 2麵包：Sour bread🍞大約有五塊，味道微酸，外層較硬，內層鬆軟，好有咬口。因為我唔鍾意黑醋太酸，友人表示配上黑醋橄欖油，簡直係絕配。前菜：吞拿魚牛油果他他🥑精緻嘅擺盤，望落細細碟，但份量都多，加埋紫洋蔥嚟食，味道就變得更加清新😋👍🏻主菜：經典千層麵🍝啱啱新鮮出爐嘅千層麵好香芝士味，每層嘅厚度都好平均，肉醬亦都唔會膩。自製嘅意粉好有口感，肉醬同埋意粉嘅比例好好！主菜：松露巴馬火腿螺絲粉🥓好多塊松露，超級抵食！！！螺絲粉同一般嘅唔同，手工製偏煙韌，煮嘅時候唔會好耐，粉身唔會好淋，增加食趣。切成細細粒嘅巴馬火腿令到成個意粉增加左一種同松露味好夾嘅鹹香。中意巴馬火腿同松露嘅朋友一定要試喇！☺️飲品：Red Wine🍷 個set menu 加60蚊就有house wine揀✌🏻Red或者White~今晚友人就揀左紅酒，杯紅酒唔𢲡喉，入口有陣提子嘅微酸。整體嚟講60蚊有咁嘅質素真係好抵！飲品：Italian Passion🍹熱情果梳打～好fresh😆唔錯🤣甜品：Tiramisu起初以為係得一舊細細件嘅tiramisu，點知原來係咁大杯🤣兩個人share食一啲都唔過份😂🙈味道亦都好傳統，雖然蛋糕偏甜，但係連埋上層帶有少少苦嘅可可粉一齊食，完全中和左啲甜味！甜品：Panna Cotta意式奶凍本身好重牛奶味！加埋表面嘅mixed berries sauce就更加有層次！微微嘅酸味真係愈食愈開胃，口腔有種清新嘅感覺，完滿劃上今餐dinner嘅句號！🥰…Read More

一直都聽聞屯門Vcity一田超市入面有間隱蔽小店，今日終於去試下。去到先發現原來得四張枱，我諗應該坐十六個人左右。諗咗好耐食咩好，店員見我哋猶豫不決諗咗好耐咁，就主動問我哋使唔使推介。正值夏天，店員推介我哋食夏日精選嘅蝦意粉同檸檬魚意粉。忌廉檸檬魚意粉，忌廉味較重，食落帶有少少酸味，迎合夏天清新感覺🌞炸魚食落唔會好厚粉，唔錯👍🏻Blue lemonade，唔肯定有冇記錯飲品嘅名。中規中矩嘅lemonade，有時會飲到少少檸檬皮🤣入面加咗兩塊薄荷葉，飲到越底越重薄荷味。忌廉蟹肉薯餅，炸到好脆，但我覺得個炸粉可能同餡唔太夾，個人麻麻地鍾意🙈炸薯條🍟就算食晒個意粉先食，都仲係咁脆，好難得，好好味！！😋😋😋朋友就嗌咗至尊漢堡同Dirty☕️佢話呢兩樣都唔錯～…Read More