ssylyh's Profile

新開小店見到食評唔錯就黎試下菜，星期五晚上8點幾黎到門口已經有一班人等緊位，等左大約一個鐘左右入得！話晒係小店，鋪頭細細得十張8張檯。坐底即刻叫野食，狗仔粉，喇沙，串燒，蘿蔔糕，炸豆卜，玻璃魷魚通菜，仲有杯桔仔酸梅水，埋單只係210蚊，好抵食，2個粉面就普普通通啦，串燒好香，個汁較得剛好，啲肉都好淋，個蘿蔔糕似係港式XO醬炒蘿蔔糕咁，個醬鹹鹹香香都幾好味。最推係個玻璃魷魚通菜，魷魚好脆口，通菜有啲似蝦醬通菜咁，好大碟只係30幾蚊整體價錢好合理，份量多，只係鋪頭較細，坐得冇咁舒服，員工有禮貌。值得再黎一試…Read More

之前睇報導介紹，本身就是台灣控見到好似唔錯咁就黎試下。店舖唔大，6點左右人都唔多。因為本身唔多食牛所以叫左麻辣撈面，朋友叫左三星牛肉麵，仲有椒鹽百葉豆腐，肉鬆皮蛋豆腐由於本身我唔多食牛肉，所以只試左湯，味道都濃郁，好明顯冇味精😂但朋友就話唔夠濃但啲肉夠淋，所以個人口味唔同。但相反個撈面就好普通，味道唔夠，而且麻辣不麻辣小食二款都好好味，百味豆腐炸得好Q加上炸蒜皮蛋豆腐好滑個汁調教得剛好。整體味道好，只係食物款式較少，價錢大眾化員工有禮貌值得再黎…Read More

話說睇左某個報導後，俾佢個奄列pancake吸引左，所以星期日就同閨蜜一齊黎試下。1點左右黎到，只有3檯客人，空間都幾大，店舖佈置好吸引，好少女系。空間咁大俾人好舒服嘅感覺。叫左3樣野食，最想食嘅奄列pancake餐牌係寫2點黎至有，本身諗住食完野夠鐘至叫，但食完未夠鐘已經見到有人叫左。叫左櫻花蝦明太子意粉，一啲都唔明太子，俾櫻花蝦搶左味，份量都算大，仲有個鰻魚玉子漢堡，好大個，但唔好味，鰻魚係超市急凍鰻魚失望，仲有個薯角，店舖推介食物，一啲味都冇，面度啲芝士硬晒2杯咖啡都係一般般，一杯要40幾蚊有啲貴。黎到最期待嘅甜品，味道ok,個pancake 唔係空氣質感，食左等於冇食個隻，會有啲飽肚，個cream係乳酪酸酸地，好特別，個雪糕唔得好藥水味. 整體黎講，咸食唔推介，甜品可以一試。價錢都係偏貴，食物份量都ok, 2個女仔share一碟都足夠。…Read More

知道呢間野一開即刻要黎朝聖試下新野！12點左右黎到得一檯客，唔使等位即時入得！好可愛嘅餐具入正題，叫左個吸血鬼殺手$158，開頭見佢有3條辣椒辣度有少少擔心，問左店員之後話係可以接受程度所以放心叫左。剛開始食落係得少少甜味完全唔辣，食食下至會開始有少少嘅辣味。入面有完粒蒜頭同埋啲腰果，腰果炸得香口，好食！而主角緊係雞啦，外層好香脆保留到肉汁，加埋甜甜辣辣嘅汁好開胃，2個人都食得晒！唯一係雞搥有啲唔夠味，因為雞係冇醃過。不過勝在啲汁出色，所以可以接受再叫左海鮮魚糕湯$148，入面有大量海鮮所以湯底都幾鮮甜，但個人覺得價錢太貴同埋有少少腥。因為鋪頭入面冷氣好大，所以湯好快就會變凍。如果有個爐一路滾住就更加好。最後仲叫左杯熱情果梳打，個人覺得甜左dd晏就時間人流唔多，可能新店仲未有太多人知道，整體味道都唔錯；炸雞款式都幾多。店內環境光猛，檯與檯之間有一定空間坐得好舒服。值得一試！…Read More

星期日黎到新開嘅鋪頭飲個下午餐，見到menu啲厚多士咁吸引專登黎試一試下午茶餐包埋杯野飲，首先黎個包，大大件好吸引，味道ok, 2個人share 食都好足夠。為左個窩夫同多士而黎緊係要叫晒佢啦原味多士中晒伏，食落好似食左啖牛油落肚咁，仲要成陣怪味。再黎個窩夫，一黎到賣相已經唔討好食落好似啲粉好似未撈勻咁，一pat粉咁，想點，完！全！唔！得！！跟餐咖啡，好彩。。好飲，夠濃總結報告：黎飲杯咖啡食個包好啦甜品唔好搞…Read More

踩單車到大埔本來係想試下一間專賣韓式包飯ge小店, 點知呢日去到竟然內部裝修 ..唔緊要! 黎到大埔又點止一間食店, 於是揀左呢間咖啡店, 舖面雖然唔係好大, 只有約7-8張細枱.店內環境都唔錯, 牆上有放一些小擺設.total叫左1杯野飲,2個野食. Peach Tea(跟餐), 一D都唔甜, 好香蜜桃味(唔係假桃味),茶濃D會更好, 因為飲到最後冰溶左變到好淡.Lunch Set 炸魚牛角包 (HKD54), 牛角包唔錯,好鬆脆,但個炸魚同埋薯格就太干太燶, 可惜! 黑松露炸薯條(HKD42), 冇得輸,必食, 黑松露勁香, 一條接一條完全停唔到手.…Read More

星期六出銅鑼灣行逛, 諗起呢間勁多人推介主打"抹茶"雪糕店, 我呢個抹茶控想試好耐,咁難得咁遠出到黎緊係即刻試下啦! 本身諗住係要外賣因為怕太多人, 點知去到唔使排隊仲可以堂食叫左個3色雪糕窩夫(HKD58)有齊抹茶,玄米,牛奶雪糕,仲有白玉(本來係抹茶味白玉但當日已經售罄 ),紅豆同栗子, 一次過試晒咁多野,正!雪糕好滑好CREAMY, 抹茶味略為唔夠濃唔回甘, 個人覺得太奶, 同埋雪糕都幾快溶, 所以要食得快.玄米同牛奶味都普普通通(因為我係為抹茶而黎)最驚喜係呢個抺茶拿破侖(HKD48),個樣雖然普普通通, 但食落一D都唔普通!餅皮勁鬆化, 出面食到普通D拿破侖都好厚皮,好硬都好重牛油味, 呢個一D都冇,好香餅味同入面D抺茶CREAM好夾, 我覺得抺茶CREAM仲好味過個雪糕, 抺茶味濃D冇咁奶, 必食推介…Read More

之前食過一次覺得唔錯,今次同亞媽撑枱腳揀再黎食食, 6點左右到都要等20分鐘左右 .見到枱枱都會叫烤雞其實係唔係咁好食呀?最後冇叫到烤雞因為見到咁大隻,只可叫一樣, 下次人多先試.Dinner Set係包一個是日餐湯, Main Courses同埋野飲, 一個Set 百幾蚊都叫OK抵啦, 仲要樣樣都咁大碟,最後叫大個一山不能藏二虎蝦意粉HKD148(我覺得D食物名真係改得好好笑), 好大碟, 有2隻大蝦,蝦肉好爽口, 意粉有少少辣, 好開胃, D意粉煮到剛剛好,有咬口,好怕意粉煮到發晒軟淋淋, 所以值得一讚仲叫左個卜卜脆炸魚薯條(HKD148), 又係鬼死咁大, 炸魚D炸粉厚左D, 魚肉幾滑仲有肉汁,一D都唔腥, 反而我覺得魚下面個醬仲腥, 好似係有D蝦醬味道,外面炸得好脆, 薯條係粗身個隻, 不過不失啦, 但係食食下有少少滯, 因為得2個人食份量太大.…Read More

星期六出外覓食, 12點出到尖沙咀, 諗住攞定飛食完個LUNCH返轉頭剛好, 12點拎張飛已經係11X號, 而宜家只係叫到2X幾.. 睇開飯見到話拎定飛之後去行個街返黎就啱,,果然..飛上面有QR CODE 只要掃描一下就知去到幾號, 唔使怕過左號碼, 呢個方法值得一讚 對於抹茶控黎講一間咁出名GE抹茶店點可以唔去朝聖呢? 食完LUNCH2點幾,掃一掃只去到8X,唯有去飲杯野HEA一陣. 3點再掃去到100應該差不多, 上到去等左20分鐘左右終於入得啦啦啦!!!!!!叫左個抹茶芭菲(HKD98), 入面有雪芳蛋糕、脆脆、小丸子、抹茶啫喱、抹茶CREAM, 一杯可以2-3個人SHARE, 抹茶味濃, 但越食越甜.. 另外叫左熱白玉紅豆湯(HKD78).. 都係一個字..甜! 但係白玉好味! 好Q! 整體感覺一般, 野食偏貴. 但勝在環境舒適! 每張枱有一定距離.. 不過就唔會再去啦! 當朝聖就算了.. …Read More

突然想食韓國炸雞, 第二日即刻約好姐妹出動, 中午時間黎到唔多人, 唔似DINNER排長龍. Goobne 以烤雞出名, 相比油炸較健康, 對女士黎講可減低罪惡感. Goobne係第4次黎食, 之前試過韓式烤雞同埋豬手, 2款都十分出色, 所以今次試食另一款甜辣烤雞(HKD160), 雞肉好滑, 甜辣汁好出色, 講真我好怕D汁得個甜味, 但係呢個汁唔會,  可惜係唔夠入味, 表面好惹味, 但食到入面就冇咩味, 整體上可接受, 份量好多, 一份有10件以上, 應該有一整隻雞. 之後仲叫左辣炒年糕(HKD120)價錢偏貴, 但勝在夠地道, 份量都多,  年糕煙煙韌韌少少辣, 入面有1粒蛋, 韓式魚糕 同埋有煙韌面條, 越食越上癮. 2個人叫2樣野食已經十分足夠, 因為每一樣份量都好大. 最近旺角開左分店希望可以分散人流, 下次DINNER黎都唔使等到頸長啦..…Read More

上年一套星星大熱, 連帶炸雞熱潮到宜家都未退過, 如果去過韓國就知炸雞一定為必食美食之一, 估唔到香港都有咁出色炸雞, 以後去唔到韓國食炸雞, 都可以黎pocha頂住檔先啦~味道絕對唔比韓國差.  見其他食評必食係88cm高超大串燒, 現場好多人叫, 但我冇食到, 因為得2個人食唔晒.. 人多可以一試, 睇個樣好似好好味. 今次叫左個蜜糖炸雞(HKD180) 勁JUICY, 雖然外面淋左少少蜜糖汁, 但黎到仍然外脆入面一D都唔干,勁多肉汁, 之後仲叫左個海哲豬手(HKD280), 完全中晒伏, 本以為韓國豬手咁, 黎到同相差咁遠, 問題係個汁點解會咁甜, 之後仲有2杯野飲, 不過不失啦~只係貴左D同細杯.. 下次會再試其他野食…Read More