收工飲茶先喇's Profile

行過炮台山，竟然俾我發現咗間新開嘅文青Cafe！門口睇落好chill，一於入去試吓佢主打嘅蛋包飯～雖然價錢有少少貴，但環境同賣相都幾得，總算叫做幫港島東街坊多個選擇！🍔 手工牛肉漢堡蛋包飯塊漢堡扒呢，就細過「米炊」嗰塊少少啦～醬汁幾特別，有微微哋苦澀味，醬油味出啲，食落冇咁油膩，幾適合怕肥嘅朋友！個蛋炒得啱啱好，滑溜得嚟又有蛋香，不錯！🍄 蘑菇奶油雞肉蛋包飯（個名唔太記得實）蘑菇汁Creamy又香濃，仲有啲煮到淋甜嘅洋葱同嫩滑雞肉！撈飯食真係一流，鍾意白汁嘅朋友應該會鍾意～價錢嚟講性價比就唔算好高啦，不過見佢環境舒服，蛋飯做得有水準，而且牆上面仲寫住有好多「季節限定」嘅Fancy款式，下次經過炮台山想Hea下都可以再encore嘅！…Read More

一早已經喺社交平台見到呢間店promotion,冰沙好靚今日返科大經過東港城終於嘗試到。今次揀咗鴛鴦香提茉莉茶，35蚊750ml冰沙，真係颜值好高!微糖甜度甜度啱啱好。夏天一啖冰沙好滿足。好適合拍照嘅飲品！呢間店Top1係日光富士山，淡藍色好適合夏天！下次再有機會一定試下。睇來都幾好飲。宜家仲有荔枝系列季節限定。可惜得紅磡同埋坑口東港城有分店，估唔到竟然會因為一杯高顏值冰沙如此羨慕hkust同埋polyu🤣科大同學落山食飯千祈要帶一杯日光之茶再返去！…Read More

在旺角行街發現呢間期待咗好耐嘅麵包店終於開業！放工時段已經有好多人排隊被好多精緻嘅麵包吸引入去，宜家有季節限定--白桃蜂蜜撻，第一次睇到呢個口味嘅千層撻都幾有創意蛋撻液超厚足料，仲有幾塊白桃果肉，夏天來臨嘅感覺！千層塔皮都好酥脆，唔會覺得油膩。呢個白桃蜂蜜撻值得滿分仲有開心果千層撻都值得嘗試仲買左咖啡菠蘿包，聞著有好濃郁咖啡味但嘗起來又未有咁濃，有d焙烤嘅味道，同原味菠蘿包比較，唔會覺得甜膩，都好有特色 仲有好多其他有特色嘅麵包，價格都唔算好貴，值得嘗試！收工去排隊喇…Read More

喺香港旺角食到人均35-50蚊嘅千層蛋糕！每次經過LadyM都被個價錢嚇親，終於喺旺角搵到平替！溫馨小店～香芋牛乳千層 36蚊咋！香芋控請無腦衝，係我心目中嘅香芋牛奶組合top抹茶巴斯克 綿密口感，抹茶味超濃抹茶千層 唔輸大舖嘅抹茶千層，不過面頭有層抹茶粉比較苦，我食嗰陣刮走咗面頭嗰層鋪頭喺旺角站A2出口附近，永如大廈三樓環境幾溫馨，好適合coffee chat餐牌如下～人均<50蚊有啲爆款（例如抹茶千層）去得晏就冇㗎啦！p.a.t. 呢間係cash only～記得帶夠現金…Read More

終於唔洗返深圳都可以飲到茉酸奶!奧運附近打工仔有口福臨近夏天有梗系需要杯冰沙酸奶解暑!薄荷朱古力腦袋請無腦嘗試!薄荷清爽味 混朱古力都唔會太甜，每次必飲嘎!宜家仲出咗新品，玫瑰士多啤梨乳酪奶昔，推薦少甜初次嘗試都算驚喜!除咗味道，茉酸奶顏值都好高!係夏日配色，好適合影像可以問店員推薦下甜度～位置好近market place,門口有只好得意嘅牛油果公仔，店面整潔，仲可以睇到水果即切。下次會再嚟試吓其他口味，鍾意冰沙嘅朋友唔好錯過喇!…Read More

一間被低估嘅奶茶店！喺香港都可以飲到水牛奶試咗冬日限定款： 暖心芋頭水牛奶（只有熱飲），一大杯先26蚊天氣凍嘅時候飲呢杯真係好溫暖。超多芋泥夠料仲有小圓子超Q彈。飲完一杯好飽腹，晚飯都唔洗再食。同埋因為用水牛奶，口味同普通芋圓奶茶都唔一樣，唔會覺得太厚重。冬日限定款仲有生薑撞奶。除咗芋頭水牛奶，仲有檸檬茶，輕乳茶，酸奶昔，睇來都好健康！喺旺角鬧市區，龍豐對面近油麻地A2地鐵站,隔離仲有好多小食，買杯嘢飲一邊行街…Read More

最失望嘅一次喇沙。。。午餐食左覺得有d奇怪味，夜半就突發急性腸胃炎，懷疑呢間鋪頭衛生環境或者食物有問題。又諗到中午外賣自提時就留意到間店面環境都有d破舊。餐牌上每份喇沙會寫好都有d咩，我揀嗰份有豆卜，芽菜，鮮蝦，豬頸肉，加咗12蚊仲有海苔丸（未聽過所以試下）。面底可以揀油麵或其他，湯底可以揀喇沙或者骨湯（唔辣）。喇沙幾抵食，俾咗好多條豬頸肉。但豬頸肉有d肥，可能覺得很膩。唔知食得唔舒服係咩因為豬頸肉。。。海苔丸好食!好似魚蛋但餡料好似係蛋黃，冇海苔唔知點解要叫海苔丸。一開頭食都幾正常，食到最尾突然feel到好重香料味，整個口腔都覺得怪怪地，好似直接食香料。…Read More

今次發現一家很值得體驗的法國餐廳！首次喺香港食法國菜，餐廳都係歐式風格，氛圍感很適合約會/生日聚餐。法餐初體驗唔好錯過嘅餐廳。仲可以提前預訂特別菜式。食法餐梗係要試下法式焗蝸牛 108hkd。一份八隻蝸牛，服務員都會好細心俾食蝸牛專用工具你，法餐體驗感max，初次嘗試真係好鐘意呢種用心對待食材嘅感覺。蝸牛肉質柔嫩，有d似田螺，用蒜香同牛油調味增香。每隻蝸牛下面仲有一小塊薯仔泥。焦糖鴨肝醬配法包 178hkd前菜值得嘗試，鴨肝醬鹹度剛剛好，有一層焦糖外皮，同法包切片一起食口感都幾特別。仲配咗一小塊果醬。但法包切片偏硬。海鮮墨魚意粉 208 hkd用料很足嘅海鮮意粉，有帶子，蝦同貝類，仲有聖女果點綴，一睇意粉上面都係海鮮料。但其實意粉量好少，雖然足料但係睇到嗰價錢，性價比低過其他餐廳嘅海鮮意粉。鴨腿配鴨油煎薯仔 228hkd呢餐最鐘意嘅就係鴨腿！很入味而且鴨肉質感剛剛好！薯仔塊都好香。建議第一次來一定要試下，法式鴨腿很成功。氛圍感好有歐洲嘅典雅，好似電影嘅廠家。同埋食客都好安靜進餐！推薦呢間餐廳約會或者生日聚餐都幾溫馨。Happy hour有d酒買一送一。餐牌喺最尾，有些菜式要記得提前預訂～…Read More

工作日諗著一個人或者同同事一齊食放題又唔夠時間?呢間高質量午市火鍋店夠抵!但馬屋喺觀塘APM內，環境好好，吸引我地今次行入去。60分鐘午市分兩類，可選擇定食套餐，最平嘅係牛肉豚肉混合，先109蚊，蔬菜任食，仲有哈根達斯雪糕。雖然平，但係肉質都幾好! 放題套餐最平先159蚊。鍋底都有好多選擇，千夜鍋，甘露鍋，藥膳麻辣鍋，美肌鍋，意式番茄芝士鍋，睇個名都想試下。今次揀咗番茄芝士鍋，但芝士味唔算濃郁，同一般番茄鍋底差唔多。總體來講，呢間火鍋店環境好好，食材都幾新鮮，工作日午餐打邊爐性價比超高!…Read More

呢間餐廳真係hku學生嘅評價校外食堂！又平種類又多，如果唔知食咩又唔想食大學canteen，就來呢間餐廳睇下，豐富餐牌一定揾到想食嘅嘢！晚飯同糖水一齊搞定嗮！今次揀咗豬手飯，四粒豬手軟爛入味，仲有菜底，得45蚊，香港其他地方都揾唔到呢個價錢嘅豬手飯！鐘意豬手飯唔好錯過喇。欖菜肉鬆炒飯很特別，第一次食到呢種炒飯。我唔鐘意肉鬆但其實都冇太大肉鬆味，已經炒成細碎肉鬆絲，加埋炒蛋，呢碗炒飯真係好香！小食種類都好多且平。今次嘗試香煎蘿蔔糕，兩大塊先21蚊，且唔算太油膩。除咗粉面飯類，仲有奶茶同糖水，價格同糖水專門店相比都平好多，見到隔離張台食糖水都好大碗。種類真係好多！記得來呢度食飯食糖水…Read More

無意睇到呢間鋪頭，日日收工嗰陣都排長龍。主要賣d好平嘅小食。豬肉/魚肉燒賣10蚊就有8個，仲有5蚊一個潮州粉果，糯米卷，牛肉丸，同埋腸粉。今次買咗豬肉燒賣同一個牛肉丸，雖然價錢平但質素都唔錯!好多人買完企喺路邊即刻食完，打工人晚餐好快可以喺呢間鋪頭解決。…Read More

喺港大附近揾到抵食酸辣粉超多配菜選擇今次揀咗豬肚肉醬紅薯粉(58HKD),仲加咗一份肥牛(8hkd)。超大份真係好抵食！喺香港食到最好食嘅紅薯粉，夠Q彈。配菜仲有芽菜，豆腐泡，同埋很脆嘅炸黃豆。有超多配菜可以揀，鴨血，響鈴卷等，仲有麻辣肚絲同鴨胸肉。所有配菜都凈得8蚊揀多d配菜好似食左評價火鍋!一份酸辣粉加一份配菜已經full嗮。紅薯粉可以揀寬粉/粗粉/細粉，可以免費轉米線。睇嗰餐牌仲有好多值得嘗試例如虎皮鳳爪紅薯粉。唯一缺點係要等耐d,記得提前電話落單!…Read More

第一次食到味道咁淡嘅麻辣燙。。。不如去食譚仔米線鹹味都重過呢間店。今次揀咗午市套餐，72蚊，有薯仔，肥牛，魔芋絲，娃娃菜，蟹柳，紅薯粉。番茄湯底小辣，但湯味好淡，完全沒有辣味，點解會叫麻辣燙細紅薯粉都粘連一齊。個價錢不如去附近譚仔食番茄湯底米線仲平d!…Read More

嘗試菲律賓菜好去處!晚餐+酒一齊搞定平日東南亞菜食開泰餐同越南粉，今次喺西環發現隱藏嘅菲律賓餐廳，從外面都睇到超濃氛圍感，很適合約會! 前菜揀咗Lumpiang Laing (HKD 78)，諗著食d素菜於是揀咗呢個素春捲。味道很特別，睇餐牌有coconut milk, green chili,芋頭葉子。小辣不過值得嘗試!很有東南亞風味。主菜揀咗Inasal na Manok(HKD 148),其實就係烤雞。雖然只有好小一盤，但蜜汁味很OK!鐘意微甜燒汁口味雞肉唔好錯過主菜仲有Adobo rice兩人份 (HKD 118),來呢間餐廳一定要試下!醬油炒飯使用嘅米很特別，有點似糯米口感但又唔會粘牙，上面一層酥脆的adobo flake好中意。炒飯仲有雞蛋碎除咗晚餐，呢度仲可以飲酒，但相對晚餐來說，呢度酒麻麻地(but looks great)。酒精唔濃度數較低。Lak Lak (HKD 128)仲OK,但Mandarin Pandan好似果汁粉勾水，但又未攪拌均勻。兩杯都有好大一塊冰。總體來講，晚飯好味但酒類就唔算推薦。一定要試下炒飯，但晚餐份量都好小，兩個人 一份starter兩份main 先食飽。性價比冇咁高，但值得嘗試!…Read More

冇太多人排隊嘅冰室，但性價比真係Q低。今次揀咗咖喱豬扒飯，睇著很大份，但其實都係濃咖喱大塊薯仔同埋胡蘿蔔，只有少少幾塊豬扒。咖喱味道OK。乾炒牛河都係正常水準。雖然喺中環，但80至85蚊一份咁嘅豬扒飯/乾炒牛河真係好奢侈唯一覺得好味係熱杏仁霜。同埋每個人要加收1蚊服務費。雖然呢間假錢偏高，但選擇菜式都好多。…Read More