thomas3049's Profile

今日到深水埗，就係為左食依一間家後2.0既餃子店。到底有無辜付到我既期望呢？咁就要繼續睇埋佢。佢地既餃子種類非常多，主要分左灼餃同煎餃。重有唔同既小食可以食。首先係灼餃，今次叫左雲耳椰菜豬肉餃同韭菜豬肉餃食。簡單概括佢地手工餃既質素，皮薄餡靚，非常足料既餃子。食材都好新鮮，食到佢地既鮮味。而且灼餃會有限定既靚湯，完全飲得到全部親自料理，無其他加工，十分鮮甜由於灼餃已經咁好食。本人亦都好愛好香口既食物，所以煎餃我都必須要加碼的。今次就叫左韭菜豬肉餃同洋蔥豬肉餃。餃皮煎得岩岩好，夠脆又唔會老。餡料經過煎香後香氣四溢，食落重好突出配料既香味。小食見到有麻辣雞中翼就忍唔住叫埋。辣汁夠香，辣度又岩岩好，配埋雞翼十分之match。最後甜品埋尾，佢地有數量限定有芝士蛋糕，手快有手慢無。今日係旁晚時分去食，我已經係最後一個客人食到。今日係巴斯克蛋糕，甜味岩岩好。食落又香又好食。如果有機會食到佢地既蛋糕，一定要叫埋黎食。…Read More

係社交網絡見到有間由意大利廚師主理既Tiramisu店。無諗過香港原來有專賣Tiramisu既舖頭。由細細個一人一杯既Tiramisu到一大個蛋糕形同朋友一齊慶祝share都有。無論咩日子，幾時想食都好方便。佢地亦調製左唔同既口味。中意食新野既人唔好錯過。而我見咁多種口味，胃食既我一杯當然唔會夠，要食就食幾隻！！！一共叫左3杯。有原味，抹茶同開心果味。首先由原味開始，外觀非常精緻，每一層都有不同的顏色和質地，再加埋頂層既可可粉，咖啡和芝士的香氣混合在一起，未食聞落已經覺得好開胃。佢既口感非常柔軟，入口即溶，但同時也非常綿密，感到非常滿足。另一款，開心果味，開心果味香，又夠甜。無諗過佢作為另一口味都咁好食。最後抹茶味，茶味濃。加埋紅豆做配搭，紅豆又夠淋同甜。加埋一齊好match。作為Tiramisu fans 既你，非常推薦比你地食地道既Tiramisu。…Read More

天天海南雞一直都知係好出名既過江龍專食海南雞飯既餐廳。今日有時間又想食雞飯就聞名不如見面去食。入到去藍白色既裝修就好似佢地既招牌既顏色咁，令人好舒服。睇餐牌食咩既時候，我自己本來以為只有海南雞飯加幾碟星馬食物。原來係我孤陋寡聞，有好多種特色獨有既食物，同埋野飲選擇都非常之多。夏日炎炎，叫左杯豆花恐龍美祿。非常大杯，美祿超級好飲加埋豆花透心涼。黎到海南雞飯專門店，當然要叫海南雞飯。海南雞煮得啱啱好。雞肉雪白，食落好嫩滑。加埋油飯配搭。一個字perfect。另外叫做兩道餸菜。第一道係迷迭香火焰黑金叉燒，叉燒係完美比例嘅半肥瘦加埋佢哋整嘅醬汁，送飯一流。另一道係黑松露墨魚蝦多士。蝦多士就聽得多，加埋墨魚，彈牙既層次加倍。香脆嘅多士再配埋黑松露醬，非常開胃。…Read More

今日去尖沙咀shopping，同朋友傾傾下計發覺好幾年無去過台灣。疫情前成日去台灣既我突然「思鄉」病發作，就去左食台灣菜。見到舖面就已經好吸引，就選擇食依一間便我既「解藥」。餐廳裝修都好台味，好似真係去左台灣食野咁。餐牌唔洗講，全部都係台灣食物。有咁多種野食，我選擇果時都簡左好多，真正既眼花撩亂。飲品選擇又多，完全岩哂我胃口。着先叫左兩杯台式飲品白桃烏龍茶同蜂蜜咸金橘。淺嚐友人點既白桃烏龍夠香濃，又夠解渴。而我點既蜂蜜咸金橘，比例調配得好好，唔會過咸同甜，十分清涼。主食叫左麻辣乾拌麵同滷肉飯。拌麵麻香味道好令人開胃，而且麵條彈牙爽口。滷肉飯夠香，入味。如果唔係叫太多食物好想再食多一碗。小食就選擇左甜不辣同皮蛋豆腐。甜不辣同台灣食既味道一樣，又夠入味。而皮蛋豆腐，皮蛋香，豆腐又鮮。兩道食物作為小菜一流。今餐台灣之旅舒緩左我對台灣既思鄉情懷，食物都好地道同好食。如果下次再想食台灣菜，我會再來。…Read More

今日行下K11，行到咁上下肚餓。諗緊想食咩果時發現依一間好大自然同望落去好舒服嘅餐廳。睇餐牌有咩食嘅嘅時候，發現原來係食澳洲菜。我就未嘗試過澳洲菜，所以機緣巧合就決定食呢一間餐廳。入到去環境睇落舒服不在話下，見到有一張好有特色嘅餐枱係圍住一棵樹。望落就已經令人心曠神怡。感覺可以好舒適咁用膳。餐牌食物嘅種類都好多，而飲品都有唔少，例如唔同種類嘅咖啡同酒精飲品。從食物到飲品都有好多選擇。今次叫咗一碟意大利粉，同埋一碟牛肉。首先我推介令我食指大動嘅係佢哋其中一個主打BRAISED AUSTRALIAN WAYGU BEEF CHEEK w/ DRUNKEN BEEF GRAVY。第一次食澳洲和牛。牛肉好鮮嫩，牛味又豐富。而個底襯托嘅係薯蓉，調味調得好。無論牛肉定薯蓉都各有千秋。而另外一碟意大利粉係NZ SOLE FILLET PASTA，佢係一碟白汁意粉加上一種叫紐西蘭盾吻鰈既魚。魚肉新鮮又煎得岩岩好。意大利粉彈牙，白汁調配非常之夾。我個人都好推介。…Read More

今日約友人出旺角行街，行行下覺得攰想搵一個地方慢活一下。搵下搵下就搵到Station3 Cafe合岩我地既要求。平時我都中意玩board game。估唔到依度提供好多款桌遊，重要好齊款。就算兩個人定一大班人，都搵到岩玩既遊戲。餐廳好寬敞，職員好友善。最驚喜既係由窗外望出去係令人心曠神怡既境色。藍天配餐廳既白櫈。令人覺得舒適又自在餐牌提供多種食物，有吸睛既飲品同甜品，又有豐富既主食。岩哂唔同需要既你。今次叫左一冷一熱飲品。熱飲既名字好有趣叫「特首」。飲落回甘又提神，飲完令人精神爽利。而凍飲叫左杯名叫「節制」既特飲，飲品完全唔似個名，令人愈飲愈上癮。夏天既解渴佳品。黎到Cafe當然唔少得食香口既野。所以叫左松露薯條。真係無嗌錯，薯條香脆，松露味香。調味10/10。蟹肉雜茵忌廉闊條麵，好大方既蟹肉提供，令我食到啖啖肉。闊條麵又烹調得恰當，夠彈牙配上醬汁好開胃。黑松露帶子鮮菌燴意大利飯，名副其實令種素材都令意大利燴飯味道提升，松露香同鮮菌既香各有各發揮。味道又香又鮮。…Read More

今日又流連觀塘工業區果邊，岩岩起身就出發乜野都未食。想搵間開胃既食店為一整日生活打打氣。咁岩比我見到主打蕃茄湯既餐廳，二話不說就入去食。入面裝修好有親切感，好多卡位岩哂平時最中意坐卡位既我。餐牌見到好多蕃茄湯既主打，同埋都有唔同香港特色既餐廳食物。無論一家大細定朋友相聚大家都會簡到岩心水既食物。由於我今日想醒一醒胃，我今日就簡左自家製叉燒配招牌蕃茄湯麵加牛乳炒蛋。先講叉燒，自家製一D都唔遜色。蜜味香叉燒又夠淋。而牛乳炒蛋用得牛乳炒自然香，滑，雪一聲好快就食哂。而今次最重要既主角蕃茄湯，一飲好香濃，蕃茄肉又夠好食。湯係一啖接一啖咁飲。聽員工講最好係配米線，佢地最招牌係蕃茄湯米線，米線吸哂湯汁再食更惹味。另外有叫多樣小食，瑞士雞翼。雞翼索哂瑞士汁食落好香又開胃。果然依間餐廳既水準唔會令人失望。飲品我就叫左華田脆脆，因為唔多地方有得飲。既然出現係面前就一定要飲。華田沖得夠濃，加埋脆脆作為一杯夏天飲品我比100分。…Read More

今日難得有時間，就入大西北地方行逛一下。見到一間門面幾別緻既餐廳就入左去。入面好大，座位見幾寬敞舒適就決定選擇入內進餐。而店既環境感覺好悠閒既氛圍，比人一種可以暢快傾談吃喝既環境。今日正正大熱天，餐廳有冷氣同非冷氣區域，我選擇左冷氣區岩哂我依啲怕熱嘅人士。不得不提店員服務態友善親切。餐牌有好多唔同特色嘅嘢飲同埋嘢食，好多都唔係喺平時餐廳少見嘅fusion食物。見餐牌嘅食物都覺得入岩咗餐廳。炎炎夏日，第一杯先叫花香伯爵茶鮮奶泡沫。茶香味濃加埋鮮奶嘅配搭，非常清涼又解渴。而我叫咗既小食係和風蟹肉球。炸物配茄汁已經好開胃，再加埋你木魚絲，香味撲鼻。食落去啖啖蟹肉好足料。食過返尋味。燒安格斯一口牛，牛香味充足又夠咬口。肉汁好Juice。店員介紹主菜係蝦汁帶子蟹肉意粉。意粉好彈牙已經唔使講，帶子煎得好香，又夠好食。配埋個醬汁好快清晒成碟。而擺碟既醬汁每次都唔同想知道你哋遇到咩醬汁去襯配菜就嚟試一試。完全冇介紹錯。不得不提就係另一個主菜，脆燒鹹豬手。廚師落足心機去煮。外皮爽脆而肉鮮嫩，肥瘦均勻食落完全唔乾。十分反映到廚師功力深厚。亦都可以試吓點一點佢哋嘅醬汁，令到菜色味道昇華。係我另一道推介嘅主菜。…Read More

希雲街食店林立就係人都知，要突圍而出令人嚐味一番係件唔容易既事。今日黎到依一間南洋家，放係廚窗既各種甜品已經好吸引人味蕾，加上店面放置既餐牌食物種類同樣式都多。就吸引左我入去食。異國風情的確令我放低香港既雜務好好放鬆享受黎緊依一餐既食物。首先食東南亞食物唔少得椰青，店舖選擇既椰青新鮮解渴。近排都開始熱番唔少的確一飲涼透心。而珍多冰都係我個人必點既飲品，椰汁味濃，加埋粉條希咬口，好開胃。雞肉沙嗲配炒飯。東南亞式既雞肉串燒，食落去雞肉嫩滑多汁，燒得岩岩好唔會乾同柴。配埋串燒既精華「沙嗲醬」就已經食指大動。而炒飯都唔馬虎，香料十足，飯味香濃。燒豬頸肉配黃薑飯。豬頸肉燒得香，肉又有咬口同甜。餐廳既燒烤食物簡直出色。加配黃薑飯可以比平時食開白飯既人轉轉口味，煮得出色又入味，值得一試。馬拉盞炒通菜，色香味俱全。怕食太多濃味食物不彷點個清新味蕾。…Read More

元朗多野食個個都知道，今日就入元朗見到依間好有特色既餐廳就入左去食。餐廳提供室內或室外既座位比唔同需要既人選擇，內外環境氣氛一流。講到西餐作為餐廳既主打，可以選擇唔同既菜色。總會有一款岩你口味首先上左一碟沙律菜作為頭盤，菜非常新鮮再配上柚子汁同埋提子乾點聚。作為頭盤都咁好食已經對之後點既菜都好期待。蒜蓉包好熱手好脆，難得一見又熱又香既蒜蓉包。蒜香味十足，推薦各位都要試一試是口餐湯係薯仔濃湯，兩個字形容「足料」。啖啖都真材實料，配埋岩岩既蒜蓉包食亦十分夾。主菜叫左巴馬火腿牛肝菌汁全蛋闊條麵。牛肝菌汁岩哂中意食濃味既朋友，夠濃又香。闊條麵亦彈牙吸埋牛肝菌汁令人食唔停。另一碟係烤春雞松子仁白松露意大利飯，烤春雞鮮嫩多汁，意大利飯燴得入味。兩碟主菜誠意推介。…Read More

經過上水見到一間店面好日系又好搶眼既日式食店，咁岩到晚飯時間就入左去食入面既空間都好大，想同朋友食飯一大張枱又得，自己一個獨食坐吧枱亦都得。充滿濃厚既日本風味。見佢餐牌除左一般既文字選擇亦都有插畫，只係睇咁靚圖畫已經手指大動，好期待陣間出品既食物黑蒜拉麵配叉燒，選擇左細size既麵。麵質彈牙，黑蒜湯夠濃夠香。叉燒肥瘦均勻，焦香味加哂分土佐豆腐，外皮炸得香脆，夾埋豆腐既質感，外脆內軟。配合埋香蔥同醬汁簡單係perfect match。一鳴制作醬炸雞，秘制醬配合炸雞天衣無縫，成碟好快就清哂。煎雞軟骨餃子，餃子煎得夠脆，內餡用雞軟骨整成，又脆又有咬口。章魚御好燒的確係該店既招牌，燒得均勻。章魚再夾爽脆既菜整成。連埋燒醬入口味覺豐富最後當然要向你地撞介佢地既串燒，今次叫左燒鳥拼盤貪佢可以一次過食到多種食物。每樣食物都燒得恰到好處，再加埋佢地既燒汁，一串接住一串咁好快食哂。…Read More

今日好想食串燒，又咁岩喺元朗就去附近搵搵串燒店食。咁啱見到依間囍串，既然係眼前就一於去食。睇店面餐牌已經比好多種燒物，小食同野飲吸引。入到店舖都好乾淨，串燒店好貼心咁提供個爐比你座熱店家燒出既串燒，保持住熱力。就算一大班朋友食傾住計食都啱會怕食物變冷，點樣都最佳狀態食用。咁貼心既安排令我對依間舖頭印象深刻。叫食物亦只要用電話掃QR CODE叫，就算想追加食物都可以即時加。首先黎到既食物係炸餃子，蒜油娃娃菜同埋燒焦豬頸肉。炸餃子炸得香脆，食落好似薯片咁脆口。而燒焦豬頸肉燒得岩岩好唔會過熟鞋口，肉質嫩滑多汁。我個人特別推介蒜油娃娃菜，湯汁香甜，菜都好新鮮，好快就食哂成碟。食到中間少少頸渴，點左既野飲隨即送到。嘩一聲，大大杯飲品，岩哂食串燒之後就係到串燒秘制醬牛柳粒，肉質軟冧配上醃料非常香。燒五花腩質素高，肥瘦分明。厚切牛舌名符其實夠厚，好有咬口。而海鮮類簡左特大蟶子皇，店家既產品真係樣樣岩哂食物名既稱號，真係好大又新鮮。另一樣係燒鱔，燒得岩岩好肉質又脆。壓軸出場就係雞蛋腸，點解串燒店會出產腸粉呢？既然咁特別就一於叫黎食。出菜後一食超乎想像，腸粉彈牙又好食，真係估唔到串燒店會出產高質素既腸粉。…Read More

今日難得雅興，到尖沙咀酒吧區飲下酒傾下計。發現一間店面清新又有特色既店舖就吸引左入去入到去空間大，又有唔同種類既座位。吧枱，矮櫈定普通餐桌都有得選擇。想朋友聚會暢談定傾密計都可以。始終係一間吧，酒類選擇多固然唔洗講。食物種類亦都好豐富，岩哂中意又食又飲既你地。我地叫左兩杯野飲，蛋撻同埋紅豆。首先蛋撻我選擇既原因係比個名吸引，究竟係咪真係有蛋撻味呢。一飲落去，原來野飲都做到蛋撻既味道，好香好好入口。而另一杯紅豆，主要既有紅豆既味，抹茶既香味同埋酒既味道。層次分明，三者夾埋入口都好好飲。麻婆豆腐比佢驚喜到，同炸腐竹加麻婆醬，係瑋道好好既下酒菜避風頭薯條簡單幾隻字足以形容佢幾正。色香味俱全。單骨雞翼拼一口芝士岩哂唔中意食普通雞翼要lur骨既人而設。簡單入口加一啖酒，昇華到叻一層次。意大利雲吞，醬汁香濃，雲吞好有咬口。配白酒或者cocktail一流。…Read More

今日同同事係觀塘工業區附近做野，觀塘既工業大廈出左名多好野食。咁岩大家都肚餓就決定入去尋寶。見到一間日式餐廳，睇餐牌見d野食特別係卷物好有特色就入左去食入去夠闊落，環境又好乾淨，已經知道轉頭食野會好舒服。餐牌除左卷物都有好多野食，但入面林林總總既卷物已經有好多配搭，總有一款會岩你食。首先上左道開胃既沙律，沙律既配搭好好，菜又新鮮，醬料亦配合得好好，作為一道開胃前菜會食慾大增。之後黎左一道燒豬頸肉，燒得均勻，肉質又夠彈同埋多肉汁，估唔到一碟隨便叫既燒物都有咁高既水準。作為日本食物迷既我，食日本野當然唔小得餃子。煎得恰到好處，外皮夠脆，內餡又夠香同入味。最後出場既係今次既主角卷物「金龍卷」，炸蝦炸得香脆，三文魚放係頂層再加芝士既配合，一次過滿足你三個願望。一入口好食程度令我食指大動。果然佢地既招牌菜係無得頂。…Read More

今日經過銅鑼灣準備聖誕，行過faction walk。見到附近有條街有好多餐廳，就入左去搵下野食。見到依一間餐廳主打漢堡包，身為漢堡包迷既我深深比間餐廳吸引。餐廳有得選擇室內或者室外環境食。如果平時係室外食好有外國風味。但今日特別凍所以選擇左室內用膳。入到去見到飲品櫃有得簡多種飲品，諗等陣食漢堡包配飲咩飲料都要花光眼亂。餐牌有多種漢堡包同小食配搭，對於我黎講簡直係福音，每種包都好吸引。今日就食左佢地既特量芝士牛肉漢堡，一黎到餐枱，見芝士好似熔岩咁流出黎食欲大增，牛肉非常多汁juicy。每咬一啖牛肉肉汁都滴落，麵包亦十分香，加埋配料配搭十分完美。而今日既小食就簡左直薯條同旋風薯條，炸得非常香脆，又唔會太乾太膩。整體餐廳乾淨企理，食物高質素，十分推薦。…Read More