foogle_engine's Profile

風雲排檔轉型做港式大排檔食物款式充滿地道風味✨風雲小炒皇 $118去親大排檔我都好中意食小炒王材料炒得乾身有鑊氣魷魚煙韌彈牙韭菜花爽脆連埋青椒洋蔥同腰果層次分明，口感豐富✨古法藥膳土雞煲 $128一上枱已經聞到好香藥材味湯底清澈但味道濃郁有種暖胃嘅感覺雞肉好嫩滑啖啖肉吸收晒湯汁精華食完有好滋補嘅感覺😂✨椒鹽豬扒 $58呢個係午市套餐但份量好大方外層炸得金黃酥脆豬扒肉質厚實好軟腍送飯一流✨避風塘鮮蝦 $118蒜香味濃郁蝦殼炸到好薄脆可以連殼一齊食惹味到想配埋啤酒飲✨龍鳳檸樂 $38冇飲到啤酒唯有飲檸樂一樣咁爽～👛人均消費 ~$250(連加一服務費)⏱冇限時…Read More

泰Grill一向抵食大件今次開到嚟東大街筲箕灣嘅街坊有福了✨肉碎生菜包 $82肉碎炒得乾身揀左小辣嘅辣度岩岩好酸酸辣辣好開胃用爽脆嘅生菜包住一齊食清新解膩✨泰式燒雞 $148即叫即燒等左二十分鐘左右半隻嘅份量都好多雞皮燒到焦脆雞肉入味多汁配埋泰式辣醬好夾✨軟殼蟹・蟹肉炒飯 $108炒飯粒粒分明好乾爽配料除咗蟹肉仲有蛋、粟米整體好有鑊氣好香口軟殼蟹炸得好香脆✨椰青 $38椰青冰凍清甜啱晒食完重口味嘢幫味蕾清一清😋侍應態度友善會留意到客人有唔同需要👍🏻 👛人均消費 ~$206(連加一服務費)⏱冇限時…Read More

📍Milu Thai มิลู่ไทย✨Thai Suki海鮮媽媽麵 $178冬蔭公湯底香氣撲鼻酸酸辣辣好刺激配料有鮮蝦、墨魚、魚片、泰式燒腩肉記得媽媽麵唔洗煮太耐可以保持口感媽媽麵吸滿湯汁夾住海鮮同腩肉一齊食層次超豐富地道惹味還原係曼谷食到嘅風味～✨泰式燒牛柳 $98牛柳外層微焦肉質嫩滑帶嚼勁但一啲都唔韌用香料醃過後鹹香味十足✨黃咖哩炒大頭蝦 $268黃咖哩金黃香滑包裹住肥美大頭蝦大概有六至七隻大頭蝦蝦肉鮮嫩爽口唔會霉咖哩帶椰香同微辣送飯一流！✨馬拉盞椰菜苗 $98馬拉盞鹹香撲鼻鑊氣十足椰菜苗翠綠爽脆微辣刺激引發食慾✨椰青 $52清甜冰凍飲落去解膩又消暑✨青檸梳打 $34清新酸爽飲完透心涼～⏱冇限時…Read More

📍TERA✨極濃蝦汁意粉 $174醬汁蝦味濃郁接近龍蝦湯嘅香濃程度意粉彈牙有咬口掛汁力極強每條麵都好似浸過蝦汁充滿海鮮鮮味✨肉眼配雜菜（燒汁） $268肉眼外焦內嫩肉質軟嫩中帶嚼勁牛肉香味濃厚薯蓉嫩滑帶牛油香配菜輕輕烤過帶出蔬菜嘅甜味✨法式燉蛋疏乎厘班戟 $138疏乎厘班戟厚身蓬鬆蛋香濃厚入口即化面頭鋪滿法式燉蛋醬形成一層焦糖脆脆口感層次好豐富整體好輕盈食晒成個都覺得零負擔～✨桂花國寶茶 跟餐$46入口帶淡淡花香尾韻多咗陣藥材感令人感到放鬆嘅香氣飲完仲可以refill👛人均消費 ~$320(連加一服務費)⏱冇限時…Read More

✨F餐-美味白切雞＋油飯＋燉湯 1盅 $128白切雞肉質嫩滑就算係雞胸肉都唔嚡雞皮爽彈平時唔食雞皮嘅朋友都忍唔住食埋😂油飯粒粒分明香氣撲鼻燉湯揀左涼瓜黃豆燉豬骨湯暖笠笠充滿滋補嘅感覺✨ D餐-美味白切雞＋油飯＋咕嚕肉（半份） $128D餐係加埋半份酸甜惹味嘅咕嚕肉外皮金黃酥脆豬肉就好juicy酸酸甜甜夠開胃仲有菠蘿伴碟✨自家製薏米水 +$15微甜嘅薏米水仲咬到粒粒薏米真材實料👛人均消費 ~$135(冇加一)⏱冇限時…Read More

✨烤原條倉魚花甲粉 $87花甲數埋都有十幾隻隻隻都厚肉冇砂 幾鮮甜倉魚炸過外面脆卜卜但魚肉仲好嫩湯底揀左唔辣嘅蕃茄湯配粉絲粉絲索晒湯好入味湯底酸酸甜甜最後連湯都飲埋🤣✨招牌惹味雞煲配白飯 $80雞件幾厚肉唔會全部骨配料都有好多洋蔥、蔥頭，木耳調味辣得好惹味一人雞煲份量岩岩好配飯都好夾！✨酥炸黑松露薯仔粒 $29薯仔炸過外皮酥脆裏面軟綿綿有揀淡淡黑松露香✨蒜泥白肉 $39蒜泥白肉夠多蒜白肉肥瘦相間連埋好多蒜一齊食好滿足愈食愈惹味花甲粉同飯都會送紙包飲品加$8 仲有豆漿幾抵食～👛人均消費 ~$120(冇加一)⏱冇限時…Read More

呢間小店被譽為全港最好味海南雞平日夜晚都大排長龍睇嚟係有佢嘅原因😋✨ 溫泉雞胸柳套餐 $63海南雞用雞胸同雞柳去整嘅難度真係好高一唔小心就鞋到食唔到但佢哋嘅雞胸柳仲keep到嫩滑唔鞋口！雞皮仲有層薄薄啫喱絕對係增肌減脂人士最愛🧡小菜係醬油小黄瓜同雞一齊食好清新醬料有黑醬油、辣醬同薑蓉薑蓉竟然係磨到見唔到薑嘅影子有啲驚喜！跟餐靚湯有淡淡椰子香冇味精嘅雞湯～蔥油乾撈麵 +$5見到好多人嗌左呢個撈麵原來都好有驚喜！蔥油同乾蒜嘅組合加埋麵質煙韌有咬口簡簡單單已經好好味～熱柚子蜜酸酸甜甜冬天飲暖笠笠～✨蒜香娃娃菜 +$12娃娃菜煮得好腍好入味～✨桑拿瑤柱肉餅（3件） +$36食到肉餅入面有唔少瑤柱香氣撲鼻肉餅口感軟綿綿果然係焗過桑拿嘅肉餅🤣✨溫泉雞髀套餐 $73雞髀全部啖啖肉仲要冇骨岩晒懶人🤣雞嘅嫩滑程度比起雞胸柳更高～雞油香飯粒粒分明香氣仲好濃郁～呢個餐都係跟靚湯同醬油小黄瓜～今次揀左熱鳥龍茶✨咖央多士 +$25多士兩面都烘到金黃色脆卜卜入面夾左甜甜嘅咖央醬同勁大舊牛油牛油仲要溶溶地滲入多士入面雖然係卡路里炸彈🤰🏻但食完真係好回味👛人均消費 ~$100 (冇加一)⏱冇限時🔎地址旺角通菜街80號地舖北角分店：北角和富道21-53號和富地庫B50-51號舖和富美食廣場C1及C2號舖…Read More

📍GYOJASANG座落銅鑼灣fashion walk食街嘅韓式居酒屋除左有韓式烤肉同主菜仲有唔同cocktail同酒選擇～✨海鮮煎餅 $188海鮮煎餅行薄脆路線 唔會太多麵粉亦唔油膩加左好多唔同海鮮好足料面頭仲加左魚仔口感脆脆哋係其他餐廳好少見仲可以增加左啲鹹香味✨辣泡菜燉牛肋骨 $368店員首先會上菜俾人影左相先再拎去隔離分左先上枱睇落紅噹噹但其實唔會太辣牛肋骨燜得好腍好入味整體係甜甜哋嘅醬油味椰菜好甜包住一齊食夠清新可以解膩✨韓式豬手 $245份量好足 肉質好彈牙層皮都好有彈性感受到好多骨膠原🤣側邊有好多唔同嘅配菜用生菜夾住豬手、蒜片、蘿蔔乾一齊食口感同味道都好豐富！用紫蘇葉夾住食會更香～⛩環境餐廳分左室內同室外區坐室外都好有氣氛區都幾有氣氛～💁🏼‍♀️服務店員服務好殷勤會主動加水仲會幫手烤肉同分菜價位較高但係食物質素都對得住呢個價雖然今次因為身體關係冇試到酒下次有機會會想試吓～係同朋友一齊聚會嘅好地方～👛人均消費 ~$440(連加一服務費)⏱冇限時…Read More

之前係觀塘返工嘅時候都有嚟食過一汁一菜款式多選擇之餘仲食到日式嘅家常味道(⁎⁍̴̛ᴗ⁍̴̛⁎) ✨咖哩定食 $69法式龍蝦濃湯（小盛）+$10主食係檸檬忌廉雞肉咖喱咖喱唔係日式偏甜反而係有獨特嘅香料味酸酸甜甜夠開胃～龍蝦湯都好creamy仲有粒粒龍蝦肉✨自家製野菌醬燒和牛漢堡扒 $35漢堡扒有一定厚度雖然唔係多汁嘅類型但食落啖啖肉好滿足醬汁甜甜地同漢堡扒好夾～✨和風定食 $75首先揀左北海道產甜粟雞肉豆乳濃湯之前已經試過呢個湯好滿意今次一樣好甜好濃郁～前菜係和風雞肉燴厚揚豆腐豆腐煮得好淋好入味主菜係醬燒北海道十勝豚扒肉質軟淋，好有屋企嘅味道🤣加$5轉左鰹魚湯稻庭烏冬烏冬滑捋捋成個和風味出曬嚟～✨濃厚焙茶布丁 +$20今次試埋甜品焙茶味好濃郁！！而且唔太甜會回甘不過口感係厚實個種唔係行滑捋捋路線口味上各花入各眼～👛人均消費 ~$118(連加一服務費)⏱冇限時…Read More

溫馨嘅社企Cafe致力推廣素食，仲會不定期更新menu，務求為食客帶來新鮮感！✨猴頭菇漢堡 $130麵包好鬆軟，猴頭菇嘅香味同獨特質地，同素漢堡肉嘅口感完美結合，呢個組合幾有驚喜～醬料雖然係簡單嘅蛋黃醬but less is more～簡單嘅配搭已經好好味～伴碟薯角有好香薯仔味，蘸埋自家製辣椒油好惹味～如果可以再脆啲相信會仲正🤣✨神秘墨西哥卷 $78好好奇墨西哥卷有幾神秘🤣原來係孜然風味嘅墨西哥卷！餡料有雜菇、青椒同omnipork肉碎混合，再加芫茜獨特香氣點綴，每一口都充滿孜然香氣，真係第一次試咁特別嘅墨西哥卷😝芫茜lover要試吓！！✨巴斯克焦香芝士蛋糕 $58口感輕巧，質地綿密，入口即化，本身唔算太甜，但有香濃嘅芝士味道，配埋咖啡一齊飲絕對係一個完美嘅下午茶點心選擇～另外有好多咖啡同特別嘅cocktail選擇～試左✨Latte（$40）同✨Dirty（42）都唔錯～咖啡偏nutty~週末嘅時候佢哋會有live music show~ 相信氣氛一定會更熱鬧～…Read More

繼續留港消費٩(ˊᗜˋ*)و竹面譜係新蒲崗開左幾年，原來係太子都開左分店～最近一周年店慶仲全單88折~真係好抵食~✨夢王和牛丼(配流心蛋)$68佢地係夢王蛋專門店之一，夢王蛋攞過日本撈飯比賽嘅冠軍～蛋香十分濃郁！和牛肥美軟嫩，加上濃濃嘅和牛香氣，蘸埋蛋黃食更加順滑～同流心蛋實在係絕配🤤除左和牛丼，仲有好多款配搭夢王蛋嘅選擇～下次我會想試下撈丁🤣👍🏻鮑汁冬菇花膠鍋配關廟麵 $68上菜嘅時候會加熱住，湯頭濃郁鮮美，花膠同冬菇都燜到好腍，係冇牙都食到嘅滑溜質感🤣冬菇同花膠都非常鮮甜～關廟麵一邊煮一邊索晒啲湯～係滋補嘅感覺！✨香茅炸雞翼 $42熱辣辣新鮮炸起～外皮酥脆唔厚粉，肉質鮮嫩多汁冇雪味～仲有淡淡嘅香茅香氣，最岩配泰式辣醬！👍🏻去濕茶 $10自家製嘅涼茶，好適合作為餐後飲品～清新順口，仲可以健脾同去水腫，呢啲天氣飲返枝好過飲廢水🤣✨上湯浸蘿蔔 $18蘿蔔浸到好腍好入味，鮮甜同埋一啲渣都冇！同埋湯頭都好清新～✨炸鮮奶 $23係佢地嘅名物之一，熱辣辣炸起但唔油膩，外脆內濕軟但又唔會過甜～食到一啖接一啖停唔到口～無論係和牛丼、鍋物定小吃，全部都好出色～價格亦好親民～覺得佢地下午茶唔洗$40就食到真係好抵！👛人均消費 ~$95(冇加一)⏱冇限時…Read More

📍泰Grill想食泰國嘢就會諗起泰grill(๑❛ꆚ❛๑)呢次嚟左荃灣分店，仲係一如既往咁抵食夾大件！🍽食物👍🏻原條黃咖哩魚柳飯套餐 $95 7.5/10黃咖哩好濃郁，香氣豐富，加埋蛋同椰奶令口感更綿密，整體味道甜甜地唔辣，送飯一流。魚柳岩岩上嘅時候外皮仲係脆卜卜🥹撈埋咖哩食係絕配～套餐可以揀冬蔭功湯或者木瓜沙律，冬蔭功湯細細碗夠晒酸唔會太辣太刺激，好開胃～泰式檸檬綠茶 +$15睇賣相可能會嚇一跳🤣但其實茶香好濃，加埋檸檬酸酸地好解膩👍🏻牛魔皇船麵套餐 $85 8/10湯頭香氣濃郁，味道濃厚但唔死鹹，米粉仲會索晒湯汁～配料都好足料，有肥牛、牛丸、牛筋同牛腩，俾得好大方～龍眼冰 +$15食完濃味嘅泰國菜飲返杯龍眼冰，甜甜地好清爽～👍🏻串燒combo(半打) $88 7.5/10嗌左牛豬雞各2串，肉質好腍同埋好入味，蘸埋沙嗲醬一齊食，令香氣更豐富！👛人均消費 ~$150⏱冇限時…Read More

👍🏻豬扒小鍋米線+魚肉春卷+蘿蔔 $64湯底揀左bb辣，酸辣湯底比較溫和，唔會太刺激，適合唔太食得辣嘅朋友～本身小鍋米線已經有齊肉碎、芽菜、酸菜同韮菜，豬扒好大塊肉質幾嫩～另加嘅蘿蔔清甜冇渣，索左湯底好惹味，魚肉春卷就好彈牙！米線口感剛剛好，唔會煮得太腍！👍🏻雞絲螺旋草米線+魚腐+豬軟骨 $69呢個揀左麻酸辣湯底，多左麻辣口感更豐富～ 螺旋草口感好爽，索湯一流，另外豬軟骨大大舊，炆到入晒味，魚腐味道都唔錯！✨秘製豬頸肉 $48豬頸肉燒得好乾身，表面仲有啲焦脆，食落油脂感唔算太重，不過好香口～肉質唔柴！仲加左碟油菜（$16）～無論係米線加餸定小食嘅選擇都好多～份量超足！雀仔胃可能食唔晒一碗🤣性價比好高～食厭左平時嘅連鎖米線鋪不妨一試！👛人均消費 ~$70(冇加一)⏱冇限時…Read More

👍🏻香蕉雜莓窩夫 $108 7.5/10嗌左佢哋嘅招牌窩夫，做到外酥內軟，唔會乾增增～不過蛋香味唔算太突出🫢同埋唔算太甜，配雪糕食就岩岩好～生果種類都好豐富～ 酸酸甜甜同窩夫幾夾，係好清新嘅配搭～✨細多寶薯粒鑊仔 $153 8.5/10用鑊仔上可以keep住熱辣辣！薯仔粒表面有少少焦香，而薯仔味又好香，口感好綿密～配料有牛肉粒同煙肉粒，鹹鹹香香又可以增加口感！面頭鋪左滿滿嘅芝士，同薯仔撈埋一齊已經係冇可能唔好食😂再加埋流心溫泉蛋嘅組合冇得輸！👍🏻BBq豬肋骨 $168 8/10個期做緊買一送一好抵食😋嗌左細份但其實份量都唔少～燒烤醬醃得好入味，肉質唔乾，咬落去仲有肉汁！重口味人士仲可以蘸埋附送嘅醬汁🤣伴碟嘅蕃薯條都好熱辣辣，夠晒脆口！👍🏻桂花檸檬蜜 $43 7/10用茶壺裝住可以慢慢斟嚟飲，桂花淡淡清香，配搭檸蜜好清新柔和～⛩環境👍🏻環境光猛，座位都好闊落，雖然話限時90分鐘，但係客人唔多嘅時候，都唔會催人埋單💁🏼‍♀️服務👍🏻員工雖然好忙，但都以禮待人👛人均消費 ~$190(連加一服務費)⏱90分鐘…Read More

📍RaRe Restaurant 係中環食tea有好多選擇～呢日同朋友試左呢間覺得佢哋CP值高、質素又唔錯嘅tea set！值得同大家分享吓(๑•॒̀ ູ॒•́๑)✨Afternoon tea set $298(for two)上面兩格都係鹹點～🥩澳洲M8和牛他他口感軟嫩；🥪日式照燒雞三文治嘅多士鬆軟，雞肉香甜；🧀巴馬火腿配艾曼塔芝士鹹香味好突出；🍢香辣豬肉串只係微辣幾惹味；🍅油漬車厘茄配巴馬臣芝士酸酸甜甜同芝士嘅香味好夾；仲有🐠日本三文魚籽撻粒粒鹹鮮味十足！甜點都幾出色！🥧芝士撻上面嘅提子好甜，令芝士撻好fresh；🥭芒果拿破崙酥皮鬆脆，芒果醬酸酸甜甜唔會太膩；🍫brownies口感實淨，朱古力味濃郁唔會太甜，仲有杏仁香氣；🍪馬卡龍分別係檸檬同朱古力味，整體口感好輕盈！另外嗌左洋甘菊茶🫖同埋英式奶茶☕️，用玻璃壺裝住可以慢慢斟嚟飲～⛩環境👍🏻餐廳播住輕柔嘅音樂，唔會好嘈，適合朋友聚會傾偈，位置闊落，坐得舒服～外面仲有outdoor位，想開揚啲可以揀坐出面！💁🏼‍♀️服務👍🏻店員有耐性，態度好有禮貌👛人均消費 ~$165(連加一服務費)⏱冇限時…Read More