yuenlamp's Profile

如圖所示，大家都見到個兩餸，兩個餸少得可憐，可以揀嘅得嘅餸都已經算少。點知佢份量仲少，差啲唔夠食，食晒個餸都食唔晒個飯。完全唔明白點解會仲存在到咁耐。真係唔會有下次又貴又少又唔好食。…Read More

裝修好懷舊，好有舊時香港嘅風味。環境唔錯，食物質素都幾好。芒果小丸子同埋糖不甩都有返轉頭再食。唔會過分地甜，恰到好處，糖不甩嘅湯圓都係新鮮滾熱辣。開喺商場入面個價錢都唔會太貴…Read More

呢間野嘅米線係唔錯，但係個飯真係好差…見到個飯勁無奈，完全唔係呢個價錢應該有嘅。又貴又唔好食，香菇豬軟骨個餸嚟到已經凍哂，好似煮完攤喺度好耐咁，連加熱都懶得加熱一下。得個法例啱啱畢出嚟。但係仲要等咗好耐先有，以為佢煮緊點知出到嚟嗰嘢係凍嘅。10分失望…加錢個飯加底，如圖所示個份量就係個飯加咗底嘅份量。。依然係極少，完全都唔夠食。啲野又凍。同個侍應講話，係咪已經加咗底，佢話係，咁嗰陣正份量本來應該有幾少..…Read More

九龍灣淘大商場二期大門拉麵，聖誕前後晚先去食比較多人，三個人食等咗半個鐘頭有位。叫咗個咖喱撈麵，有少少辣辣地，但係都叫可以接受。有蛋黃醬可以住加落去個面到，中和左個辣嘅味道。仲有隻生雞蛋添…Read More

尖沙咀近諾士佛台嘅地方原來有好多好嘢食，哩間臭臭鍋非常抵食。價錢唔貴，食嘅嘢好多。一個大食嘅男去到都絕對食到好飽。裝修環境都好靚。張枱都夠大放晒兩個鍋同野飲仲有位用，夠鬆動。兩個人對住座，冇得平排座。食物質素都幾好，除咗本身好肚餓湯底嘅選擇之外，你都有唔同嘅醬料俾食客自由配搭。芝士牛奶鍋好好食。食飽但係唔係食濟。可以揀粉絲或者飯或者面，加$10可以有滷肉飯。滷肉飯都好大碗，而且肉嘅份量都唔少。所以好值得推薦大家去食！…Read More

以前返學都會成日過黎食，選擇好多。除咗拉麵同烏冬之外仲有飯。咖喱飯好食，薯餅入面有牛肉碎，令到個薯餅口感好咗好多。炸帶子都非常大粒。好滿意，份量適中唔會太多，一份好夠食啱啱好食飽，仲可以有肚食多份小食。…Read More

地點位於尖沙咀厚福街，價錢唔算太貴，合理。可以揀四個餸或者五個餸。選擇非常多，生嘅刺身都有。另外仲會送麵豉湯，同埋茶。三文魚雖然得兩塊但係都幾厚。白飯可以任加，喺日本嘅珍珠米。…Read More

黃明記老字號，地鐵站宋王臺落車行一陣就到。專程去食，新舖位冇咗以前嗰種年代感，係一個好高嘅樓底，坐落都舒服。下午茶時段去到不斷有人入黎食野，坐滿。墨丸河，墨魚丸非常出色，而且又5粒。下次打算叫一碗淨墨魚丸，自家製辣椒油好向，令到成碗米粉更加好味！會再食…Read More

本身以為呢間野係食酸菜魚出名，估唔到口水雞都咁出色。酸菜魚可以揀辣度同酸度，一個餸會配一碗飯。小酸小辣其實唔辣，同10小辣差唔多，可能都冇。口水雞肉好滑好juicy，好好味，仲有杯茶送。服務態度都好好。…Read More

元朗冰室個位置好易搵，餐廳都好大，坐位舒服闊落。員工服務態度非常好，待人友善。厚切豬扒質素好高，啖啖肉汁而且大大塊，價錢都唔洗$60。性價比極高。鰻魚拉麵都唔錯，另外仲有碟鰻魚汁細碟另上。…Read More

哩幾年味千拉麵少咗好多，去東薈城行街諗住食咗嘢先。有下午茶餐，份量都正常唔會太少。叉燒拉麵嘅叉燒比較一般。賣相唔算差。炸雞都還好，橙汁正常唔錯。店員服務態度有好有差，有個粒聲唔出就咁拎黎擺低望都唔望你。Hea到..好彩冇收加一。…Read More

Jolibee嘅下午茶餐，有好多選擇，熱狗餐何謂非常抵食。好大一隻，而且芝士份量非常非常多。入口有好香濃嘅芝士味。另外仲送一個蜜桃批。雖然迷你咗少少但都幾好脆！！…Read More

油麻地地鐵站行一陣就到，家樂坊係Foot Locker隔離上樓梯搭lift就到。室內環境裝修好靚，好有feel，有好多唔同嘅打卡位，枱櫈傢俬沙發都唔差。兩個人食到會安排四人枱，有足夠嘅空間擺嘢食。不過冷氣就有啲凍，去食嘅話可以帶多件褸。菜單款式都好豐富，除咗泰國嘢之外，仲有意粉、飯、薄餅、沙律。冬陰功湯味道好濃，亦都好足料，大蝦亦都爽口彈牙。炒飯都相當唔錯。咖喱軟殼蟹份量都好多。特濃朱古力牛奶唔錯，要抹茶鮮奶味道就偏淡。整體來講都非常推薦…Read More

荷里活廣場搵到呢間餐廳，起碼唔駛等好耐位就入到去。食辛味屋嘅飯，咖喱漢堡扒蛋包飯。好食程度不似預期，漢堡扒冇乜咬口，好冧，同出面啲手打牛肉漢堡扒有啲差距，不過哩個價錢尚算可以接受。麵豉湯好鹹。…Read More

連鎖餐廳茶木質素一向都唔會差太多，下午茶時分去唔使等位，仲有卡位坐。下午茶抵食在於包一杯$38飲品，多過$38就補返差價。紅燒牛肉麵，招牌，冇咩特別好講，幾好食，牛肉好嫩口，一兩啖就咬得開。…Read More