ruby22's Profile

想黎E度試下d蛋撻,可惜太早未整好。咁轉攻麵包啦是次買左:紫菜肉鬆吞拿魚卷($6)係全場最得我心ge麵包!紫菜柔un度配搭吞拿魚ge creamy口感,層次豐富!而且沙律醬與吞拿魚比例剛好!太多吞拿魚側過鹹,太多沙律醬食個時會覺得好噁心""最驚喜ge係你未食就聞到肉鬆ge香味,本來肉鬆乾淨淨ge口感與吞拿魚醬軟滑融為一體,成功突破肉鬆ge缺點令層次再提升!:(咖哩牛肉包($5)完全唔覺得有牛肉係入面而且好明顯d咖哩醬係用罐頭個d,一d都唔好食!因為就黎端午節,所以店內又做緊糭ge推廣。見而家都係倏緊6折ja!咪試下lo~本身唔鐘意食肥豬肉同蛋黃,所以每次端午節都好難搵到o岩我ge鹹糭食今次終於都搵到la!!(而家18蚊ja!)成隻糭一打開已經見到好多好多豆,餡料十足!咬口一定可以滿足到你!而且成隻食晒都唔會覺得好滯,仲要隻糭都好大隻好聚手下嫁!朋友們快d去買黎試試啦…Read More

我諗E間麵包舖ge歲數仲大過我=]E度以前最出名係一蚊一個菠蘿包,好多好似我咁ge學生哥想慳錢就會黎買麵包食。不過相隔6年麵包漲價驚人!菠蘿包由一蚊雞變左2.5蚊!!!其他麵包更係唔使多講講真咁ge價真係唔值,麵包師父係咁意舖好少材料係面就算(E個亦係我唔鐘意幫襯屋村麵包店ge原因,因為做個個實在太求其~=[:(:(麵包係享受唔只係為飽肚!!),,一 係就好少餡係麵包裡面,今次要講講ge係招牌雞批($5) 大過我隻手都只係5蚊姐! 最驚喜係層牛油皮,一咬落去厚而鬆脆,但又唔會搞到d碎碎跌晒出黎,餡料都算合格,只係無左青豆才左份口感同味道,,雞肉同忌廉海皇醬都幾多。算係E間麵包店唯一的選擇…Read More

知道這間麵包舖開左好耐的了~由我顫中一到而家中七畢業,但係,,,都無人去幫襯,究竟點解呢?係咪真係咁難食嫁呢??為左解開疑團,我就去買左d餅試試了。嚤囉蘇($2.5)都幾大個,睇下張相~同我手心一樣大!平平無奇,又唔係唔好食,不過d餡就過份的少lo! 我食到最尾豕啖先見到d冬蓉餡~果真虛有其表,難怪無人欣賞...:(綠豆蘇($2.5)同其他店舖買的都差不多,恕我唔識欣賞,我認為鬆化絕對是的,但同樣亦都避免不了乾淨淨的口感豆蓉蘇($3) 唯一今次買左覺得讚的。餡料十足,又唔會好似綠豆蘇的乾淨淨,我,正係追求E種口感的綠豆蘇。其實餡料係豆沙餡,在勝甜而不膩,很rich的口感!迷你朱古力($3)很特別,俾佢ge繽紛外表吸引=] 朱古力碎包裹着朱古力餡。吃下去有點似吃朱古力truffle,不過d味道好奇怪,唔係濃濃的黑朱古力味,又唔係牛奶朱古力味,於是有一日經過間麵包店就問問老闆娘。 oh! 原來用左rum酒去做朱古力軟心ge餡!!:) 估唔到寂寂無名ge麵包店竟然用上不平凡的材料去做! 值得鼓勵!可能麵包唔多吸引,但餅類都還可以接受…Read More

大班最出名就係冰皮月餅,但係請大家留意!佢係一間麵包西餅店,這點經常被人忽略了最近新出的麵包芝士泡泡圈($5.5) 芝士味很香很突出,一吃下去而感覺到味蕾已被濃濃的芝士味攻佔了。你會有一種食唔停口ge感覺!讚呀!:(捲芯芝麻麵包($8.5)以為一打開包裝紙就會一陣芝麻香傳出,可惜令人失望,而且包身蠻乾硬,會有令人想飲水的衝動,斯開到中間才見到一點點的芝麻蓉的餡料!實在不值這個價錢呀! 流心芝麻包($5.5)相反同系列的它出色很多呢!一咬下去有見到有芝麻蓉要湧出!相信剛出爐又或者回家叮一叮就能做到流心效果了!而且芝麻蓉甜到與湯圓有得比!嗜甜的你也可買個試試呢!…Read More

:(朱古力麻糬冬甩($9)體積像一般芝士波波售價竟是九元兩粒對一個學生來說是非常貴的,(另外仲有吉士味揀),,最奇怪的是.....為什麼叫冬甩?普遍食開ge冬甩都是水泡樣,這個,它頂多只是麻糬而已。尚且試試是否值回票價?!表面灑上濃黑的朱古力粉,一咬下去QQ的糯米皮,但有點過厚,而中間的朱古力漿不是想像的濃郁帶苦澀的黑古力味,而是坊間普通偏甜的牛奶朱古力味,對我這個黑朱古力崇拜者蠻失望的,最慘ge係,食落去真的是皮還皮,醬還醬,一點也不夾:(:)脆糖抺茶奶酥合桃包($8)一吃下去有淡淡的綠茶味從味蕾滲出但卻不會淹蓋了奶油的香,間中有一兩粒合桃粹増加口感,雖然我愛重口味的食物,這種清新的感覺會令人的謂口更好。,忌廉芝士布里歐修($12)是次正做傻惠10元一個;19元兩個。表面像吉士一樣。我回家再叮熱佢先食,發現這是最好食的方法!因為熱騰騰的cream cheese會一吉落去就像河水一樣湧出來!勁creamy的口感配合軟熟的包身軟 滑 香的境界即能感受得到!…Read More

見到E間咁多笑面,所以對佢都幾大期望,:( 雜果朱古力軟包($6)牌上寫住:朱古力麵包加入芒果,木瓜,橙皮,蔓越莓,朱古力粒。吃下去時,只覺得像吃了朱古力粒加帶點微酸的朱古力麵包。事實上我亦只看到除了表面的朱古力粒粒和入面的數少粒蔓越莓,所謂的芒果,木瓜,橙皮完全看不到有亦吃不到有這些味道。 相反芝士法包($14)就很好吃法包咬落並不是硬掘掘的,卻是有煙煙unun,很有驚喜!而且餡料絕不欺場,一撕開已見到很多粒粒芝士,總算令我這個芝士狂人火氣暫降。…Read More

要試麵包,一直都係麵包市場龍頭的A1梗係唔少得啦!見到有新麵包登場當然要試試啦!:(雙重香草芝士薄餅硬身的,聞落去香草味都幾突出,但食落去只有少少過鹹芝士味。只可充饑,不可享受,失望...…Read More

終於考完試,可以再上黎寫食評了。近年香港進註了許多漢堡包店,不讓麥當當獨領風騷。今次率先試試burger king蠻多人讚的磨菇芝士漢堡。磨菇芝士漢堡($19)熱騰騰的包身夾着正流緊出黎的半溶芝士吸引到極!芝士夠味而不過鹹,避免了有種食完想即刻飲水的衝動;一咬下去被芝士淹蓋的小磨菇片的爽脆混合牛肉嫩淋的口感,層次豐富了。本以為麵包會吸盡了牛肉的肥油,出乎意料之外,麵包竟然沒有很多油份!:)感覺較健康最值得一讚的是其包裝紙,不像麥當當的一拎起就搞到成手都係油,方便又衛生! 若牛肉更厚更有肉感些少就會更好。…Read More

這裡賣的麵包有九成跟A1-Bakery相似,經朋友口中得知原來它們是姊妹店來的。難怪難怪~因為日式麵包王的卡通關係,自年幾之前以來,陸續有麵包店引入蜜瓜包。這就是所謂的潮樓吧?見到這裡有新口味 "抹茶蜜瓜包",我是愛抹茶之人,當然要試試它的味道啦!:(很失望,,外形與菠蘿包一樣,只是變了青綠色。吃下去淡得幾乎吃不出的蜜瓜味,而綠茶味??對不起真的吃不出來。還以為有蜜瓜味的餡料在內,可惜原來只得上面那層脆皮。教人很失望:(但愛這裡的原因是因為"果仁歌因"($9) 大小與普通菠蘿包無分別,它光是表面而見到有很多很多合桃呢!吃下去原來內面都有很多的合桃,,難得的真正合桃味啊!完全沒有把合桃添加任何的糖或鹽分,很難得!而包身外脆內軟,口感豐富!表面有層焦糖,與合桃相互附和,感覺很match!…Read More

一心黎大家樂想食乳飼牛坑腩,點知得普通咖哩牛腩飯食,唯有將就一下啦。:(拎走個時已經見到載咖哩個盒勁多油,因為盒蓋透明,可以清楚睇到入面d料,,除左咖哩油同深色的咖哩醬之外,咩都睇唔到。番到屋企打開個飯盒...d飯好少...我諗一個青春期ge青年一定唔夠食,如果我係男仔咁就仲慘了~~飯的旁邊有些配菜:兩條豆角,2粒蕃茄,兩條甘荀芯。或者對d配菜無期望啦,反而係這一餐最令我滿意的食物。車厘茄很甜很大粒,豆角不會油油的,甘荀芯跟平時吃的一樣無分別。到最令人吃驚的咖哩了:(噢~~~打開蓋,,蓋面全部都係咖哩油..好恐怖"" 完全無咖哩香,不過咖哩醬仍有咖哩的辣味; 至於薯仔,很粉很淋身,算是可以接受的,另外到牛腩,屬偏瘦質地=]我平時也愛吃較瘦的牛腩,這次合我心意。牛腩瘦得來咬落不算un,而且牛筋也跟預期一樣多。最不滿意是最重要的主角---咖哩醬,因為太油了,我放棄了用它撈飯,,所以未能把它吃完才掉。…Read More

A-1 bakery 的麵包出名有水準是實至名歸的。不過我發現並未有人去欣賞以下這個麵包: 朱古力紅莓合桃包($12) 外表深啡色鋪滿了一粒粒的朱古力碎,上面灑上類似麵粉的白色粉,整個造型很典雅。第一次遇見它是在補習班之後買早餐吃。剛剛出爐那種香氣撲鼻,於是我買一個來吃。拿上手,熱得有點燙的感覺,不過麵包趁熱食會令味道更佳的。輕輕把麵包撕開,見到很多碎朱古力,合桃和紅莓果肉!餡料非常豐富!一咬下去......那種濃而不甜的朱古力味攻佔了我的口腔,還夾帶着合桃碎和紅莓果肉的口感,十分有層次感!麵包的質地和味道有點像吃Brownie的感覺,不過這個更有咬口! 最緊要是它的朱古力味並不是可怕的甜。記得上一次又再買來吃時,一次買了兩個,旁邊一個完全不認識的太太見到,還對我說:"朱古力麵包黎嫁wo!你唔驚好甜咩?" 我即刻表示不會,不過還真的希望她聽了我的解釋會去試試,相信一定會改變她對朱古力麵包的偏見呢!我敢保證,這個麵包的可可濃度有76%以上,,是濃而不甜的可可,愛黑朱古力的人必定要試試!…Read More

麵包城係馬鞍山有好多分店,其實已經算得上係連鎖麵包店,只不過係以家庭形式去經營。這間麵包店中最吸引我的算是豬柳漢堡($4.5) 。 外表是與普通餐飽一樣,中間夾着厚蛋塊及薄豬柳片,加上少量沙律醬。吃下去不像麥記的鹹,相反其酸酸甜甜的沙律醬令胃口大開,蠻好吃的!只嫌豬柳片裁在太小塊了。…Read More

這裡的排骨飯被人們讚不絕口,至於蒸包呢??好像較少人評論。於是買了菜肉包吃。每個菜肉包售$3.5元,便宜吧?新鮮熱辣,不過包身過厚,但勝在夠軟熟,用上新鮮豬肉配爽身椰菜,味道不錯,但餡料偏少。…Read More

因為去火炭幫爺爺做法事上位,經過時買了個麵包頂肚。沙爹牛肉包($6.5)沙嗲味不足,餡料`勉強可以接受,不過吃不到一塊塊的牛肉片ge??只有少少肉碎罷了。而且這個價錢,並不算便宜。至於服務ma..你有你睇,店員唔會主動幫你。…Read More

:)頌安的街市開了間售賣上海包點的專門店,有水晶包(豆沙味,奶皇味,芝麻味),糯米糍(花生味麻蓉味)叉燒包,菜肉包,蓮蓉包,豆沙包,花卷,鮮奶饅頭,麥皮饅頭,香蔥薄餅,鍋貼(韮菜餡,椰菜餡),生煎包("火窄"菜豬肉餡,椰菜豬肉餡),還有蘿蔔糕,頭糕,馬蹄糕等等很多選擇呢!而我就買了它的椰菜生煎包吃。:)看着亞姐從蒸櫃拿出來熱騰騰的,單看光滑外表已非常吸引!與手心一拼,生煎包比我的手心還要大呢!每個售價$4完,對一個學生來說亦非常合理。第一口吃下去,多汁的餡料從厚滑的包身中噴出來!經略煎的包身外層略脆內裡軟熟得很,口感層次豐富。其餡料菜肉比例平圴,而且餡料打得暈循。鮮嫩的肉質中帶有清爽的椰菜,幾乎完美無暇!!等我下次再試埋其他包點先!…Read More