ttmmww's Profile

燒烤堂喺晚餐嘅時段真係一位難求. 好彩我醒目嘅朋友有訂位🥰如果唔係果日真係冇得食入面嘅感覺有少少似日式嘅居酒屋. 原來座位數量都唔少. 但依然坐滿晒人. 食物質素一定有返咁上下！充滿期待嘅我哋就梗係嗌到成枱都係野食啦🐔鹽燒雞皮第一次見到咁薄又大大塊嘅雞皮.香脆而且唔會好油. 調味啱啱好🍞焦糖青蘋果鵝肝多士大大發鵝肝脹卜卜. 配埋用焦糖燒香咗嘅青蘋果食好清新🐮牛舌拖羅厚切嘅牛舌燒得啱啱. 爽彈又咬口🐷豚肉節瓜波板糖（附月見）節瓜同埋薄片嘅豚肉捲埋一齊成支波板糖咁. 亦都增加咗口感. 點埋月見醬味道更豐富🐚浜燒活北寄貝調味好簡單. 但燒得好好食. 北寄貝鮮甜彈牙🦪蒜蓉燒蠔豐富嘅調味令到燒蠔更加惹味. 消耗無腥味而且飽滿🍢尖椒皮蛋燒豆皮好新穎嘅一款串燒. 豆皮包住咗尖椒皮蛋. 咬落去味道好香濃🐮A4和牛一入口濃郁嘅牛肉味同油脂香喺口腔度爆發. 徘徊咗好耐🍆川燒蒜蓉茄子另一款好新穎嘅嘢食. 用咗四川嘅辣椒粉代替蒜蓉去燒. 香辣惹味叫咗嘅嘢食嘅款式多到講唔晒. 但整體質素都唔錯. 冇一樣嘢係伏而且價錢都唔貴. 特別係嘢飲廿幾三十蚊大大杯. 一杯青檸梳打竟然可以有1.5個青檸真係好少🤭呢一餐用咗唔係好貴嘅價錢竟然可以食到超級飽啱晒同朋友嚟一邊飲番杯一邊慢慢食串燒❤️…Read More

又到聖誕節🎄除咗各商場都充滿住聖誕裝飾之外. 各間餐廳都推出咗唔同嘅聖誕限定美食同埋聖誕優惠啦😍湊湊鍋亦推出咗聖誕節限定套餐. 套餐內嘅菜式都好有創意同埋符合節日氣氛鍋底可以升級花膠雞同埋新湯底蟹粉鍋 包間訂座重可以送鴨血+可以帶返屋企食🍲紅顏竹笙花膠雞鍋拼 台式麻辣鍋 台式麻辣鍋鴨血同埋豆腐都可以任加任食😍鴨血鮮嫩彈牙. 湯底麻香味香濃紅顏竹笙花膠雞鍋好濃厚香甜. 開始打邊爐之前可以飲返兩碗佢嘅精華再加湯落去飲落就好似飲緊紅燒翅嘅湯底咁. 跟住店員仲加咗大量嘅竹笙入去湯底入面. 索晒湯真係好好味🎄肉肉聖誕樹將牛肉整成一棵聖誕樹嘅樣. 應節得嚟又有創意採用咗美國優質牛板腱同埋牛腹胸肉.可以同時享受到2種牛肉🦪新鮮活撈蚵仔粒粒飽滿鮮甜. 配麻辣湯食都幾夾🦐黑松露蝦滑將黑松露撈勻之後就可以放入鍋入面煮. 用料十足. 可以食到滿滿嘅蝦肉🐧可愛企鵝丸睇樣已經覺得好可愛. 放佢入鍋入面就好似掉落海咁😂入口都好彈牙好重墨魚味🍖四川小酥肉炸得好香脆嘅小酥肉帶有麻香味. 都幾開胃🥤貴妃烏龍珍珠奶茶 茶味同埋奶味嘅比例都幾平均. 入口順滑珍珠亦都好煙靭有咬口另外重有自助吧提供. 除咗可以拎到唔同嘅醬料配料之外.重有前菜、肉燥飯同埋生果免費飲食🎁依家嚟打邊爐重有以下嘅優惠回饋合集：1. 【火鍋分享有獎 湊湊滋味體驗 贏取豐富獎賞高達$1200】2. 【早鳥85折夜貓8折 由朝到晚特別折扣】3. 【聯乘合作 消費即減優惠$1000減$200】4. 【午市台式湯鍋麵飯 每天一款85折$66起】5. 【午市小火鍋新推廣價 日本 A4 和牛小火鍋73折$138起】6. 【火鍋單點送寶寶餐（價值$128） 大人細路齊開心】7. 【一卡兩用印花獎賞 全天候享受滋味時光】…Read More

喺我心目中大圍最出名嘅餐廳非e for egg 莫屬. 係因為佢我先至第一次踏觸大圍呢個地方🤣第一次食嘅時候佢嘅軟殼蟹吐司簡直驚艷到我 . 只係可惜成日嚟都排長龍. 搞到我唔可以成日食😤E for egg 最近出咗新嘅產品😍又吸引到我再戰🦑香脆魷魚鬚唔知點解一直都覺得佢嘅炸物好出色. 永遠都係脆卜卜唔會油冧冧魷魚鬚嘅份量都唔少. 炸粉唔會太厚.魷魚彈牙爽口🦪E for egg大拼盤食完碟魷魚鬚唔夠喉. 再嗌多碟雜物拼盤😂入面有薯條、台灣腸、炸生蠔、炸雞軟骨同埋魷魚鬚炸生蠔一咬就爆汁. 鮮甜飽滿台灣外脆內軟. 亦都好Juicy🍞期間限定-三重熔岩芝士煙肉滑蛋盒子吐司一眼就望到滿滿嘅芝士流晒出嚟❤️盒子吐司入面亦都佈滿咗嫩滑嘅炒蛋同埋煙肉吐司依然係脆卜卜. 吸收晒芝士同埋蛋嘅日月精華一啖咬落去味道好豐富. 芝士控表示好滿足唔好睇少伴碟嘅炸芝士年糕. 同樣咁好食🦀期間限定-冬蟹三重奏茶漬丼丼飯上面滿佈咗超多嘅蟹籽、蟹肉同埋蟹膏一放入口口腔就充滿蟹嘅鮮味. 重可以加埋高湯變成茶漬飯. 可以令到鮮味得到提升飯旁邊亦有松葉蟹蟹腳、蟹鉗同蟹身. 都已經處理過. 食得好方便🐖豚肉生薑燒撈烏冬生薑燒撈烏冬之前都未食過. 個汁甜甜地幾好味烏冬爽口彈牙. 豚肉份量好多🍰豆腐巴斯克蛋糕巴斯克蛋糕已經有好多唔同嘅味選擇. 本身想食開心果味. 但見到佢嘅聖誕限定版豆腐味就更加想食😂個擺盤好靚. 好有聖誕氣氛. 好似個聖誕小雪人咁豆腐味同芝士味做得好平衡. 唔會互相遮蓋咗大家嘅味道清爽嘅豆腐味令到蛋糕冇咁膩. 蛋糕口感軟滑🥳開心果特調呢杯嘢飲包含咗開心果+豆腐+鮮奶. 我每次嚟都必叫第一啖會飲到綿密嘅奶泡同埋香濃嘅開心果味用飲管飲就會飲到清爽嘅豆腐. 呢個配搭好獨特亦都好夾…Read More

最近受到黑白大廚影響好想周圍搵唔同嘅韓國菜去食😍特別係韓燒路過K11嘅時候俾我發現咗竟然開咗一間好大嘅韓國餐廳. 入面真係有韓國Oppa 喺度主理😍😍餐廳仲新出咗特級韓國鰻魚、牛、豬套餐套餐選用咗由韓國進口嘅風川鰻魚係出名的淡水鰻魚. 生長係江水同海水交匯嘅地方烤鰻魚一直以營養豐富而聞名. 當中包括高蛋白質、Omega-3脂肪酸、維生素、礦物質. 以及低飽和脂肪燒到金黃色後可以品嘗到鰻魚鮮嫩嘅肉質同埋香脆嘅外皮重口味嘅人士更可以沾上套餐附上嘅鰻魚汁一齊燒. 又係另一種風味今次韓國大廚更精心設計咗烤牛膈肌. 烤馬埸洞乾式熟成五花肉配答烤鰻魚牛膈肌每塊都好厚大. 烤完牛味好濃郁. 肉質鮮嫩多汁有咬口豬五花係每次韓燒必食. 大大塊豬五花放落爐燒果刻真係好震撼. 連埋牛油一齊燒真係又香又邪惡燒到脆卜卜嘅豬五花當然要配上泡菜同埋生咗一齊食啦我哋仲加咗一份牛油黑松露養生釜飯. 攪拌後嘅米飯每粒都沾滿上蛋汁同牛油🤪真係令人食唔停呀…Read More

同一大班朋友喺銅鑼灣行完街. 想搵個地方食晚餐. 發現原來係銅鑼灣要搵間坐得落多人嘅中菜都有少少難度估唔到係Fashion Walk入面俾我哋搵到一間中菜-翠湖金閣. 餐廳嘅裝修都幾grand好光猛. 座位同座位之間唔會好迫. 人多嘅仲可以坐獨立嘅房仔. 嘈喧巴閉都唔怕嘈親人😂佢仲有戶外嘅座位. 天氣再凍少少嘅時候坐出面食中菜應該幾好feel幾新穎估唔到呢度嘢食嘅價錢都幾親民. 開頭仲以為開喺呢個位嘅嘢食都會有返少少價位🍍鮮菠蘿荔枝咕嚕肉入面嘅肉竟然係用豬頸肉而唔係梅頭肉. 咬落啖啖肉唔會一大嚿肥膏真係好爽而且外面嘅炸漿好薄. 入口熱辣辣非常之脆卜卜. 擺咗一段時間嘅咕嚕肉依然係脆嘅😱. 真係好令我哋驚嘆🦐蝦球炒麵係我最鍾意食嘅伊麵😍用咗蝦湯煮成嘅汁散發出鮮甜嘅香味. 撈埋伊麵食真係好正. 媲美到芝士伊麵但係又冇咁漏上面嘅蝦球粒粒都大隻兼飽滿彈牙. 成一粒已經有啲飽🦀避風塘炒蟹嚟到銅鑼灣點可以唔食避風塘炒蟹啊🙈碟蟹放到上枱已經散發出好濃烈嘅誘人香味. 引到隔籬枱都回頭望我哋食緊咩🤣蟹殼已經炸到脆卜卜一咬就碎. 而且蟹殼鋪沾滿晒汁好惹味. 差啲想食埋佢落肚蟹肉鮮甜彈牙. 蟹膏都唔少🔥招牌金閣小炒王之前好少食小炒王. 因為好多小炒王都會炒到油淋淋但係呢度嘅小炒王令我有啲驚喜. 韭菜花炒完依然係爽口香甜. 唔會有太多油另外仲有蝦乾、魷魚、油炸鬼同埋腰果等等嘅食材最神奇嘅係油炸鬼去到最後依然係脆嘅. 唔會話吸晒汁淋到一嚿嚿咁食食吓見到人哋條魚個樣好吸引就走咗去影返幅相🤣等我下次再嚟試吓佢先…Read More

焱丸水產係一間做位落尖沙咀棉登徑嘅日式磯燒水產店裝修就好似日式嘅居酒屋咁. 令人感覺置身於日本呢度有多款嘅海鮮可以供選擇. 例如扇貝、魷魚、鮑魚、蟹、蜆等等我哋就叫咗個焱丸活貝大盛. 貪可以一次過食晒幾款海鮮入面包括帆立貝、鮑魚、牡蠣同埋白蜆各2隻店員會幫手燒熟啲海鮮. 啱晒我呢啲懶人鮑魚上枱嘅時候都仲食得郁. 真係幾新鮮不過燒緊鮑魚嘅時候突然間爆咗一下. 有啲嚇親😂🦀蟹味噌甲羅燒燒海鮮點可以唔食埋甲羅燒. 店員一樣會幫手處理. 將上面嘅鵪鶉蛋倒落啲蟹膏連蔥嗰度燒完就食得🦀蟹雜炊店員會喺你面前煮. 將米飯倒落特製嘅湯底度. 再加上蟹件同埋蟹籽再撈埋隻蛋落去就食得啦🐮日式甜醬牛肉鍋有壽喜燒嘅湯. 配上唔同嘅蔬菜同埋豆腐加上三大塊牛肉. 估唔到入面仲有啲日式嘅粉絲. 有啲驚喜🐟花魚一夜干估唔到幾大條. 第一次食一夜干幾有新鮮感…Read More

一直都聽同事講中環大館附近有一間阿根廷嘅扒房幾好食. 今日同事終於帶我嚟朝聖店員安排咗窗邊位置俾我哋. 氣氛都幾好. 可以邊食邊睇吓風景呢度嘅set lunch二百零蚊有前菜、主菜加埋嘢飲. 收費都算合理點完餐嘅時候侍應會先上兩條蒜蓉包. 食落有啲煙韌. 有好香嘅蒜蓉味🥟雞肉蕃茄餡餃係一隻大大隻炸過嘅阿根廷餃子. 入面包住烤雞肉、蕃茄同埋莎莎醬等. 味道好濃郁🐮Steak Tartare呢度嘅牛肉他他唔係全生. 混合咗少少洋蔥配埋香脆嘅麵包同埋佢嘅特製醬汁好好食🐮牛翼板肉 250g牛扒即叫即燒. 店員會用鐵板裝住牛扒拎過嚟先放上我哋嘅碟上面我哋叫咗五成熟. 一次開即刻見到粉嫩嘅肉汁入口除咗濃郁嘅牛肉味之外仲有淡淡的炭香味另外仲有6款醬料可以配搭🐮阿根廷吉列牛肉大大塊嘅吉列牛上面鋪滿咗芝士同埋蕃茄食落口感覺都幾清爽唔會太漏另外我哋仲揀咗炸薯條同埋薯蓉做前菜薯條炸到香脆熱辣辣. 薯蓉就有好香嘅牛油同埋黑松露味我哋一邊enjoy啲食物一邊enjoy個環境慢慢傾偈. 時間過得好快. 咁就要返去繼續做嘢lu🥺…Read More

放假同朋友係尖沙咀行完街. 就嚟咗呢間樓上酒吧飲杯嘢食返個晚餐呢度嘅裝修偏向英倫風. 大大個書架配搭埋黑膠唱片. 另一邊重有一個好有feel嘅酒樽牆大部份嘅座位都係高枱. 我哋就好幸運咁坐咗喺書架前. 不過張枱就會矮少少見到佢有一個dinner set. $658包晒頭盤、餐湯、主菜同埋嘢飲感覺都好似幾抵🍅蕃茄湯蕃茄湯酸酸甜甜好開胃. 配埋好香脆嘅麵包🍴磯煮凍鮑魚（秘製海鮮醬）鮑魚煮得好彈牙. 個海鮮醬更加可以凸顯出鮑魚嘅鮮味配埋蟹籽食增加口感🥔鵝肝薯仔千層鵝肝煎到焦香. 由香係口腔迴盪通常鵝肝都係配多士.但呢度嘅鵝肝係配薯仔千層薯仔切開一片片再拼埋一齊去焗. 做法好新穎而且鵝肝嘅油滲入咗個薯仔度. 令到個薯仔都好香🐮慢煮澳洲M4肉眼扒肉眼扒嘅牛肉味都濃郁. 下面嘅蘆筍好鮮嫩薯蓉都好香幾滑🦀香草忌廉蟹肉意大利飯意大利飯好有咬口. 忌廉汁濃郁.蟹肉份量都唔少🍫鐵板冰火朱古力軟餅當朱古力醬淋上鐵板嘅時候散發出醉人嘅香氣. 立即吸引到其他客人嘅詢問冰凍嘅雪糕配上熱辣辣嘅Brownie真係好享受🍸Fishing Village嚟到呢度點可以唔飲返杯酒當然要嗌返杯佢哋比賽嘅酒嚟飲吓啦.呢個可以舊日香港漁村作為創作靈感飲落有淡淡嘅蝦醬香味. 意想不到地道同麥卡倫都幾夾🍸Milk Tea Wash 以港式奶茶作為創作靈感. 用全新嘅科技令到奶茶變得透明飲落去有濃郁嘅奶茶香. 加上淡淡嘅伯爵香氣座位有限🎊請即訂座!…Read More

辛苦工作過後. 放假就想搵個地方好好chill下嘆返餐見到尖東海旁附近嘅Spasso Italian Bar & Restaurant 有Sunday semi- buffet食. 主菜重有自由配搭嘅手工意粉選擇😍啱晒我呢個好大食嘅手工意粉控座位空間都好寛闊. 亦可以望住維港嘅景色同朋友得閒嚟chill下都幾舒服呢度個semi-buffet款式都唔少. 有啖啖蘑菇粒飲忌廉蘑菇湯. Parma Ham. 各種芝士. 煙三文魚. 辣肉腸. 甚至有埋即焗嘅pizza提供最鍾意食佢呢度嘅凍蝦. 隻隻都好鮮甜彈牙. 亦都好易剝殼Parma Ham 同煙三文魚嘅油香嘅令人回味主菜方面. 我哋就揀咗佢嘅手工意粉呢度總共有四款手工意粉同埋六款醬汁可以任意配搭手工螺絲粉彈牙有咬口. 配上好惹味嘅卡拉布里亞辣香腸和意大利流心芝士汁令一啖又一啖食唔停手工結他意大利麵偏向硬身好掛汁. 同煙三文魚伏特加汁好相襯呢度係少數Semi-buffet嘅嘢食同埋主菜都好食嘅地方. 加埋呢度嘅環境. 真係好值得嚟試下…Read More

身為新界牛嘅我當然知道嘆甜品有幾咁受歡迎. 當初天水圍分店執嘅時候都覺得有啲可惜估唔到佢又喺聯和墟度開咗間新分店😍充滿好奇心嘅我就梗係要去試吓呢一間新分店有冇啲咩唔同啦點解嘅分店座位唔算好多. 好彩嚟到嘅時候都有位🧇鐵觀音茶醬麻糬窩夫配曲奇雪糕本身好想食粉嶺店限定嘅開心果奶蓋窩夫😭可惜賣哂窩夫一直都係嘆甜品嘅招牌之一. 即叫即製呢個窩夫嘅外貌打卡一流😍好靚. 種要有隻好可愛嘅貓貓窩夫外皮香脆入口鬆軟. 有好香蛋香味鐵觀音茶醬茶味香濃. 完全唔甜🍫心太軟一切開超級流心😍又熱辣辣用咗比利時朱古力難怪咁重朱古力味配埋雪糕又冷又熱好衝擊味蕾呀🥭楊枝甘露面層充滿住厚厚芒果汁層、芒果粒同西柚粒. 下面係西米. 好足料夏天食真係好爽🍴小食拼盤+炸魚蛋+鹽酥花枝丸嚟到嘆甜品一定要試吓佢啲小食. 同甜品一樣咁高質每樣嘢都賺得啱啱好. 脆得嚟唔會好乾身個人最鍾意食花枝丸. 真係好似台灣食到嗰種感覺咁重要食到啖啖嘅花枝粒. 令我食完一粒一粒好正…Read More

Lost stars之前喺大角咀店嘅時候已經好受歡迎. 更係少數有live Band表演嘅餐廳🎤最近搬嚟K11 Art mall. 裝修一貫維持之前嘅風格. 迷人嘅燈光配上醉人嘅音樂.型格得嚟好舒服. 依然有live brand嘅舞台. 逢星期五六日就會有live show. 可以嚟享受一下充滿音樂嘅週未聚會首選一定要叫佢嘅dinner set. $288就有餐湯、牛扒同埋紅酒. 真係好抵食餐湯係南瓜湯. 香甜濃厚牛扒係8安士烤新西蘭肉眼. 5成熟焦香嘅外表包住粉嫩嘅肉質. 肉味濃郁底下嘅日本南瓜亦都烤得好香甜🍴日本刺身帶子雙色麵雙色意粉掛汁有咬口. 明太子忌廉汁香濃惹味. 加埋蟹籽口惑更豐富日本帶子輕輕煎香兩面. 鮮嫩香甜🐟香煎比目魚柳魚皮煎得香脆.魚肉嫩滑帶有淡淡奶香味令人一啖接一啖食唔停下面嘅華爾道夫沙律新鮮爽脆高質嘅嘢食伴隨着輕快舒適嘅音樂. 令到我喺放工之後享受到一餐舒快嘅晚餐相信有live music表演嘅時候氣氛會更加好. 我會週末再嚟感受一下呢度嘅氣氛🎶…Read More

近排串燒癮起. 周圍搵唔同嘅串燒嚟食今日見到荃灣間串燒店. 價錢都算親民. 而且款式種類都幾多除咗串燒都重有主食. 同埋一啲炸物等等大食嘅我哋瞬間叫到全枱都係嘢食小食梗係有薯條同埋魷魚鬚啦. 竟然可以揀明太子醬同埋沙律醬清酒煮蜆酒香味唔會太濃. 啲蜆粒粒都好飽滿海鮮就叫咗扇貝同埋聖子. 好特別可以揀明太子定係蒜蓉味扇貝都好大粒飽滿. 聖子配明太子醬都真係好得意串燒就揀咗好多唔同款好朋友一齊開心share 另外覺得最特別嘅係豚肉雞蛋卷. 燒豚肉包住少許流心嘅蛋幾夾煙肉芝士卷都唔錯. 鹹香嘅煙肉配上香滑嘅芝士. 送酒一流鹽燒五花腩燒到脆卜卜味香味好重呢度重有好多款酒類同埋嘢飲揀. 配串燒一流…Read More

每次去完飲宴之後都好想食乳豬. 因為次次都得嗰兩件都唔夠喉😂經過喺網上研究之後就決定試吓呢一間燈神海鮮酒家🥰因為佢啲菜式好吸引. 有哂我唔夠喉又好想食嘅嘢🦀糯米炒膏蟹哇😍個飯一嚟到聽到熱辣辣嘅吱吱聲真係好好聽店員會先幫我哋炒一炒個飯. 可以見到有好大隻蟹喺入面. 重要每一嚿都充滿住膏🙈啲膏食落甘香回味. 好似食緊蛋黃咁蟹肉仍然鮮嫩. 飯底竟然重有飯焦☺️真係好豐富🐽招牌即燒乳豬最鍾意佢皮同肉完全分開☺️而且肥瘦適中咬落脆卜卜好味道. 完全止到癮呀🪿黑松露玻璃燒鵝呢一款黑松露燒鵝真係第一次食😱好新穎唔好睇佢外面黑忟忟咁入口真係好香嘅黑松露味. 意想不到地同燒鵝嘅油香味幾夾. 齒頰留香🦀百花炸釀松葉蟹鉗蟹鉗非常之大隻. 外皮炸得好香脆唔會油淋淋入面嘅肉脹卜卜好彈牙. 而且重會食到一絲絲嘅松葉蟹肉🥢瑤柱金菇炆伊麵唔好睇佢顏色好似好淡咁. 但係食落好夠味而且呢到重有瑤柱嘅香氣. 特別好食麵條軟硬度適中. 唔會太過濕最後店員重送咗兩碗楊枝甘露俾我哋食. 估唔到佢非常之多料. 而且唔會太甜❤️唔錯！…Read More

不嬲同朋友出去飲嘢都會揀一啲普通酒吧嚟飲. 今次就經朋友介紹後嚟咗一間專飲清酒嘅居酒屋有啲似日本嘅居酒屋咁樣. 地方細細. 座位唔多. 但係店員同客人都會一齊傾偈❤️有親切感覺呢度嘅裝修都好有心思. 特別係嗰酒樽牆同燈. 真係好有feel呢度sake嘅種類好多. 好多我都未見過😳專業嘅唎酒師會先詢問客人嘅喜好再提供建議. 推介出最適合客人飲嘅sake . 而且佢連每支酒嘅出產資料同埋歷史全部都識. 就好似一本sake百科全書咁我就好滿意佢哋嘅推介. 特別係果杯山形縣嘅磐城壽. 米味香醇. 入口順喉唔會辛辣岩哂我口味除咗酒好飲之外. 呢嘅嘢食質素都唔錯🍢串燒串燒種類嘅選擇都唔少. 我本人最鍾意燒厚切牛舌. 有咬口得嚟唔會太韌燒雞皮都好特別. 唔係完全脆口嗰隻. 但好煙靭有咬口燒粟米一嚟到已經聞到好大浸牛油嘅香氣🥰🐮燒汁牛小排油脂同埋肉嘅分佈好平均. 入口充滿油香且肉味濃郁🐓雞皮餃子雞皮餃子熱辣辣脆卜卜. 入面餡料重好多送酒一流🐟油甘魚鮫外皮煎到香脆. 入面肉質鮮嫩. 而且油香好重最後店員重請我哋食日本朱古力🥰真係又好食又好feel嘅一餐. 而且店舖重會間中舉行唔同嘅活動. 鍾意飲sake嘅朋友真係唔可以錯過呢度…Read More

一直都聽好多人講牛站嘅任食邊爐又正又多嘢食揀. 只係可惜呢間餐廳受歡迎嘅程度遠超我想像🥲一直都book唔到位今次終於book到晚市嘅位置😍嚟到門口已經人山人海. 好多人嚟walk in等呢度拎嘢食同埋座位係分開兩邊. 拎嘢食嘅位置. 好大好多嘢食揀例如有我最鍾意嘅台灣蛋餃同埋燕餃. 亦都有香港人好鍾意嘅萵筍同埋台灣丸類熟食竟然有麻辣小龍蝦添！除咗嘢食好多款可以任夾之外. 嘢飲種類都超級多. 有珍珠奶茶、台灣嘅茶類同埋罐裝飲品之外. 😍竟然仲有唔同種類嘅酒精類飲品真係啱晒我拎嘢食之前就已經叫咗個湯底. 揀咗個好少見嘅龍蝦頭鍋. 🦞大大隻龍蝦頭係湯底入面. 湯底鮮甜濃郁即刻掃QR code落單叫牛肉. 我哋揀咗SRF美國極黑和牛片套餐🐮. 有美國安格斯牛板腱、美國肩胛肉、牛舌等等嘅牛肉選擇我自己真係幾鍾意食佢嘅牛舌. 好少打邊爐嘅地方有得食除咗肉類之外重可以叫海鮮類. 例如帆立貝、蝦、墨魚等等即食類別竟然有乳鴿😱真係好特別呢度嘅嘢食款式真係好多. 每樣食一次都已經夠飽跟住梗係出去食佢嘅甜品區同埋雪條區. 選擇一樣咁多好開心竟然有我細細個最鍾意食嘅藍鐵神😂今餐真係食得好滿足…Read More