eylchan's Profile

今日心情實在太差🙃🙃🙃肥仔為咗令我開心啲決定帶我去食好西🤣我揀咗喺尖沙咀有半價優惠嘅南瀛水產環境都幾好裝修有心機 坐得都幾闊落 行日本嘅風格👘呢度主打係磯燒海鮮 另外有壽司烏冬鍋物日本小食等老老實實啲嘢係幾好食嘅 唔係話超級好食 都算係新鮮👍🏻 不過呢價錢就真係唔係幾抵 我哋兩個人都唔係食得好多嘢 折左買單都要$700 唔折嘅話要成$1000😮 我覺得以食物嘅質素來講係overpriced 既🤭不過好耐冇出街食好西 食完行下尖沙咀海旁 感覺好良好🥰🥰🥰…Read More

滿心歡喜終於係香港搵到芝士撻😍😍😍係位於尖沙咀嘅半熟工房個樣呢就同我喺北海道食嘅非常相似啦❤️價錢都唔貴$22 一個但係一拎起手就有種賴嘢嘅感覺😦個塔係我嘅手入邊簡直係碎裂🤯🤯🤯餅底林得滯完全承托唔到個芝士內層🤦🏻‍♀️🤦🏻‍♀️🤦🏻‍♀️不過呢佢入邊嗰啲芝士內層呢 味道係岀色嘅🤭如果可以熱辣辣唔好凍冰冰就好啦喺搵唔到有更加好嘅之前 我應該都會再食😂🙈🙈如果大家搵到好食嘅芝士撻記住介紹俾我🙆🏻‍♀️🙆🏻‍♀️🙆🏻‍♀️…Read More

呢排做野真係忙到一個點 日日做冇時停😓😓😓 而又為左慳錢 食左好多日公司canteen😱 今日見有少小時間決定對自己好少少 食好味既日本野😘喺中環食日本野 選擇其實唔係好多 有d 好味既例如小澤呀森壽司好早就冇位 其他有位既又未必好食 花串就係屬於少少貴比較多位而又真係好食既選擇😋一直好中意佢既銀鱈魚定食 非常大份既銀鱈魚扒 燒得岩岩好 外層金黃香脆 入面軟滑juicy 😍今次想試試新野 叫左炸蠔定食 同壽司set 講左炸蠔先 前菜有白蘿蔔 黃蘿蔔 同面鼓湯 白蘿蔔煮得好軟熟 配上蟹柳碎等配料 仲有酸酸甜甜既黃蘿蔔 非常開胃 面鼓湯有海帶同豆腐 豆腐有新鮮大豆既味道 而且十分嫩滑 仲熱辣辣 冬天暖胃岩哂 👏🏻到主菜炸蠔 值得一讚係上菜時係岩岩炸好 非常香脆 汁料配搭都唔錯 酸酸既醬汁平衡左炸物既肥膩 沙律亦新鮮爽口而壽司定食係更勝一籌💪🏻 十件由師傅發板既壽司 用料新鮮肥美 每件壽司都令人有驚喜 三文魚子粒粒晶瑩剔透 厚切三文魚油脂分布平均 呑拿魚更加係入口即溶 跟餐仲有個烏冬 好明顯係手打而非機制烏冬 面質偏軟 我個人比較喜歡食彈牙既 不過都學得個烏冬係有誠意既😌服務方面好滿意 上菜快又有禮貌 唯獨係個場有d 太就嘈 不過冇計啦 lunch hour 係多人d overall 係推介既 👍🏻…Read More

上一次黎mini club 都已經係一年前既事 今次再訪 水準依舊保持👍🏻約左朋友七點半食晚飯 餐廳好貼心😌 可留位到八點 最適合有時要OT 既返工一族首先叫左支白酒 送生蠔六隻 支酒味道清清地有少少甜 好岩女仔飲 生蠔新鮮 唔算好肥 但都叫有d 肉地 海水味唔算重 幾好味頭盤叫左韓式牛柳同雞翼 個醬汁係甜甜辣辣地 唔會太濃味 牛柳同雞翼既肉質都好鮮嫩 食得岀唔係急凍肉之後叫左兩個pasta 肉醬意粉同白汁雞肉意粉 肉醬意粉同我地平時食開既有少少唔同 肉係有d 似漢堡扒既質地rather than 肉醬 味道方面 同一般食開既肉醬意粉差唔多 但芝士味比較重 至於白汁雞肉意粉個味都係偏濃 牛奶味重 但雞肉同蘑菇就比較少 如果料可以多返d 就好啦重點推介最後既白汁煮蜆 呢個真係全晚既亮點 白汁點道香濃 有好明顯既芝士香味 有牛奶既細滑 同蜆肉非常夾 而跟埋既蒜蓉包點個白汁食 亦都係十分岀色 😊總括黎講 食物質素好好 環境都唔錯 價錢都合理 六個人食 每人180 蚊左右 唯獨係上菜比較慢 呢方面可以改善下 其他都好好呀 下次同朋友食飯都會再黎👍🏻 …Read More