心甜公子's Profile

當日係復活節假期最後1日，行過俾座地易拉架吸引咗，圖片係杯上有炸雞，杯中有凍飲😍。店內只有一位男店員，尚算勤力，當日店舖冇乜客，反而隔離茶飲店排長龍。我同朋友order咗2份小食杯，選擇芝士炸雞配芒果Milky Soda、甜辣炸雞配蜜桃烏龍茶，等咗10零分鐘，可以取啦，但發現飲品冇冰，我詢問店員，佢回答店內沒有冰塊，當日氣溫接近廿幾三十度，飲品有冰會好啲，佢都非常好，即刻過隔離茶飲店借冰粒，片刻後佢拎住裝滿冰粒嘅杯回來，真係好服務👍🏻，凍飲感覺即刻唔同晒，本身飲品偏甜，加冰後好飲好多。至於炸雞味道，兩款炸雞皮脆肉敕，芝士炸雞的芝士粉及芝士醬好好味，又香又甜，而甜辣炸雞嘅醬汁調教得好惹味，仲落有粒粒芝麻，加添口感，雖然係叫甜辣炸雞，但唔覺有辣味，好啱我唔食得太辣嘅人。小食杯內有3件炸雞配凍飲，價錢每份$68。覺得有少少貴，但可以接受而且好好味。原來旺角朗豪坊有分店，供應放題，好想搵日去試吓🤭😋😋😋。Remarks ： 圖片飲品唔滿嘅係冇冰狀態，另一幅飲品已加咗冰滿咗😂🤣…Read More

當日是平日晚上同1位朋友幫襯，大約8:45 pm入坐，餐廳格局屬茶餐廳feel, 一般蛋包飯類價錢由$66至$138不等, 亦有和牛餐價錢$2XX, 以此茶餐廳格局的價錢屬偏貴，餐飲不用加錢的只有凍頂烏龍冷萃和四季春冷萃茶，其他飲品例如屈臣氏梳打水（加$12）、柚子/荔枝梳打(加$18），非常貴及不值。手機點餐選擇了椰菜黑豚肉配白飯，配咖喱汁，餐飲選擇凍烏龍茶，侍應好快送餐來，碟飯擺設似快餐店頹飯，椰菜是煮過熟，顏色呈梅黃色，黑豚肉味道普通有點「鞋口」，蛋包飯不似日式的蛋包飯，只係把蛋皮放在飯上，只屬港式風味，蛋過熟唔滑，米飯味道亦很一般，咖喱汁是凍的、偏稀似水狀、沒有咖喱味，只有咸味，配有一條瘦弱的凍芥蘭及一塊凍翠肉瓜，這碟飯味道比快餐店更差，似屋企煮椰菜豬肉片，不能炒來形容，只能用煮來形容，仲係似攤凍咗，因為碟飯只是微暖，咖喱汁是凍的。凍烏龍茶的茶味尚可，但以玻璃樽上，份量比較少。晚上可能比較少客戶，9:05 pm收銀員埋來問仲有冇需要點餐，9:10 pm又埋來話要埋單先，但要食客行出去櫃枱俾錢而不是擺單來收錢，這點是有煩到食客，明明正在用餐，卻要走出去櫃枱埋單。此外當時連我們的1枱，仍有2枱食客用餐，卻有1位女侍應周圍掃地，之後又有1位男侍應拖地，本人明白員工好心急收工，但用餐時見到侍應掃地是不合符衞生，麈埃周圍飛，拖地亦不適當，地下濕滑會危險生意外，因為仍有食客未離開。總結這間餐廳沒有下次幫襯機會👎🏻…Read More

選擇「招牌鮮茄牛骨湯通粉🍅🐮」，配炒滑蛋🥚和奶油豬仔包🐷，凍檸茶少冰🍋🧊。📌鮮茄牛骨湯即是羅宋湯，牛腩粒只有1粒，仲偏‘鞋口’，通粉唔夠熱，唔好吃。📌炒蛋炒過熟似塊蛋皮，唔滑又唔夠熱。📌奶油豬仔包，唔熱，但算脆口，煉奶和牛油塗得足夠。📌凍檸茶，冇乜茶味，叫少冰但冰量仍然多，飲完仲有半杯冰。鏓括而言，這款餐只當填飽肚，質素有改善空間。…Read More

宮崎南蠻雞定食，配前菜、漬物及麵豉湯，附熱茶1杯，價錢合理，南蠻雞炸粉夠薄，肉質嬾滑，調味不錯，配上沙律醬，十分開胃美味。麵豉湯夠熱好飲。前菜是滑豆腐配上少許柚子醬，味道幾特別。但是本人對碗飯有點意見，不知道是什麼品種的米，飯質鬆散，不夠軟糯，食食吓仲變硬，餘下大半碗飯已食唔落😢。另外加錢可以配飲品，揀咗+$22 的靜岡秋月培茶拿鐵，培茶味香濃，不太甜，好飲👍🏻。…Read More

盤菜足料，另奉送1枝汁，價錢實惠。茄汁蝦好好味，西蘭花仲好青綠，無焗黃，鮑魚仔有鮮味。如果可以多啲枝竹、蘿蔔，少啲蓮藕就更好啦，因為呢盤太多蓮藕，同埋切得太大舊。總結味道啱啱好，無過咸過濃味，食完唔會口乾，汁嘅味道調教得很好。…Read More

外賣照燒汁雞扒午餐，包括湯、小食及飲品，雞扒好大塊，肉質唔錯，飯有啲硬，唔似珍珠米，照燒汁有好多，如果啲米煮淋少少，多汁送飯會好味好多。湯係粟米紅蘿蔔湯，小食係椰菜及黃色蘿蔔。湯幾清甜，唔咸唔係味精湯。飲品揀咗熱🍋蜜，🍋幾香+蜜糖堅正。價錢$48算幾實惠。…Read More

Boxing day同朋友行完山，吃完車仔麵，時間尚早，想食過甜品至回程就入去呢間店試試，當時只有兩枱客共4人，我同朋友就揀最入嘅長枱坐下(近水吧)，隔一陣待應就話有人留咗枱，跟手擺’留座牌’喺枱，我哋惟有坐另一張長枱。當我想落order, 但叫咗聲’唔該’, 兩個waitress掛住傾計聽唔到，ok算啦，隔一陣再大聲叫兩次’唔該’, 都係唔應，真係有啲火，我再放盡喉嚨大大聲叫’唔該’, 隔離枱男女都望一望我，其中一個waitress至如夢初醒行埋嚟落單。我同朋友都揀咗芒果布甸，但同menu相片不符合，布甸面沒有如相中有幾片芒果，布甸味道方面無乜芒果味，質感較實唔夠滑，可能落多咗魚膠粉，$33一客唔平，我自己整仲好味過佢。埋單時已走剩我同朋友，無新客到，唔明點解我哋入座時截住話有人留咗位，被截住嘅感覺幾uncomfortable, 呢間真係無下次，價錢唔平，味道一般，服務態度又非常趕客，goodbye your tail。…Read More

上次點咗雞扒蟹棒烏冬，雞扒的雞皮煎得金黃，但反轉肉面見到好燶，好彩肉質尚算嫩滑，但湯唔夠熱，餐飲點咗柯華田紅豆冰(加$9), 杯面滿是柯華田，好香濃，粉狀遇凍會變脆脆地，口感幾得意，紅豆好味，如果多啲紅豆就perfect。朋友點咗叻沙烏冬，叻沙味唔夠濃，湯底好稀，熱度唔夠。今次點咗鐵板肥牛肉飯，飯量唔多，我細食都食得晒，汁料點咗照燒汁，甜甜地，配肥牛肉好正，餐飲點咗青蘋果綠茶(加$6)，好飲。朋友點咗海南雞飯，味道無特別評語，只是覺得飯唔夠熱。另一個朋友點咗蛋包飯，味道唔錯，又係覺得飯唔夠熱。餐廳要注意食物熱度，只有鐵板餐夠熱，無理由次次食鐵板餐卦🤣。…Read More

香港608店名係根據街道號碼命名，位於青山道608號，尋日朋友建議嚟呢間茶餐廳食晩飯，搵倒地址竟然係7-11便利店，原來隔2個舖位至到。新開的關係，餐廳好光猛，地方濶落，座位唔迫。食物好多選擇，我覺得部分有啲似附近嘅‘瑞士餐廳’，又有啲似‘誰是老闆’選擇有過之而無不及，呢度有好多小菜套餐，炒粉麵飯，碟頭份量夠2位女仕食，下午茶更至7:00 pm。今次點咗下午茶餐魚柳包配沙律餐連熱飲，凍飲要加錢的，此餐可選擇配沙律或薯條，價錢$35.00。魚柳係吉列魚柳，炸得比較燶，有啲過火，而個飽幾好味，入面搽滿牛油，好香，夾少許菜絲，沙律係一般茶餐廳款式，份量好多。餐飲叫咗熱杏霜，但唔夠熱，熱飲必需夠熱度才好飲, 最怕唔溫唔熱，希望餐廳留意及改善一下。水吧及待應們都是後生一輩，非常勤快及熱心工作，一面工作一面互動傾計，雖然有啲大聲及夾少許粗言，但其實明白佢哋工作忙碌，但無掛起黑面，仍勤快醒目，真係好難得，直得讃許。準備起身埋單之際，高瘦男待應已急歩行入收銀處，識得一眼關七，不用客人等待，真醒目，抵讚。…Read More

放工經過此舖，見無人排隊就試吓新嘢，買杯珍珠奶茶嘆吓，點知中伏一飲之下竟然有苦澀味，茶味亦不夠香，飲過多間其他牌子的台式珍珠奶茶，從來未試過有苦澀味，呢間咁奇怪的呢，肯定不是茶味濃。珍珠太軟太爛，仲有點鞋口，唔彈牙，唔滑，而且珍珠份量較其他牌子為少，有啲失望。奶味方面，可以給讚。台式奶茶店隨處可見，競爭很大，如果質素平平，即使價錢便宜些少，亦難以生存。質素好的話，$30、$40一杯，也有大把人追捧。…Read More

下午預早訂枱食晚飯, 去到唔駛等, 即刻有位, 但近門口一邊梳化排列數張2人枱, 四人就拍埋2張枱, 6人就拍埋3張枱...成晚就見D枱拍來拍去, 枱細迫硤, 而且枱與枱之間只有約12吋空位, 私隱度零, 不過都預左位得唔舒服, 幸好鄰座的食客都係欺文一族 , 談話都唔會太大聲。是晚點左2人套餐 ($148 加10%):(蜜汁燻魚塊 - 無蜜汁甜味, 只有近似蠔油味, 而且汁太"結", 魚塊硬了一點蛋白冬蓉羹 - 夠熱, "結"左D, 飲左一半已覺飽:)避風塘炒蚵仔炸鳝 - 蚵仔口感似十足, 炸鱔用冬姑做, 又是似十足, 幾野味, 少少辣:)福建炒飯 - 飯粒夠乾身, 有素蝦, 好好味飯後有糖水送, 是晚糖水是紅豆麥米粥, 麥米幾綿, 如果紅豆可以煲到起沙就最perfect啦!…Read More

:)哈蜜瓜奶茶, 好香哈蜜瓜味, 但就蓋過奶茶味, 但我覺得好正好飲!:)焦糖布丁奶茶, 好甜好滑, 入面仲有丁粒啫喱, 幾有趙口, 亦是我至愛!…Read More

舖位認真隔涉, 要行到海運大廈尾先見到今次叫左巴辣脆雞飽, 配雞皇飯, 再加$3轉飲青檸椰果冰, 個飽認真唔掂, 飽唔熱, 件雞又係唔熱, 仲唔脆添, 又唔夠沙律醬, 飽入面夾左塊生菜係殘菜, 又黃又殘又爛, 見到就唔開胃, 真係好唔滿意, 好失望!:(雞皇飯, 無乜雞肉, 飯淋pat pat, 太'將'口!:(青檸棷果冰成杯冰, 好淡, no good! 早知就飲汽水啦!:(P.S. 成間舖靜RR, 雖然有海景作配襯, 但其在無乜客, 唔通食物質素問題!…Read More

行完聯合廣場, 過對面馬路見到有珍珠奶茶就買杯黎飲下先, 無乜人等, 唔駛5分鐘就拎得,珍珠奶綠, 幾有綠茶味, 叫左少冰, 無叫少甜, 但味道又唔會太淡太甜, 剛剛好, 不過珍珠就太硬, 正式黎講係外軟內硬, 唔夠'in un'下次想試下哈密瓜奶茶, 焦糖布丁奶茶!…Read More

呢間酒樓其中一層的佈置較中式紅噹噹, 另一層的佈置較西式, 我揀左西式一層飲茶。嘩! 環境一流, 樓底夠高, 仲有幾盞好大既西式水晶燈(少少紫色點敍), 全場白色同薰衣草顏色佈置, 真係好靚, 唔怪得咁多人黎呢度擺酒, 原來成日係報紙幫人登結婚相, 就係呢間酒樓。講番點心評語, 當日order生煎包, 帶子腸粉, 炆鴨腳, 麻蓉煎堆, 小籠包, 义燒瀨粉。生煎包 : 有肉汁, 唔太油:)帶子腸粉 : 帶子幾大粒, 新鮮唔'un', 腸粉幾滑:)炆鴨腳 : 好入味, 夠淋, 仲奉送2隻細鴨掌麻蓉煎堆 : 黎到無即刻食, 所以凍左, 幾油, 幾'劑', no good:( (之後返屋企用焗爐番熱, 出左成碟油)小籠包 : 一籠4隻, 幾有肉汁, 肉唔'鞋', 皮唔太厚, 好味:)义燒瀨粉 : 义燒唔掂, 好'鞋'…Read More