zcbdkdj的个人专页

生日要對自己好啲，今晚嚟到D2 Place One嘅銀座炎蔵燒肉，一入到嚟已經有種置身日本嘅感覺首先點咗舞之特盛，有和牛4點拼盤、夢之大地豚三味同日本產雞肉三味，另外加咗一客上等牛舌，和牛、豚同雞都食到唔同部位，幾款和牛香味濃郁突出，口感軟腍，油脂分布平均，牛舌爽口彈牙，最想讚店員好殷勤，主動換烤網，仲會搽一層油等啲肉唔痴底，少見嘅貼心和牛烏冬口感綿密，湯底清甜沙律好新鮮，柚子醋調味酸甜開胃，泡菜辣辣地經典口味店入面嘅佈置好日式，座位乾淨闊落，好好坐好舒服套餐同單點嘅選擇都好多，款款都好吸引好想試，已經期待緊下之再嚟…查看更多

中環街市呢個咁chill嘅地方，正中心有間日出茶太，好啱買完之後同朋友同事坐喺附近common area邊飲邊傾偈軟Q經典奶茶 - 珍珠同Q彈3Q果都好有咬口，煙煙韌韌咁好過癮，奶茶茶香濃郁，奶味香口突出，口感順滑百香QQ - 百香果好清新，檸檬味好突出，少少酸味好開胃，加珍珠同椰果呢個組合好夾，口感好豐富葡萄柚香橙璞玉紅茶 - 葡萄柚香橙突出得來唔會互搶，茶底夠晒濃，飲落好有層次，消暑解渴一洗飲品選擇多，環境乾淨，服務有效率，Happy Hour飲手搖奶茶果茶都係個唔錯嘅選擇…查看更多

嚟到蘭杜街ODELICE，一定要點最吸引嘅巴黎鐵塔雙人餐，賣相吸引，打卡一流，份量十足呢個造型同擺盤絕對冇得輸，幾款Ham味道分明，各有特色，逐款食好有層次，其他幾款好似三文魚多士同吞拿魚測等都做得好出色牛扒幾高質，完全冇筋，口感軟腍，味道香濃，薯角炸得好出色，皮脆之餘口感綿密青口調味亦唔錯，大大粒食出鮮味，炸薯條亦夠晒香脆餐湯菇味幾香，又有薯蓉口感，餐包烘到脆卜卜，搽埋牛油更香口飲品亦好啱打卡，Pistachio Royale開心果味香濃，好多脆脆，飲落更有層次，Matcha Apple Zest組合特別新鮮，抹茶、青蘋果蓉、檸檬同蜜糖又幾夾甜品亦係誠意之作，Whisky味好香口環境俾人一種好chill嘅外國風情，亦乾淨好坐，服務殷勤，值得一試…查看更多

聽聞彌敦左岸有live band show，食物質素唔錯，位置又方便，今晚就過嚟試一試美國特級封門牛柳，點咗8安士，香濃軟腍，5成熟口感好好，加埋炸蒜炸蒜一齊食更香口，其他配菜都炸得好好食日本海鮮大阪燒pizza，好特別，完全還原大阪燒，變咗炸到薄脆嘅pizza餅底，啖啖都食到大大件章魚，調味濃淡得宜，鮮蝦、鰻魚、煙肉、洋蔥、芝士等等都好足料，口感豐富秘製香料烤雞中翼配青瓜乳酪醬及X.O水牛城辣汁，雞翼好入味，肉質嫩滑，青瓜乳酪醬好特別好清新，水牛城辣汁夠晒惹味酒吧餐廳選擇好多，份量十足，cocktail mocktail都好吸引，要搵次Happy Hour嚟試下環境乾淨闊落，裝修好靚，走復古風，感覺幾有品味，好欣賞有live band，今晚隊h2o唱得好好，好chill好，成個人放鬆晒，值得推介俾大家…查看更多

好耐冇食港式鐵板扒房，今晚嚟到太子金翠，質素又唔錯喎香草煎羊鞍，羊香味突出得嚟唔膻，肉質軟腍冇咬口，肥瘦比例剛剛好，啖啖羊肉勁滋味，完全滿足食港式扒餐嘅慾望芝士焗加拿大龍蝦海鮮飯，大大件龍蝦勁吸引，肉質實淨，芝士同海鮮配料份量十足，仲有一大件魚柳，炒飯底亦做得唔錯羅宋湯夠晒足料，餐包口感軟熟鬆軟好立克夠晒濃厚，檸茶茶底香濃，檸檬新鮮多汁最後甜品有啫喱，食埋勁圓滿 金翠裝修走懷舊香港風格，好攪好有特色，座位闊落乾淨，整體性價比唔錯…查看更多

想簡單食好食同地道得嚟又唔貴嘅泰菜，過嚟銅鑼灣水門雞飯就啱晒香辣肉碎沙律，其實係生菜包，辣咪幾香，份量十足，食得好過癮，生菜又處理得好乾淨香辣紅咖喱炸雞飯，炸雞皮脆肉嫩，咖喱好香口，撈飯一洗烤麵包，金黃脆皮夠乾身，脆卜卜好好食香茅雞翼炸得好好，熱辣辣脆卜卜，啖啖肉好滋味馬拉盞肉醬芥蘭苗，夠晒惹味，芥蘭苗新鮮嫩綠泰式奶茶又香濃又順滑，芒果沙冰鮮甜消暑餐牌提供嘅款式同選擇好多，味道夠晒地道，份量又足，冷氣好夠，乾淨闊落，整體性價比係高嘅…查看更多

一向都比較少嚟觀塘呢邊，原來呢度有間好啱包場開party嘅樓上泰菜醬香蹄膀，生菜包嘅concept，肉碎改為豬手，肉質一絲絲，調咪濃淡得宜，豬皮軟腍，包生菜、香料、魚露、炸蒜等等食好香口，味道同口感都有好層次好豐富魚餅好厚實，啖啖都食到魚香，絕對真材實料蝦油海鮮炒飯色香味俱全，米飯粒粒分明，啖啖都食到海鮮，份量十足特飲賣相好吸引，熊仔冰勁得意，打卡一流彩虹椰汁糕都係誠意之作，咁多層唔同色好花功夫，值得一讚環境闊落乾淨舒適，餐牌選擇又多又吸引，值得一試…查看更多

深水埗出名多嘢食，上海萬家村就係其中一間好食又抵食嘅，今日食嘅二人餐，完全可以食飽四個人，味道又唔錯，性價比好高松子黃花魚，經典甜酸調味好開胃，大大條啖啖魚肉好滋味小籠包爆湯爆餡，真正皮薄餡靚秘製話梅骨，話梅味好香濃，肉質軟腍，份量十足雞絲粉皮，好有咬口，雞絲麻醬麻油味好香口，加埋芝麻青瓜口感更豐富海鮮羹湯，鮮味十足，感覺滋潤揚州炒飯好足料，啖啖都食到炒蛋，米飯粒粒分明高力豆沙味道正宗，好有咬口，紅豆餡好好食豆漿味道濃郁，口感順滑環境乾淨光猛，冷氣好夠，坐得舒服，選擇夠多，性價比高，想食上海嘢嘅推介大家嚟…查看更多

放假嚟附近探朋友，估唔到隨便亂入，食到店灣地道風味嘅小店一嚟已被飲品驚艷到，質素絕對高過坊間大部分手搖飲品店，我點嘅係芋圓珍珠香芋奶綠同芋圓仙草奶綠，比起一般奶綠更香濃，口應順滑，芋圓超Q彈，珍珠同仙草粒粒口感都一樣，明顯用心製作，而且爆滿配料，有喺台灣飲嘅感覺宜蘭鹽酥雞滷肉飯，滷肉飯調味一流，肥瘦得宜，有喺台灣食控肉嘅感覺招牌三寶麵，紅燒湯底香氣濃郁，牛筋軟腍，牛肚同牛肉簡單調味，好食之餘又食到食材本身嘅味道，麵條好有咬口鹽酥雞皮脆肉嫩，麻辣鴨血夠晒惹味，燙青菜新鮮嫩綠，幾款前菜同小食好似滷蛋、台灣腸同花枝丸都做得好出色甜品芋圓仙草，食埋感覺好圓滿，小店感覺幾溫馨，乾淨闊落，性價比高，係有誠意嘅用心小店，值得支持…查看更多

Happy Friday嚟The Prime House食牛扒真係double happy，牛扒水準好好，整體性價比好高今晚食安格斯牛頸脊牛扒同美國平鐵牛扒，兩款牛味都勁香濃，特別係平鐵牛扒，仲要真係做到兩款都五成熟，又唔會有筋，口感好好，阿根廷青醬同洋蔥醬調味都唔錯，薯條脆卜卜熱辣辣餐包香甜鬆軟，沙律菜新鮮嫩綠，調味好開胃，磨菇湯勁香濃，檸茶清涼解膩環境同氣氛好有格調，星期五晚full house，除咗唔同嘅牛扒，亦有好多唔同嘅選擇，已經期待緊下次再嚟…查看更多

Slow Cow呢間人氣店我bookmark咗好耐，今晚終於嚟試！好在放工時間夠早，入座無耐已經開始要排隊A4+日本和牛丼，和牛有飛驒牛嘅口感同味道，油脂香好突出，同甜甜地嘅紅酒照燒汁好夾，蒜香醬油炒飯乾身又香口，粒粒分明口感好好，加埋忌廉同蛋黃，味道層次更豐富慢煮熟成牛肉味道獨特，喺其他地方未試過，拉絲芝士蕃茄醬意粉濃而不膩，芝士份量恰到好處，蕃茄醬鮮甜味道突出炸物亦好出色，炸雞皮脆肉嫩，薯條火候控制啱啱好，熱辣辣脆卜卜食濃味嘢飲玄米茶同Ginger Ale就最夾木系裝修俾人一種溫馨同舒服嘅感覺，環境乾淨舒適，闊落好坐，服務殷勤，款式選擇唔少，性價比幾高…查看更多

尖沙咀出名多嘢食，其中一間性價比高同價格親民嘅，河內一定榜上有名順化炸蝦餅，薄薄嘅炸皮脆卜卜，蝦餅蝦味突出，爽口彈牙，厚厚一大份，點泰式辣醬夠晒惹味越式炸春卷，春卷皮薄得嚟口感煙韌，餡料滿滿口感豐富夏天食豬頸肉撈檬就啱晒，豬頸肉燒得好香好爽口，大量蘿蔔絲、青瓜絲同生菜撈檬好滑涼開胃，感覺健康蒜蓉包搽滿蒜蓉醬，烘到好鬆脆蝦醬通菜新鮮嫩綠，蝦醬味濃得嚟唔會太鹹，份量十足凍檸茶茶底香濃，消暑解渴餐牌提供嘅選擇同款式都好多，環境乾淨舒服，冷氣好夠，坐滿人都唔怕熱，姐姐好有禮貌好殷勤，整體好食抵食，值得推介…查看更多

Seoul Noodles係近排比較hit嘅韓國料理餐廳，開始喺唔同區都有分店，韓國人主理，今日過嚟銅鑼灣做嘢，就嚟試一試辣牛肉湯麵 - 湯式濃得嚟唔會太辣，經典味道，麵質感特別，吸晒湯又棉又好咬，加埋牛肉同唔同嘅配菜，食起嚟幾有層次雞湯麵 - 雞湯好清甜，有住家湯嘅感覺，既滋潤又好飲，驚喜嘅係有半隻雞，而且完全唔嚡口，雞髀肉仲幾嫩滑豬肉餃子 - 真正嘅皮薄餡靚，滿滿嘅豬肉餡，口感同味道都唔錯前菜都同喺韓國食到嘅一樣咁好味檸檬茶同水蜜桃茶冰涼解渴食嘅嘅選擇同款式好多，環境好舒適，冷氣好夠，服務有效率，值得一試…查看更多

想搵間位置方便、環境舒適同味道正宗嘅台灣麵，嚟灣仔段純貞就啱晒招牌紅燒腱心牛肉麵，湯底湯稠，花椒香味突出，麵吸晒湯得嚟又唔會淋晒，口感好好，牛肉入晒味口感軟腍，同喺台灣食味道一樣台式肉燥飯，肉燥味道正宗，肥瘦適中，米飯粒粒分明，食山台灣風味三星蔥肉鍋餅，煎到又香又脆，餡料滿滿蒜粒古草台灣腸，食法特別，除咗常見嘅蒜同配埋酸菜，味道同口感層次提升黑芝麻奶，芝麻香味突出，口感順滑楊枝甘露，芒果香甜，整體甜度剛好餐牌提供嘅選擇同款式好多，睇相都覺得吸引，款款都想試，環境乾淨闊落，佈置又有台灣嘅味道，坐得好舒服，同朋友慢慢傾偈啱晒…查看更多

麵屋神匠來回旺角同油麻地成日經過，入嚟食真係士第一次神匠蕃茄蝦湯沾麵 - 蕃茄蝦湯鮮甜，蝦味突出，啖啖都食到海量櫻花蝦，麵條好有咬口，海苔多士好特別好吸湯，叉燒灸過好香口，整體高質極上蟹白湯拉麵 - 滿滿一絲絲嘅蟹肉，湯底濃郁，另一款大大塊叉燒，同樣香口炸餃子脆卜卜包滿餡，溏心蛋好出色口感好好食拉麵飲汽水就最暢快麵屋神匠佈置到同日本嘅拉麵店一樣，環境乾淨，唔會好逼，拉麵嘅款式都唔少，近期仲有個打卡活動，有機會贏到日本來回機票，仲有得全年免費食拉麵！另外拎住動漫節或者戲飛飛尾，仲有得送一份小食…查看更多