zcbdkdj的個人專頁

放工同同事過嚟癡膠雞快食，好有特色，價格親民分別點咗沙薑雞濃湯米線同貴妃雞搶擔麵，貴妃雞鹹香突出，肉質嫩滑，沙薑雞夠晒惹味，好有咬口濃湯米線好清甜，外加腐皮好抵食，擔擔麵啖啖肉碎花生，口感豐富，湯底濃郁，麵條又掛湯又有咬口明太子雞翼釀咗滿滿嘅明太子，啖啖肉都食到明太子，田園蔬菜湯底好有住家湯嘅感覺同味道，白菜新鮮嫩綠桂花烏龍冷泡茶同蜜桃烏龍冷泡茶幽香解渴，絕對係健康養生之選食物選擇好豐富，下次想試有爐熱住嘅款式，整體性價比好高…查看更多

唔係跟朋友嚟都唔知謝斐道有呢間低調嘅謙記火鍋，食材新鮮，環境舒適，服務質素亦高打邊爐一定唔少得牛，牛頸脊牛味香濃突出，肥瘦適中，口感一流，豬潤處理得好乾淨，食落好爽口墨魚滑新鮮彈牙，加埋蟹籽口感更豐富，手打魚蛋同樣彈牙，鮮腐竹同冰菜都好新鮮，稻庭烏冬口感綿密，蝦餃同水餃同樣餡料滿滿湯底揀咗芫荽皮蛋，前菜螺肉彈牙酸梅湯清熱解渴，健康之選甜品仲有紅豆糕，椰香滿溢環境乾淨闊落舒適，服務好殷勤，醬料齊備食物種類同款式豐富，期待下之嚟試其他嘢…查看更多

食過咁多串燒店，人生有限杯比較高質，賣相吸引，調味豐富，選擇又多墨魚滑大蝦彈牙得嚟脆卜卜，雞皮口感煙韌，菠蘿又鮮甜又有焦香咖哩牛舌手抓餅好高質，咖哩香氣溢出，手抓餅酥脆，牛吞一絲絲，翠玉瓜保持濕潤，蒜蓉燒蠔入晒味又肥美雞腿好嫩滑，雞翼亦燒到皮脆肉嫩，鵝肝多士大大份好香口，配埋菠蘿味道更豐富免治雞肉棒，經典口味，月免汁加強口感味道，九肚魚酥脆香口蟹粉豆苗啖啖食到蟹粉，調味濃而不膩，五花腩豚香十足，爽口彈牙百香果檸檬茶、桔仔薄荷鴨屎茶，果香十足，清甜解渴，飲落同平時喺果茶飲品店買到嘅一樣環境寬敞，有日本居酒屋/串燒店嘅氣氛，好好坐好relax，食物選擇多，性價比又高，放工嚟Happy Hour同同事/朋友傾偈啱晒…查看更多

難得過到嚟天后，一定要試下青雪商店呢間小店，質素果然唔錯，有種置身日本嘅感覺龍蝦牛骨湯拉麵係每週限定款式，湯頭帶有濃郁嘅海鮮香味，拉麵口感同喺日本食到嘅一模一樣，鮮蝦爽口彈牙，仲好貼心咁去埋殼，叉燒好特別，有種好似煙熏過嘅香氣熟成醬油清雞湯拉麵，用日本手工木桶醬油同新鮮雞熬製嘅湯底，誠意十足，有齊豚肩、雞腿同雞胸，款款都試到醬油鮑魚同醬油漬蠔都入晒味，鮮嫩爽口，賣相吸引食拉麵配信州蘋果梳打同烏龍茶都好夾，解膩解渴小店佈置走日式風格，環境乾淨，服務具效率，整體唔錯，值得推介…查看更多

Lunch嚟得多，Dinner都好似真係第一次，水準真係高，fusion菜式有創意又好食，依然有驚喜照燒三文魚嘅配搭幾特別，出奇地夾，煎到好香脆，三文魚籽荷蘭汁濃厚，拌碟蕃茄、西苗花同粟米都好有誠意好好相，擺盤又靚Teriyaki Chicken，餅底好出色，烘到黃金色夠晒香口，啖啖都係到雞肉、蘑菇、紫菜同沙律醬炸蟹肉球拼薯餅配蜜糖芥末醬及茄乾醬，醬汁尤為出色，有層次味道豐富，蟹肉球係滿滿嘅蟹肉，口感一絲絲，薯餅好綿密Wonderland係濃厚同creamy嘅抹茶加椰子水，創新嘅配搭，好似食緊甜品咁，Tropical Sunrise混合咗Cold Brew Coffee、熱情果、橙汁同蜜糖，好有特色，打卡一流自家製開心果巴斯克芝士蛋糕配咖啡忌廉，口感順滑，香濃開心果味好突出，同咖啡忌廉好夾，係高質嘅甜品裝修同佈置走日系簡約風格，木色為主，文青感滿滿，環境乾舒服，餐廳選擇又多又創新，絕對值得一試…查看更多

抽唔到時間去韓國旅行，又心思思想食韓或炸雞，嚟旺角Yadllie Plate就啱晒，賣相吸引，份量十足，服務又好半半炸雞，真正做到皮脆肉嫩，可以揀兩種口味，我揀咗黃金蒜香同蜜味乳酪粉，拌碟仲有蕃薯條同蝦片，勁滿足鮮蝦沙律爽口彈牙，沙律菜新鮮嫩綠，配上柚子醋、洋蔥、堅果、蘋果同雞蛋，口感豐富，感覺健康芝士蟹子蛋捲啖啖都食到芝士同蟹子，口感滑溜，八爪魚煎餅有滿滿嘅八爪魚，煎餅又香又脆炒牛小排口感軟腍，拌碟嘅雜菜都份晒味，水冷麵酸酸地好開胃，配上芥末味道更豐富，感覺好清爽飲品甜品同樣吸睛，唔單止打卡一流，質素仲好高，雪冰口感綿密，啖啖奶香，配上新鮮士多啤梨、果醬同雪糕，成件事好圓滿…查看更多

有次經過試過Burger Joys幾驚喜，估唔到酒吧feel但漢堡幾出色，今晚又經過，一於encore今次食魚柳漢堡同雞肉漢堡，魚柳口感實淨一絲絲，雞皮脆皮厚實，加埋滿滿嘅醬汁、洋蔥、蕃茄同生菜，烘過嘅包，味道豐富，好有層次熱溶芝士薯條，心機誠意之作，每一層都有邪惡嘅芝士，條條都帶濃濃嘅芝士香，蒜香雞翼生炸火候控制得好好，皮脆肉嫩，加埋泰式雞醬同炸蒜，調味一流，非常惹味Cookies & Cream奶昔，濃厚oreo香味，口感順滑，仲有oreo碎，夠晒滿足環境乾淨，感覺幾chill，最重要係食物質素高，好滿足…查看更多

The Grill Room質素一向都唔錯，性價比幾高，近期仲出咗個澳洲和牛任食套餐，今晚都同咗朋友嚟試和牛有三款，分別係和牛脊肉、燒和牛肉同和牛冧扒，任食嚟講幾款質素都好唔錯，和牛脊肉配鹽同黑椒好好食，個人最鍾龍燒和牛肉嘅口應，和牛冧扒油脂香相對較重套餐仲包咗其他主食，今晚有意大利雲吞，雲吞皮掛滿汁，薯條炸得好好，其餘餐湯、沙律同餐包都唔錯除咗任食和牛套餐，單點嘅選擇都唔好，見好多其他客人都有點海鮮拼盤，下次再嚟要試下，環境好舒服，啱晒同朋感覺談心，仲有駐場歌手live show，氣氛一流…查看更多

如果想食日式便當/丼飯，推介大家嚟旺角嘅月爐·端燒，幾十蚊嘅價錢就有齊主食、茶碗蒸、沙律同味增汁今日食咗四色丼同吞拿魚蓉丼，四色丼分別有三文魚、魷魚、油甘魚同吞拿魚，款款都新鮮，仲有玉子、紫蘇葉、青瓜同蘿蔔絲，健康得嚟口感豐富，最值得一提嘅係丼飯撈滿秘製嘅醋汁，好好食好開胃沙律好新鮮，茶碗蒸好滑溜，味增汁夠晒濃郁環境好日系，座位乾淨企理幾好坐，同朋友慢慢坐傾下偈好relax，選擇又多，價錢又親民，真心幾抵食…查看更多

通常喺附近做嘢就會嚟The Grill Room食晚飯，地點就腳，環境舒適，食物質素又高主菜揀咗三文魚同牛面肉寬麵，三文魚皮煎到又香又脆，檸檬牛油汁吊出鮮味，配上菠菜同枝豆，好有層次，口感又豐富；寬麵入晒牛面肉同蕃茄汁嘅味，又有咬口，牛面肉口感軟腍，味道香濃甜品揀咗朱古力榛子蛋糕，第一次試呢款，榛子味好突出，鮮果同果醬酸酸地中和朱古力嘅甜味，底層脆餅同樣有香濃榛子味，高質嘅甜品餐牌選擇好多好吸引，環境好舒服，嚟食嘢好享受…查看更多

尖沙咀有新開無耐嘅泰菜酒吧，嚟到附近又點會唔試火焰新派老虎蝦 - 儀式感滿滿，上枱後點火，打卡一流，老虎蝦爽口彈牙，配合甜甜地有陣冬蔭功味嘅汁，食落好惹味泰式生蝦 - 厚實爽口，配蒜、辣椒同辣辣地嘅魚露，味道好有層次，擺盤又靚冬蔭功明爐魚 - 大大條明爐魚，肉質鮮嫩，粉絲吸晒冬蔭功湯入晒味，仲有滿滿嘅蔬菜鹹魚炒芥蘭 - 芥蘭新鮮嫩綠，調味夠晒香濃，啖啖都食到香口鹹魚海鮮醉貓炒河 - 好有鑊氣，份量十足，啖啖都食到唔同海鮮，食落勁滋味White Temple - 味道好豐富好有層次，熊仔冰勁得意，啱晒打卡芒果沙冰 - 芒果香味好突出，甜度啱啱好，口感又綿延，最重要係大大杯飲極都唔完，清甜解渴環境同氣氛都好chill，服務好殷勤，餐牌選擇極多，款款賣相都好吸引，啱晒同朋友聚會傾偈，值得一試…查看更多

一直想試呢間澳門老字號咖喱，今日終於嚟到叠記咖喱三寶飯，咖哩香辣得嚟濃而不膩，牛腩一絲絲入晒味，雞扒先煎香有驚喜，豬扒口感軟腍，薯仔口感綿密嗱喳麵湯底清甜，粗麵蛋香十足，配秘製辣汁食夠晒過癮，蘿蔔豬腸豬紅入晒味，又處理得乾淨淨雲吞大大粒啖啖鮮蝦豬肉，做到真正嘅皮薄餡靚菜蜜清甜解渴，奶茶茶底夠晒香濃，口感順滑下午茶唔使廿蚊就可以喺旺角佐敦太子食到高質嘅澳門特色咖喱，價錢親民之餘份量十足，師傅經驗豐富，出品曾經喺馬會供應，咖喱仲要係日日人手炒製，辣味香氣撲鼻，牛腩限量製作，確保質素穩定，調味口感一流…查看更多

白酒煮蜆配墨汁意大利飯 - 蜆肉肥美，處理得好乾淨，一大排咁擺盤好吸引，白酒香突出，墨汁意大利飯啖啖墨魚咸香，又有咬口香煎北海道帶子三文魚子龍蝦汁扁意大利麵 - 帶子煎得好出色，剛剛熟食落一絲絲，扁意大利麵蛋香十足，條條都掛到龍蝦汁，好香口好惹味香烤淺層芝士茄子 - 食落有層次，蕃茄同芝士味道好夾，做法幾特別Mano環境幾靚，裝修走輕奢復古風，casual得嚟有格調，但入座嘅時間已經幾full，所以影唔到，以免影到其他食客，服務唔錯，有籃俾客人放袋，整體性價比不俗，值得推介…查看更多

而家喺香港都可以食到新鮮直送汕頭牛，想食嘅話嚟銅鑼灣呢間汕頭牛肉火鍋就啱晒湯底揀咗牛骨湯，有牛味得嚟清甜，仲有蘿蔔同粟米，健康之選吊龍同雪花都好高質，吊龍牛味好香濃，雪花又爽口又有咬口，有個抵讚位係刀功好好，厚薄適中牛筋丸又濃又彈牙，仲會爆汁，魚皮餃口感煙韌，菠菜苗新鮮嫩綠，洗得又乾淨酸梅湯清熱解渴，甜度剛剛好調味醬料好齊全餐廳選擇好多，唔同部位嘅牛都有達細介紹，好貼心整體環境舒服，抽風好好，服務親切殷勤，真心唔錯…查看更多

生日要對自己好啲，今晚嚟到D2 Place One嘅銀座炎蔵燒肉，一入到嚟已經有種置身日本嘅感覺首先點咗舞之特盛，有和牛4點拼盤、夢之大地豚三味同日本產雞肉三味，另外加咗一客上等牛舌，和牛、豚同雞都食到唔同部位，幾款和牛香味濃郁突出，口感軟腍，油脂分布平均，牛舌爽口彈牙，最想讚店員好殷勤，主動換烤網，仲會搽一層油等啲肉唔痴底，少見嘅貼心和牛烏冬口感綿密，湯底清甜沙律好新鮮，柚子醋調味酸甜開胃，泡菜辣辣地經典口味店入面嘅佈置好日式，座位乾淨闊落，好好坐好舒服套餐同單點嘅選擇都好多，款款都好吸引好想試，已經期待緊下之再嚟…查看更多