CynthiaLaw2326's Profile

琴晚係男朋友生日，book左呢間bookmark左好耐嘅hugo’s嚟試試佢😋上網睇先知原來hugo’s歷史好悠久，1969年已經開業，可以屹立不倒咁多年必定有佢嘅原因waitress安排左我地坐round table, 坐得好舒服好闊落，成個環境氣氛都好高級唔記得左影低個menu, 我地都有想食嘅菜式，所以就叫左a la carte啲人話食西餐，一開頭嘅麵包已經會睇得出餐廳嘅水準，而呢個bread basket就真係好出色。入面有baguette, garlic bread, croissant，而我最中意個蒜蓉包，好香口同埋焗得好脆我地叫左6隻田螺share食，餐廳都好貼心，會直接幫我哋分開兩碟上。田螺就不過不失，調味唔算多，會食到田螺原味多啲，冇喺法國食個啲咁咸香煎鴨肝配上蘋果醬同多士，classic嘅配搭一定唔會出錯。個多士（冇影到）都好酥脆，成道菜每個細節都做得好好如果大家叫呢個龍蝦湯，主廚會喺你面前煮，呢個experience都幾值得一試👍🏻主菜我地叫左prime rib, 喺openrice見到大家食評都話份量好多(450g)，所以我地都係兩個人share一份。主廚會喺我地面前切，仲好貼心問我地想要薄啲一大塊定係厚切每人半塊，我地就揀左厚切，份量真係好多🙀肉質軟熟，油脂同肉比例平均，好重肉味👍🏻我地仲加左兩個side dishes, 分別係薯蓉同忌廉菠菜，都好好味最後叫左個蘋果撻做甜品，唯一美中不足係我喺openrice booking request左要寫happy birthday, 但最後個甜品係冇寫嘅🥺最後仲送左個好fancy嘅chocolate vanilla ice cream ball，都不錯-總結：openrice book枱a la carte有8折，最後連加一兩個人食左$1900，以呢個食物質素同餐廳氣氛，我覺得係非常之抵👍🏻我地兩個人都食到好飽，細食嘅朋友我諗叫少一至兩個appetizer/dessert都夠食…Read More

琴日終於嚟食到大名鼎鼎嘅挽肉と米！男朋友做一個星期假定鬧鐘book枱，book咗琴日嘅晏晝兩點。其實我嗰陣時隔咗10分鐘再去睇個website都仲有位🤣而家應該冇以前咁難book-一去到門口就有大約10個人排隊等Walk in，book咗枱嘅好處就唔使天時暑熱喺度乾等😛入到去有部自動點餐機點餐，我哋就叫咗兩個set、一個薯仔沙律、一杯生啤、一杯凍烏龍茶一坐落嚟，店員就會問你有冇食過。我哋第一次食，就介紹咗少少食法同埋有啲咩配料，同時都有張紙仔俾你望住每個位置都可以見到師傅喺度燒漢堡扒，燒燶咗嗰啲佢仲會抌咗佢🥺（心諗可唔可以俾我食😆）首先嚟咗個薯仔沙律同埋兩杯飲品。薯仔沙律落咗啲吞拿魚蓉同埋洋蔥，個人認為偏鹹，配埋飲品就剛剛好，但我覺得就唔洗試都得一個餐總共有三舊漢堡扒，食到最尾唔夠你都可以出去點餐機再加漢堡扒都得😋師傅嗰邊有個wooden block mark住你食剩幾多嚿不得不說，個漢堡扒外皮少少焦脆，一咬開入邊好多汁Juicy，調味都剛剛好，一開始食覺得唔使點任何調味料都其實已經好夠味👍🏻-因為食三嚿漢堡扒，每嚿都就咁食就有啲寡，所以其實調味料都好緊要！！我每一隻調味料都試咗，我最鍾意都係豆拌醬油+蒜碎😋我男朋友就強烈推薦豆拌醬油+蒜碎+油漬青唐辛子，無論係配漢堡扒定係撈飯食都好惹味👍🏻最後嗰碗白飯攞咗隻蛋嚟撈飯，記得要分開蛋清同蛋黃，淨係用蛋黃嚟撈飯就夠啦～如果唔係個飯就會太濕。蛋黃都係推薦加埋豆拌醬油同埋蒜碎一齊撈飯，超好味，食10碗飯都得-總結：一開始好肚餓，覺得自己可以食4塊漢堡扒（本人都算係大食個邊），但最後食完3塊其實都好飽（我每塊漢堡扒都配一碗飯嚟食）。所以建議大家食完先再諗使唔使再加點漢堡扒～如果book咗枱嚟嘅話，我覺得非常值得嚟食！要排隊就不了～不過而家咁易book枱，我覺得都可以再encore…Read More

今日做野去到勝利道附近，想搵個地方慢慢坐，就喺google map search到呢間餐廳我12點半到就冇乜人 去到1點就開始多人我叫左個lunch set, 係吉列碎蛋沙律蝦多士配沙律，有杯凍麥茶送，如果咖啡就原價減$5個多士烘得好脆，味道唔錯，沙律就份量太少🤔呢個價錢expect會多啲菜，同埋實物同相有啲出入😂同埋呢到要消費$500先可以碌卡🥹宜家周街都可以電子支付，呢樣野就唔係幾人性化🤔希望可以改善下…Read More

前日去旺角做野，見到嚟間米線就入去試試舖面好新，好乾淨menu都好新淨🤣幾靚 小食款式都好多落單就用QR code嘅我地兩個人叫左兩個一人餐，有米線+小食+飲品我揀左酸辣小辣 蘿蔔+腩肉+燕餃，蘿蔔好甜😋😋燕餃入面有啲馬蹄，好爽脆朋友叫左bb辣 豬腸+腩肉+墨丸，豬腸好入味，墨丸都好彈牙小食我地揀左藤椒魚皮同炸燒賣，魚皮有啲麻辣好香口，口感都好爽脆，好食！飲品就揀左凍豆漿同西柚汽水，都唔錯加碟菜心都係$20，好翠綠好新鮮椒麻口水雞唔會太辣，肉質都好嫩滑呢個紅糖糍粑好正😋外脆內爆漿！好味食左咁多野，兩個人食左$246，超級飽，其實唔叫咁多都夠食😂但好滿足～…Read More

琴晚同男朋友約咗食晚飯，試咗呢一間一直book mark咗好耐嘅餐廳😋呢間餐廳係M1酒店入邊，要搭𨋢或者行上一層先到裝修用咗好多動物做裝飾，都坐得幾舒服餐牌選擇都幾多，打食評嗰陣先見到OpenRice訂枱有折，大家都記得要訂枱水牛芝士菠菜大啡菇 - $98超多菠菜同芝士，一切開就拉晒絲😋芝士燒到出邊有啲脆，大啡菇都好Juicy👍🏻明太子蟹肉意粉 - $178個蟹肉份量都幾多，撈埋啲蟹籽令個意粉加咗啲爽脆嘅口感😋意粉份量都比想像中多👍🏻美式燒春雞 - $278聽日先春雞有兩隻雞髀同兩隻雞全翼連住少少雞胸，個雞燒到外脆內嫩，咬開仲有好多肉汁👍🏻黑松露薯蓉都幾好食，食到漏嘅時候可以食啲沙律菜解膩-我哋兩個人食咗我$600左右，食完都好飽，而且真係好好食😋係難得一見高質嘅樓上Cafe，推薦大家嚟試吓…Read More

今晚同朋友嚟食飯，見8點後入座85折，就喺openrice book左今晚8點食位置還好，唔太闊落，食物剛剛好夠位擺煙三文魚牛油果沙律，冇乜特別，有啲hea😂但咁都要$98ternderloin叫左5成熟，擺盤唔知點解歪埋一邊😂不過都唔緊要 係賣相麻麻啫但舊牛真係好韌⋯有啲位切極都切唔開⋯呢到都要$218🥹我叫左杯cocktail - Lychee Cha, 酒味好淡，冇乜荔枝香 麻麻地。朋友叫杯無糖白桃烏龍就冇乜好評價我地仲叫左個蒜油蝦，不過個賣相又係唔靚到廢事影😂味道都好普通，冇食過蒜油蝦咁多水浸住隻蝦最後要評價下服務，帶位同落單個哥哥仔就好nice嘅，但廚房送餐嗰位帶帽嘅同事就好blunt…一野撻碟餸/杯野飲上嚟，都冇諗住講下係咩嚟😂好似好唔想撈咁埋單個陣仲要唔記得左幫我打85折😂好彩check check單…Read More

琴晚去左旺角行街，嚟左呢間鐵板世家食晚飯鋪頭細細，但都幾多人好多扒餐選擇我就叫左個羅宋湯，唔會太酸，仲好濃👍🏻白湯就淡啲，不過配埋舊包都唔錯～凍飲要加$4，叫左兩杯凍檸茶，超大杯🤣我叫左個鐵板牛舌拼肉眼牛扒，我叫左5成熟，之後揀左黑椒汁。睇相都見到份量好多！大大塊扒同兩塊牛舌！牛舌幾軟熟，肉眼生熟度都剛剛好，好香牛味朋友叫左個鐵板T骨，都係5成熟，揀左燒汁。都係大大塊，食完超飽🤣朋友比較大食，所以+$10加左個白飯，最後都係食唔哂😂食完突然送左兩個芒果啫喱🤣睇返出面餐牌先知原來宜家做緊免加一同送甜品👍🏻最後埋單$324兩個人，食得超飽，大份夾抵食👍🏻…Read More

琴晚約左朋友食飯，想搵個可以坐耐啲嘅地方食下野傾下計，就俾我搵到呢間樓上boardgame cafe~cafe喺高氏大廈2樓 一出𨋢就係入面都好闊落 坐得好舒服boardgame嘅種類都非常之多！除左a la carte, 仲有set menu可以選擇啱啱見到openrice訂座有7折添！不過我地walk in就冇啦我叫左杯iced flat white，幾香濃嘅奶味朋友叫左杯iced cappuccino, 我地覺得唔落糖都ok!朋友叫左個龍脷柳拼牛肝菌汁長通粉，個汁好惹味😋龍脷柳都好大嚿！我就叫咗個焗芝士汁煙三文魚珍珠帶子意粉，有拉絲添架🤣都好好味最後買單兩個人大概$300左右，我哋都坐咗兩三個鐘，玩咗好幾款board game👍🏻推薦同朋友嚟！…Read More

琴日係同男朋友嘅date night, 男朋友帶左我嚟呢間喺美麗華嘅泰菜試試佢😛一入到嚟就覺得環境好靚好舒服，播住啲泰文歌個vibe都好正食物同飲品選擇都好多泰式小食薈萃（2人份） $188呢個小食拼盤我哋可以自選四款，我哋揀咗紅鑽豆腐、泰式蝦多士、香茅雞翼、炭燒豬頸肉。而家好多餐廳嘅小食拼盤都係用預製菜，一食就食得出。呢間就好明顯係自家製👍🏻我特別鍾意個豆腐同埋蝦多士，啲炸物都好熱辣辣又好香脆炭燒沙嗲手工雞串 $98呢個雞肉真係好軟熟，燒得好香口，個沙嗲醬都好惹味Mue Tea $98呢個cocktail一聞就係泰奶嘅味，入口都好重酒味，適合飲開烈啲嘅酒嘅人試下Pineapple Punch $98呢杯一入口都重酒味 但後面就俾啲椰子奶香味中和返 甜甜地好順口泰式椰子鮮雞湯 $268呢個椰子雞湯超大煲，都可以裝到四五碗，入邊都非常足料，有好多椰子同埋好嫩滑嘅雞👍🏻個湯都好鮮甜！！酒香火焰火山骨 $228呢個火山骨仲有火焰表演可以睇吓🤣啲火山骨都煮到好軟熟，配上啲酸酸甜甜嘅辣椒醬汁，好開胃泰胡椒和牛炒糯米河 $228呢個糯米河望落好濕潤，但食落又唔會太濕tat tat🤣可能因為係用糯米做，入口好彈牙👍🏻啲和牛都好嫩滑黑糖椰子雪糕 $68呢個雪糕一啲都唔馬虎，椰子雪糕好香濃，仲要有啲椰子碎、龍眼、果凍喺下面，口感好豐富-最後埋單食咗～$1500兩個人，都唔平，但係食物質素非常好👍🏻服務態度都好好…Read More

琴晚嚟搵住喺白石角嘅朋友食飯，嚟左呢間楠天kitchen嚟試下兩個人坐卡位都幾闊落單點嘅小菜都好多選擇仲有晚市套餐可以選擇，我地最後就揀左2人餐天氣好熱，我地就叫左兩杯凍檸茶一嚟有個手拍青瓜，唔會太辣，好清爽，啱晒夏天嘅時候食燒味例牌可以揀單拼或雙拼，我地揀左叉燒切雞雙拼！份量都好多～個切雞仲要俾左雞髀，好嫩滑👍🏻叉燒有少少燶邊，肥瘦適中👍🏻小菜叫左個鹿茸菇炒牛肉，調味適中，啲菇好爽脆，牛肉嫩滑$200食個二人餐都不錯，最緊要係份量多，又好味！…Read More

去咗hku附近, 見到有個社交平台page講香港大學附近嘅美食，就嚟呢度試一試週末有weekend lunch可以選擇，包一個前菜、一碗湯、一個主菜，同埋用優惠價加配炒菜同埋甜品。我哋兩個人就叫咗兩個set嚟試吓。我叫咗呢個軟殼蟹pad thai, 軟殼蟹俾咗兩隻，都幾大隻幾足料👍🏻不過略嫌佢唔係非常脆。pad thai都幾惹味，不過我鍾意乾身少少見到個ig page影呢個smoked duck red curry好似好正，但叫落發現只係普通煙鴨胸，難免有少少失望。個咖喱比較重椰奶味，我覺得可以再辣多少少。我哋叫咗個炒通菜，份量幾多，炒得幾惹味呢個芒果糯米飯幾好食，個芒果好甜，糯米飯熱辣辣-總結：主菜正正常常，最好食係個甜品，其他comment講到係最好食嘅泰菜就有啲overrated🤔九龍城相對會多啲正宗嘅泰菜…Read More

琴晚喺尖沙咀搵食，見到呢間k11對面嘅泰菜，就嚟試一試～落到樓下舖面好大，好多座位食物選擇都唔少首先叫左個鮮蝦米紙卷做前菜，入面有啲薄荷葉好清爽，配上甜酸醬增添啲味道，非常之適合做第一碟菜跟住仲有個串燒拼盤，有雞牛豬各兩串，肉質軟熟，調味適中，口感不錯，幾惹味食泰菜梗係要食豬頸肉啦，忍唔住食左一舊先記得要打卡。豬頸肉口感好彈牙，配上醬汁都好惹味食咁多重口味嘅食物，食返個清清地嘅蒜蓉炒椰菜仔平衡下先。個椰菜仔好爽脆，炒得剛剛好中意飲湯嘅我，仲叫左個香草大蜆湯，下面仲有個爐熱住個湯，好貼心。啲蜆好大隻好新鮮最後埋單兩個人食左$594，喺尖沙咀嚟講食到咁多野都唔錯…Read More

琴日放工超肚餓，見TOP有間半價燒肉，就嚟試下先～呢邊係用QR code落單，食兩個鐘，食到一個半鐘個陣就截單出面都有幾款飲品選擇我地揀左雨餐，做緊半價優惠‼️除開每人$600幾就有A4和牛食😋睇相都見到啲紋路好靚！入口即溶👍🏻個西京燒都好滑嫩呢個超巨大牛筋條視覺上好震撼‼️跟店員指示慢火燒15分鐘再剪開燒一陣就食得，醃得好入味呢塊和牛牛扒都好正🤤配碗白飯就一流俾大家睇下燒完個牛肉，幾多肉汁除左牛肉，啲雞肉都好juicy, 仲有得嗌個芝士燒溶佢去整拉絲芝士雞🤤啲海鮮都幾多選擇，我最中意食個沙嗲汁燒廣島蠔食得太多肉好漏嘅時候，梗係要食返啲碳水平衡下食極都仲有，好豐富🤣最後埋單$1330兩個人，食飽飽走人🤰🏼超滿足…Read More

今日嚟到旺角搵食，見到幾多好評就嚟試一試店內環境都坐得舒服，咁啱嚟到個陣仲有日落睇😆食物選擇都幾多，a la carte或者套餐都有唔少選擇雞翼拼盤有明太子、芥末蜜糖、咸蛋黃味，我個人最中意明太子！有啲咸香得嚟又有木魚襯托，幾好味。法式田螺焗薯蓉薯蓉調味剛剛好，田螺肉質唔錯帶子海膽醬意大利燉飯好濃嘅海膽醬味，配上魚子同三文魚子口感就更豐富，帶子都煎得幾香口BBQ醬燒豬肋骨配薯條豬肋骨燒得好惹味，啖啖肉-總結：最後埋單食左$684兩個人，晚餐嚟講都acceptable嘅！…Read More

心思思想食台灣野，就嚟左呢間鐵牛試一試～空間闊落，坐得舒服除左最common嘅牛肉麵，仲有得食小火鍋添！雙重芝士牛奶鍋每啖都有芝士拉絲😋但又唔會太漏喎～火鍋入面有牛肉片、菜、粉絲、丸、響鈴、蟹柳…好足料👍🏻仲有飯/米粉跟餐，超飽肚勁滿足總舖師私房牛肉麵個麵身軟硬適中，好足料，牛筋Q彈，牛肋條入口即溶鹽酥雞拼香腸食台灣菜點少得呢兩樣最具代表性嘅小食🤭炸得好香口，好涮嘴麻辣鴨血豆腐煲有個火加熱住，令個鴨血豆腐keep到熱辣辣！入面仲有好多粉絲，索哂啲汁好惹味😋珍珠奶茶茶香奶濃，配上彈牙嘅珍珠👍🏻甜度都適中百香果QQ飲水果茶就解膩啲👍🏻-總結：抵食好味嘅台灣菜，呢間鐵牛都有好多分店，大家都可以嚟試試…Read More