LauraHugo's Profile

21/8買左韓式炸雞粒（第一張相），跟之前16/8買過一次（第二張相），明顯分量少一半，但個價錢冇平到，仲係收我$29/盒。餐牌完全沒有提及分量的不同，收錢男職員也沒有提及。當我見到今次份雞粒少左一半，當然問個企係櫃面的阿姐點解少左一大半，同我上次買的好唔同，佢竟然堅持話係個盒大左，所以視覺上唔同左。大家巴打絲打幫幫眼，兩盒雞分量有冇明顯分別？今次雞粒大得十三粒，上次起碼廿幾粒。今次完全食唔飽，而且性價比極低，非常唔抵食！最重要係，這間店舖張開眼睛講大話，欺騙食客，死都堅持話分量冇少到，係視覺問題，非常不老實！大家咪再去幫襯比人搵笨啦！…Read More

食過晚餐又食過下午茶。餐廳地方大，地方算乾淨。下午茶叫左個豉油雞脾沙律，這種薯仔沙律絕對係我的童年回憶。另外，晚餐也叫左個常餐义燒通粉，好多食客叫哩個餐！义燒夠厚夠香，唔係薄EE個種，湯底夠味，個蛋夠熱，牛油多士夠香夠翠，食完半件真係唔夠喉，太好味，唔知點解禁簡單食材可以整得禁好食，自己係屋企永遠做唔到🤔🤔🤔檸茶夠熱夠清香，是傳統茶餐廳的味道👍👍👍以銅鑼灣來説，下午茶和晚餐的價錢和質素算性價比高，值得推薦！…Read More

中午十二時到，之前book 左位，食客都幾多。我已經食過幾次，因為覺得性價比算高，餐廳環境舒適，可以選擇坐室內或近窗邊。中午set lunch 有幾款，我食牛扒配薯條，羅宋湯，凍檸茶。加一後太約$130。以午餐來說，對我們一般打工仔來講不算便宜，但久不久食下非常滿足。食物份量合適，牛扒同汁好味，薯條超好食，夠熱而且似自家製，配菜都整得禁好，認真夠誠意。麵包也夠熱，凍檸茶配糖漿也夠清香。侍應制服整齊，也很有禮貌很專業。環境坐得好舒服，適合約朋友聚會或者同同事慶祝食lunch 的好地方！👍🏻👍🏻👍🏻🥳🥳🥳…Read More

早上八時半，餐廳好近Times Square，入座時已經有過半食客食早餐。餐廳燈光偏暗👎👎我點左個豬潤米，餐牌話馳名豬潤米，禁就試下啦，睇下同我食開深水埗的維記嘅豬潤米有咩唔同。見到相片，相信大家都估到啦，係———————超伏。完全無味，有薑絲但冇薑味，湯底亦冇豬潤味，完全唔好食👎👎！早之就叫番火腿通😰😰!要食豬潤米真係要去番深水埗先得。另外，個奄列也是薄薄的蛋衣，份量細，食左到喉唔到肺。熱檸茶偏苦，唔清香，唔好飲囉！太失望，一個四十幾蚊的早餐，完全唔值！不推薦！不會再食！…Read More

早上八時門囗都已經有人等外賣，店內亦有不少客人。外賣即叫即有，唔晒等好耐。試過兩款粥品，碎牛艇仔粥，$18，好足料，肉多且大大舊上，又有好多尤魚豬皮，粥底好味道且味偏濃。另一款的粥品是皮蛋瘦肉粥，$20，都好足料，皮蛋和一絲絲的瘦肉，粥夠熱又足料，皮蛋好夠香，粥味道亦偏濃。如果要食好清淡的粥，可能要試下白粥先得。皆因以上兩款粥品，以我個人來說，味道也是偏濃。整體來說，價錢公道，足料抵食，又夠好味！…Read More

中午十二時到，不太多人，環境衛生尚可，服務態度不錯。點左個水蛟麵，配腐乳通菜同埋凍豆漿。水蛟三大粒，內𥚃有蝦雲耳，好好味，偏濃味，但個麵不夠爽口，有小小林，通菜白灼無味，豆漿不錯。$30既水準，算ok!份量偏小，食左不太飽個種。我見水餃和雲吞是比較多人的選擇，相信是這店做得較好的食物。如果月尾想慳慳地食個平價午餐，有菜有麵有飲料，灣仔區有如此經濟的選擇，也是值得一試。如果剩叫一碗粉麵單拼都是大約二十蚊左右。:):):)…Read More

中午一時到，餐廳在唐樓上，要行樓梯，亦有電梯坐。餐廳不多人，偏昏暗，設計懷舊有特色。午餐餐牌有十款八款嘢揀，有飯有湯麵，全不包飲料，價錢約$65起。點了個魯肉飯併盤鹵水餐，$65，等左起碼廿分鐘。每個午餐連同一個歺盤成個上，配有木筷和木匙巾。魯肉飯用細飯碗載，夠熱，味道不錯，但不是那種一試難忘。個鹵水併盤，有豆干、牛𦟌、蘿蔔、豬耳、海帶、滷蛋，坦白説，沒有一樣入味，牛𦟌亦太硬。總括來說，不值一試。:(…Read More

午膳十二點幾去到，比較多人，食左半個小時，已經幫你清理曬野，擺放埋下一set餐具，非常趕客，服務質素:(，地方亦好迫狹，唔好坐。叫咗個熟牛肉河，牛肉好乾無乜味，湯底無乜特別，不會是一試難忘那種，而且份量偏小，食左都唔覺有野落肚個種。性價比不高，不是特別扺食！總括來說，可以不試！熱檸茶不夠清青香，茶底偏淡，唔好飲！十二時十分入座落order 會有幾款平小小的餐，但好似要十二時四十五分埋單。我個日遲左入座，受惠唔到，不過其實唔係差好多，幾蚊左右。…Read More

平日晚上七八時入座，可能因為當晚好大雨，餐廳不多人。單人可以坐晒成長卡位。地方算乾淨衛生。設計有懷舊味道，而且寛敞舒適。第一次來食，梗係食本店推介個個皇袍义燒蛋飯，配熱檸茶，$63。我見其他食客都叫哩個。聽聞個d义燒係自家製。义燒厚切好好味，有五六件，不過蛋配白飯加豉油就比較淡味，個豉油不夠香，食落好淡口，蛋應該沒有調味也很淡味。分量剛剛好，起碼唔會食剩太多飯。檸茶夠熱夠茶味。有機會會再試其他食物。…Read More

中午一時，不用排隊，食客都有七八成。卡位雖長但比較窄，身型大多少少未必入到，可能會坐得不太舒服。叫了個午餐香茅豬扒飯，配凍檸茶，再加多個蝦餅。豬扒飯夠多豬扒，個底配埋疏菜，份量十足，而且好好味，味道濃郁。蝦餅大小不一，好夠熱，非常燙口的，而且啖啖肉，但味道偏淡，不算好有蝦味那種，這可能是因為我食完個濃味的豬扒飯再食個淡味的蝦餅有關。檸茶不夠香甜，淡左少少。正唔正宗的越南食品見人見智，但同一般茶餐廳比較，的確是有越南風味，不是一般茶餐廳叫到的食物，而且勝在份量足料、好味、價錢公道。當你係條街到，又諗唔到食乜，這間店確實是一個好選擇！總括來說，值得一試！…Read More

餐廳位置不近地鐵站，由地鐵出來，要步行十五分鐘，沿途亦有好多其他美食！下午近六時到，趕得切食下午茶。去到冰室已經有八成客，好多人仲開始食緊晚餐，估唔到禁早就禁多人，可能係舊區，啲街坊同埋啲公公婆婆比較早食飯。叫了個雞肶沙律，配凍檸茶，$27。雞肶夠熱夠脆皮，沙律不夠凍，可能因為放在雞肶㡳下整熱左。整體味道ok,未至於一試難忘個種，但童年回憶梗有！檸檬茶茶味夠濃夠甜夠凍，所以好好飲！環境尚算乾淨衛生，唯一係個侍應比錯我全張order 比隔離枱！不知是入錯枱號定看錯單！整體來說，懷舊冰室，經濟實惠，性價比算高，會繼續支持小店！…Read More

中午一時到，食客不算多，全店大概可容納二十至三十人。地方算寛敞，環境亦衛生。叫左個好多人都會點既豬扒粗麵，豬扒又厚又大件，煎得好靚且金黃色的，配埋幾條嫰綠嘅生菜，粗麵又夠爽口，加埋幾滴辣椒油，好味到呢⋯⋯食完個麵，又想試埋其他野，所以再叫多份奶油多士，即整即食，外脆內軟，配上啖啖奶油香，令成個午餐昇華到另一個層次，這就是一個人的浪漫啊！一向鍾情幫襯小店，服務又有人情味，食物簡單得來又有水準，絕對會encore!!…Read More

中午一時，人很多，門口排晒隊，之前試過食蒜萁雞扒配餐肉腸蛋意粉，$45連熱飲，意粉太林，雞扒冇乜味，個汁okay, 整體okay，唔難食，但未至於好好食。但忘記影相！今天試下個海南雞飯，$51連熱飲，d鷄嫩滑少骨，算好味，但d飯一pat pat 太棉，而且飯食落去濕濕地，怪怪地，唔好食且不夠香，但個黑豉油和蒜蓉醬汁好味，成碟點哂！飯分量不算大碟，食完唔多飽肚。始終係灣仔區，人太多，環境迫夾，想食完快d走人，唯一勝在食物種類選擇多！:)…Read More

地方雖迫夾，全店有四、五個坐位，但環境尚算衛生，設計亦好特別有心思，有富麻雀係牆上面，又用白板紅字寫餐牌，唔會認錯第二間。叫了個三餸麵，$37，另加餸加$7。每樣餸份量十足，豬皮好大塊厚身好入味、滷水鷄翼好大隻且有滷水味、牛脷兩大塊厚切，食到我好飽。本身個湯底偏清甜，不太喊，配埋個辣汁好野味，令成碗麵生色不少，絕對係唔落唔得。店員好有禮貌、又細心，幫我用匙巾分開個辣汁，枱面亦有紙巾供應。今時今日禁嘅服務態度可以係邊到搵呀！這樣的小店絕對值得支持！會繼續幫襯！…Read More

海鮮併盤中的生蠔鮮甜美味，其他一般。主菜塊牛扒煎香可口，內裡鬆軟。Semi buffet 選擇多，沙律、甜點、餐湯等。餐湯不同時間推出不同味道，其中有個牛肉蕃茄湯非常濃郁美味，磨菇薯仔湯味道不俗，感受到餐廳用心製作，好有誠意！沙律和salad dressing 款式多，有薯仔沙律、雜菜沙律、紅菜頭、栗米粒、桃、通粉沙律等。另外，cold cut 有一款。甜品方面，有用木桶裝住的凍豆腐花配黃糖、芒果布甸、麵包布甸、木槺布甸、黑森林蛋糕、朱古力撻、brownie等。水果有火龍果、西瓜、哈蜜瓜。…Read More