chris990's Profile

之前成日聽人講話喺呢度食任食點心好抵，不過始終因為唔係食好多嘢、亦對任食興趣不大，所以寧願選擇散叫去試試呢度嘅點心係咪咁正。唔肯定呢度嘅開門時間，未夠10點去到坐底發覺冇冷氣，職員話要等到10點中央冷氣先會開動，所以都要等到大概10:15 分左右，成間食肆先至叫做有返番冷氣，如果大家想去可能10:30後較好。食物較為精緻，份量較小，價錢亦頗貴，取價拍得住同區酒店中菜廳：1. 杞子燒賣$39 - 味道不過不失2. 蝦餃$39 - 餡料充足，多蝦，味道正常3. 叉燒腸$52- 皮厚，微暖，叉燒偏瘦，味較淡4. 叉燒包$33 - 一般酒樓貨色，但較為迷你5. 蛋煎糯米雞$38- 內𥚃很乾身，個人唔係太喜歡6. 鳯瓜排骨飯$50- 呢個蒸飯係全餐最出色，用料豐富，熱辣辣有溫度又有味道7. 茶錢$12- 似一般酒樓茶葉質素，價錢合理百貨應百客，抵唔抵食見仁見智，不過呢度啲服務真係有待改善，全塲得幾台客，工作量應該唔辛苦，但兩位阿姐態度好一般，個人經驗，同區好多中下價酒樓招呼都好過呢度。…Read More

見到宣傳話主餐牌半價，仲要星期一至日都有，即刻選定一日同屋走企人試吓。對上一次嚟呢間荃新天地嘅翠園晚飯，已經好似係好多年前嘅事，今晚book 7:00到來，唔駛等就已經可以入得，枱與枱之間足夠一點五米距離，入門口亦都有量體溫同埋搓手液，呢方面做得好當然要讚。但是，當一開先問佢攞個酒水牌，侍應竟然話冇，我相信屋村酒樓都應該會有，酒水嘅價錢牌係顯示佢哋有啲乜嘢啤酒汽水同埋價錢係啲咩，呢啲嘢好基本。拎起個餐牌點菜，七點點菜都話有啲已經賣晒，跟住點左三四個餸先，轉個頭又話其中兩個又賣晒，跟住又點過，諗住叫五道菜，叫完又改。以為終於點完，隔10分鐘後又話頭先點嗰樣嘢冇，其實呢個集團想點呢，係唔夠豬肉定唔夠牛肉？試過一次我相信未來呢幾年我都唔會再去，呢啲特價做得唔好根本係搞衰自己個品牌，而我相信我亦都短期內唔會再去。…Read More

由於疫情關係，外出用膳都想盡量避免需要搭枱，亦希望可以枱之間保持一個較遠嘅距離，所以今次選擇咗去悅來坊嘅呢間上海野度食嘢。去到門口見到個招牌寫住今個月係感謝月，傳單有八五折，外賣亦可，店內有很多卡位，部份更加係窗口位，感覺上較為開陽，全店當晚只得一兩成乘客，希望呢間小店能夠捱過呢塲疫情。坐低之後店員隨即埋嚟並奉上一大碗熱水俾食客淥下啲碗筷，二點來各方面都感覺十分整潔。當晚叫咗下列菜式1. 素鵝 （熱辣辣很好味，如果餡料再豐富多一點就更好）2. 上海粗炒 （味道很好）3. 擔擔麪 （不過不失，如果有花生碎就更好）4. 小籠包 （能夠做到灌湯小籠包，味道很好，所以再叫多一籠食）如果大家經過開而又想食上海野嘅不妨一試。…Read More

作為一個荃灣區居民，一直都未去過福來邨呢間懷舊茶樓，今日有時間經過附近就去試一試，一個人叫咗盅鳳爪排骨飯，山竹牛肉（得兩粒），同埋雞扎埋單價錢80幾，我相信係因為冇咩嗰啲孖寶優惠亦都冇話特別平嘅10零$20一盅飯，不過貴都唔緊要，味道就真係見仁見智。…Read More

經過附近見到呢間火鍋店下午茶有$34孖寶，可以揀兩款點心，加埋茶介＄5都只係$39點心紙上邊全部紅色字嘅都可以揀得，我就揀咗鳳爪排骨飯同鴛鴦燒賣，味道中上，加上係即叫即蒸，熱辣辣送到,店內裏環境乾淨，食客不多，係下午茶嘅好去處，大家經過不妨一試。…Read More

荃昌中心昌寧商場附近食肆好多， 今次選擇在一間靜靜地人少少嘅企利餐廳 食個午飯依家叫一家嘅餐廳望入去好企理，走西式路線， 再望下餐牌午餐只係42蚊， 唔使諗入咗去。首先有個餐湯忌廉南瓜湯-清甜好味黑椒牛扒意粉- 賣相很企理， 黑椒汁濃味， 意粉有咬口， 唯獨是今次牛扒煎得過熟，較老身。整體而言，都選擇會下次再去試其他午餐， 此店嘅侍應有禮貌， 環境衛生幾好， 連個廚師都著白色廚師衫， 感覺乾淨企理。…Read More

今次食呢間食肆位於荃昌中心昌寧商場地下， 所以唔熟路嘅人未必會去， 大多數人都聚腳於商場2樓， 因為2樓有天橋通往地鐵站及荃豐中心， 加上二樓較多食肆， 所以地下啲食肆就 相對較少人 今次中午時分到訪， 見到餐牌咖哩豬扒飯只係31蚊， 凍飲只係加兩蚊， 實在係好平。等咗唔夠五分鐘一大碗澳門日式咖哩汁吉列豬扒飯到， 豬扒炸得熱辣辣， 好過嗰啲日式百貨公司food court，五六十蚊嘅選擇。如果大家經過可不妨一試， 給小店一個機會…Read More

悅來坊附近越來越多新食肆今次光顧呢間 樓下冰室 喺荃灣路德圍 有分店，都幾多人去吓， 不過一直未有幫襯。 今次夜晚經開呢個荃薈商場， 見佢新開張無耐， 就入去幫襯下。內裡裝修企理， 玩懷舊風， 兩個人嗌咗 :1、咖哩牛腩飯咖哩汁好傑身， 唔係水汪汪， 又冇好似出面嗰啲有層油咁樣樣咁肥， 少少辣，個辣味恰到好處，而啲牛腩就又腍又好味； 2. 黑椒牛扒腸仔飯 。味道ok ，牛扒薄薄地 ，唔韌。 勝在夠多汁撈飯， 叫做比快餐店好食少少。兩個飯都係半價加$8有凍飲香港百物騰貴， 食肆苦心經營，有好大部分收入都係交咗畀大業主同裝修師傅， 所以而家搵間較為企理嘅食肆， 五六十蚊食個晚餐係閒事…Read More

已經超過一年冇食過譚仔， 依家有優惠，叫兩個餸就送一個餸，感覺好似好抵 咁， 所以就入咗嚟幫襯 。兩個人坐低，叫兩杯嘢飲，兩碗米線，加一個大土匪雞翼同大蒜泥白肉 ，咁就已經$156。米線就真係非常一般， 啲餸嘅用料麻麻，D丸味道好一般，牛肉較韌，反而土匪雞翼就保持水準，而蒜泥白肉都好味，不過啲白肉就較為肥咗D。…Read More

天使魔鬼雞扒飯午市時段41蚊嘅雞扒飯，要加$6蚊先有可樂, 個人覺得比茶餐廳更貴。 不過因為貪方便， 地點就腳又慳時間， 所以選擇 咗幫襯美心快餐之前喺美心集團旗下另一新派快餐MX店已經食過呢款魔鬼雞扒飯， 上次喺mx食覺得幾抵食， 因為雞扒大塊又好味 。所以今次見到餐牌有就叫咗，一攞時見到D伴菜椰菜花一D都唔新鲜，雞扒唔見得特別大件， 點都唔算魔鬼 ，不過都算啦， 費事換來换去，食落去發覺啲菜係苦嘅， 而件雞扒內裏係冇味， 係完全冇味 ， 唔通唔記得咗醃，就擺落去炸?真心話，呢種 質素 真係差過一D低级茶餐廳， 奉勸大家去到美心都係食燒味飯較為穩陣。…Read More

一向喜歡食越南嘢， 見咁多評語都讚呢間店 ， 呢日到來光顧。環境 ok，價錢亦不貴， 地理位置在荃灣享和街， 實在是太方便。但可惜一個簡單嘅香茅牛肉撈檬， 味道淡而無味，牛肉 韌到趙唔到， 而另一個好出名嘅咩蟹膏， 個人覺得很腥。只可以講句百貨養百客…Read More

位於快富街近洗衣街之小店， 地點真的很方便， 唯獨是價錢有點貴。此店沒有設下午茶餐， 如下午茶時段到來，可叫午餐。火腿奄列都算大份（ 影相前以食一啖）， 味道一般，餐肉福麵 (係塊餐肉係煎都冇煎過）， 褔麵水太多， 成個湯唔係好夠味。以呢個嘅價錢， 旺角其實有好多選擇， 只此一次，下不為例。…Read More

作為一間大型連鎖快餐店, 大家樂有一啲特價餐, 名為超值選, 今次下午茶食呢個燒鴨濑粉, 味道幾好, 包埋杯凍檸茶都係29蚊, 佢今時今日嚟講算係好抵食, 凍飲都唔使加錢 仲要糖漿可以分開上, 抵食之選…Read More

喺荃灣廣場對開嘅大壩街有好多食肆, 有啲開咗超過廿年嘅茶餐廳, 有啲新派西餐廳, 百貨賣百客, 各式其適.今日落開去荃灣廣場, 就去咗聚樂居食咗個平價下午茶, 32蚊嘅牛仔柳飯, 牛仔柳嘅 中規中矩, 但係熱辣辣嘅溫度, 絕對有加分位, 溫度改變味道.就算係午餐, 都只係40蚊到, 大街經過不妨一試, 支持小店…Read More

環境ok, 係食物差一些.今次坐閣樓, 由於要坐Lift嘅關係,較少點心車會上來呢層, 但有柯打紙方便食客. 如果坐窗邊,可以望到樓下.紫菜卷, 水準同其他分店一樣, 好味之作雞絲春卷, 外面脆內硬, 好明顯炸起咗好耐, 返咗風...美心皇宮必點項目, 蟹肉伊麵$35, 冇沙田大會堂嗰間咁好食, 湯較清, 麵較煙韌, 蟹肉略少. 不過不失啦.薑蔥牛柏葉: 冇薑蔥味, 紅蘿蔔絲薑絲都冇, 淨係食到好似有啲沙茶醬味, 好明顯唔係嗰講樣嘢龍蝦湯鮮竹卷: 嚟到見到個汁傑到好似固體咁, 但食落味度又ok, 三條嘅鲜竹卷仲有個 龍蝦湯汁 瑤柱珍珠雞: 不過不失, 每一件珍珠雞內中間都夾有瑤柱絲同有汁肉粒, 係美心皇宮必點項目, 但係都係沙田美心大會堂好食D.總結, 作為一個美心皇宮粉絲, 會定期去唔同分店食嘢, 最喜歡沙田大會堂分店, 環境、招呼及食物, 都係咁多間最好, 至於今次荃灣呢間就勝在方便, 地鐵站隔離. 大家路過不妨一試, 但係記得用Apps遙距攞飛, 好多人㗎!…Read More