CO可樂's Profile

宵夜好去處今日有朋友接放工，難得見面短聚，可惜時間唔多，想輕食，快飯，又要方便搭車返屋企，我地揀出旺角。呢間車仔面，系外面睇冇乜特別，但入到去上2樓，我又覺得幾有心思，上到樓見到佢有塊黑板，畫得好靚，好有心機。同埋都有小小懷舊既感覺。睇咗一陣，我决定食豬紅，魷魚，蠔油冬菇加半熟蛋水泉烏冬高(牛腩汁，中辣)。 飲石斛竹蔗茅根。等左大约5分鐘，就上枱啦，先講個湯，我自己就十分滿意，腩汁味夠濃，個辣度又唔會搶左個味。豬紅好滑，唔腥，魷魚，爽口，入味，蠔油冬菇，甜甜地，隻半熟蛋d滷水汁都好味，最鐘意個烏冬，好滑，好彈牙。個石斛竹蔗茅根,都好清甜。整體都幾好，但因為好多人，所以會有需要搭枱。。。…Read More

為食肥熊與馬騮仔踩完單車之後就梗係要搵食啦。 話說由大圍踩入大埔之後我哋決定喺大埔搵食啦。 肥熊今日堅持要食西餐 終於發現到呢間 the right Place。 係全咩都唔知嘅情況底下我哋決定入去試。吸引我嘅地方係佢門口嘅燈牌同埋嗰兩樣bar枱椅， 入到裏面佢有個小酒吧，情調，格局幾好。坐低咗之後 ，我哋叫咗兩個set。馬騮仔就要緬因州龍蝦尾意大利粉，我就要烤美國安格斯西冷牛扒，仲有個小食，低溫慢煮燒西班牙黑毛豬五花腩伴芥末籽蜜糖青蘋果。低溫慢煮燒西班牙黑毛豬五花腩伴芥末籽蜜糖青蘋果 ,高性價比嘅小食，擺盤已經好靚，五花腩份量超多，五花腩經低溫處理，肉質非常嫩，配埋青蘋果薄片同醬汁一齊食，去咗五花腩嘅油膩，感覺清新。緬因州龍蝦尾意大利粉 一整段龍蝦尾放喺意粉上面，龍蝦香味四溢，龍蝦肉新鮮彈牙，因為是一整段尾，肉超厚，龍蝦味滲進意粉，再配上意式辣肉腸和半乾車厘茄非常開胃烤美國安格斯西冷牛扒配香草意粉 牛扒生熟度拿捏得宜，Order 3成熟，一整塊都保持得相當之好，肉質鮮嫩Juicy，牛扒調味亦值得一讚，只要輕輕點芥末醬已經很好吃，伴碟的黑椒汁基本用不著（笑），跟配的意粉亦有誠意，意粉用香草炒香，軟硬度適中，連跟配意粉也有這質素，感覺這餐廳的意粉水準頗高埋單$6百多，因為9點鐘後入坐除了Set以外都有7折，我同馬騮仔都覺得今個晚餐簡直係超值！…Read More

今日行經天后 ，見到龍鳳冰室 同馬騮仔講起先記得呢間係藝人林子善開的冰室 ，因為本身都幾鍾意林子善，諗住入去支持下，跟住兩個就走咗入去。入到去第一個印象，就係啲裝修好似舊式冰室咁都幾特別， 同埋有啲明星相， 整完嘢食 ，炒蛋嚟先， 菠蘿包都熱辣辣好脆，炒蛋就好滑 ，好有蛋味。 火腿雞翼湯意粉就中規中矩 啲雞翼都幾入味。 值得一讚嘅係個西多士， 佢份西多士可以用具大嚟形容，炸得又靚又夠脆， 啲牛油又多。 整體嚟講都幾好。 但個價錢就略略有啲高。…Read More

繼上次是日休息，今次為食肥熊同馬騮仔再接再黎，搭車又搭船，終於來到！今次開咗啦,咁啱又係lunch time好彩唔使等位。 環境佢係一個喺斜路鐵皮鋪， 好有懷舊風味幾特別， 同埋一陣好濃好香嘅牛腩湯味，有三張大圓枱，兩張細枱仔， 所有人都坐埋一齊， 個檔仔好細， 一望埋去你就會見到啲明星相 ，仲會見到謝霆鋒張相！ 一坐低我就已經嗌咗我嘅至愛牛肺河， 馬騮仔就要做碗牛腩米。 一人一罐可樂 ，仲要咗啲炸魚皮。 老細話我哋知，炸魚皮唔係成日有，要好早先有，晏咗就冇得食。 佢嘅炸魚皮好香好脆，上嚟嗰陣時仲係熱熱地好好食， 等咗陣我嘅牛肺河登場啦， 牛肺好入味，好淋好好味， 個湯好夠味， 濃而不濁，佢既嘅辣椒油都好正， 實在停唔到口一次過就食咗兩碗！馬騮仔嘅牛腩米都好夠料， 牛腩又爽， 唔會食到起曬渣。雖然佢係老牌鐵皮鋪但地方好乾淨， 雖然呢度規矩多多 ，啲侍應串串貢咁， 但其實好親切， 好玩得， 好有人情味， 好的東西應該值得保留！ 因為真係好好食！！…Read More

是日放假,又係為食肥熊與馬騮仔出動嘅時候喇,本來諗住千辛萬苦,搭車又搭船 之後，終於可以食到為食肥熊最想食嘅水記 ，點知去到門口見到。。。是日休息四個大字！ 個人當場失落曬。。。:(好彩馬騮仔提議不如去食越南粉啦， 就係咁，就行咗幾條樓梯去到BEP。呢間餐廳，經過2次但都冇食過，今次錯有錯著終於有機會試。去到正直係中午時分，非常多人！ 等咗一 陣終於入到去坐低 ,雖然多人,但環境非常唔錯，冷氣充足，一坐低就有杯大大嘅薄荷葉水等住妳， 我地睇完餐牌就叫咗兩個2 course set lunch 。 我要咗個脆皮雲吞蝦，生牛肉河粉， 椰子水。 馬騮仔就要脆腩肉沙律，生牛肉河粉， 越南咖啡。:)雖然係lunch time好多人但上菜速度都非常之快 。 唔使一陣 我哋嘅appetizer 就出現咗喇。 我嗰脆皮雲吞蝦， 好靚 炸到金黃色， 應該係個炸爐 啱啱換咗油。 咬咗一啖亦都有好多蝦好好味。 如果佢唔止兩粒就好啦，好食到我停唔到口。 至於馬騮仔貨脆腩肉沙律，佢都好滿意，D腩肉 一啲都唔油 ，仲好有咬口，啲沙律都好新鮮。 當我哋食完appetizer，主角就出現喇， 期待已久嘅生牛肉河粉 ，好大碗，用料仲好新鮮， 喺香港食過幾間都冇呢間咁好食。先講好啲牛肉 ，全部都係鮮紅色好靚，個湯又夠濃又夠熱，睇到啲牛肉慢慢熟，佢個河粉亦都好彈牙， 唔會淋曬， 同埋佢嘅配菜一啲都唔慳！有好多芽菜,薄荷葉, 洋蔥， 啲檸檬都係新鮮靚仔！ 最值得一讚嘅佢嘅紅辣椒, 超級夠辣！ 整體評分有成九分, 唯一個一分就係扣咗喺 杯椰子水，純粹個人口味 ， JAX椰子水 ,我飲落去覺得怪怪的 ,但唔馬騮仔嘅越南咖啡就一百分 ,又夠香有夠濃。 食完埋單整體都係二百幾蚊。 正！…Read More

放工時間，又係為食家族出動既時後，大皇話想飲湯，咁好喇就嚟咗村爺爺。平時呢間都多人排隊，但好彩，我地收工，收得夠夜，去到就無咁多人，好快有位坐。去到我地就叫左真盛村爺爺龍蝦湯烏冬，花膠螺片雞煲翅，南乳雞翼， 墨魚手指拼魚腐。先嚟咗啲小食，南乳雞翼，好香，好入味， 個墨魚手指餅都好彈牙，好香脆可口。等左陣，我最期待嘅花膠螺片雞煲翅就出現，呢個湯，真心正，足料唔左講，隻雞又夠嫩，又滑，一啲都唔嚡口。個湯有夠濃，又唔油。正！！真盛村爺爺龍蝦湯烏冬 ，真係超多餸，非常豐富， 半隻龍蝦，鮮青口，魷魚，蝦，帶子仲有豬腩片，湯頭濃郁鮮甜，食完真係飽晒！…Read More

為食家族又出動，收工係旺角，咁多野揀有時真係唔知食咩好。最後决定食泰國菜，大哥話呢間佢之前食過，話OK，咁我就跟大隊啦。去到坐低，全程大哥話事，我地做細等食就掂啦！:)泰式無骨鳳爪 ， 辣辣地又冇骨，啱我口味。泰式海南雞配油飯 ， 我就覺得OK，但唔係話好好食既級數。幾唔算話好嫩口。泰式豬手飯，呢個豬手就好d， 夠入味。又夠淋。椰子雞湯， 香滑，濃郁，好味！馬拉盞炒通菜， 夠鑊氣 又唔算好油。燒豬頸肉， 外脆內嫩，正。 咬落去仲有肉汁！…Read More

作為一個甜品控，為食肥熊去搵甜品係不遺餘力㗎。 每次同馬騮仔 去油麻地 都會經過呢間好似黃巴士嘅甜品店， 佢嘅裝飾同相真係好靚 ，每次佢都必定大排長龍， 事關今日好得閒我哋終於決定排隊等！:)首先我哋排咗大概2分鐘， 我哋落單嘅時候我哋點一兩樣嘢炎燒布丁梳乎厘同埋Tiramisu味既梳乎厘. 點好餐之後就係漫長嘅等待，大概等咗20分鐘左右，終於到我哋嘅號碼。接過兩個美麗的梳乎厘 爭啲連相都唔記得影就想食咗佢。 好彩馬騮仔提我，如果唔係已經畀我食咗啦。焰燒布丁梳乎厘， 喺我接上手嘅時候佢 佢陣陣嘅焦糖香味已經湧埋嚟，而個梳乎厘嘅軟度亦都係震下震下， 非常鬆軟 好靚！本來以為佢會幾甜， 但食咗一啖之後發覺ok唔算太甜，連埋個雪糕食仲正，佢個3.6牛乳真係好滑！Tiramisu梳乎厘亦都令我好有驚喜, 梳乎裡面頭嗰啲咖啡粉味道十分濃但唔苦。 個梳乎厘入口嗰種香甜加雪糕嗰種滑，簡直就係perfect match。…Read More

為食肥熊同馬騮仔今日走到去太子搵食， 唔知點解今日就係好想食雞髀，跟住馬騮仔就帶咗我呢間髀魔。佢話呢間d雞脾非常靠得著。仲話有我最愛既蛋黃。😚😚去到馬上點咗4樣野， 黃金魔髀， 黑松露雞髀 ，黃金魷魚鬚同椒鹽金粒豆腐。等咗大約十分鐘， 食物就出爐了。🤗佢門口有兩張枱仔你可以坐低食。我同馬騮仔就一人一隻雞髀， 黃金魔畀顧名思義有好多嘅蛋黃 喺上面超金香， 蛋黃又起沙好好味。 唔使五分鐘已經畀我食曬， 至於馬騮仔隻黑松露雞髀，啲黑松露味都好重，啲鹵水汁都好入味，但係黃金魷魚鬚就有少少漏得滯，因為可能我已經食咗成隻黃金雞髀， 但係佢個椒鹽豆腐就好好食，外脆內軟好正，仲好夠滑， 非常滿足！😋😋…Read More

為食肥熊休閒日， 既然得閒唔使返工又冇王管，起身決定去starbucks坐一坐， 搵返學生時代嘅感覺。今日由於要出旺角所以去咗旺角呢間starbucks， 去到排隊唔使講啦. 但好彩今日唔算多人環境清靜！等咗一陣買咗杯 Venti caramel macchiato , 再加個cheese and mushroom pocket. 真系想講句， What a perfect morning！攞完野搵個位坐低，先飲啖macchiato,太好啦，唔會死得個甜字，今次真係要thank you 個 barista！ 今日呢杯係層次分明㗎。 佢唔會太甜，又有好濃好滑嘅咖啡，再食個cheese mushroom pocket. 濃濃嘅忌廉蘑菇，太正了。Today is a good day！…Read More

每到放工嘅晚上，就係為食家族出動既時後了，一行4人，夜麻麻想食乜嘢，梗係黎小甜甜，因爲佢收得夠夜，啱晒我地夜放工嘅人士又想食餐辣野，我地每次都會食呢幾味。干扁四季豆: 炒得夠乾身，有豬肉碎，加埋橄欖菜，薑蓉一齊炒好香口，送飯一流原味焗蜆: 侍應一開個錫紙，香氣即刻飄出黎，加咗青辣椒，味道好鮮甜，但係間中有一兩隻會有沙，睇下你好唔好彩紅燒肉: 紅燒肉肥瘦相間，食落口一啲都唔覺油膩，大哥最愛，大讚好味！麻辣燙蠔煲(小辣): 有個火爐仔熱住，一路食都係熱辣辣真係好正，記住要盡快食晒啲好，因為一邊食一邊加熱，遲左食就太熟會過老，同下面嘅配料有青瓜，薯仔，白蘿蔔，建議可以留到最後先食，更加入味 ，系我既至愛。川味辣子雞(大辣): 每次必點菜式之一，雞肉細細粒連骨炸得好夠乾身，勁香口！腰果粒粒都卜卜趣，大家爭住食，送啤酒一流，馬騮仔既至愛。泡椒雞腳: 會食上癮嘅一道菜，佢嘅酸酸辣辣食完又想再食多隻，但係每次嘅辣度都唔同，可能唔同時期嘅辣椒，辣度會唔同蒜香炒土豆絲：蒜味勁濃郁，土豆絲夠爽口，之前有食過清炒土豆絲，大皇建議，今次試吓呢個蒜香，又有驚喜喎！黃酒煮豬手：雖然個樣唔太吸引，豬手炆得軟淋入味，個汁甜甜地，仲有陣陣黃酒香味，撈飯一流，所以當日總共食咗兩碗飯當日仲有叫咗三款燉湯，唔記得影相，餐牌上講佢嘅燉湯係用山泉水，當日飲咗茶樹菇燉龍骨，花旗參燉雞，杏汁豬肺，燉湯都幾大，一個夠兩個人飲。佢哋嘅燉湯數量有限好快賣晒，所以一坐低就會叫定，再慢慢諗叫其他野食呢間簡直就係我地既飯堂！…Read More

為食肥熊今次要屈服啦。。。俾馬騮仔迫咗去食三哥。。。🤣今次食豬腩肉，韭菜，大麻辣米線，譚仔嘅大麻辣，每次都食得好過癮，好正！再加上佢哋獨特嘅辣椒油，好香，真係好吸引，如果有得買樽辣椒油就好嘞！腩肉係白色，唔係鹵水口味，肥瘦均勻，就算浸咗係熱辣湯一段時間，食落都係好爽滑😋，韮菜鮮嫩唔會一口渣，呢個都係鍾意食譚仔原因之一，每日流量大，食材好新鮮，差不多每一間譚仔嘅水平都好相近小食方面，有譚仔必食嘅土匪雞翼，外皮鹹鹹脆脆，充滿孜然粉嘅香味，雞肉又好嫩滑多汁。涼拌口水汁豬耳，抵食👍🏻口水汁食得出有花生醬料，每次都會用醬汁撈米線，呢個食法，純粹個人喜好，又真係好好味！涼拌尖椒皮蛋，份量好夠譚仔三哥。。。真係算得上係馬騮仔既至愛！…Read More

為食肥熊單拖中環日 一早起身個人都未醒，就去咗中環，上到中半山見到有間好靚既法式麵包舖 ， 離遠 已經見到佢 好大塊嘅落地玻璃 ，即刻衝入去買嘢食。入到去一陣陣好香嘅麵包香 ，地方又乾淨，陽光又充足。 麵包種類有好多 ，佢嘅生果撻亦都好精緻，啲生果杯都好新鮮。 揀咗一陣之後， 決定要咗個蘋果批同橙汁。呢度好在有張高枱畀你可以坐喺度食， 一咬落去個蘋果批，好脆同埋啲蘋果肉好甜好香， 絕對算得上係高質嘅蘋果批！！最衰今日仲有嘢做，如果唔係實買多個返去畀馬騮仔食。…Read More