gogogood_hk's Profile

Bookmark左呢間大坑名店好耐，終於有機會去試。兩草係北角，旺角同尖沙咀都有分店，今次幫襯既係尖沙咀分店。舖仔細細，座位不多，可能都算係半間快餐店，大家快食快走，中午黎食都唔需要點等位。不過炎炎夏日，冷氣略嫌有點不足，特別坐門口位就會熱少少。《$42 香煎脆邊蛋肉餅飯》 ⭐️⭐️⭐️⭐️好完美的太陽蛋，流心，脆邊，蛋黃一督就穿，因為飯量不多，蛋汁同豉油可以完美地包裹住每一粒飯，無論味道同色水都冇得輸。肉餅好腍，好厚，但略嫌煎得唔夠香脆，而家食落既口感介乎於煎同蒸之間，有少少尷尬，但都無傷大雅。《$40 小龍包胡椒湯》⭐️⭐️⭐️⭐️⭐️落枱已經聞到好香，個湯一落肚，成個人熱血沸騰，這就是胡椒湯的力量嗎？胡椒香而不辣，小龍包皮薄，湯水足，一咬落去爆哂汁，相當有誠意。其實呢間小店每款食物既份量都唔多，定價都唔高，所以就算係一個人黎，都可以試到幾款食物，唔會話食個飯就飽左。三五知己更加唔洗講，share幾款小食一齊食都好開心。人均消費：$100環境：7/10食物：8.5/10服務：8/10性價比：8.5/10整體：8/10 #香港 #美食 #香港美食 #foodie #食評 #尖沙咀美食 #旺角美食 #北角美食 #馬來西亞菜 #兩草 #性價比之選 #港式#旺角 #尖沙咀 #小龍包 #胡椒湯 #小龍包胡椒湯 #肉餅飯 #太陽蛋 #脆邊蛋肉餅飯…Read More

已經係第二次食既銅鍋米線，上次試既係旺角分店，今次經過見到尖沙咀都開左分店，就入去試試。位置係厚福街地下，人流相當多，當晚大約晚上8點半，唔洗等位直接可以坐低食，舖頭大約都有6-7成滿，裝潢乾淨企理，用QR code直接落單。《$22 炸脆脆蝦膠豆卜(3粒)》 ⭐️⭐️⭐️⭐️小食可以揀3粒或者5粒，就算一個人黎食都唔洗驚食唔哂。好多人都推薦呢個蝦膠豆卜，賣相都唔差，3粒大大粒，未食已經睇到豆卜入面滿滿既餡料，一D都冇偷工減料。店家配左泰式雞醬，配炸物一流。豆卜炸到卜卜脆，加上入面勁彈形既蝦膠，口感非常特別，鐘意食炸野既朋友絕對不能錯過。《$71 招牌春城銅鍋米線》⭐️⭐️⭐️湯底可以揀清湯或香辣，今次就叫左清湯。同平時既雲南米線一樣，湯底入面包含左肉碎，芽菜，腐皮，酸菜，木耳絲，甜酸菜。就咁睇淨係湯底既料都好足，飲落唔算太味精，好有雲南風味。但肉碎切得稍微大粒，甜酸菜酸中帶甜，幾開胃，但唔知係咪食到舊菜頭，有一舊咬唔開。因為用銅鍋上，保溫效果好好，去到尾都仲係熱辣辣。今次點左紅薯粉，個粉份量都唔少，而且超煙韌，要D牙力先咬得開。本身自選米線包兩個餸，我地就點左蘿白，墨魚丸同香炸豬扒。蘿白有3件，清甜無渣，但煮得唔夠淋。墨魚丸2粒，粉感太重，唔彈牙冇咬口，冇墨魚味。炸豬扒1大塊，幫客人切好左，但望落似煎多過炸，而且豬扒好薄，冇肉汁，但唔算柴。人均消費：$100環境：7/10食物：7/10服務：7/10性價比：7.7/10整體：7.5/10 #香港 #美食 #香港美食 #foodie #食評 #米線 #春城銅鍋米線 #銅鍋米線 #雲南米線#尖沙咀美食 #尖沙咀 #香港 #蝦膠豆卜 #紅薯粉 #炸豬扒 #蘿白 #墨魚丸 #甜酸菜 #腐皮…Read More

屹立左係大埔好耐既小店，平時都係做街坊生意。因為舖頭係馬路邊，環境會嘈雜少少，但都幾有大排檔既味道。《$138 滷水鵝片》 🌟🌟🌟🌟潮州冷必試一定係滷水啦，滷水汁好香，鵝片都好入味，唔會話醃得唔夠白雪雪咁。肉質有少少鞋口但可以接受，一碟份量兩人食岩岩好，仲有豆腐片墊底，好食。《$53 韭菜豬紅》🌟🌟🌟韭菜豬紅都係打冷既靈魂菜式之一，但呢一次既韭菜豬紅唔太夠味，豬紅份量都幾多，處理得好好，唔會有腥味。《$118 椒鹽鮮魷》⭐️⭐️⭐️⭐️⭐️又係岩岩炸起既鮮魷，粉漿唔厚唔會食到成舊炸粉，雖然係炸物但係唔會成口成碟都係油。鮮魷本身有調味，食落一D都唔會韌，好食到停唔到口。《$68 腐乳炒通菜》⭐️⭐️⭐️通菜就正正常常，爽口而且好香腐乳味，調味唔算重，食到腐乳香但唔會死咸。人均消費：$200環境：7/10食物：7.5/10服務：8/10性價比：7.5/10整體：8.5/10 …Read More

觀塘其中一間人龍店，價錢親民，其中以梳孚厘班戟既精緻賣相吸引左不少年輕人來光顧。去既當日大約晚上7點半，門口排隊既人唔多，等左1-2張枱就入得。舖面好大，座位好多，店員安排左我地坐二人枱，枱面唔大，叫多幾樣野都擺唔哂，梳發好軟林，坐得舒服，但如果坐梳發位置會顯得張枱太高，雖然未去到影響用餐體驗，但都覺得有點唔方便。《$148 蒜香蟹肉炒意粉 - 小辣》 ⭐️⭐️⭐️⭐️意粉上枱既時候係一個美麗既山形，上面舖滿左蟹肉。落單既時候有得挑選辣度，我地呢次就揀左小辣。意粉煮得岩岩好，唔會太軟太硬，炒意粉唔會話好油，一夾意粉果下蒜香撲鼻，食落唔會咸，出色。《$148 明太子忌廉大蝦意大利飯》⭐️⭐️⭐️因為用左明太子醬，個意大利飯係粉紅色，好吸睛。飯量唔多，偏淋身，入面仲有3-4隻大蝦，蝦肉爽口彈牙，但蝦味就冇咩。感覺明太子醬可以再落多少少，而家忌廉味道偏重，但整體來講都係合格線以上。《$68 山葵蛋黃醬薯條》⭐️⭐️⭐️⭐️用既係幼身薯條，類似M記果種。薯條炸到好香脆，而家份量好多。配左山葵蛋黃醬，香而不辣，有山葵果種攻鼻，刺激感，但唔會辣到食唔到，令人食完一口接一口。《$78 炸魷魚鬚 配芥茉籽蛋黃醬》⭐️⭐️炸魷魚鬚稍微有點小油，而且今次呢份鬚既份量比較少，仲要全部都細細條，食落就冇咁開心啦。芥茉籽蛋黃醬冇咩特別，個人覺得點左醬反而增加左飽膩感，不如唔點又或者換隻清爽D既醬會好一點。《$78 馬蘇里拉芝士焗薯蓉帶子》⭐️⭐️⭐️⭐️店家將芝士舖係薯蓉既面頭，再攞去焗，但唔似肉醬意粉果種會焗到硬身，焦脆。焗完之後有好香既芝士味，望落平平無奇，但配上軟滑既薯蓉，再加上入面既帶子，增添左成道菜既口感同層次，值得一試。《$138 菠蘿忌廉配新鮮焦糖菠蘿梳孚厘班戟》⭐️⭐️⭐️⭐️⭐️呢個係店家最新既菜品，梳孚厘滿滿既奶香味，而且空氣感十足，輕輕搖隻碟已經feel到梳孚厘班戟果種動L既感覺，難怪有咁多人慕名而來啦。今次食既係菠蘿忌廉口味，菠蘿醬唔會太甜，食落都好fresh，配左3片切片焦糖菠蘿做伴碟，好食得黎唔會膩。人均消費：$400環境：8/10食物：8.5/10服務：8/10性價比：8/10整體：8.5/10 …Read More

餐廳位於厚福街中間既商業大廈之中，9點後特定餐牌有半價，聽起上黎就好似幾抵啦，即刻去試下先。當日係晚上9點幾入座，餐廳人唔多，一入到去見到燈光都幾暗，服務員態度好好，馬上招呼我入座 ，安排左將4人卡位比我，坐得舒舒服服。《$32 咸牛肉明太子燒饅頭 (宵夜價)》⭐⭐⭐⭐一份有4件，係平時食開既炸饅頭Size。饅頭上面先查左一層咸牛肉醬，再落一層明太子醬，再攞去燒。一擺入口，咸味係口腔入爆發，加上燒饅頭外脆內軟既口感，相當有趣。咸牛肉同明太子醬配合得剛剛好，唔會咸上加咸，兩層醬又中和番饅頭好乾爭爭既質地，值得推介。《$58 鐵板柚子蜜燒牛舌(宵夜價》⭐⭐⭐一份大約有六件牛舌，都係切得相當厚，用鹽同胡椒簡單咁調過味。上枱既時候牛舌係比滿滿既洋蔥覆蓋住，再加上係用鐵板上菜，鐵板既餘溫令到洋蔥既甜味, 柚子醬既清新，同牛舌完美溶合左，食落甜甜地幾特別。《$168 爖月三點》⭐⭐⭐三點包括月見和牛，免治吞拿魚他他，磯煮鮑魚。上枱既時候店員好貼心咁同我講食既順序，用既餐具都好靚好華麗。免治吞拿魚他他配左幾片紫菜黎包住食，入面仲加左少量薄脆增加口感。月見和牛就係生牛肉撈埋蛋汁食，牛肉本身有用醬油醃過，就咁食已經好好食，再加埋蛋汁就更滑更香。磯煮鮑魚就普通少少，但鮑魚肉質都爽彈。《$38 三文魚5切(宵夜價》⭐⭐三文魚唔算出色，雖然冇好大陣雪味，但都冇咩魚味，唔係厚切，一般般純粹過下口癮。《$18 牛橫隔肌波菜汁(宵夜價)》⭐⭐餐廳提供左幾隻唔同既醬汁比客人挑選，包括蒜香，菠菜汁，wasabi，同蜜糖芥末。見菠菜汁幾特別，就試下佢，但可惜好大陣草青味，感覺配落牛肉唔太夾，可能其他醬汁配肉會好少少。今次呢串牛橫隔肌有點overcook，咬落肉質極韌，好難咬開。《$18 蝦姨蔥牛肉卷(宵夜價》⭐⭐蝦姨蔥好香，再用牛肉卷住去燒，令到牛肉充滿住蔥香味。但牛肉肉質普通，冇咩肉味，仲要燒得太耐濃左，食到苦澀味，普普通通。呢間舖頭既串燒都係偏好細串，不過宵夜價$18就可以接受。如果正價時段黎食，就真係要考慮下叫唔叫串燒啦。感覺上廚師火喉上既把控做得麻麻地，試左兩串都係overcook，希望只係一時失手啦。人均消費：$350環境：8/10食物：7.5/10服務：8/10性價比：7/10整體：7.5/10 …Read More

《$69 滷水豬手配蝦油撈麵》⭐⭐⭐豬手滷得好淋，好入味，咸得黎唔會太過份，店家仲現左個微酸既醋汁中和番，食落非常清爽。蝦油撈麵用既麵比較粗身，麵條撈埋蝦油又香又有特色，再配左一隻滷蛋同青瓜片做伴碟。《$46 特式芝麻蝦多士》⭐⭐⭐一份有4件，都幾大件，蝦多士面頭灑滿左黑白芝麻，配左沙律醬一齊食。多士炸得酥脆，咬落食到啖啖蝦肉，黑白芝麻更加添加左香氣，但咬落好油，食兩兩件好易就膩，加埋沙律醬個飽膩感更加強。《$68 泰式生菜包(豬)》⭐生菜大大塊，算新鮮爽甜，包住用香料炒過既豬肉碎，本身個配搭好好，但今次呢碟料味太酸，基本上香料味道欠缺，得個酸字，豬肉又切得唔夠碎，好多都痴埋一齊大大舊，唔合格。人均消費：$100環境：6.5/10食物：7/10服務：7/10性價比：7/10整體：7/10 #香港 #美食 #香港美食 #foodie #食評 #暢和號 #大埔美食 #大埔 #香港 #蝦多士 #生菜包 #泰式生菜包 #豬手 #滷水豬手 #蝦油撈麵 #泰國菜…Read More

鐵火堂係厚福街已經開左好耐，每次經過都唔少人排隊，今次終於有機會試下。當晚大約夜晚8點半左右，門口冇人排隊，店內都有一半吉位，店家安排左張4人枱比我，坐得幾舒服，服務員都好醒目，未舉手就留意到客人有需要，已經識自己行埋黎提供協助。《$142 鐵丼家-自選刺身丼》 ⭐️⭐️⭐️⭐️本身個飯係$110，包左2切厚切赤身藍鰭吞拿，同4款刺身。如果想食D貴價少少既刺身就需要加番相應既錢，價錢係點餐紙已經寫得好清楚，方便客人計番自己既預算。首先飯已經有好多款揀，由白飯醋飯，到薑味調味飯，再到冬菇飯，三文魚飯，客人只要加錢就可以隨意選擇。今次就揀左最普通既醋飯，壽司醋比例剛剛好，唔會話好酸，飯粒軟硬度適中，飯既份量都配合番魚生，唔會過多，可以每啖飯配到一舊刺身，又岩岩夠填飽個肚。今次揀既刺身有厚切赤身藍鰭吞拿(2切)，赤蝦(2隻)，厚切油甘魚(2切)，帆立貝(2切)，三文魚腩(2切)，基本上全部都好厚身，解凍既部分都做得好好，唔會成到雪味，冇腥味，赤蝦爽得黎有少少黏口，帆立貝三文魚等等都係正常發揮，每碗刺身丼上面仲有一塊印左舖頭名既甜蛋，唔屬於好食到哇一聲果種，但會覺得抵食。《$49 酥炸墨魚咀》⭐️⭐️⭐️⭐️一份份量都唔少，墨魚咀一口一粒，炸到好酥脆，墨魚咀食落都好爽彈。店家配左沙律醬比客人。個人覺得唔點醬已經好夠味。人均消費：$210環境：8/10食物：78/10服務：7.5/10性價比：8/10整體：8/10 #香港 #美食 #香港美食 #foodie #食評 #鐵火堂 #尖沙咀美食 #灣仔 #香港 #尖沙咀 #壽司 #酥炸墨魚咀 #墨魚咀 #藍鰭吞拿 #赤蝦 #油甘魚 #帆立貝 #三文魚腩 #自選刺身丼…Read More

呢間餐廳入選米芝蓮必比登推介 (2023-2024)，門口既牆上面掛滿左證書，一眼望落去都幾有氣勢架。餐廳地方好大，但午市客人唔多，我地坐果個廳什飯時間就只有2枱客人，但服務員算幾熱心，會主動過黎加茶加水，又會推介菜式比我地。但整體價錢偏貴，而且食物好細碟，性價比唔太高。《$168 椒鹽鮮魷》 ⭐️⭐️⭐️⭐️鮮魷肉質彈牙，食落完全唔韌，另外粉漿好薄，唔會食到成口油淋淋，調味剛剛好，唔係一味勁落椒鹽味粉，咸味唔會蓋過魷魚本身既味道。《$148 菠蘿生炒骨》⭐️⭐️⭐️⭐️有鑤氣，排骨炸到外脆內軟，啖啖肉。個汁都好開胃，唔會太酸唔會膩，亦都唔會話好厚身，加埋青椒同菠蘿，色香味美。《$90 是日燒味 - 叉燒 (午市優惠價)》⭐️⭐️⭐️⭐️午市一份得6-7舊，有蠔油豆做伴碟。雖然切得算厚身，但收$90仍然覺得唔太抵食。半肥瘦既叉燒燒到有少少燶邊，肉質彈牙又唔柴，配蜜汁甜甜地好好食。《$90 馬蹄蒸肉餅》⭐️⭐️⭐️肉餅好厚身，有質感，咬落肉質鬆化，有彈性，而且滑嫩，可惜食唔到馬蹄口感。《$90 韭黃蝦仁炒蛋》⭐️⭐️蝦仁爽彈有蝦味，可惜個蛋炒得有少少老，冇左滑既感覺。味道唔會咸，正正常常既家庭小菜。人均消費：$150環境：8.5/10食物：7.5/10服務：8.5/10性價比：7/10整體：7.5/10 …Read More

位於長沙灣既一間小店，望落地方唔算細，乾乾淨淨，但經過幾次都係一個客人都冇，好奇心驅使下就叫左個外賣試試。《$60 雙層高飛漢堡》⭐️⭐️⭐️100%牛肉，招牌醬，生菜，蕃茄，芝士因為冇咩客人既關係，漢堡都係即叫即煎，唔會話整定哂等有人落單。等既時間唔算耐，漢堡肉冇燶邊冇脆邊，係純純既牛肉餅，不過尚算厚身，有少量肉汁。麵包都算鬆軟，輕微烘過招牌醬感覺近似千島醬，冇咩記憶點，其他都係漢堡包既標配，叫做好過快餐店少少，正正常常唔難食。《+$20 跟沙律+野飲》⭐️⭐️野飲係街外買既紙包飲品，冇咩好評價。沙律份量算多，裝左滿滿既一碗，配醋，食落感覺健康D，除左菜之外，配料只有栗米同少量既波羅，甜甜酸酸都幾開胃。人均消費：$80環境：7/10食物：7/10服務：7/10性價比：7/10整體：7/10 #香港 #美食 #香港美食 #foodie #食評 #高飛漢堡 #長沙灣美食 #長沙灣 #香港 #漢堡包 #牛肉漢堡 #可樂 #芝士牛肉漢堡 #美國菜 #菠蘿沙律…Read More

呢間餐廳係openrice上面好多好評，即刻去試下先。去既當日係平日，午飯時間一點左右去到，唔洗等位，但都全埸坐滿客人。餐廳入面貼左好多日本海報，好有日式既感覺。旁邊貼牆位置仲做左一排位置，比1-2位既客人坐，坐得唔算舒服，而且客人一多就顯得有點迫夾。《$38 和風餃子》 ⭐️⭐️⭐️⭐️餃子一份有6隻，上枱既時候係圓形一餅，成個大版燒咁。每隻餃子底部都連住一塊大大既脆底，又薄又脆。上面有沙律醬，下面有餃子醬，食落甜中帶點微酸，沙律醬既厚重感又會比酸味中和番，超讚。《$88 黑蒜濃厚山藥豚骨拉麵》⭐️⭐️⭐️⭐️⭐️《$15 糖心蛋(加配)》同一般拉麵店一樣，餐廳都可以比客人自己選擇麵條，味道濃淡同口感等等。今次試左幼麵，麵條彈牙有口感，但掛湯能力一般。一碗份量都唔少，女仔唔洗加小食都夠飽。湯底幾濃，第一啖湯係普通較濃既黑蒜油湯，但愈食愈唔同，山藥混和落湯底入面令到湯底更加厚身，仲帶點甘味，相當特別。叉燒有兩大舊，唔係好淋入口即溶果種，咬落爽口有嚼勁，肥瘦相間，叉燒本身味道比較淡，襯埋湯底岩岩好。湯底仲有椰菜，木耳，蔥花等等，配料都係正常發揮，木耳爽，蔥花香。本身碗麵已經有糖心蛋，我再加錢加多隻，糖心蛋用醬油微微醃過，一切落去中間流心，有蛋味。拉麵價錢唔算好貴，但味道真係有驚喜，值得一試。人均消費：$150環境：7.5/10食物：8.5/10服務：8/10性價比：8/10整體：8.5/10 #香港 #美食 #香港美食 #foodie #食評 #幸屋 #灣仔美食 #灣仔 #香港 #日本菜 #拉麵 #餃子 #和風餃子 #山藥 #黑蒜濃厚山藥豚骨拉麵 #黑蒜拉麵 #糖心蛋…Read More

《是日餐湯&沙律》 ⭐️⭐️晚餐包左餐湯同沙律，今日餐湯係南瓜湯，上面打擠左兩圈忌廉，飲落味道偏淡，唔夠濃郁。煙三文魚沙律用細碗上，中間有兩大片煙三文魚卷成花形，好靚。份量適中，唔會太大份，可惜菜太碎，好難先夾得起。《$78 炸廣島蠔》⭐️⭐️⭐️⭐️一份有5隻，配左沙律醬同檸檬汁。即叫即炸熱辣辣，上枱既時候服務員仲貼心提醒叫我地攤一攤先食。廣島蠔唔係好大隻，但炸到酥脆，咬落爆汁有蠔味，都幾好食。《$268 幸園極上壽司盛盒(9貫)》⭐️⭐️⭐️9貫包括有赤身，三文魚，帶子，油甘魚，赤蝦，池魚，左口魚裙邊，香蔥吞拿魚蓉海膽坦白講魚生質素一般，但店家好有心思，唔係就咁切舊魚生比你，會配番D醬增添風味，好似黑松露醬/ 薑蓉蔥咁，非壽司店黎講算合格。《$168 明太子蟹肉蟹籽忌廉扁意粉》⭐️⭐️忌廉味道好重，但味道都係偏淡，食唔到明太子咸香味。而且蟹肉得好少，可能成碟意粉得幾舊仔。意粉軟硬度適中，麵條掛汁，普普通通。《$30 特飲 - Secret Angel》⭐️⭐️賣相好靚，仲有一個好大既玫瑰花裝飾，用黎打卡一流。飲落唔會好甜，但有少少藥水味，未算好難飲，但下次應該唔會再叫。《$68 肉桂蘋果牛角窩夫》⭐️⭐️⭐️⭐️⭐️主要都係奔住甜品而黎既呢間餐廳，無論係芭菲定係牛角窩夫望落都好吸引。一路切既時候已經聞到好香既肉桂蘋果味，味道唔會太甜，蘋果蓉份量足夠多，牛角窩夫食落外脆內軟，相當酥脆，仲配左個雪糕，奶香味十足。人均消費：$350環境：8.5/10食物：7/10服務：8/10性價比：7.5/10整體：7.5/10 日式甜品…Read More

餐廳位於牛頭角商廈入面，唔近市中心，搵到佢都要花點時間。舖頭面積唔大，由一對夫妻主理，老公負責廚房，老婆幫手接待客人。餐廳位置唔多，但當晚去到都坐滿客人。冇富麗堂皇既裝潢，只有簡簡單單既溫馨感。成間餐廳既菜品選擇唔多，但樣樣都好吸引，佢地隔段時間就會轉下menu，等客人可以有其他選擇。Minimum charge - $380+10%/ person《$158 Crab Meat Caesar Salad》蟹肉沙律都幾大碟，生菜食得出好新鮮，咬落脆口，仲有種淡淡既鮮甜味。麵包粒好脆，仲帶有輕微蒜蓉香，蟹肉份量多到好似唔洗錢咁落，客人可以啖啖都食到蟹肉，真係超滿足。配合埋醬汁同巴馬臣芝士碎，每一啖都係完美既配搭。《Sourdough Bread (2 slices)》酸種麵包餐廳送的，配牛油同橄欖油。麵包食起上黎唔會太酸，查左牛油味道岩岩好，唔算係特別好食，但作為餐前都唔錯。《$488 Grilled Steak - 400g》原本仲覺得一份牛扒兩個人食會唔夠飽，到上枱之後先發現我地既擔心好多餘。當晚見到近9成客人都有點呢味菜，牛扒橫切面係好靚既粉紅色，大廚事先已經幫我地切好左一塊塊，方便食用。牛扒外面用只係用簡單既鹽同黑胡椒醃過，唔整花巧野，等客人可以專注品嚐牛肉既肉味。當日食既係medium，火喉控制得岩岩好，入口完全唔會韌，唔怪得枱枱都點黎食啦。《$68 Roasted New Potatoes》呢個烤薯仔可以話全晚最有驚喜，原本諗住係用黎填飽肚既side dishes，點知食左一啖就停唔到口。薯仔本身有醃過，餐廳整到外皮焦脆，入面又軟綿綿，再配埋特調既咖哩蛋黃醬，有好香既咖哩香料味，食完唔會覺得油淋淋，冇膩既感覺，令人一口接一口。《$80 Caramel w/Rice Pudding Ice-cream》焦糖布丁可以選擇栗子蓉，雪糕或水果，因為食完牛扒都已經好飽，就揀左比較清爽既水果啦。今日水果有士多啤梨/蜜甘，我地揀左士多啤梨。一上枱又係排得好靚，忍唔住影左好多相。布丁好有動L既感覺，好軟滑而且奶味好香。士多啤梨就有少少酸，不過都可以接受，食到咁飽再食番少少酸野，用黎解膩就剛剛好啦。整體來說，成間餐廳食物都好高質，每樣野食都feel到廚師好用心既製作，價錢雖然偏貴一點但又未去到不能接受，絕對係我會回訪既小店。人均消費：$450環境：8.5/10食物：9/10服務：9/10性價比：8/10整體：8.5/10 …Read More

社交平台上面都幾多人推薦既小店，主力係做馬來西亞菜，牆身有一隻好大隻既蝦做壁畫，都幾有趣。餐廳係QR code落單，上菜速度都算快。《$73 馬來咖哩慢煮雞胸飯》 ⭐️⭐️⭐️⭐️一上枱就聞到好香咖哩味，雞胸肉上面抹上左厚厚既醬料，食落類似花生/咖哩醬，都幾入味，可惜雞肉太乾，就算點左咖哩食都冇太大改善。馬來咖哩汁係另外分開上，比客人自由控制份量，咖哩汁入面仲有幾舊薯仔附送，薯仔炆得好淋，一咬就爛。飯就質素正常，除此之外，飯仲有跟少量菜同半隻糖心蛋，今次糖心蛋個蛋黃就差少少，唔夠靚仔。，整體黎講仍然係好食。《+$12 馬來咖哩雞肉串(2串)》⭐️⭐️⭐️⭐️$12係跟餐價，雞肉唔會燒到好乾好柴，醬汁花生味都幾重，唔會太咸，仲有少少花生粒係上面增加左口感，性價比都幾高。《$74 蝦肉肉骨麵》⭐️⭐️⭐️⭐️今次呢個係豬骨雞湯底，配油麵。望落雖然平平無奇，但個湯好重胡椒味，就好似飲緊一個胡椒豬肚湯咁。餐廳提供左幾款麵比客人選擇，油麵就正常發揮，份量唔多，男仔可能會唔夠飽，女仔食就剛剛好。麵入面仲配左兩舊好大舊既一字排骨，同切成薄片既蝦仁。排骨煮得好淋，又唔會太肥，唔洗用力咬已經成舊肉甩出黎，蝦仁就普普通通，切到咁薄都談不上有咩口感。人均消費：$80環境：7/10食物：8/10服務：8/10性價比：7.5/10整體：8/10 馬來蝦麵#香港 #美食 #香港美食 #foodie #食評 #蝦麵店 #灣仔美食 #灣仔 #香港 #馬來菜 #肉骨茶 #咖哩飯 #雞胸 #沙嗲 #咖哩雞肉串 #蝦肉肉骨麵…Read More

. 用餐日期: 2024年2月晚餐位於駱駝漆大廈既小店，晚市時間雖然門口冇人排隊，但都坐滿客人。通常加左慢煮兩個字價錢就會好貴，但呢間定價好良心，雖然唔算話好好食，不過經過的話都可以一試。《$52 牛油果沙律》 ⭐️⭐️牛油果沙律都幾大份，大部份都係生菜，只有少量沙律菜，仲切左少少火龍果同蕃茄仔做配色。沙律上面淋左油醋汁，酸酸甜甜幾開胃，牛油果生熟度岩岩好，又唔會太熟一夾就爛。但可惜生菜好唔新鮮，可以見到生菜好多已經開始變黑，雖然可以食用但影響觀感，而且營養都流失左好多。《$78 慢煮牛腹丼》⭐️⭐️⭐️賣相好靚，打卡一流，蛋汁撈埋飯食好好味。牛腹肉煮到粉紅色，好吸引，但食落偏un，冇咩牛味。呢個價錢算係可以接受。《$30 加配鵝肝》⭐️⭐️⭐️⭐️任何主食都可以加錢加配鵝肝，見$30就加左一份過下口癮。鵝肝煎得好香，唔會整到乾哂，冇配任何醬汁配料，一口咬落去油脂味爆出黎，好食。《$103 蜜脆鮮活鰻 - 配喬麥麵》⭐️⭐️⭐️⭐️本身係配飯，轉喬麥麵要加$5。喬麥麵正正常常，蜜脆鮮活鰻就好有驚喜。外皮炸到香脆，咬入口又好軟嫩，冇骨啖啖肉，配上蜜糖汁相當好食。《套餐+$10 加配小食 - 芝士雞翼》⭐️⭐️⭐️雞翼係神奇既物種，點整都唔會難食。芝士雞翼就係普通雞翼上面加左芝士攞去焗，正常冇驚喜，中間有少少唔熟，仲係紅紅地，不過$10/2隻仲想點《套餐+$10 加配小食 - 日式餃子》⭐️⭐️⭐️炸餃子一份有3粒，餡料係普通豬肉餡，細細粒冇配醬汁，都係正常發揮冇特別。《$38 蘋果金寶芝士蛋糕》⭐️⭐️⭐️⭐️芝士蛋糕cream cheese味幾濃，仲有香甜既蘋果味。但唔知係咪整左蛋糕既關係，金寶就冇左香脆既感覺，不過不失。人均消費：$120 環境：8/10食物：7.5/10服務：7.5/10性價比：8.5/10整體：7.5/10 良心小店…Read More

用餐日期: 2024年2月 晚餐位於鰂魚涌既一間人龍小店，舖頭裝潢風格係日式家庭料理風，餐牌仲要係手寫既，更加增添左一絲溫馨感覺。《$79 豬軟骨咖哩烏冬配糖心蛋》 ⭐️⭐️⭐️⭐️⭐️豬軟骨作為舖頭其中一樣signature菜品，當然要試一試啦。上枱賣相好靚，成碗麵五彩繽紛，除左有招牌豬軟骨，仲有椰菜，栗米同糖心蛋，營養均衡。豬軟骨煮得好淋好有膠質，基本上入口唔洗咬就已經溶左，而且非常入味，又唔會太咸，大推！烏冬係稻庭烏冬，扁長形食落好軟滑，撈埋咖哩汁食剛剛好。日式咖哩汁偏甜唔會辣，而且味道濃郁好杰身，非常好食。《$72 軟煮牛肋黑芝麻咖哩飯》⭐️⭐️⭐️⭐️由於落左黑芝麻，所以顏色偏黑。飯係撈左南瓜蓉既調味飯，咖哩膽應該同烏冬用埋同一個，唔辣偏甜味道剛剛好。成個飯仲配左好多野菜，野菜份量多，種類多好多款，唔會煮到淋哂冇咬口，咬落好清爽。牛肋相比起豬軟骨就失色左少少啦，不過都好食，價錢又合理，值得再去既小店。人均消費：$100環境：8/10食物：8.5/10服務：7.5/10性價比：8/10整體：8/10 必食豬軟骨#香港 #美食 #香港美食 #foodie #食評 #坐忘 #鰂魚涌美食 #鰂魚涌 #香港 #咖哩飯 #豬軟骨咖哩烏冬 #糖心蛋 #芝麻咖哩飯 #日式料理 #日式家庭料理…Read More