monsterfish's Profile

下午八時許，難得間野有位咪入囉(試過你就知點解)，純粹諗住食個快。成兩舊水一個人，要杯水，未能提供，要俾錢買水，重好串咁話可以兩個人一支。坐果張枱有個櫃桶放餐具(茶記果隻)，原來係佢地個迷你倉，一餐飯走過嚟開左十次八次攞餐具俾其他客，並無誇大。全場伙計旁若無人高談闊論，對客就鞋口鞋面，已經攞緊錢找數都要急不及待係咁收你枱d野，但係重有一半座位吉既，送客效率奇高。燒鵝既價錢，蔗渣既服務(以性價比而言)，重要學人收加一服務費，說好的服務呢？…Read More

知道筲箕灣華星冰室已隆重開幕, 今早碰巧放假, 便懷着興奮既心情諗住嘆嘆其早餐, 再為大家宣傳推介一下, 誰不知既變作以以下既方式宣傳......今早十點多, 小弟孤身推門進入華星冰室, 店舖外觀感覺不錯, 內裏環境則較其他分店略為遜色, 但座位尚算寬敞, 當時已大半満, 每檯都坐了人, 卡位打對亦然, 但幸好該店卡位極為濶大, 相信就算一邊坐三個都冇問題, 而當時大多卡位都係一邊一個, 相信店員協調一下便成, 誰不知當我繞店一週再返回櫃面前東張西望一番, 歷時至少兩分鐘, 多名坐在櫃面既店員竟然全無招待意識, 木無表情, 兩眼放空, 同時間又有一家三口進入, 他們同樣慘遭被視而不見既命運, 於是我便忍唔住向櫃面疑似負責人問 "究竟安唔安排到位", 佢竟然貫徹始終, 向我望左一眼, 繼續封嘴, 一副彩你都儍既模樣, 我便唯有七竅生煙地離去.........雖然華星都算係薄有名氣, 食物方面係其他分店試過都算唔錯, 尤其佢既招牌炒蛋, 就算早餐價等如人地午餐價都可以不惜光顧, 但係咁既服務態度, 尤其係筲箕灣一個人情味濃厚既地方, 講求老街坊支撐既營商環境, 佢既生存空間真令人有所疑問!8月16日, 事隔一星期再去光顧, 今次終於有位, 忘記上次既不愉快經歷, 試試其招牌炒蛋, 果然見面不如聞名, 質素非常普通, 感覺比主店遜色, 火腿通粉屬三流角色, 奶茶沒茶味亦有欠濃滑, 有驚無喜, 唯一其厚切多士做得不錯, 但在筲箕灣絕對有更平更好既選擇!p.s. 店內嘈雜非常…Read More

同老婆唔知食咩好, 打開銅鑼灣世貿中心個網頁, 見到 "牛涮鍋" 免費任飲優惠卷, 加上一路都有d想食牛肉火鍋, 所以決定一試, 並print左張優惠卷出來!7點未夠去到, 店舖大概半滿, 即時被編排門口第一張(當然唔like啦), 一望入去, 入面大把位, 於是要求坐入面, 在侍應多番猶豫加黑面之下......坐左入面. 時運高, 冇傷肝, 於是將之前print左個張優惠卷出示佢地睇, 但居然話影印本唔接受喎... 反問: "但網頁叫人print(列印)出來喎" 答: "世貿搞錯左"....好, 唔緊要, 咁問佢點可以享受優惠, 原來2樓服務臺有正本任攞, 於是我親自走返落去攞上去俾佢.......(好想知影印本有咩分別)雖然d服務差左d, 但因為心情好, 加上對牛肉火鍋有期待, 將負面野都拋諸腦後, 個自助火鍋吧俾人印象唔錯, d配料幾新鮮, 亦有多款醬汁供選擇, 但當然主菜最重要啦, 叫左個$138豬牛餐, 第一碟一上, 試完後都覺得唔錯, 心想以依個價錢都算物有所值, 唔駛5分鐘第一碟掃光, 當然即時encore, 但原來係惡夢既開始....:( 第二碟, 一望已經有少許唔對路, d牛肉切到好似雞泡魚刺身咁薄, 可以見到碟底.....(好技術....), 重要一d脂肪都冇......(真健康....), 但心裡都重安慰自己: 野食不可以貌相, 可能ok呢, 一入口, 終於知道依個世上係冇奇蹟既......熟左後簡直同牛肉乾冇咩分別, 但係都好食過樹皮既......而且又已經落左撘, 食又36唔食又36, 唯有將d樹皮.....sorry.....係牛肉係咁浸落d醬汁度啃晒第二碟, 唔甘心, 安慰自己可能之後果d冇問題呢, 再叫....第三碟, 一樣.......咁衰.......唔甘心, 再叫....第四碟, 重衰.......倒晒落個鍋, 再叫....如果再唔掂就寫出來公告天下.......最後一碟...............................於是出現以上食評在此忠告各位食野需要三思而後行!!…Read More