apfmn9gqdwww's Profile

今日同朋友搵咗間好有feel嘅Cafe食dinner，環境幾舒服，hea住hea住好chill！我哋兩個人就揀咗個二人餐2 good 2 chill 食白桃芒果茶賣相好靚，白桃同芒果味好清新，甜甜地又帶少少茶香，飲落好refreshing，邊傾計邊飲，成件事好chill！蘑菇湯（是日餐湯）餐湯勁香蘑菇味，好creamy，飲落順滑又暖胃，兩個 tin 裝住好得意，影相打卡都靚，配返啲小食食，開胃一流！柚子蜜糖雞翼雞翼炸到金金亮亮，外皮脆卜卜，柚子蜜糖醬甜甜地帶少少酸，食落juicy又惹味，我地兩個都食到停唔到口😋下次要再叫～（主菜）香煎味噌比目魚呢碟賣相好精緻，比目魚煎到外皮焦香，裡面肉好嫩，醬汁好提味，配菜有一啲薯仔同埋蔬菜，新鮮又脆口！ 平時唔係好食魚嘅我都覺得好好味！黑松露雜菌粗管通粉黑松露味香到暈！雜菌好入味，通粉咬落夠彈牙，creamy 醬汁掛晒喺通粉度，每啖都好濃郁，食完仲想encore！宇治抹茶牛角窩夫呢個甜品收尾一流！抹茶雪糕好濃，牛角窩夫外脆內軟，配埋其他配料，又甜又香，兩個一齊食，甜蜜到爆人均二百幾可以食得飽，環境同食物都好滿意，同朋友傾咗好多計，下次會再嚟呢間食！…Read More

喺荃灣附近同friend想飲下酒食下野，就嚟左呢到食串燒，我哋兩個嗌咗好多！燒雞軟骨同雞腎雞軟骨燒到好香，食落唔會好油，而且脆卜卜好好餸酒！月見免冶雞肉軟骨棒雞肉好嫩滑，連埋啲蛋漿同醬油一齊食味道好豐富，而且最重要係打卡一流！影落超好睇鹽燒牛舌 超大串嘅牛舌，牛肉味超香，食落爽口，加少少鹽已經好好味，我哋兩個食完一串唔夠仲要encore！羊架羶味唔會好重，咬落去啖啖肉之餘會有少少脂肪，所以食落去一啲都唔會韌，而且好貼心咁會用個錫紙包住下便舊骨，拎住食嘅時候都唔會整污糟隻手！吉列炸蠔出邊炸到好脆，入面好多汁水，隻蠔完全冇腥味，配埋啲沙律醬好好食明太子卡邦尼煙肉烏冬嗌咗呢個烏冬諗住攞嚟填飽個肚，但係估唔到超驚喜好好味，篤爆中間隻蛋撈埋個烏冬嘅其他配料同醬，食落去都唔會太鹹太膩，反而覺得好有層次好豐富蘋果酒酒味好足夠，加咗蘋果汁令到飲落去好舒服好順滑，配埋串燒飲一流！焦糖菠蘿食到最後因為已經食咗好多鹹嘢，跟住嗌咗呢個酸酸甜甜嘅焦糖菠蘿，令到成餐冇咁大負擔，啲油膩感即刻冇晒！仲有嗌咗好多其他嘢食不能盡錄，Total兩個人人均300左右，食到超級超級飽，好滿足，我哋兩個都算係食得幾多！…Read More

喺荔枝角D2 Place行完，對面嘅大廈就搵到呢間餐廳，入落去第一眼就覺得環境好好，好適合兩個人嘅約會！香煎虎蝦香辣蝦頭油手工幼意粉虎蝦好新鮮，而且啲蝦全部都已經係剝好殼，食落去超方便，意粉口感好，而且有少少香辣令成個意粉更加惹味！手工紅酒和牛面肉意大利飯意大利飯唔會煮得太腍，硬度適中，最重要係佢個飯嘅汁超好味！牛肉煮得好入味，仲有淡淡嘅紅酒味，唔會超重酒味嗰種。雜莓鮮果法式多士配雪糕多士即整熱辣辣咁樣上碟，一啖熱嘅多士再配一啖凍嘅雪糕，嗰種冷熱交融，令到成個甜品嘅口感味道完全昇華😚😋士多啤梨香蕉燕麥酸奶昔 過到嚟真係點都要嗌呢杯奶昔試一試！士多啤梨同香蕉味互相好夾，飲落去好順口，但真係好surprise咁好飲！人均250 ，唔會好貴，呢個環境呢個質素值得嚟！…Read More

喺沙田新城市廣場三期行街嘅時候，見到呢間嘢喺正中間，而且招牌寫明係米芝蓮推介就好想試吓！ 我哋叫咗一個天天海南雞中份,本身係冇飯的！留意返要自己另外加飯。海南雞雞肉嫩滑，肉質細膩，汁水好足，淡淡米香嘅雞油飯粒粒分明，再配埋酸辣開胃的醬，好夾！😋😋跟住叫咗一個喇沙海鮮小火鍋，湯底好香濃，就咁飲個湯都唔會覺得好膩，海鮮好新鮮，特別係隻蝦超多蝦膏！豆卜好索汁，食完之後仲可以諗埋啲粉絲，唔驚食唔飽！最後就係恐龍美祿，朱古力味超香濃，真係超驚喜！美祿豆腐花豆味好夠，豆腐花夠滑，之前未試過配埋美祿粉，但食落去比想像中夾好多～人均250左右食得飽！…Read More

口痕好想食啲高質日本嘢，見到呢間食鐵板燒睇落好高級就同女朋友嚟食！😋上到嚟首先係個環境已經勁吸引我，我哋坐喺師傅面前嘅bar位,可以一直望住鐵板燒師傅整嘢食，後面仲有好靚嘅海景，氛圍感滿分！我哋兩個都嗌咗個特選和牛套餐，total有成10樣嘢！鮑魚彈牙，但係又唔會韌，再加上佢哋自己條配嘅鮑魚汁，每一啖都係一個享受～刺身非常新鮮！而且估唔到黑松露汁會同魚生咁夾～師傅會將啲食材俾我哋望一次先！金鎗魚腩手卷最下面嗰層係魚餅，上面係有鹽花，可以調味得來又唔會太鹹，就咁食就可以，同吞拿魚腩非常夾，唔會掩蓋佢原本嘅味道~海鮮茶碗蒸上面有一層蟹肉醬，超級滑嫩，入邊有菇同埋其他海鮮!季節吸物呢次係海帶蜆湯，好清甜開胃，為接下來嘅主菜做準備😋野生生猛龍蝦龍蝦係你面前現捉，絕對新鮮，師傅會先將啲蟹膏拎出嚟調味，然後將調個味嘅蝦膏覆蓋住每一粒蝦肉，龍蝦食起上嚟好彈牙。香煎鵝肝伴自家製醬汁鵝肝煎得酥軟，好重油脂，入口即溶，配嘅無花果醬同麵包融合得很好，最後會有粒黑豆俾我哋refresh一下，佢好似水果咁甜甜地。跟住就到重頭戲宮崎和牛😭我地叫咗medium，和牛牛味好重得嚟，油脂超香，入口即溶，仲要擺盤超靚打卡一流，依家望住張相都好想再食多次😣最後就係一個炒飯同甜品俾我哋填番飽個肚，每一道菜嘅份量都唔會話好多，但係去到最後真係食得好飽好飽！人均1000，但呢個體驗真係絕對值得，特別係有咩節日要慶祝嘅時候帶另一半嚟，一定會令佢失望，而且下晝嗰啲套餐都只係$300-400 就可以食到咁正嘅鐵板燒，真係好推薦！…Read More

咁啱喺荃灣附近，想食辣嘢就嚟到呢間餐廳，入到嚟叫嘢食嘅時候可以揀BB辣小辣中辣或者大辣，本身其實我哋都唔算係好食得辣，諗住叫小辣，但好彩老闆娘提醒BB辣已經好辣😂 （事實上對我哋嚟講BB辣真係已經好辣！）我哋叫咗個酸菜魚，最驚喜係真係好多魚，，肉質鮮嫩，啲魚勁滑！湯底好香飲落唔會好鹹，而且我哋自己再加咗啲薯粉入去，撈埋啲湯汁食真係超正！而且辣得好過癮！一碗份量超多夫妻肺片一直覺得呢個餸真係好開胃，而且呢度都整得好好，因為夫妻肺片係冷食，最重要係嗰啲汁超香，同夫妻肺片超夾，就連隔離嘅青瓜都好好味，清爽得嚟配埋啲汁又好味！手撕包菜最驚喜嘅一道菜！啲菜好新鮮，少少辣好惹味，食完啲辣嘢食個菜又唔會覺得負擔好大，換吓口味，又可以食多一輪！整體嚟講，呢間真係超適合食得辣嘅人，而且佢嘅辣係辣得好惹味嗰種，下次會再同啲friend嚟食多次！人均唔使200！…Read More

同friend喺Times Square行完，肚餓想即刻食嘢就喺附近搵咗呢間Cafe～ 見OpenRice好評都好好就想去試吓！前菜係蒜蓉包配洋蔥湯好食嘅蒜蓉包一定要脆卜卜同好夠蒜香味，呢度嘅蒜蓉包完全做到！而且連埋好清新嘅洋蔥湯一齊蘸湯食一流！洋蔥湯煮到飲落暖笠笠，簡簡單單已經好好味 意大利蕃茄乾青醬雞肉意粉青醬味濃但唔會太漏，意粉軟硬適中。雞肉煎得好嫩，番茄乾酸酸哋吊味，酸酸甜甜嘅味好開胃，一啖一啖好快食晒😋 海岸豬肉梅扒豬扒厚身有咬口，啲邊位煎到少少脆咁，醬酸酸甜甜，食落會無咁滯～配菜薯蓉夠滑，加埋烤雜菜，分量夠飽肚！凍特濃朱古力朱古力味超濃，飲落似食緊溶咗嘅黑朱古力，甜度剛好，加冰飲冇咁膩！ 青檸薄荷梳打薄荷葉同青檸撈埋一齊好清新，酸味突出，甜度低似有少少氣嘅檸水。解膩一流，尤其襯返濃味主菜～人均二百幾唔會好貴，一個休閒想食Cafe嘅好選擇！…Read More

前嗰排去完韓國之後一直好想食返啲韓國嘢😋 想搵見到呢間嘢好近旺角地鐵站，同埋係真係韓國人煮，而且全部嘢食都係自製唔係預製！ 覺得好吸引就同女朋友去食～Charcoal Pork Belly Tteok-bokki呢個同我喺韓國食嘅真係差唔多，側邊有一啲紫菜飯，腸仔同泡菜，同埋最重要嘅芝士！啲芝士撈埋五花肉或者炸雞薯條，超邪惡，超級好食！中間嘅五花肉年糕白菜睇落去以為好鹹，但係其實調味都唔會好重，食落去啱啱好，係超正宗嘅味！Half Size Chicken炸雞炸得超脆，入面好多汁，雞肉都好嫩，而且啲薯條薯格都炸得好脆，自製新鮮嘅果然好味！好耐冇食到啲咁好味嘅炸雞🤤而且佢俾咗好多醬去配，唔驚會食到好悶，如果覺得啲醬唔夠，仲可以撈埋啱啱嘅芝士食，真係好正！BEEF BULGOGI FRIED RICE牛肉飯係最驚喜，牛肉味好重，而且用左一啲辣椒炒，好惹味好香，撈埋個太陽蛋食一流！人均二百幾喺香港可以搵返韓國嗰種風味😭 算係唔貴！仲要真係好好食，值得encore！…Read More

行街見到呢間好多人講嘅燒肉店，就去咗試吓！入嚟環境好好，座位都好闊落。我哋嗌咗一個雙人餐，一入到去就會上好多前菜，有生菜可以俾你包住牛肉食，亦有啲沙律薯仔等等，可以俾你開咗個味蕾先🤤牛肉海帶湯海帶味超重，飲落去好舒服唔會太鹹，食完燒肉可以攞嚟解膩。份量好多，大概有4-5碗！白蘑菇香口多汁，配埋牛肉食一流！特色蝦肉腸平時冇食過呢一種腸，一開始係軟腍腍，但係燒完就會變到脆卜卜，食落超級多汁，勁香，反而呢個腸真係估唔到咁好食！香翁鳳梨牛扒擺盤好靚，雖然牛扒相對會韌身少少，但係換來嘅係更濃嘅牛味，而且隔離仲會有原塊嘅菠蘿俾你燒嚟配住食，菠蘿嘅甜味同牛扒相容～老太太特色肥牛/瘦牛呢兩隻都係相對薄切嘅牛，所以食落去更加有種入口即溶嘅感覺，我自己就最鍾意食呢兩隻，加埋本身條配好嘅芝麻醬，值得encore！冰糖山楂本身自己唔係好鍾意食好甜嘅嘢，但係呢個冰糖山楂食落去真係冇想像中咁甜，都幾有驚喜的！總括嚟講價錢絕對對得上個質素，同價位嘅燒肉嚟比真係好高質😋…Read More

喺見到open rice見到有折，睇落去價錢好吸引，就同朋友去試下食！ 前菜係洋蔥湯浸芝士蒜蓉包，湯底濃郁香甜，仲有少少酸甜嘅味道，慢煮嘅洋蔥有少少焦香，芝士融咗之後奶味十足，蒜蓉包浸落湯食，口感好特別超滿足，作為前菜好開胃！另外一款前菜係蒜蓉蝦，蝦肉彈牙鮮甜，蒜粒同牛油橄欖油提鮮唔膩，吊起蝦嘅鮮味，而且已經起好個殼，好容易就食到，唔使整污糟手，簡直係方便又好味！第一個主食係鴨腿配薯仔，鴨腿皮脆肉嫩，一咬就脫骨，充滿油香。薯仔外層煎到焦脆，裏面就係綿密嘅質感，吸滿鴨油香氣，讚。之後係鮮帶子番茄意粉，帶子超大粒，份量足，中心軟嫩鮮甜。番茄酸甜清爽，有新鮮同風乾番茄嘅層次，意粉彈牙唔軟爛，好夾。最後甜品係朱古力心太軟！切開即刻流晒濃郁巧克力漿，甜入心。熱蛋糕配朱古力雪糕，冷熱反差超療癒，朱古力控必點。…Read More

喺旺角行街嘅時候，見到呢間主打一人燒肉，就入咗去試吓！我哋叫咗一個日和極上盛盒套餐同smile 盛盒套餐每個盛盒都有好多唔同種肉同海鮮。因為佢哋全部都係用冷藏肉，所以食落更鮮甜軟嫩同多汁😋如果叫日和極上盛盒，仲會有A5和牛食！真係冇得頂，脂肪同肉嘅分布比例超級好，入口即溶，仲要超有牛味！海鮮會有魚扒同蝦，蝦好新鮮彈牙，個魚扒燒完之後超香，平時唔係好食魚嘅我都覺得好好食！其他side Dish包埋喺套餐入邊！蔥花玉子飯呢個飯有超多蔥花，個玉子有調過味，好滿足！佢配燒肉盛合好適合，唔會太搶味，享受到燒肉同埋海鮮原本嘅味。韓式雪濃牛骨湯湯底濃郁，恰到好處，適合用嚟解膩！焦糖布蕾/奶酪兩款都試咗，焦糖布蕾適合鍾意食好甜嘅人，奶酪甜度會適合啲，佢有幾隻味可以選擇，我哋揀咗芒果，佢就一碗糖水，有布丁、椰果等配料增加口感。飲品都有好多選擇，我哋揀咗濃香奶茶同鳳梨冰茶，佢好似手搖咁大杯，推廣鳳梨冰茶，真係飲到鳳梨味。呢度唔使加錢仲有沙律/韓式小菜半自助放題，攞啲生菜夾住牛肉食真係超級夾～如果自己一個人嚟食，最平最平嘅套餐只係$58，得閒想食燒肉呢間真係好啱…Read More

情人節想去食餐好嘅，見到呢間OpenRice評價都唔錯就去左試試～環境唔錯，係適合約會嘅地方，我哋坐吧枱 前面係open kitchen ，見到廚房都好乾淨。炭燒美國10安士USDA頂級安格斯西冷牛扒一上到嚟就可以好明顯見到西冷上面一條條嘅炭燒紋路，賣相好好，而且真係超級大陣炭燒嘅香味，未食已經可以feel到好好食。我地叫左medium，切開見到微微嘅粉紅色，火候掌握得唔錯。西冷相比肉眼食落牛味會重啲，有咬口多啲，有啲唔好嘅西冷食落去就會覺得好韌，但呢塊有少少脂肪喺塊牛扒裏面，所以食落就完全唔覺好韌，呢個質素嚟講價錢唔貴！隔離配咗一個薯蓉，薯蓉非常之Creamy，食少少薯蓉可以解食牛嘅油膩感，同個牛扒超級夾！牛肝菌蘑菇意大利飯意大利飯要有嘅特質佢都有齊晒，夠黏稠，食落超creamy，好重蘑菇味，香氣十足，會忍唔住一啖一啖咁食，超級好食呢！兩個人食一個飯加一塊牛扒已經好夠飽。呢間餐廳好適合約會，唯一要注意嘅係個服務員好似淨係聽得明英文，不過先用簡單嘅英文溝通就OK！…Read More

今日同朋友聚會見到成間餐廳都充滿日式風格，就入咗去呢間試試。因為佢係現點現做的，所以多人嘅時候要等20至30分鐘。稻庭烏冬可以選擇溫定係冷，咁我就揀咗溫嘅。佢有一個盒比你揀配料，可以落蔥、海帶、溫泉蛋等等。烏冬好爽滑，連同啲配料一齊食，口感會豐富啲，唔會好dry，佢仲可以同迷你天丼一齊嗌，如果有帶小朋友嘅話就可以好似我哋咁樣齋嗌。天丼每一個丼都會附送埋麵豉湯同埋漬物（酸蘿蔔同薑），點單嘅時候可以選擇分汁或者唔分汁，我哋就揀咗唔分汁，醬汁好夠，飯同上面嘅天婦羅都覆蓋到。呢款係最基本嘅丼，有標配會有海老、帆立貝魷魚餅、菇菌、荷蘭豆、海苔同埋溫泉蛋。篤穿個溫泉蛋同啱啱嘅醬汁撈飯食一流👍🏻👍🏻 所有嘅天婦羅佢都唔會炸得好油膩，份量男女食都食得飽。軟殼蟹天丼基本上其他嘅丼飯都係喺啱啱嘅基礎上有唔同嘅天婦羅，呢個就係冇咗菇菌，多咗軟殼蟹，可以見到蟹膏，喺炸軟殼蟹嚟講都above average，但佢比天丼貴$60，cp值就冇咁高。…Read More

口痕想食啲好味嘅燒肉，喺OpenRice見到呢間燒肉店有五折優惠，所以即刻就搵朋友一齊試吓～生牛肉石鍋飯一上到嚟已經見到賣相好好，牛肉同隻蛋係全生的，但因為個鍋好夠熱，連埋啲醬撈撈下啲牛肉同蛋都會慢慢變熟，下面仲有啲飯焦啲，食落去口感口感好豐富，超好味，五折完仲要先$50左右！香蔥薄切牛舌 牛舌肉質好好，食落彈牙，連埋啲蔥一齊燒會變得好香，點少少鹽食滿分😆極上網燒一口牛有咬口好多，啖啖爆汁，雖然要咬耐啲，但呢隻我覺得係最好食，因為佢牛味會重好多28cm壺漬牛肋骨肉好少見到成條咁長嘅肉直接上，隔離會俾埋把鉸剪你方便你剪啲肉，醃製嘅醬汁同個牛好夾，好味！…Read More

壽司郎真係無論幾時都咁多人排隊，咁啱中五點幾行過嘅時候見到竟然冇咩人就即刻入去食一食。三文魚腩壽司中規中矩，正正常常嘅發揮，食得出新鮮同冇腥味的。鵝肝壽司，呢排想去食壽司郎好大程度就係為咗佢！ $17等於質素算係好好，食落就好似油脂一樣入口即溶，好好味！壽喜燒壽司，呢個都係每次去壽司郎必點😭 真係覺得個牛肉嘅調味好香，牛肉食落去又唔會好韌，而且仲要只係$12一碟，超級抵食！芝士三文魚壽司，加咗啲芝士食落去層次會豐富好多，作為芝士愛好者，呢個我都覺得好好食！軟雪糕，大家真係可以試吓加啲豉油落去食，食落去有種好似食緊焦糖雪糕嘅感覺，加抹茶粉就可以食到抹茶雪糕嘅feel！食壽司郎，如果唔使排隊都係幾幸福嘅事，但係如果為咗食壽司郎要排一兩個鐘隊就見人見智了…Read More