隱形人's Profile

去完旅行好掛住港式食物，就去左樂樂食焗豬扒飯。樂樂嘅焗豬扒飯口味同連鎖店完全唔同，輕盈又健康好多，唔會好油膩好滯。我估無咩味精、茄膏嗰D，食完唔會好口渴。侍應介紹加D TABASCO落去食，又好夾喎。佢地嘅侍應勁NICE，見到啲UNCLE AUNTIE（應該都係常客）同啲侍應都有講有笑，成個氣氛好好，坐得好舒服。值得再ENCORE，支持下本地小店。…Read More

未食過咁差嘅甜品店1. 開心果冰，完全無味，$118嘅冰面頭無醬，入面亦無餡，底下有D無味唔知麻薯定奶凍嘅物體，圖一圖二係實圖，圖三係其他人相。唔知係我地唔好彩，但絕對反映佢出品水準唔穩定。2. 心太軟： 食落似預製食品，仲差過超市買返去自己焗3. 蘋果金寶：人生第一次食會出水嘅蘋果金寶，睇相就知出事。另外，店員上錯兩次唔係我地叫嘅甜品比我地，講返比佢聽仲黑我地面，簡直莫名其妙。非常差勁嘅體驗。最後同朋友每人食咗幾啖，真係頂唔順，冇食完就畀錢走人。…Read More

我諗黎得呢到，大家都係對其裝潢抱著很大的期滿，放心，這裡絕不會讓你失望。可是食品方面，我覺得只有一般的水準。１）古法肉醬意粉：　　比平日的多了芝士，不過味道略淡，在Cafe來說尚可吧２）薯仔菠蘿沙拉：　　友人唔鍾意菠蘿同提子乾，但卻是我的至愛，夠甜（因為係罐頭？）３）薯仔鴨胸沙拉：　　呢個沙拉係咸的，味道唔錯（友人始終唔接受我甜的沙拉）４）黑松露菌意粉Pizza：　　口感幾特別，味道OK５）雞脾意粉：　　又係偏淡，但ok，雞肉都可以６）Charlie Cheese Cake：　　好好食，好靚，有四層７）Mocha：　　好好飲，好滑好濃８）芝士杯：　　好好食（友人試的）我想在這裡，環境絕對比食品來得驚喜，讓人難忘。笑臉某程度上是獻給花生漫畫和那份淡淡的情懷。…Read More

試左個凍豆腐(外賣) ,確係好香豆味,糖又有薑味,不過食完冇咩特別大感受,未去到有驚喜同值得山長水遠去食的地步另外聽友人講,魚蛋, 燒賣等小食味道尚可,不過我冇買順帶一提,大家應該清楚o個到環境同衛生麻麻,又熱又多蚊,大家要有心理準備Overall,我認為未試過的去南丫島時可順便一試:)…Read More

與友人黎呢到慶祝生日，４人叫左一個Set dinner＋２個意粉＋１個主菜：１）傳統羅馬羊奶芝士意粉：全晚最好食，好香，奶味好濃，一定要食２）煙肉三文魚籚筍扁意粉：同之前的意粉味道好夾，都好好食，but都係之前o個個好食ｄ３）唔記得名（炸豬排入面有芝士有菠菜）：友人大讚，好大件，食完會好飽４）Set Dinner：沙律：吞拿魚＋生菜－－＞我唔鍾意天使麵：好好食，不過冇人鍾意食蠔，蠔同芝士唔係好夾巧克力慕思：正，好濃朱古力味熱朱古力：友人大讚，叫佢比多少少奶加入去更一流我覺得佢呢到的芝士意粉類同甜品較好食，服務生好快會幫你收碟，但大家要留意切餅費要＄100，仲貴過我地o係帝都買的cake，可能係因為友人生日，心情好好，大家都幾滿意，但認同咁的貨色o係差唔多high class d的餐廳算係好普通，可一試，但唔會再試。…Read More

星期六6:45去到，要張十人檯，馬上就有位，雖然得我一個，但佢都肯比我坐住先。o係半小時內張空檯得我一個，但佢都冇催我幾時齊人，仲好好服務，係咁幫我加水。不過我叫佢攞張BB椅，叫左３次先有。值得讚的係當我另一個大d的侄女見到嘈住要時，個女侍應好醒咁主動攞多張BB椅。7:15終於齊人，９個大人＋１個小孩＋１個baby叫左６菜１湯＋７個飯＋２個地瓜粥：１）大燉湯：o岩o岩好裝夠１１碗，仲附上一大碟湯渣點醬油，　　　　　　個湯好好飲，好夠味，唔係好味精，　　　　　　雖然冇人食湯渣（因為太多菜），但我食佐一舊點醬油，　　　　　　都ｏｋ，唔會太乾，　　　　　　不過湯渣始終冇其他野咁好食。２）梅菜扣肉：必食推介，層肥膏食落一ｄ都唔膩，似豬手外面o個層，　　　　　　　好入味，送飯一流，梅菜都好好食！我見差唔多每檯都有一碟。３）紅燒楠仔鱔肉：好入味，楠肉又係一ｄ都唔膩，正！４）花膠絲什菜煲：都唔錯，有小棠菜，娃娃菜等，湯汁似住家feel的滾小棠菜湯。５）客家豆腐：我屋企人話好食，較清淡，我覺得呢碟應該早ｄ上，　　　　　　　食完其他濃味野再食，顯得略淡。６）咸鮮水晶雞：ok but有少少咸，不過佢都講明係咸鮮，送粥應該好掂。７）避風塘炒肉蟹：味道尚可，肉質完全唔得，我覺得係是夜的一大敗筆。８）飯＋粥：飯受歡迎ｄ，粥份量都幾多１０個人６菜１湯，都剩不少菜，可見其份量都唔少，不過因為係客家菜，味道偏濃，鍾意清淡的未必滿意（我全家都好滿意）。全餐只要＄５４０，我覺得散叫比套餐抵，你望到menu就會明。服務態度都唔錯，係有時要叫多兩聲先過黎。仲有o個到都幾嘈。總括而言，我覺得客家好棧值得再去＆推介。…Read More

我試左佢的鮮蝦雲吞麵，$19學生餐有野飲，味道尚可，不過可能係我不嬲都唔鍾意食幼麵姐，我覺得o個5粒雲吞水準就好好，都幾大粒同鮮味。另外，我覺得佢地服務態度好好，次次去d人都問我有咩需要，仲會幫我搵位同攞餐。整體來說，亦真係唔錯。…Read More

先不論味道，只談其服務態度。實在太差勁了，我只不過詢問大量訂購凍餅有否折扣和送貨服務，就得來惡言相對。你不知道就該問知道的，沒有折扣就罷，竟然還以不屑的態度說不滿$500不會送貨。今時今日咁的服務態度點得架。…Read More