約左朋友星期二放工到油麻地呢間新開既石燒牛試吓。由於知道佢舖面不太，專登約早少少7點鐘就去到，剛好在人潮之前入到去。食物方便有8款牛，一款豬。叫任何野都可以去沙律菜、飯、麵鼓湯。一行五人揀左3款野 (有兩人相同)，牛膈肌，安格斯肉眼，A5和牛。揀完，用部好有日本味道既售賣機買左野食同野飲先入去坐。環境有少少現代工業風，坐位與其他同類型舖都係一排排，所以都預食完就走果種。坐位都算闊落，枱底有勾掛袋，果日我著白衫，驚油彈到，果度都有圍裙可以拎黎用。算係細心。食之前，我就拎左啲麵鼓湯同菜黎食，我係麵鼓湯愛好者，覺得呢個麵鼓湯算係幾好。而因為我唔喜歡食太油，我揀既係牛膈肌，不過都同朋友交換左啲肉眼同和牛嚟試既。牛膈肌就有種啖啖肉，有肉味，帶鮮甜，落埋岩鹽就會更惹味。塊石板温度剛好，唔會一上到黎就整熟晒件牛，可以按自己喜好去控制。和牛雖然唔係我杯茶，不過入口即溶，果股油香係好濃。肉眼夠稔，夠肉味。如果三樣入面揀，我最後都係會揀牛膈肌，因為口感同肉味好平衡，係我鐘意果種。我個人不喜歡食太油就選左牛膈肌，因為果日好餓，揀左300G，絕對足秤。…Read More
