Coiyee's Profile

已經第三次光顧呢間小店, 午市套餐由$50-$120不等, 不過份量好足料。今次因為有同事請, 上次食過真係好好味, 所以再試多次吞拿魚 吞拿魚魚生飯其實午市套餐唔只得個飯, 有麵豉湯, 胡麻醬沙律, 蒸蛋同甜品跟埋, 共$73 無加一服務費。以$73價錢, 其實真係算抵食, 因為免治吞拿魚好新鮮, 反而我嚴飯少過吞拿魚, 加上蔥絲, 三文魚籽同鶉春蛋, 食落好似多幾重口感, 真係唔錯 另外蒸蛋都非常滑, 係甜品食左幾之都未知個埋白色啫喱狀係咩味, 推介鍾意食魚生既人可以試下。午餐仲有其他熟食既, 牛肉卷, 牛肉鍋, 拉麵, 壽司或者烏冬, 鍋物既份量幾多, 如果細食既真係考慮下至好叫。…Read More

其實我都幾鍾意食Macaron, 無論去到歐洲定本港新店都有朝聖過, 但並唔係款味道都岩我, 我偏愛朱古力, 芝麻, 咖啡, 因為水果味好似略帶酸, 唔係我口味。不過我一直有心想學整, 鍾意食自然想去學整, 不過我知香港唔太多地方有得學, Coup Kitchen一直我都有去學開, 亦係VIP, 地方係天后, 比較遠.. 但如果口碑好, 就唔係問題喇。記得好耐前係由網上睇邊度學蛋糕而搵到Coup Kitchen, 膽粗粗一個人為左男友生日而去學做蛋糕, 網上見既蛋糕款的確吸引, 最後落手做都竟然達到七八成效果, 唔講以為係買事實每次熱捧既蛋糕都好快Full, Macaron當然唔例外, 所以一等到出新課程就打去報名, 報左我喜愛既味道"Coffee and Green Tea Macaron", 每樣有十粒。今次我帶左身邊既人同我一齊做, 感覺上材料其實好多, 但唔係難買既材料, 係過程方面好似要少少技巧因為焗爐溫度變化好影響Macaron個餅既"裙邊", 亞Sir話做得好至會有靚既"裙邊", 其實個過程都有d難掌握, 所以真係要再上堂, 希望下次有我鍾意既朱古力味道喇。味道方面咖啡味比綠茶好, 配上咖啡碎粒, 外型上都較討好, 食落更有口感, 加上外脆內軟, 不過我覺得略甜少少, 下次可以減少糖既份量, 綠茶味道濃, 但感覺有點"喼"口, 所以我個人較愛咖啡味道。綠茶味製作中咖啡味製作中加上咖啡粒, 風乾一陣就入爐完成喇, 雖然形狀未太理想, 但都見得下人架。…Read More

男友突然想食麻辣鍋, 即興既野真係好難搵, 本身搵個間又要八點鐘交檯, 個半鐘邊會盡興.. 再搵到呢間"滾得棧" 難得話可以任打, 就即刻放工飛車去,見門口有得代客泊車, 不過最後唔放心都係泊返對面停車場。時間尚早, 只見到兩檯人打緊, 我地一坐底就即叫個麻辣鍋, 而我要個清湯, 因為怕太刺激麻。食物價錢都中上價, 唔算平, 不過某D食物有得雙併, 岩晒我地兩個人, 湯底算OK, 唔太辣, 但唔夠濃, 反而我唔小心食到一粒野麻到成條脷都痺晒。清湯真係好清, 食物方面都算新鮮, 正常份量, 唯一菜既份量都幾多。最欣賞係蝦膠, 因為拎到黎我仲望到一隻隻蝦, 心諗以為連蝦都未打成膠就上碟, 但食落就知原因喇 原來未打成膠既蝦係咁爽口彈牙架, 真係必食。…Read More

原來位處於Hotel Icon 28/F 頂樓, 唔怪得叫"天外天", 因為之前中毒事件而得到回贈Coupon, 見期限將至唔好晒左佢。食之前當然要望一望食評推介, 見"紅蟳米糕"好似幾特別, 即管叫黎試下環境同景色的確唔錯, 如果坐近窗會更好, 服務都算ok, 不斷幫你斟茶, 但感覺未夠殷勤親切。嚮螺湯$198 供兩人用, 味道跟平日自家煲的差不多, 但原來精粹在於湯料, 湯味道都算濃, 但難得湯料中既龍眼肉仲帶甜, 螺肉切開薄片, 入口都較軟同林, 肉粒原來仲好嫩滑, 因為平日煲完既湯料多數都會棄置一邊, 但今次我竟然都會欣賞。紅蟳米糕$560 供四人用原來一直想試既糯米蒸蟹係4人份量, 不過一心黎到都係為試呢道菜, 兩個人都照食。因為價錢係浮動, 蟹既大小都會唔同, 但呢款已經係最細。飯的確食唔晒, 預左打包, 糯米飯加上蟹羔, 好香, 不過好流, 食少少都已經飽飽地.......但味道咸左少少, 其實以呢個價錢, 我覺得唔太值, 不過份量的確有3-4人。桂花燉雪梨甜中帶點桂花味, 不過雪梨煲到無晒味, 所以飲糖水就夠了。…Read More

裝修左成個幾兩個月既分店終於開左, 今日lunch時間決定同同事去朝下聖 XO醬蝦球撈麵 ($50)入得黎翠華都預左貴, 就豪一次叫個蝦球撈麵, 五粒爽滑彈牙既蝦球佈滿過百粒蝦籽加上翠綠林甜既菜芯一條, 配有小辣既XO醬及蔥花上湯, 份量唔算多。um.....蝦球事實係幾彈牙爽口, 仲食到好香既蝦籽咪道, 好食! 撈麵質地只屬普通, 唔太爽口, 有點"林", 但勝在有XO醬加上湯, 幫佢加返少少分。因為呢款唔係午餐, 每日只有一款午時套餐供應, 所以野飲係另計, 叫左個凍飲, 埋計食左$66了 以一個lunch食個茶記都算幾貴。…Read More

聽聞華姐清湯腩好食, 剛好係附近上完烹飪班, 就黎試下。牛筋河牛筋唔錯, 可惜湯太清, 可能不含味精, 比較淡口。金錢肚河金錢肚幾林啊, 唔韌唔硬, 真係幾好味。係湯底太清, 有點似清水....比較淡口, 而因為河粉本身無味道, 最好每一口都用匙羹加幾條河粉連清湯一起品嚐會好一點。清湯蘿白見個個都叫蘿白, 我亦都點左一碗, 但發覺淡而無味, 又無乜甜味 比期待既味道差一點點。或者是華姐人流太多, 未入夠清湯味就上碟喇。…Read More

冬意漸濃，又是蛇羹既時候，上回路過蛇王芬無時間光臨，今次放工後專誠搭多兩個站來慢慢食。大概七點，原來已經滿座, 唯有在門口守候。蛇羹蛇羹一碗要八十五蚊, 跟吃飯的碗差不多, 味道也沒有多大的特別，有點不值。羊肉煲仔飯羊肉煲就食得多，但羊肉煲仔飯都是鮮有所聞，不過羊肉肉身可能焗得太耐, 有點韌。反觀鴨膶比較出色，一向較喜歡膶多過臘既我, 呢度既鴨膶味道較濃，較有肉味。綠豆沙糖水只得綠豆沙，但味道比較淡， 顏色好像跟平日的不同，本人不太建議點呢一款，因為這裡不是吃糖水的地方。…Read More

半個月黎第二次食自助餐, 不過今次係有目的去Yamm食一個慶祝晚餐, 真係心同身都要滿足多一次。男友預早訂左位, 等我放工行十分鐘就有得食 6:25就到左, 原來Buffet已經開始....好高既樓底即開生蠔每隻生蠔都係即叫即開, 保持新鮮, 淡淡海水味, 雖然肉唔夠大, 但入口新鮮而淡中帶甜, 已經愈黎愈少Buffet有得食蠔, 即開既更加少。冷盤龍蝦堆除左係帝苑酒店見過龍蝦堆之外, 去到Yamm原來都有, 花好多時間去堆起過百隻既龍蝦, 夾龍蝦個時都要小心翼翼, 但見到呢堆龍蝦又感覺份外開心, 因為真係好吸引 龍蝦埋隔離有長腳蟹, 我食左兩轉其實兩樣都好味, 長腳蟹有咸味得黎又唔太咸, 但原來加上左手面既白色沙律醬食同少計檸檬汁真係更出色臭而濃既芝士群難得有咁多款芝士, 係我未見過buffet都會有咁多, 我最後都係簡返至愛既GRUYERE同EMMENTAL, 比較易入口, 配上沙律同意大利火腿真係一流。挑戰一分鐘疊起既法國甜餅係巴黎食過LADUREE, 估唔到係Yamm食到既味道同口感竟然可以比美。…Read More

週末日子係屯門好難搵到唔使等既餐廳, 周圍人頭湧湧, 最後跟男友選擇左食多次蛋包飯其實上次我同屋企人都食過一次, 好流但都算好味既, 今次男友叫左個牛肉蛋包飯。牛肉蛋包飯同Menu既賣相差好遠, 但味道都OK, 係唔明白點解好"流", 食少少已經膩住個口。另外叫左杯牛奶咖啡, 但忘記影相, 水溫唔太夠熱, 同埋咖啡豆好似烘燶了少許, 有點燶味。富良野薰衣草法式多士賣相幾靚, 仲有一粒粒薰衣草係碟面, 好似帶我返去富良野一樣, 回憶返薰衣草田既味道, 可能一直覺得薰衣草只係用作香料用,男友試左一啖, 就如同我之前講既一樣: 好似食緊香精落口, 不過我接受到既, 但只係一粒粒既薰衣草食落有d苦味, 最好唔好連同多士一係食, 而多士未夠脆口同新鮮, 可以再炸耐少許同襯熱上檯會更好。…Read More

公司附近新開左呢間富士山拉麵, 已經係呢個黎第二次光顧,因為沾拉麵比較少食, 同埋我鍾意食粗拉麵, 所以今次都係叫返沾拉麵見到店長每次都落手落腳招呼, 笑容真係100分耶, 唔客氣叫左個最貴既鮮甜櫻蝦沾麵及同事叫左既鮮甜櫻蝦拉麵鮮甜櫻蝦拉麵鮮甜櫻蝦沾麵經上次同事講過塊豚肉要厚返少少, 今次師父的確加厚左, 雪凍既流心蛋好好味呢間舖奇怪在叫沾麵既麵係比拉麵粗, 應該話拉麵比較幼, 沾麵係平日食既正常Size.. 但聽聞粗幼都可以落單時要求。湯跟上有點唔同, 上次我食濃湯, 真係好濃味, 今次係鮮甜櫻蝦湯, 湯濃而帶點蝦味, 我比較欣賞個湯底多過個麵。因為沾麵關係, 所以湯一定要夠熱, 為左保持溫度, 都有安排有個電磁爐係旁邊方便加熱返, 好細心。唯一係價錢上都比較貴, 差不多要90蚊一碗, 其他野飲係另計, 可樂都要10蚊, 對於只係返工食晏黎講同比較附近既拉麵店都比較貴少少。…Read More

適逢重陽節假期, 特意跟男友駕車黎小白鷺餐廳食個午飯, 因為佢話晏晝黎睇個環境好一點, 夜晚因為太黑, 只能夠黎餐廳食野, 唔可以周圍行。預左假期好多人, 等左廿分鐘至有位, 原來只有Lunch Set叫, 但都算貴, 每個Set都要百六蚊起,甜椒味牛仔骨六成熟牛仔骨, 有兩大塊牛仔骨, 份量都足夠, 肉質多汁唔乾, 亦唔多筋, 甜椒汁有少於辣但味道唔錯。蒜蓉汁肉眼扒雖然我只要四成熟, 但最後都出左六成熟, 我都明白四成係幾難控制, 不過六成熟既肉眼扒都唔錯, 起碼唔乾唔硬, 我好怕熟之後會鞋同太韌, 肉質鬆軟, 還有少少血水..正 薯條都還算新鮮, 但我反而欣賞係伴碟上既溫室菜苗.. 不過以價錢略貴, 如果唔係食埋環境既, 其實有大把選擇..而且服務就麻麻, 都係要叫至會拎水, 拎茄汁, 咪我同男友坐左5分鐘, 檯上面都只係得張餐檯紙不過餐廳外既風景係幾好, 遠望會見到火車經過, 下面有一個湖, 有不同既水上單車同船仔可以玩。同男友用左$50玩左半個鐘水上雙人單車, 欣賞四周環境同晒日光, 真係好寫意既。…Read More

因為工作關係而要到灣仔, 諗住搞好手尾後跟男友去試一間好耐歷史既餐廳食京菜。 由門外到門內, 整個格局都很懷舊, 還有不少老外光顧, 別有一番風味.. 原來男友事前已經備左課, 咁我就由佢發板喇。頭盤海蜇不過無乜特別同無乜味, 呢樣係因為我倆都鍾意食至會叫, 其實可以唔要。鐵板蔥爆牛肉好好味, 一黎到好有鑊氣, "炸炸"聲加上滿佈蔥爆既煙香味, 牛肉入味而不韌不鞋, 跟香蔥一起放入口係最完美。松子魚炸得好脆, 兩個人食都幾大份, 魚肉嫩滑, 茄汁唔太酸而加入一粒粒既生果椰果, 係開胃之選。干炒牛柳絲加义子燒餅味道難以形容, 因為牛柳絲及配料可以炒到跟醬汁剛剛好"黏"住, 火喉掌握得好準, 未至到乾同燶, 但酸酸甜甜既口味好特別, 加上燒餅一齊食是非常可口開胃。…Read More

落雨都走到中環去試出名既清湯腩, 點知落大雨都大排長龍等左差不多半個鐘終於到我地, 好迫咁搭到六人檯坐, 坐低見到有唔同價錢唔同湯底既牛腩麵,見到周邊既人食緊我從未見過既咖哩湯底加牛腩麵, 我就好奇叫左, 改左要粗麵, 因為係無幼麵食既。咖哩原來比我想像中辣, 因為我唔食得辣, 但我又想試下個咖哩味, 我叫左汽水一路飲一路食,而我隔離個位係叫左清湯牛腩河粉, 我同佢一人一半, 好在每人食一半, 因為我發覺有點兒後悔....叫左咖哩同粗麵總覺得清湯腩河粉係好食一點, 牛腩係幾好食, 幾入味同林, 唔痴牙, 湯底都夠味, 係略嚴地方淺窄, 食得無咁自在…Read More

終於抽到時間長途跋涉黎到中環試咖啡, 因為男友鍾情於咖啡, 所以試到黎中環。地點比較難搵, 因為係上半層樓梯有一個小既門口入去。星期六既兩點幾竟然得三個人係裡面, 因為見老板娘比較忙, 都唔太好意思叫佢落order。因為只有老板娘一個人做, 所以佢都有點透不過氣, 因為我未食lunch既關係, 我問佢, 請問有無all day breakfast食呢,佢答我如果我地想食其實平日至會有, 平日唔會多人, 可以慢慢整到。當我好失望既時候, 老板娘竟然主動話: 今日唔多人, 好喇, 我整俾你地喇精心造出黎既兩份all day breakfast, 好靚我地最後都叫左兩杯唔同既咖啡, 一杯係latte, 一杯係mocka, 原來每個拉花都唔同, 似乎老板娘應該係睇人至拉出唔同既花,而我個杯, 一睇就知係靚女喇…Read More

因為好姊妹既生日, 我地為佢準備左一個Tea Set慶祝.. 不過一心想食既層層疊Tea Set, 竟然同我地講話無晒架, 用碟上唔係款款都好食, 有一兩款既餅好似味道有d怪, 但賣相都ok既另外薯條都好味, 加上我地一早order既甜品, 係草莓白朱古力蛋糕。環境係唔錯, 係銅鑼灣都可以有一個露天既餐廳, 遠眺到維港。係服務就有點要改善, 因為每次拎黎既熱飲同凍飲都無順帶到糖水, 糖同奶…Read More