howinwin的個人專頁

味道好，廚房大佬應記一功！可惜餐廳服務質素追唔上味道。連續三日喺度買嘢食，頭兩日都肯收信用卡，到第三日轉咗個後生女仔收銀，佢就話要過$200先可以收卡，改得真係快。建議櫃台同Openrice都寫返清楚真實接受嘅付款方式。…查看更多

受氣經驗，無下次。利申：好少出街食，但外賣食過幾次，認真抵食唔錯，亦有向觀塘返工嘅朋友推介。頭先排隊買飯時，戴眼鏡嘅收銀女士忙緊排我前面嘅顧客訂單，其他員工直接問我要咩，我諗緊事，一時下意識講咗「無骨海南雞飯」。見到八達通銀碼係$40正常份量，我即刻講番係想要輕量級。點知戴眼鏡嘅收銀女士好悔氣，用教仔口吻講：「喂你要記得講大定細喎！第一次買唔識講，下次要識講啦吓！」其實出嚟買飯無諗過受呢啲氣，明白你哋要預包裝盒大細，但其他餐廳都會主動問一問份量要大定細，而未試過劈頭咁樣對顧客發難。或者你喺咁易講一句「下次記得講大/細」，都唔使當顧客係小朋友咁教吧？只係一時漏講，就白白受氣。本身諗過算啦唔買，但見到廚房好快手就pack好，其他員工又有禮貌，所以決定今次照買，但無下次。…查看更多