kcc foodplus's Profile

今日千里迢迢約咗朋友來到北角拎野～朋友介紹所以黎試下...芝士泡菜慢煮雞肉焗飯芝士夠香脆香濃，日本泡菜真係同韓國泡菜不同的，我平時好少食韓國泡菜，唔知點解這泡菜好食好多~雞蛋蟹籽蟹棒沙律雖然味道淡淡，但都豐富有營好味道～下午茶呢個份量剛剛好，果然是不錯的選擇…Read More

今日同屋企人嚟荃灣辦年貨，見到個名幾吸引同裝修都幾靚，所以入嚟試下！◇蟹籽蝦仁蛋白炒飯得幾隻急凍蝦仁仔，蝦仁得好少好梅同好細隻，蝦仁應該係主角，都唔洗慳皮成咁，得大大碟蟹籽蛋白炒飯～◇三鮮炒年糕有菜、有菇、有豆腐乾、蝦毛仔、火腿……咁三鮮係指咩呢？好彩年糕都有浸軟唔算好硬，不過又係清淡得好可憐～◇上海雲吞湯面唔知係無雲吞定麵，等左好耐好耐好耐……成半個鐘都有前兩碟都食晒先嚟，侍應又冇交代一聲～雲吞皮好厚，無乜餡料，個麵是好普通的乾麵～◇小食：雞絲粉皮、鍋貼、小籠包三款小食叫正常小小，全部嘢食味道係偏淡，咁嘅食物質素和水準真係都幾難有下次～…Read More

翠華曾經是香港人耳熟能詳的貴價茶記，現在分店越來越少了！☆至潮魚蛋片頭米粉有4粒魚蛋2片魚片，魚蛋魚片都算合格啦。☆鹿兒島風豬軟骨米線大大件有三件豬軟骨，有啲柴唔算腍，炆煮味道唔會太濃味，加左少少陳皮去炆。米白色鮮魚湯，個湯好熱，不過魚湯湯味就淡左啲！！一般般的食物質素和服務質素。…Read More

之前喺屯門市廣場食過，覺得價錢食物都唔錯！知道牛一24年開左係太子，所以過來回味下先。呢度個場地方唔算太大，裝修算普通唔算好精緻，不過個天花就差啲有待改善～定量：日本豚肉、羊肉、美國prime牛肋眼、海鮮四品自助吧及甜品飲品：丸類、菇類、蔬菜、瓜類紙包飲品整體黎講肉類、丸類等食物味道很不錯，紙包飲品略略遜色～侍應姐姐雖然好忙，但都好禮貌招呼～依家太多日式和台式火鍋店火鍋店，要突出重圍都真係要多多努力，除左要價格親民之外，最重要是食物質素和服務～…Read More

今日放假同媽咪亞哥一齊食午餐，之前都食過一次覺得不錯越南春卷炸到香脆可口，紅白蘿蔔絲跟酸甜醬汁，咁啱有三條仲可以一人一條呢～菠蘿豬頸肉炒飯淨係睇個樣都都知道好食，炒飯唔油膩，有好多豬頸肉粒、菠蘿粒、腰果、提子乾..旁邊仲跟埋八分之一份燒菠蘿～香茅黃咖哩雞飯雞肉薯仔洋蔥份量都好多，黃咖哩唔算太辣，啱晒我唔食得辣既人～香煎蝦餅扎肉撈檬蝦餅彈牙蝦味濃郁～五款食物都好大份和好好食呀，下次放假 lunch聚腳首選～…Read More

可能開喺千色店內街，所以漢堡包店唔喺好顯眼，細細間店要先去收銀俾錢，之後會有No.座放檯面送餐～碰巧今日有好多學生哥，因為漢堡扒即叫即煎，所以要等一陣間～美式牛肉漢堡+$4菠蘿麵包夠厚鬆軟，漢堡扒夠厚非常Juicy，仲有洋蔥生菜等配菜～配雙色薯條+蘋果汁蕃薯薯條煙煙韌韌香脆可口，次次來必定食～…Read More

今日喺銅鑼灣放工，拎住好多嘢同埋好攰，所以諗住買外賣返屋企食。睇睇下見到Firebird 有外賣丼飯，外賣有九折優惠添，哩個價錢真係幾抵食。FB特大有骨燒雞丼原來佢係原隻雞髀切開半邊燒的，所以L骨度都在啊…雞髀好嫩好大塊好多肉仲配搭燒秋葵和大葱，日本珍珠米軟硬度剛好，成個丼飯的水準都不錯啊！！原來Firebird係和民集團其下的餐廳，日本和民集團已經40周年了。希望和民集團可以一直keep 到水準啦！！…Read More

尋日收工去行工展會，行完工展會就梗係落天后搵野食啦，工展會期間都帶旺咗呢一區食肆～都有一段時間無來食過泰出色泰國餐廳，成9點半入座都仲有好多客人，店外的泰國甜品也是。。可能因為廚房比較忙，所以都等左15分鐘先上菜。泰式濕炒河配豬肉有好多有豬肉片和菜，仲要係濶身河粉，濶身河粉未必成日食到～泰式鐵板蠔仔蛋蠔仔蛋邊夠香脆，有鐵板承載著所以熱辣辣，底下仲有一層厚厚的芽菜，配搭一齊食份外好味。不過覺得侍應啲禮貌就一般般啦！！可以再有禮貌多啲。。…Read More

雖然說豆腐火腩飯是男人的浪漫，但我都想嚟呢間老牌飯店試下。◇火腩豆腐飯都有幾件火腩和豆腐，味道算係一般，但係跟個例湯唔夠熱，只可以叫做平民飯店！希望飯店可以提高服務質素和食物水平！！如果唔喺只會不斷流失老顧客。…Read More

1點去到已經坐滿晒人，在門口排隊等了10分鐘～點知咁早已經賣晒坑腩和爽腩，咁唯有試下清湯牛三寶河粉啦…呢度嘅牛三寶好特別，有牛腩牛肚牛脷，香濃牛味夠腍，蘿蔔鮮甜美味，下次可以叫多份淨蘿蔔。點會少得野葛菜生魚湯，原來可以清熱和降火，依家天氣乾燥，對生津潤肺止咳都有幫助。…Read More

由韓國人主理的餐廳～♡♡軟滑豆腐湯飯有蝦、有蜆、魷魚、小小豬肉、金菇和豆腐，仲有一隻雞蛋添細細窩足料樣樣齊～個湯好鮮好清甜，所以飲晒個湯，飲品都唔洗order了～…Read More

始於1994 銅鑼灣堅拿道東(鵝頸橋側）的江仔記，專注魚旦超過二十年，香港製造魚旦自設工場，祖傳秘方豬骨餚製湯底。魚蛋魚片足料彈牙，絕對喺熟客摰愛。偶然都會想過來食下～鮮蝦雲吞米粉+蠔油菜芯…Read More

呢間上海菜是全日Menu，沒有set lunch/套餐等選擇。簡單裝修設計～Menu 菜式唔算太多~♡♡菜肉雲吞10隻雲吞皮好滑好薄，咬下去滿滿都是菜肉，仲帶有淡淡薑味，好味道～♡♡嫩雞煨麵廚師即叫即煨，好大碗成碗都是青菜和雞肉，味道較為清淡，但好健康呀～本來想叫多份點心，但係啲點心件數太多啦，叫左驚食唔哂，所以無叫到。雖然杯茶有些淡，不過免收加一和茶介，就算佢啦！對面間麵包店好多人排隊呀，等遲啲冇咁多人先買啦！…Read More

早幾年之前食過，之前以為已經結業，後來先發現已重新開業。餐廳內的復古風佈置別具風格，加上一列列長長木枱，打咭影相和朋友聚腳一流。♡♡香煎美國豬扒+法式洋蔥燒汁豬扒切開有成吋厚，可能豬扒太厚關係，所以有少少乾，不過哩個價錢已經好抵食～午市1點45分之後入座有9折優惠…Read More

老字號茶記買少見少，碰巧有時間來觀塘。意外地最後一日都竟然唔使排隊，老顧客表示，這裡的食物不僅美味，而且還充滿人情味。這經典美食有荷蘭唂咕、滾水鮮蛋、牛奶通粉等...老闆娘話九點到依家都未去過廁所，掛住招呼客人，所有嘢食一早賣曬了，還好仲可嘆杯茶走回憶一下～老闆娘只留返♡鮮油多 給些熟客～好多人熟客和老闆娘影相，還互相交換電話no.，老闆娘個女今日本來要喺機場返工，但特登請假因為last day幫手。結業潮｜往事只能回味｜結業2024｜昔日情懷｜觀塘美食 ｜老字號｜…Read More