justintt's Profile

勁難食嘅午餐，今日一個人食，行過有人派傳單就上咗去。點咗美國費城烤西冷配野菌燒汁，白湯，熱檸茶 $89手機落單，有得揀要幾熟，咁就求其揀七成熟，同埋轉黑椒汁點知塊扒上到嚟係全熟，個汁仲要酸酸地，又冇黑椒味。咁就問吓個侍應，話俾佢聽個汁怪怪地唔似黑椒汁，跟住佢拎返入廚房，好快就再拎返出嚟，然後同我講，個汁冇問題係咁嘅，你要黑椒汁，所以將燒汁加啲黑椒落去，就係黑椒汁啦。其實你一係就唔好俾我轉，咁求其，係咁易加幾粒黑椒粒，就當黑椒汁，其實仲衰囉。呢間嘢以後都唔會再去食！…Read More

純粹行過就腳就入去試吓，竟然好好食！點了一個雞扒撈公仔麵$65，雞扒飯$65，慢煮豬頸肉飯$70！首先，雞扒有炭燒味，雞皮脆香帶少許燶邊，一流！而且肉質唔鞋亦都唔係死實實，完全冇雪藏味。撈面豉油汁撈得夠勻循，加埋蔥油味道剛剛好。豬頸肉都燒得好好，豬頸肉一啲都唔柴，保持到軟腍。蔥油食得出係有雞油撈落去，非常惹味。唯一如果要挑剔嘅就係，佢嘅凍檸茶偏甜，下次要叫少甜。一間咁好嘅餐廳，絕對值得平反！有機會一定會再嚟…Read More

今晚Order左兩客Set Dinner1. 忌廉蘑菇湯要開始湯碗裏邊有帶子蓉同松露醬，再淋上濃濃嘅蘑菇湯，充滿鮮味2. 法式白酒煮青口鮮甜嘅青口，配埋白酒汁，立即食慾大開，我仲用麵包黎點啲汁嚟到食3. 香烤肉眼扒配薯蓉及小甘筍medium嘅肉眼扒，肉香嫩滑，生熟程度剛剛好，配菜得宜4. 香煎鱸魚配蜆肉忌廉汁蜆肉新鮮，鮮味十足，魚皮濺到脆口，肉質味道豐富最後食埋甜品同埋餐茶，大滿足！#北角匯美食 #北角西餐 #北角食好西 #美酒靚景 #城市中綠洲#foodiehk #二人世界 #肉眼扒 #香煎鱸魚 #蘑菇湯 #白酒煮青口 …Read More

晏晝成日見個姐姐喺度派傳單，今日就決定同埋個同事去試吓先！餐廳裝修幾靚，環境幽靜舒服，侍應服務好又快速。同事點左一個 - 特選壽司定食配烏冬：8件壽司都好精神😋新鮮好味，飯團唔會太大，size剛剛好。加埋個烏冬，蒸旦同麵豉湯，飽到晚飯都唔想食！我鍾意食牛，所以就叫咗鐵板牛三角拼大蝦定食：牛肉大約五成熟，好Juice好有牛味，大蝦夠爽夠實肉，連埋配菜個粟米都好甜，配埋飯沙律同埋麵豉湯，一個大男人食都夠晒飽！整體質素性價比幾高，又多個食晏選擇！…Read More

#夜消費 咁就兩公婆行下油尖旺，行到太子都9點，又餓又渴，就入咗去呢度醫肚點菜無耐，好快就上菜，👏🏻👍🏻1. 越式豬頸肉撈檬 $62大大塊豬頸肉，夠晒香口野味，配埋香葉，清新開胃！2. 極品牛三寶湯河粉 $71啱晒牛魔王嘅我，上菜時牛肉偏生，浸一浸啲湯之後啱啱好，夠晒嫩滑，牛丸爽口彈牙，牛腱片又濃厚牛肉味，河粉帶少許煙韌，好味道！3. 越式炸春卷 $22春卷炸得夠脆，餡料豐富！4. 龍眼冰 $10超多龍眼肉，解渴消暑5. 青檸梳打 $10梳打分開上，夠晒氣！#越式料理 #撈檬 #生牛肉湯河 #炸春卷 #龍眼冰 #青檸梳打 #越南美食 #太子美食 #抵食之選 #抵食推介…Read More

日日落雨，同幾個同事決定食好西，開心吓，所以就嚟咗古今二。我哋叫咗：火山 $128一上菜，個擺盤已經好靚，之後個侍應點火，靚到不得之了，絕對係打卡美食！不過唔止好睇，仲好好食，有濃郁嘅芝士，絕對係好夾嘅Mix and match！超級龍捲風 $88炸蝦配上芝士，再加上薯片碎，脆上加脆，一試難忘！龍捲風沙律 $78大大碗超足料嘅沙律，超多蟹柳青菜海大，醬汁帶有微酸，好開胃！古今日式煎餃 $56底脆皮滑，餡內有肉汁。日式冷麵 $ 92蛋絲加埋蟹柳絲，配上爽滑彈牙嘅面，好有清新嘅感覺。日式炒烏冬 $ 98好有鑊氣嘅炒烏冬，配上大阪燒汁，正！櫻花蝦茄子 $68茄子控必食推介，上面嘅櫻花蝦，令到燒茄子非常惹味，真係想一食再食！…Read More

又打風又黑雨，搞到兩個星期六都無街去，星期日就決定一家人揸車入去西貢MW Hotel食個晏！呢到最好就係易泊車，又有免費泊車，方便一家大細。餐廳M Square 食西式野，裝修時尚，又有波枱，又有Golf game玩，正呀！(1) Waffle Benedicts $159蛋煮到剛剛熟，煙肉煎到香口但又唔會太硬太乾，抵讚，配上新鮮沙律菜同waffle，成件事好夾!(2) Calamari Squid Ink Pasta $169意粉軟硬適中，魷魚鮮味，醬汁帶有少許鹹酸，味道非常清新，唔會膩。(3) Lobster Brioche Roll $210沙律菜新鮮，個汁一流，塊包鋪上龍蝦肉．非常鮮味！(4) Tom Yum Gong Risotto $235估唔到咁夾，泰式風味既Risotto，配上大蝦，一流！隻蝦大隻又新鮮，肉質緊緻又彈牙！(5) Four Cheese Pizza $239呢個Pizza 非常非常非常之出色，喜歡芝士嘅人，一定可以好滿足，食到去個邊角位，仲包住一大舊芝士，真係100000個正！(6) Sour Cream Work Chips $52薯條粗身，見到已經加分喇，加埋個醬，食多多都唔覺滯！(7) Strawberry Milkshake $64味道夠濃，又滑，好飲！另外呢到嘅咖啡都唔錯！…Read More

今次換下飯腳，同爸爸黎個Father and son dinner! 地點揀咗係附近嘅北角𣾀商場Harbourview Grill 頭盤：歐陸式冷盤 $188Parma ham 唔錯，芝士最好味蒜香蕃茄面包 $88蒜蓉包加上蕃茄碎芝士同埋黑醋，酸酸地，好開胃主菜：澳洲烤羊排 $308肉質鮮嫩，煮得剛剛好熟，個薄菏汁幾特別，帶有少許南亞風味嘅感覺肉眼排12安士 $298剛剛好Medium, 仍然好Juicy, 配上黑椒汁，非常野味！…Read More

又到二人世界嘅時間，同老婆撐枱腳！聽聞搬咗新店，裝修得幾靚，所以就同老婆嚟食啦！上到去，真係裝修得幾靚，幾有情調，幾適合拍吓拖！我叫咗杯紅酒$58 ，老婆就點咗Garden Eve$58，老婆話都幾好飲。Fresh Mussels $168青口好鮮味，個汁好味到想叫多幾塊麵包點嚟食！Beef Tenderloin $308牛柳好林滑，生熟程度剛剛好，唔會太老。啲配菜尤其雞髀菇，好好味，配合個墨魚汁，正！Lobster Tagliatelle $288呢個係全晚最好食，龍蝦僅僅熟，爽口得來又保持鮮味，加上好多三文魚子，味道嘅層次好豐富！兩公婆食得超開心，估唔到搬到新店之後水準比之前更好！…Read More

原本兩個人，有朋友知道又話加入，兩人變6人😂1）樱花蝦餃子外皮無煎到硬晒，加上好多櫻花蝦，夠晒好味！2）櫻花蝦豆腐呢個超好食，個汁一流，外脆內軟，推介！👍🏻👍🏻👍🏻3）全天然豚肉五花腩厚切五花腩，燒之後，香味四溢，油香肉香混合，加上厚切，絕對要點！4）蘋果木煙燻和牛他他打開個罌，一浸木香，加上煙霧，有種好迷幻嘅感覺，將雞蛋黃同埋蘋果絲，撈勻就食得，有種好清爽嘅感覺，正！4）老饕澳洲M 5和牛牛板𨫡唔太肥，又話有足夠嘅牛肉味，燒一兩下捲埋就食得5）香蔥薄切牛舌雖然話薄切，其實佢都有返少少厚度，所以食落嚟係會有啲質感同埋個味道再濃郁啲，豐富啲6）A4無敵霜降沙巴當入口溶化，最喜愛個種肥膩嘅感覺，哈哈！7）大啡菇大大隻啡菇，配上牛油燒出香濃嘅菇味8）松露肉碎炒飯最後嚟過飯，雖然好飽，但都好想食，熱辣辣，食埋就好滿足！9）讚岐烏冬湯底正，冇得彈#燒肉 #和牛 #和牛他他 #櫻花蝦豆腐 必吃👍🏻…Read More

今日初嘗點心到mix. 大排檔，點咗：(1) 麻辣雞煲 $88熱辣辣好野味，雞煮得夠入味，濃烈嘅咸味混合辣味，變成重厚雞煲醬，可以撈飯食。(2) 黑松露炒魷魚 $98淡淡松露味，細細咀嚼才可以分辨出來，魷魚有鮮味，未有被松露味掩蓋。(3) 黃金桂花蝦球 $108淡淡桂花味，咸旦黃的野味，爽口彈牙的蝦球，絕對係最好味嘅餸菜。(4) 白飯x 2 @$12下次要去試吓冰鎭咕嚕肉同乳鴿先得，因為見到隔離枱叫咗，望落去好似幾唔錯！…Read More

今日又同老媽子撐枱腳，上次食完台灣野，今次就試吓蒸氣火鍋喇！船渦因為已經有一個個set, 咁我哋就揀左其中兩個，唔使諗咁多：（1）八府巡按餐：刺身：北寄貝，甘蝦，帆立貝炸物：芝麻雞翼，雞軟骨餃子有驚喜，估唔到咁好食海鮮有：蜆，魚，蝦，龍蝦，鮑魚，北寄貝，蟶子全部都好新鮮，加上係蒸熟，完全保留鮮甜味！肉：安格斯牛肉，豚肉片下次我會烚，因為蒸比較容易過火三寶丸：牛骨醬汁牛丸，薑汁皮旦貢丸，墨魚丸薑汁皮旦貢丸，我第一次食，簡直驚為天人，正到無倫！蔬菜拼盤粟米好甜我自己點嘅，因為想食嘅都有哂！我仲揀咗翅骨雞湯底+米線，湯好甜，不過最後太飽．食唔哂D米線。（2）九品芝麻餐：刺身：北寄貝，甘蝦，帆立貝炸物：章魚燒都唔錯，不過炸雞翼出色好多海鮮有：蜆，魚，蝦，鮑魚，大蜆大蜆都好好味，好鮮甜肉：雞腿肉，豚肉片三寶丸：牛骨醬汁牛丸，薑汁皮旦貢丸，墨魚丸蔬菜拼盤媽咪比較細食，所以就點呢個。另外，就係點左粥底。…Read More

今晚同老媽子撐枱腳，咁就食下附近嘅台灣菜。我哋點咗：1. 花蓮一品臭臭鍋（中辣）配寬粉 $118份量好多，一個人都食唔晒，材料好豐富，有鴨血，鵪鶉蛋，白豚肉，米血糕，大腸，每樣都好好食，而且味道夠香，越煲越好味！2. 古早花雕雞卷配手工面 $ 68手工面，好有台灣嘅味道，面質一流，雞卷都好好味，酒香滿瀉，媽咪食得好開心，最重要好抵食！3. 士林蟹蓋 $48同平時啲焗蟹蓋又幾唔同，食到有靚魚肉嘅味道，又有少少花枝立咁，好特別。4. 滷肉A菜 $28水準不錯嘅菜5. 黑糖珍珠奶茶 ＆ 古早冬瓜茶飲料都好味喎，比出面街仲要好飲！…Read More

太座日日加班咁辛苦，做老公既梗係要請佢要好西，為佢打打氣喇！花月宮的裝修不錯，感覺係一間高級雅緻既火鍋店，坐低用手機落單:第一次黎梗係要試下佢個招牌鍋：花月宮特色4格鍋 $2684格分別有：四川麻辣，藥膳花雕花膠醉雞，黑松露野菌，蕃茄濃湯海鮮。個人最喜愛花膠雞鍋，濃濃既藥材味配上酒香，未落雞已經覺得好好飲，加入雞之後，個湯簡直不得了，好飲到要侍應幫我加左幾次湯！哈哈～ 仲要d雞，就算烚熟左都仲係好嫩，一d都唔鞋口！火鍋料就點左：（1）桂花蚌拼珊瑚蚌 ＄138食落去爽口彈牙，帶有少少鮮味，食得出係好新鮮的（2）三色滑 ＄138墨魚滑食到有粒粒墨魚肉，蝦滑就夠哂爽，元貝滑就鮮甜味十足（3）自家制炸響鈴 ＄58上菜時熱辣辣，即時就夾黎食，好鬆脆，同平時食d響鈴好大分別，感覺係入口即化，正！（4）薄切牛舌心 ＄88切到好薄，輕輕灼一灼已經可以食，好淋（5）蜂巢豆腐 ＄48又係同平時食既唔同，咬落去係有少少彈牙既感覺，有少少似魚腐，絕對比其他地方好食（6）蘇格蘭聖士皇 ＄88上菜時心諗，咁短既？原來係有半截插左入冰裡面，食落係好新鮮，而且洗得好乾淨，爽口有鮮味！（7）油麥菜 ＄38都算幾嫩，無渣！整體來說，食材質素很好，用料有心，食得出材料都頗為新鮮，配得上個價錢！太座都食得好滿意，仲話下次要試另一個湯底添～…Read More

撐枱腳想食日本野，又唔想咁悶，就醒起可以去銅鑼灣嘅古今。因為係觀塘返工，所以都已經去過古今二食lunch，而今晚就點咗：（1）辣味三文魚壽司薄餅 $118三文魚配辣味醬，上面鋪滿蟹籽，Pizza個餅底，係用飯煎脆做嘅，香脆可口！（2）金龍卷 $105望落成條龍咁樣，面層有三文魚，內𥚃炸蝦配芝士，隻蝦脆到連條尾都食埋！（3）琦玉網燒牛舌 $78呢個見到好多人都推介，立即夾一片試吓……正喎！火候啱啱好，表面會有燒肉嘅香味，內裏就係肉亂，完全冇渣！（4）大阪自家製炸雞 $78上到嚟，一放入口，熱到差啲辣親，外脆而𥚃面仲有肉汁（5）鹿兒島豚肉荔枝串燒 $32呢個好有驚喜，豚肉配上荔枝嘅甜味，好特別，唔絕對要試吓！…Read More