Tracia Leung's Profile

小朋友一入到餐廳就最鐘意喱度自助飲品吧 ~ 款式雖然不多，但都尚算還可以。我地座下後就叫了好幾款食品，其中有幾款都值得一讚的是:香蒜辣汁野菌西蘭花，西蘭花爽脆不軟爛，野菌鮮甜彈牙，蒜辣汁入味微辣開胃，不油膩清爽。煙肉菠蘿薄餅，薄脆餅底載滿融化芝士，煙肉片香脆鹹香，菠蘿塊甜酸多汁，口感超讚。👍👍👍香煎焗三文魚，三文魚皮脆肉嫩，魚肉鮮滑不柴，煎邊焦香入味。其他食物都好好味。最後，我地食得好滿足。😋😋…Read More

相約朋友食甜品宵夜～～朋友鐘意食榴槤，所以叫左榴槤刨冰，濃郁的榴槤肉堆在刨冰上，淋上鮮奶油，頂頭還有脆脆的椰絲和Q彈的荔枝，甜度適中，不會太膩。另外，我自己鐘意食朱古力，所以叫了朱古力粒粒拿破崙伴雪糕，層層酥脆的拿破崙夾著濃郁巧克力粒，配上滑順的雪糕，不會太甜膩，一人份量剛好。整體來說好味！😋…Read More

今日同媽媽再次黎到喱問煌宴酒家飲茶，今次試食了以下點心～～五香鹹水角外皮金黃酥脆，熱食最佳，Q彈有勁。翡翠鮮蝦腸粉皮不黏，蝦仁鮮甜多汁，咬一口滑順過癮。黑椒金錢肚今次比上次份量小一半，味道和上次差不多，有待改善。 蝦餃皇晶瑩剔透，皮薄餡多，港式點心王道。雪山叉燒包外皮酥脆如雪山頂，叉燒肉汁豐沛甜鹹適中，熱食時最完美。下次再試下不同的㸃心！！…Read More

今日又黎搵新野食，搵到喱間有比較多分店嘅餐廳 - 韓樂一入去環境環境昏暗，比較有格調。我們每人一個餐，分别叫了......1. 韓風豐盛雜扒餐蒜蓉汁配熱朱古力，豬扒外脆內嫩，薯條金黃鬆脆。2.半容鮮茄肉醬扁意粉配凍朱古力，扁意粉Q彈有咬勁，茄肉醬酸甜鮮香不油膩。3. 芝麻八爪魚芝士燴飯配熱柚子新鮮冷壓檸檬茶章魚彈牙鮮嫩不柴，芝士融化濃郁4.辣八爪魚炒野菜年糕配凍特濃即磨咖啡年糕軟糯吸汁，彈牙不黏，章魚腳Q彈鮮嫩，野菜清脆，咖啡冰涼順滑因為每份餐都比較大份，下次4人可點三個餐就足够了，今次食到好滿足😋😋😋！Yummy 😋…Read More

大家同學仔媽媽考試前一聚，嘆個早餐先，我最鍾意飲珍珠奶茶，估唔到茶木早餐有得飲😍😍，二話不說就入了茶木食早餐。首先，我點了台式三杯沙茶牛肉湯生力麵 配腸仔太陽蛋，台式珍珠奶茶。這套台式餐點三杯沙茶牛湯濃郁，牛肉嫩滑入味，生力麵Q彈牙，米粉腸仔軟糯，太陽蛋流心，好好味。台式珍珠奶茶經典，茶香濃郁，珍珠Q彈有咬頭，不甜。然後，同學仔媽媽點台式肉燥湯米拼雙太陽蛋，肉燥加配豬排，濃香台灣奶茶。這套餐湯米粉熱騰騰，肉燥香濃，雙太陽蛋流心誘人，加了菜更健康。另外，豬排肉質厚實多汁，不柴不乾，配濃香台灣奶茶，茶味濃郁，奶香滑順不甜膩，簡值完美收尾。下次早餐一定要再黎食！😋😋😋…Read More

同媽媽行完美食展，行到攰就到附近餐廳食下午茶。因為我倆都鐘意食西多士花生酱，所以就一齊叫了。這份西多士花生醬厚厚的面包，外層酥脆，内層夾着花生醬口感超讚，份量大了一點，我地都食剩小小~ 唔錯唔錯，下次一定再食😋…Read More

餐上次母親節黎食，今次到父親節一家人食。一坐低就感覺都冷氣非常之凍，好彩都有預備外套。叫了好幾款嘢食。當中鹽烤清魚好好味，魚皮烤到金黃微脆，帶點焦香，魚肉保持嫩滑多汁，鹹香味道剛好。另外，烤雞全翼外皮炸到金黃香脆，入口即刻感受到鹹香同肉汁，雞肉嫩滑唔乾柴，啖啖肉好滿足，所以每次黎到都會下單的。還有想分享的是呢碗和風牛肉烏冬湯底清甜，牛肉片嫩滑唔鞋口，烏冬煙韌彈牙，加埋半熟蛋、粟米同筍絲，味道層次豐富。 食到最後因為餐廳太凍食完就即刻走了，如果改善下冷氣溫度會更好。…Read More

自己食飯就揾一間自己鐘意食的台灣餐廳。午市人流不多，一眼望入餐廳有很多位置選擇。座低後就叫左野食。這個台式豬軟骨便當賣相吸引，豬軟骨雖然炆得唔夠腍，但醬汁濃郁帶點甜味，配白飯一流！配菜有酸菜、炒椰菜同半隻滷蛋，味道豐富又有層次，份量剛剛好。另外，珍珠鮮奶綠用大杯陶瓷杯上枱，奶綠味道香濃順滑，奶味同茶味平衡得幾好。珍珠煙韌有咬口，唔會太硬或者太淋，可能因為熱飲，實在太甜了，我只是飲左一半就沒飲。整體來講，性價比高。但對於剛出返黎打工的我，這個午餐比較貴，仲有 10%服務費，一次半次還可以，日日食就不會了。…Read More

午餐想食碗車仔麺，就入左這間餐廳。一入到去，墙壁上掛上很多很特别名字套餐。最後，我選擇了"父親大人招牌套餐"，名稱幾特别，就試下啦。腩肉豬手牛腩瑞士雞翼大腸河加腩汁小辣多蔥這碗河粉賣相相當吸引，甚多配料當中腩肉肥瘦適中，豬手滷得入味，瑞士雞翼的雞翼帶有瑞士汁特有的甘香味道，大腸味道還可以，河粉滑溜彈牙。下次可以再試下其他配菜。…Read More

小朋友考完試，媽媽們鬆一鬆早餐，就揾一間寧靜而可以坐得耐嘅餐廳食。雖然商場冷氣不太足夠，但都還可以。 大家坐低後就各自叫了一份早餐。猪骨濃湯火腿通粉，湯底奶白色，飲落好creamy，帶住淡淡豬骨香，唔會太鹹，啱晒朝早暖胃。通粉煮得啱啱好，火腿切絲份量足，每啖都有鹹香味，簡單但好有茶餐廳風味。薑酒芫茜牛肉銀針粉湯底飲落有淡淡薑香，帶少少酒香，暖胃又開胃。整體味道清新又夠特別，啱晒鐘意飲薑酒湯底嘅人。香煎豚肉眼炒滑蛋薯餅呢個早餐賣相好吸引，豚肉眼煎得香口，肉質嫩滑，帶少少鹹香。炒滑蛋好滑溜，薯餅外脆內軟，配埋香腸同新鮮沙律菜，口感豐富又有層次。總括黎講食完夠晒飽肚，早餐嚟講算係高質。…Read More

夜晚收工，突然想食甜品，就去了朋友介紹這間食甜品舖頭 - 嚐糖天氣太熱了，我叫了雪花綿綿冰 - 雲呢拿朱古力椰果蒟蒻加朱古力醬第一啖食落口已經有一陣涼快嘅感覺， 亦有淡淡的朱古力味。最後，食到好滿足地走了。…Read More

朋友極力推介這間自助放題火鍋放題，她今個月已經第三次用餐了，那我就即管去試下啦！一出𨋢未入到門口就已經大排長龍， 心想那麼誇張。一入到去座低，首先叫花膠雞湯底，跟著就同朋友各自出去取食物，食物種類包羅萬有， 雖然海鮮種類不多，但都已經足夠了。 我最欣賞的一碟就是鐵板鵝肝多士， 鵝肝不但厚身，還肉汁鮮味，令我食過返尋味。還有各款打邊爐食品，如各類丸類、 蔬菜類。還有我最喜愛的甜品和雪糕十分多種類可供選擇。最後，我們吃得太飽當晚連晚飯都吃不下呢。…Read More

晚上，兩個人不知食什麼好， 就去到附近尚德商場的餐廳 - 點壽司仔仔自己點了佢最鍾意食的蟹柳壽司，而我就點了豬軟骨烏冬，大家一齊食。 值得一讚的就是豬軟骨烏冬內的豬軟骨很軟糯，好好味。面前點餐的ipad比較慢和有問題，服務員很有耐性地給我處理。…Read More

每逢星期日， 我們一家人都會到不同地方飲茶， 今次就去到這一間一盅點心， 因為我們十分鍾意食牛柏葉和咖哩魷魚， 但不是每一間酒樓有這兩款點心， 所以我們就週圍尋找有這款兩款點心的酒樓。一入到去就有位，客人不算太多。叫了好幾個點心， 當中包括秘製牛柏葉、咖哩魷魚、糯米雞 、鮑魚燒賣等等...這個秘製牛柏葉不單美味濃鬱，還有微辣，十分美味；咖哩魷魚內魷魚十分大片，咖哩味濃厚；黑椒牛肚十分軟滑。另外，服務態度十分友善。總括而言，點心美味。值得再光顧！…Read More

高質美食、貼心服務的完美結合環境這間餐廳的環境十分舒適，讓人感到輕鬆自在。主菜牛扒的煮法恰到好處，肉質鮮嫩、軟硬適中，口感極佳；羊架味道濃郁，烤得剛剛好，充滿肉汁，讓人回味無窮。 小食芝士焗生蠔和蒜蓉焗生蠔不僅大隻，兩種烹調的味道也相當出色，性價比極高。芝士焗扇貝和蒜蓉焗扇貝同樣鮮香美味，令人一試難忘，忍不住再來一份。白酒煮蜆也鮮味十足，恰到好處的調味更能凸顯海鮮的美味。炸魷魚鬚更是外脆內嫩，令人一口接一口。甜品甜品簡直是完美無暇，開心果麻糬和朱古力心太軟，擺盤不但精緻用心，而且口感細膩。朋友生日，餐廳還可以在甜品盤上寫上生日祝福，十分貼心，讓人感受到驚喜和溫暖。服務服務員的表現也值得一讚，他們態度親切，服務細心周到，讓整個用餐過程更加愉快。 總體來說，這間餐廳無論是環境、食物還是服務水準，都值得高度讚揚，絕對是一間值得再次光臨的餐廳！…Read More