adminash's Profile

環境 7.5/10雖然位處於工廠大廈，但一去到門店門口，好似入左另一個chill世界咁，文青佈置，座位寬鬆，其實幾舒服，幾有style，適合同朋友聚會傾計。食物 6/10始終係低價錢fine dine，所有菜式都冇咩記憶點，但佢都做到fine dine既規模，不過不失。服務 6.5/10餐具器皿正常發揮，服務都唔差，但唔似fine dine的感覺，不過不失。價錢 7/10唔算話好平，但絕對對得住佢價錢。整體 7/10如果想搵個靜地方同朋友傾一晚，會推介呢個地方。…Read More

估唔到平日去食lunch11點45分都要排隊。點咗碗雞白湯拉麵，由於得一位師傅煮麵，所以上菜速度會稍為慢。香港拉麵好唔好食，其中一個指標應該係加湯要錢。第一次食拉麵加湯係要加10幾蚊，但的而且確湯底極度濃郁亦好Creamy，相信係香港數一數二出色嘅湯底。相比之下，雞胸肉以及麵質冇咩特別。另外再加咗$15額外面以及$20叉燒，叉燒亦係不值一提。額外加面，強烈不建議。由於廚師佢係另外一個碗再煮一碗麵不加湯俾你，而原有碗麵嘅湯份量其實好少，所以當你食完一碗麵之後剩低嘅湯同面只能夠當沾麵食。…Read More

環境7/10地面普通餐廳，fine dine要落低一層防空洞，隱秘感十足，而且符合餐廳名，地底都有刻意打扮，其實幾好feel，但地面有少少快餐西餐廳feel，經過佢個陣會有少少疑惑間野好似少少cheap，有點失去fine dining的面子，餐具器皿普通。服務7-7.5/10紋身哥哥幾落力介紹每道菜式以及餐廳含意，其實幾好，但好似得佢一個serve人，但不影響服務質素。預約後會寄封戰信比你，幾有心思！食物7/10餐廳主打牛肉，可惜全晚食完都冇乜邊道菜好有回憶點，原本最期待既牛排都只係正常發揮，唔會有驚訝感。牛骨髓有點菇寒。價錢8/10Fine dining黎講佢價錢係幾平，如果唔考慮佢連鎖店+地面快餐西餐廳感覺，其實幾適合同低預算慶祝。整體7/10為左食牛可以唔黎，但為左有d儀式感就可以黎！…Read More

環境 7.5/10K11 musea入面，地鐵站一出就係，雖然只係2樓，但都可以望哂成個大海景食飯。所以幾適合同女黎食。餐具器皿正常水準，每款酒配番特定酒杯，碗碟都有溫熱過先上菜。服務7.5/10服務正常，主要都係一班斯文叔叔著西裝上菜，會簡單介紹菜式，倒水換餐具都及時，大致可以。介紹wine pairing的外藉侍應十分用心，抵讚。味道7/10不過不失，主菜慢烤鴿極出色，8-8.5/10，唔似大排檔食脆鴿肉嫩，佢除左以上2點，仲有極極濃鴿肉清香味，簡直好似萬鴿係你口中奔騰咁。其他菜無咩回憶點。價錢6-6.5/10普通set fine dining埋單千幾，尚算可以，但upgrade set 再加wine pairing就2千幾，性價比過低。整體7/10紀念活動可以黎1次…Read More

香港唔算特別多串揚專門店，所以呢次專登黎回味一下大阪串揚食物。可惜當日傻左，竟然叫串燒多過串揚，導致食後感觀麻麻地。叫左個10串套餐，包10串自選串燒/串揚、一個飯團/麵、一杯飲品。特選食物需要另外加錢，甜品亦是。前菜沙律： 不值一提，因為真係得菜同蕃茄仔，連醬都冇串揚1.沙錐魚偏啖口要落鹽，味道一般2.雞肉皮脆有肉汁，出色3.紫蘇雞肉肉鞋口，紫蘇味可有可無4.三文魚肉鞋魚味唔算濃，如果用魚腩位，多油脂會好味好多整體來講，唐揚衣幾好，不會過厚，又香脆。唐揚汁不錯，唔會太濃蓋過食材本身味道，但會為唐揚加上一層味道，冇咁單調，係大阪的味道。串燒1. 牛利要加鹽吊味，火喉差d，表面不脆香，但勝在厚身有口感2.雞肉正常發揮3.山藥出色，鐘意連皮燒，有清香回甘4.頸肉稍稍過火，有焦味5.雞肉大蔥一般，始終肉鞋6.雞翼一樣總結而言，串燒麻麻地，同埋全部一定要落少少鹽，因為真係冇調過味😂😂豬肉飯團幾大件，用黎醫肚一流。因為頭先串燒偏冷，所以呢舊熱飯好加分炸富士蘋果失望，蘋果太老，皮咬唔爛，果肉好粉不爽甜廁所值得大讚，好乾淨又大間。四眼侍應哥仔會好細心管住全場所有客人出菜，如果講野有尾音溫柔d會更好。結論埋單$295但唔飽，味道一般般，除非你去唔到大阪又好好好想食串揚，否則唔需要專登去食。…Read More

期待已久，與家人享用2個四道菜法國菜午膳$$828/each。法國蛋糕鬆軟香甜，一口size配合少女櫻桃小嘴。法國硬包配2款特色牛油這個熱法國硬包非常受歡迎，它的外皮酥脆，中心柔軟，口感非常好。硬包搭配上特色牛油，可以讓整道菜的味道更加豐富。其中一種特色牛油口感微咸，非常適合搭配硬包；而另一款特色牛油則口感濃郁，帶有一點點辣味，非常適合喜歡辣味的人。整體而言，這道菜是非常美味的，非常適合當作早餐或下午茶點心。3款前菜- 北極紅點鮭魚、紫菜、檸檬、苦艾酒- 法國農場雞蛋、田螺、香草牛油、雅枝竹、康提芝士- 新喀里多尼亞藍蝦湯、意大利雲吞、煙燻瑞可塔芝士、菠菜當中北極紅點鮭魚配紫菜、檸檬和苦艾酒非常清新爽口。鮭魚肉質鮮嫩，口感豐富，而紫菜的嚼勁也非常適合搭配鮭魚。檸檬的酸味為整道菜增添了一點點清新的口感，而苦艾酒的苦味則能夠平衡整道菜的味道，讓人感到更加舒適。這道菜非常適合當作健康的輕食或下午茶點心，讓人感到清新和滿足。2款主菜- 魔鬼魚翅、手指薯、法式海龍皇湯汁、大茴香- 西班牙黑毛豬、沙甘筍、香草青醬、薑泡沫、柑橘豬肉汁西班牙黑毛豬配沙甘筍、香草青醬、薑泡沫和柑橘豬肉汁非常令人垂涎欲滴。黑毛豬肉質鮮嫩，口感豐富，而沙甘筍的清爽口感能夠平衡豬肉的油膩感。香草青醬和柑橘豬肉汁為整道菜增添了豐富的味道，而薑泡沫則為整道菜增添了一點點清新的口感。整體而言，這道菜非常適合當作正餐，讓人感到非常滿足。3款甜品- 軟棉芝士餅配日本士多啤梨、馬達加斯加香草雪糕- 66%加勒比朱古力慕絲、咖啡朱古力醬、特濃咖啡零陵香豆汁- 精選法國芝士這道甜點使用了66%加勒比朱古力慕絲、咖啡朱古力醬和特濃咖啡零陵香豆汁，味道非常濃郁。加勒比朱古力慕絲的口感非常柔滑，而咖啡朱古力醬的甜度和苦味也很好地平衡了整道甜點的口感。特濃咖啡零陵香豆汁為整道甜點增添了一點點豐富的口感，讓人感到非常滿足。如果您喜歡朱古力和咖啡的味道，這道甜點絕對是一個不錯的選擇。法國馬卡龍及特色朱古力當享用完以上美食，餐廳再遞上甜品後甜品，十分窩心。特濃咖啡苦澀但香濃，醒腦提神！…Read More

閒日特意趕到元朗大橋街市勝仔記買餸，於是到附近老字號午餐。呢到最出名係絕代雙豬粉，即係燒肉配豬頸肉，原本以為係米粉，點知係米線，有d失望。上菜都算大碗，肉份量好多，4大塊豬頸肉及4大塊燒肉，女性一定食唔哂。可惜，豬頸肉好鞋口，唔算香更稱不上爽。燒肉相對較好，塊皮脆香。米線茶餐廳貨色，湯底咸，冇特色。環境方面，空間好細，座位好多，都幾迫，如果一家大細就食外賣仲好。結論：名過其實，不值一提。絕代雙豬粉加凍飲$61…Read More

假如你平時唔介意食大陸野，以往曾經專登北上食探魚，咁呢一間餐廳好適合成為你既日常LIST。$78青花椒酸菜魚（鱸魚）（豆腐皮+大豆芽）（+$10豆卜）配 絲苗白飯（多飯）一上菜，你會好驚訝佢份量之大。以我壯年男人都飽到上心口食唔哂，建議千其唔好多飯，女仔要搵人share食。魚方面可以選擇鱸魚、生魚片、鯛魚片，但只有前者無骨。入口軟滑有甜味，係幾好食，不過份量比想像中少。配菜免費揀2種，大豆芽呢種例牌菜都要自選，略嫌姑寒。佢有可能好似譚仔咁，愈多配菜份量反而愈少，所以唔洗揀太多。主食可以揀飯、薯粉、米線。真係唔需要加大，成份酸菜魚好大好飽！整體味道，微辣大陸味，你會一路食一路諗究竟碗野用左幾多黑魔法，但你又會情不自禁繼續食哂佢。同一碗野係旺角起碼賣$150，所以如果冬天覺凍/冇胃口唔知食咩好，而你又鐘意重口味野，呢間係一個唔錯選擇！…Read More

難以想像我呢位馬鞍山居民會專登到青衣街市排30分鐘隊食飯。但事實證明，我唔介意再去@@實情係青衣收工，上網睇下有咩推介，咁岩見到有人宣傳呢間隱世7年小店，一於去試下。佢位置的確好偏僻，我搵左好耐先入到去。仲要12點正已經排長龍，等左20-30分鐘先食到。價錢的確極實惠，建議買醬油叉燒拉麵$40 + $10叉燒+$5麵底，呢個係後生男仔份量上到枱份量好大，好香，食到一半先記得影相。麵質的確係普通即食拉麵，但我唔鐘意彈牙勁道麵，所以呢隻好岩我。慢煮叉燒好好食，肉香好濃又唔肥，好後悔只係加$10，起碼加$30。湯底好岩香港人口味，日本拉麵不嬲好咸，老板專登只係用蔬菜肉骨慢煲淡口湯，佢希望客人真係可以除左食麵仲飲到湯。利申我真係飲哂，入口唔咸，飲得蔬菜鮮甜味。正！總結：街市價錢但用心味道，會再去！門面個女侍應好有禮貌，希望老闆勿忘堅持，繼續煮一個好麵，唔好變質加價連鎖店啦🥹🥹…Read More

放工大圍落車搵lunch。行經好湯好麵，一如既往好多人排隊，試過一次覺得只係唔排隊可以一試既程度，於是試吓佢隔離間馬來西亞店個蝦麵。店內入座率唔高，同隔離店都大對比，地方都細。上餐好快，蝦麵重點係啖湯。一飲，ummm，相比起荃新天地間蝦麵店，呢間啖湯冇咁鮮甜香濃，相信用黎熬湯既蝦量相對少，另外佢輕微炒燶湯料，令啖湯有少少苦，要加蝦辣醬蓋過。蝦辣醬只係辣版是拉差醬，冇蝦味。只可以話普通蝦湯。而且湯水唔夠，食到中段變左撈麵。配料方面，廚師煮完麵倒暖湯再鋪魚皮頭、豬腩肉、蝦、蛋。全部都微凍，建議佢輕輕滾一滾湯好d。味道一般般，但虎蝦有驚喜，肉質算彈牙，香甜有蝦味，唔霉夠大隻。份量岩女仔食。最後加左杯拉茶，水吧係即場煲滾茶葉再倒杯加奶，所以茶味好濃同甘，唔岩我口味，但幾特別。結論 還好。…Read More

堅尼地城其實好多好野食。間間都好吸引，所以隨緣搵左呢間葡萄牙菜。$98set lunch + $25甜品+$50紅酒再+1。價錢黎講算正常，而味道唔錯，值得試下。先講下佢個飯，出色！佢用risotto煮法雞湯煲成 飯好香有雞甜味，可惜唔夠熱。沙律加上葡萄牙橄欖油同炸粟一燒碎？好香好開胃薯條鮮炸好炸，鹽都冇落但食到好濃薯仔味雞係敗筆，勁鞋，但我鐘意個調味。葡萄牙 紅酒好香，易入口，想買。葡萄牙人侍應好靚仔好熱情，差d比佢迷倒，好彩我係男人…Read More

餐廳位於壽司郎隔離，但長期冇人排隊，同壽司郎有強烈對比。為咗滿足好奇心，一於入店試佢最貴既主打—特上黑毛和牛。用餐後十分明白呢間店點解有咁多讚好但冇人黎。先講呢間店出色地方1. 餐單形容十分吸引，而且唔洗排隊。2. 裝修十分出色，空間好大好闊落，坐得舒服。3.特上黑毛和牛的確出色好食。 油脂香味係口腔爆發就基本，最難得係你唔會覺得油膩，反而有少少清醇既感覺。4. 甜品窩夫出色，香脆。可惜佢有大量地方需要改善1. 燒肉定量午市半自助（60分鐘）比$269食6塊燒肉我可以理解，因為會expect自助餐填肚。但佢個自助吧只有沙律、炸雞、薯條、秋葵、白飯、味增湯、雪糕、窩夫、醬料、飲品。係啊，無啦，係得咁多。我磨拳擦掌諗住行多幾步睇下有咩野食，點知一步行完。你求其擺幾條翠玉瓜茄子我拎去燒下都好丫，我黎食白飯炸雞放題咩。 熟食唔熱，炸雞超鞋，秋葵好老。好啦，我當我重點係要欣賞個6塊燒肉，但我燒燒下有人黎叫你做會員，燒完就即刻有人叫我埋單夠鐘60分鐘了，大佬雖然比完錢你冇趕我走，但對於進食觀感好差。而且我仲要自己去熟食bar拎野食自己燒，時間好趕。店舖極需要考慮將呢個套餐直頭delete半放題呢個字眼，改為燒肉定食。咁樣有前菜沙律小食主食甜品飲品由服務員逐樣serve我，我先可以更專注進食，品嚐和牛味。咁樣消費者觀感好好多，仲會覺得呢個定食套餐好多野食。2. 特上燒肉專用醬料餐枱上會有張leaflet介紹4款醬料，係特上和牛專用，當你睇到覺得幾吸引會想試個陣，出面醬料吧只有普通醬，然後問侍應，原來特上燒肉放題800蚊餐先可以有，特上燒肉半放題餐係冇。?????3. 碗碟有漬結論放題可能可能可以勉強試下，但半放題就極度伏。埋單$282…Read More

之前上網見有飲食Kol大讚呢間野，就試試佢。全日收加一，少癲。12點去到岩岩開門，冇人唔洗排隊。入座後唔諗直接揀tuna飯，話哂都佢主打。前菜黎左個沙律，普通茶餐廳級數😂😂，有罐頭菠蘿幾搞笑。個人覺得值$10等緊正餐個陣發現冷氣機滴水，少癲。上菜，擺得幾靚，就連匙羹都分3隻。麵：食左啖麵先，麵質麻麻，口感有d差，湯係鰹魚湯。個人覺得值$25蛋：普通正常，不過蛋香味濃，可惜調味個陣係攪勻，發現d調味粉係個底到。$15青瓜片：配腐乳豆醬幾特別@@ $5Tuna飯：tuna份量預左唔會多，但個質素都比想像中差，得3塊中size大拖片，3塊都有筋，有大拖肥脂香，唯有當香口膠愈咬愈香。大拖魚蓉食得出係有大拖魚香，加分。飯量ok。$80男人食夠飽。服務：茶杯顏色有問題，侍應睇唔到空杯要refill。 隔咗好耐先有。有得借尿袋，幾好。結論：最多值$135+1，佢賣$168+1。壽司黎講冇咩大特色，香港周街都係唔洗專登黎，不了。…Read More

大型連鎖日本快餐。$88巨型雞腿午餐。前菜沙律：普通，記得要撈一撈底個汁先食雞腿：的確幾大塊，似豪大大雞腿貨源。個鐵板唔算太熱，仲配把剪刀比你剪肉食，幾好。味道蒜香味十足，肉質幾嫩口，唔錯。配飯同麵豉湯，湯冇過咸。送杯茉莉綠茶，冇茉莉味，垃圾。環境：幾靚有裝飾，座位舒服。總結：呢個價位性價比ok，會再黎。…Read More

行經港島小巷，出名多美食。呢間以腐乳為招牌。先叫杯腐乳咖啡。一入口真係震驚我味蕾😂😂😂😂因為你會feel到好似可樂既入口汽感但又唔係，然後一股非甜非咸微酸既味道攻入口腔，最後化為腐乳溝咖啡既淡淡味道😂😂😂。 可以話好特別腐乳卡邦尼。不得了，有樣野佢做得好好👍🏻就係除左煙肉仲加左蠟腸，真中西合璧。個味道好夾。不過腐乳味略嫌唔夠濃厚，唔係腐乳份量問題，而係腐乳種類問題，建議換另一隻豆味濃d既腐乳。總結而言，行經可以試下。…Read More