feedVicky's Profile

放假去中環街市閒逛，又多休閒活動又多餐廳，真係幾好行。同仔仔經過呢間MYLKLAB.CO，佢見到雪糕就即刻被俘虜😂 我見menu主打100%有機豆乳、每日新鮮製造，一於買杯嘢飲拎住行街。🖤豆乳奶蓋黑糖仙草豆乳 $48💚有機開心果豆乳 $45🤎奶蓋Oreo 朱古力豆乳 $50有機豆乳取材高品質嘅黃豆，豆味非常濃郁，口感滑溜。🖤黑糖仙草唔會太甜，有仙草甘香。💚我就最中意開心果味，果仁香味碰撞豆味，兩隻味都咁出，但又平衡得好好。🤎Oreo 加朱古力🍫 呢個組合有新意，簡直係小孩嘅最愛😍加$8可以加唔同配料，紅豆🫘、燒仙草、宇治抹茶凍、紫米、桃膠等。阿仔杯黑芝麻雪糕 $38更係愛不惜手，黑芝麻有烘過嘅香味，每啖都咁重芝麻味！大半杯雪糕俾佢一個人食曬😝純素、無奶、天然🌱 素食人士或有乳糖不耐症人士都啱食。經過開中環街市可以去試下🙌🏻…Read More

Pause it係一間裝修簡約舒適嘅咖啡店，主打嘅咖啡拉花圖案複雜又精美，每次嚟飲咖啡都會好期待！今次食lunch又嚟試新嘢☺️法式蔬菜芝士雞肉卷配蜜糖烤薯粒 $128嫩滑多汁嘅雞卷包住清爽蔬菜條同香濃芝士，味道豐富，醬汁調味帶出肉質鮮味。伴碟嘅薯仔搽完蜜糖去烤，好味又有飽肚感。麻辣牛肋條配香炸牛蒡 $168見到Menu上面呢款牛肋條，係四川麻辣味，咁創新一定要試吓！辣味唔係好重，帶啲蔬菜煮過嘅甜味，對我呢啲唔係太食得辣嘅嚟講啱啱好👍🏻牛肋條鬆軟，肉質夠腍夠入味。伴碟嘅炸牛蒡睇落似薯條，食落有種甘香同牛蒡獨有嘅香氣，味道討好。Hojicha LatteFluffy 小狗🐕圖案拉花，得意又少見，呢到嘅latte art玩到出神入化😍 焙茶味濃，同咖啡、奶味互相平衡。冰葡萄柚茶冰凍果茶，解暑又清新✨另外餐湯係菇菌濃湯，味道香滑👍🏻…Read More

元朗Yoho MALL出名多高級食府，但呢間囍雲軒新開分店依然客似雲來，今次同同事去午市嘆茶🫖 發現呢度嘅裝修堂皇有氣派，大幅天花板吊燈🪩 樓底又高，坐得舒服。主打新派點心，款式多，擺盤又精美，今次特別試咗賣相靚嘅點心。必點✨金光燦爛點心盛盆✨ 大蒸籠裡面有8款點心，環環相扣賣相好特別。裏面嘅蝦餃皇爽滑鮮美；紅菜頭野菌餃餡爽甜又有獨特菇菌香；流金熊貓包造型超可愛😍裏面嘅鹹蛋王流沙餡好香口！蟹籽鮮蝦燒賣皇大大粒！呢個拼盤無論打卡定美道都非常好👍🏻西班牙黑毛豬叉燒酥方木盆上菜嘅叉燒酥，用中國繩結裝飾，好有中國風色彩。黑毛豬火腿片鹹香惹味，伴住充滿牛油香嘅酥皮同甜叉燒，味道好平衡。花膠瑤柱灌湯餃呢個灌湯餃勁足料，裏面有花膠同瑤柱、仲有菇菌粒，湯底勁鮮甜。流金增城掛綠荔枝樹造型夠晒可愛，外皮脆卜卜，好似煎堆咁樣。裏面嘅流沙奶黃麻糬，香甜煙靭。盆栽小蘿蔔用當造新鮮蘿蔔刨絲，保留清甜水份，外皮煙韌帶甜。底下係Oreo餅碎做嘅泥土，配埋工具鏟🪏 造型嘅匙更，動手掘蘿蔔真係好搞笑好玩😝呢度有特色嘅點心仲有好多，晚市仲有好多巧手小菜，留返下次再介紹🙌🏻…Read More

荃新天地呢間「自己人」，用餐空間特大，裝修又高級，主打新派潮州菜，樣樣款式都好吸引🤤今次同大胃王朋友一齊開餐，梗係要樣樣都試吓啦！✨🥢金魚戲水（湯蝦餃） 金魚造型夠吸睛👀，餃皮彈牙，蝦肉鮮甜，配湯同吃的濕潤感頗特別！😋潮汕蠔烙🦪「架己冷」點少得傳統潮州考牌菜式，呢度嘅蠔烙唔只係「蠔仔」，食落夠大隻最滿足。潮汕滷水炸乳鴿店家推介果然名不虛傳，乳鴿啖啖肉，外脆內軟，一人一隻唔過份。鳳梨雀仔鳥籠造型夠gimmick，鳳梨酥食落原來都有內涵，微暖溫度令人聯想到台灣名物，甜度得宜。鹵水拼盤滿足大家心多嘅願望：生墨魚、鴨舌、鴨掌、豆腐……唔知食邊件先好呢？鹵水鵝肝膽固醇超標之選🤣，件件都咁肥厚，令人欲罷不能🫣酒醉走地雞（文昌雞）濃濃嘅花雕味對辦，雞肉保持嫩滑。乾蝦香蔥麵炸葱點綴了簡單的炒麵，乾蝦鹹香口味，油麵質感嘅麵底，不禁要續碗。鴨屎香手打檸檬茶🍹食左咁多重口味嘅潮式菜，係時候嚟一杯手打檸檬茶解解膩，茶味與甜度剛剛好。…Read More

喺尖沙咀君怡酒店入面有間好有氣氛嘅日本居酒屋——九十番地居酒屋 🏮 充滿和風特式嘅擺設，座位寬敞舒適，好適合同朋友黎小酌一番🍶 今次同媽咪黎行街醫肚，試左每日限量嘅藍鰭吞拿魚二人盛宴（$798）有14品，款款都好吸引🤩 前菜有吞拿魚刺身沙津、枝豆、唐揚炸雞、汁煮茄子，份量都唔少，味道食得出係用心製作。有鮮嫩肥美嘅大拖羅、中拖羅、赤身刺身；仲有珍貴部位嘅吞拿魚面頰同腦天壽司🍣；火炙呑拿魚溢滿油香；吞拿魚下顎燒物皮脆肉滑，佐酒一流；吞拿魚腩蓉手卷、成個用餐體驗滋味又高級！食物種類多，除左刺身同壽司，仲有專屬廚師發辦吧枱、串燒、天婦羅、鍋物、山口縣傳統瓦片蕎麥麵🍜…Read More

好耐無食Omakase🤩 朋友生日遷就佢收工，book左位於中環嘅一緒一番酒場慶祝🏮 呢度充滿日本酒場氣氛，仲可以睇住中環夜景開餐🌃。晚市有$980同$1380兩款菜單，我地揀左$1380 廚師發辦晚市套餐<梅> $1380，可以食更多高級食材😋🥢 先付 前菜三點作為第一道菜先來開胃小吃，小龍蝦沙律清新，蝦肉爽口，蟹膏豆腐配黑松露滑嫩蟹膏鮮味，漬蒜頭夠入味唔太鹹。🥢 御造 季節生蠔大大隻當季岩手縣生蠔，海鮮味濃，順滑清甜，加三文魚籽跟醋汁中和，更加襯托到生蠔嘅鮮甜。🥢 旬 刺身四點深海池魚刺身裹住薑片同紫蘇葉食，魚肉彈牙鮮味，清爽味蕾，更突出魚肉淡淡嘅鮮甜。🥢 金目鯛刺身加醬汁同蘿蔔片，魚味濃郁肥美🥢 鯖魚經過火炙烤出魚油香，用紫菜包住吃，非常香口🥢 中拖羅刺身非常嫩滑，厚切2cm有多！🥢 和物 北海道帆立貝海膽杯看著師傅逐樣配料加入杯中，已急不及待！由低層一小口漬飯，拖羅蓉，到中層的厚身帆立貝，上層的海膽和魚籽，最佳食法是一次過倒進口，清清地嚐到不同食材嘅新鮮同層次風味。🥢 鮨 壽司五貫活北寄貝壽司已配新鮮芥末和醬汁可直接放入口，鮮味爽甜🥢 活赤貝壽司同樣新鮮大隻，肉質爽脆🥢 油甘魚腩壽司超級肥美，完全無筋，入口即溶🥢 火炙燕鰶壽司，魚油味香，魚皮彈滑🥢 北海道海膽壽司又是慶祝飯重點，朋友超愛，用紫菜包住，一口吃光，海膽味道濃郁甜香，幸福感滿滿🥢 一品料理 煮物清酒煮蜆的蜆肉新鮮，湯頭帶甜感，也保留住清酒的香氣，有質素的料理 🥢 吸物 土瓶海鮮湯土瓶海鮮湯令人驚喜，入口清淡而鮮味，越飲越重貝味魚味，同時有濃烈烘土香味，非常特別。可以加入檸檬汁，味道有變化🥢 甘味 時令果物以香甜西瓜和脆口香印提子作結，去一去飽膩口感呢餐食得好豐富，好值得再訪😋…Read More

幾個月前發掘太子美食時發現呢間，試過都幾好。前幾日朋友講起想食龍蝦伊麵，然後決定帶佢去試試。龍蝦伊麵份量好多，每人都可以食到2-3碗。滿滿都係龍蝦肉，唔係個種龍蝦殼大但肉細嘅。蝦肉肉質好新鮮好彈，上湯冇蓋過佢嘅味道，反而令蝦肉多啲汁水。清蒸東星斑，蒸得剛剛好，肉滑新鮮。東星斑鮮味十足，配上蒸魚豉油同薑蔥，真係絕配，好滿意！豉汁蒸白鱔，肉質鮮嫩肥潤，口感軟糯，而且油脂均勻分佈喺魚肉紋理間，帶嚟豐富嘅風味！鹹菜胡椒豬肚湯，天寒地凍一定要飲碗湯暖暖胃，豬肚乾淨無異味，胡椒味香濃，餐廳更細心地用蠟燭保溫盤保溫住，每一口都熱辣辣。…Read More

之前喺銅鑼灣同旺角都食過📍人生有限杯串燒店，而家喺尖沙咀都有新分店🆕！位於赫德道，鄰近地鐵出口，座位寬敞，仲有吧枱位置。新餐單推出了各款獨特風味菜式，價錢好親民，我地都試左好多款😋焦糖菠蘿鵝肝醬多士（2件）一碟兩件，最啱同朋友仔作為starter分甘同味，甜甜鹹鹹一啲都唔膩。山椒鰻魚汁燒白鱔山椒味喺口腔內大爆發，刺激！為白鱔添上層次，幾特別。蒜蓉欖角燒蟶子+蒜蓉菜脯燒扇貝自製燒海鮮trio，蒜蓉料夠晒足，帶出到兩種海鮮既鮮甜味，食到舉晒手指公讚好！👍🏻蒜蓉菜脯燒茄子肥美嘅茄子經過充分烤過，抽出一絲絲茄肉，又juicy又索晒蒜香。免治雞肉棒蘸上日本蛋汁嘅免治雞肉棒，除左本身嘅燒汁，多左一重蛋香，提升晒串燒嘅層次感。汁燒雞隔膜開頭以為會好韌，原來都食到啖啖雞肉嘅口感，而且汁燒甜甜地又嫩滑👍🏻黑松露燒雞肝好難得雞肝燒到剛剛好，唔會太乾身，黑松露味都好出，內臟愛好者必食。鹽燒和牛牛小排嗜牛者唔可以錯過，肉質頗嫩，喜歡佢調味唔過於重手。墨魚滑紫菜大蝦食得出係心思之作，淨係釀墨魚滑都係啖啖心機，三樣元素無互相搶fo📸，仲好夾！椒鹽紫菜味九肚魚（附泰式辣醬）必須趁熱食嘅item，一口酥脆由個外皮直到九肚魚條骨，醬汁甜甜酸酸好matchy！港式蜜糖多士夾雪糕女生有第二個胃：甜品胃！雪糕多士似係冰火嘅配搭，正呀！食埋先算係完美～🥰…Read More

平時去湊湊都係打邊爐多，見到出咗全新宵夜時段嘅夜市放題，$128 全場任食任飲！幾十款台式經典美食、小食、手搖茶，選擇非常多🤩從台式紅燒牛肉面到台南鹽酥雞，再到日本三得利冰凍生啤或珍珠奶茶等等。推介時令當造嘅荔枝蝦球，造型好得意又神似，蝦球爽彈。香酥蚵仔、鹽酥雞、香炸小酥肉全部都好惹味。黑虎蝦蝦卷炸得好香脆，黑糖糍粑煙韌甜糯，真系款款都好出色。飲品方面，全場水果茶飲、啤酒同珍珠奶茶🧋任飲。仲有必點嘅招牌洪湖大閘蟹粉面，每碗都有4只大閘蟹份量嘅蟹膏🦀 非常鮮美😋 台式紅燒牛肉面用上等牛𦟌肉，好嫩滑。嚟湊湊嘆個宵夜，$128任飲任食真系太瘋狂😝…Read More

台式火鍋牛大人性係我心目中性價比極高嘅火鍋店❣️近期見到推出黑白主題🖤🤍 係時候去試下有咩新idea😋今期黑白主題講視覺顏色，黑白食材對比鮮明，估唔到配搭起黎味道都咁match! 先講湯底，有：◾️黑金蒜皇土雞鍋◽️雪白御鮮豆腐鍋我就鍾意中意味道清清地嘅湯底，由豆腐鬆軟嫩滑，仲索晒啲湯汁精華✨非常鮮美！除咗湯底，仲有大量黑白主題食材，先講黑色🖤 有黑‧雪映山葵豆腐、蟹籽墨汁漿、鹽酥髒髒雞，黑色食材好吸引眼球，特別係蟹籽墨汁漿嘅墨魚香味濃郁，一定要試吓！再嚟白色限定食材🤍 有白 ‧ 藤香鮑魚豆腐、鹽酥美乃『雞』、魚香皮蛋豆腐，美奶滋做炸雞醬汁，味道冇得輸。黑白特飲推介呢款芝麻豆漿黑旋風🌀 芝麻+豆香濃郁，甜味有層次，只要LIKE 社交平台 就可以送一杯✨ 仲有主打嘅黑白啤酒 🍻：半杯晨光．半杯暮色 ($68/400ml)混合少爺啤酒的Pilsner與Stout，麥味重，苦澀中帶香甜。最後以甜仙花雙圓甜品作結，黑白盛宴圓滿完食😋今次試嘅係日本A4黑毛和牛火鍋放題，當然係大量encore呢款高質和牛😙 入口嫩滑細緻，油香同肉味喺口腔爆發，最貴價位嘅肉質真係更更出色！…Read More

最近帶阿仔去食屯門Hotel COZi - 龍蝦松露 • 半自助晚餐，覺得食物質素好好，仲有好多啱小朋友嘅服務，值得介紹俾住新界西嘅朋友🙌🏻The Platter 當龍蝦遇上松露，係半自助餐，主菜分唔同價位，每日嘅選擇都有唔同。我地就叫左：焗原隻新鮮波士頓龍蝦米多($408)、蟹肉天使麵配香煎鮑魚及鮮蕃茄汁($258)。龍蝦🦞啖啖肉，芝士香味濃郁，肉質彈牙。阿仔嘅兒童餐都好豐富！火車造型嘅餐盤，放上雜菜沙律、火車頭炒飯（火腿、香腸、粟米及蕃茄醬）、脆炸雞塊、薯條、新鮮生果，仲有橙汁，佢豎起手指公話好味👍🏻呢度食兒童餐，+$10 可 獲贈 繪畫套裝一套 及 兒童樂園免費 60分鐘遊樂時間🎪半自助餐有咩食？🔸推介嘅有冰鎮海鮮 (白蝦、藍青口、翡翠螺、蜆)🔸什錦凍肉 - (開心果肉腸、帕爾瑪火腿、高柏火腿、意大利香腸、煙熏牛肉腸)🔸什錦芝士拼盤 - (布里軟芝士、車打芝士、艾美達爾芝士、戈根索拉芝士)🔸沙律吧+是日餐湯+自助甜品+咖啡或茶阿仔最中意係都係朱古力噴泉🍫 ⛲️ 進出十幾回🤣 仲有可以自己整窩夫🧇蛋香、蜂密牛油味好好食，都係個好好嘅親子活動。…Read More

週末，我同閨密去咗一間熱推嘅泰國餐廳打卡。入門嘅時候，我哋聞到濃郁嘅香料味，令我哋食慾大開。店內裝修風格以熱帶風情為主，令我覺得自己喺異國度假。我哋首先試咗青檸明爐烏頭。呢道菜帶嚟視覺同味覺雙重享受，魚肉鮮嫩，帶住炭烤嘅香氣，青檸汁澆上去之後又加咗清爽嘅酸味，刺激住我嘅味蕾。接下來係泰式蜜煮炒蜆，蜆肉裹滿醬汁，口感鮮美又帶少少香辣，係配米飯嘅絕配。隨後係泰式青口，青口嘅調味偏甜，青口嘅鮮嫩同香料嘅融合非常出色。我哋嘅甜品揀咗椰汁紅豆冰，椰汁嘅冰涼中夾雜住紅豆嘅甜糯，真係炎熱天氣裡嘅救贖。蜂蜜蘆薈龍眼特飲又一次俘獲咗我哋嘅心，飲品入面嘅料十分足，甜而不膩嘅味道令我飲一啖就愛上咗。一頓飯食完，我哋滿足咗自己嘅肚子，伸拍咗好多靚靚嘅相，呢次係一次愉快嘅午餐體驗。…Read More

冇諗到嚟到旺角可以搵到咁正嘅火鍋餐廳。經同事介紹，我識到呢間餐廳，佢哋有雞煲食，所以就帶埋屋企人一齊嚟打邊爐。老豆叫嘅花膠雞湯肯定熬咗好耐，湯底濃郁鮮美，花膠口感滑嫩，湯中仲帶有雞肉獨有嘅香氣，令人覺得好滋補。牛板腱涮落湯底後，口感好細膩，入口即化，每一口都能品嚐到濃郁嘅牛肉香氣，真係無比滿足。脂肪分佈都好均勻，食落唔會乾，豐富至極。和牛餃子用咗好高級嘅牛肉做餡料，餃子皮食落唔會太厚，內餡鮮嫩多汁，帶有牛肉獨有嘅香氣，好鮮美細膩，越食越香，正到爆！白鱔片都好新鮮，即使涮咗花膠湯，仲保留住魚片鮮美嘅味道。魚肉食落柔軟，唔使咀嚼，入口即化，仲帶有淡淡嘅海洋味，食落非常香甜。一家人一齊打邊爐真係好開心，有講有笑，好幸福。…Read More

有次想食燒烤，偶然之間喺網上搵到呢間燒烤放題，感覺上就係非常抵食，所以就book咗兩個位嚟體驗。呢度環境特別好，地方乾淨，裝潢令人非常舒適。我哋叫嘅係美國黑牛放題套餐，入面有好多好嘢都可以任食。先嚟講講佢哋嘅牛肉，都係特別新鮮嘅，尤其係主角，極黑牛喺口感同味道上就食得出唔一樣嘅感覺，唔止肉質特別鮮嫩，黑牛食起嚟嘅油香都係普通牛肉冇嘅。佢哋仲有牛板腱、牛舌、牛頸脊各種唔同嘅部位，食起嚟嘅感覺都唔一樣。然後豬肉都係一流，肥瘦相間睇起嚟就特別香，燒起嚟香味就撲鼻而嚟，都開始流口水咗。燒烤除咗肉，都少唔咗海鮮，吉列蝦、味付墨魚仔、味付螺肉，都係無限任食，海鮮喺口味上可以帶嚟滿滿嘅新鮮感，食落去好鮮美，都唔會覺得膩，都係好好食嘅。呢度嘅蘆筍都唔錯，上面加咗蒜頭同牛油，食起嚟係香氣十足，蘆筍仲好脆口。佢哋仲有提供鰹魚豆腐湯，湯底味道非常清新，配埋燒肉一齊食，簡直就係絕配。我哋喺呢度都食得非常滿足，大家真係可以嚟試試。…Read More

【和牛拼盤5款】❣️宮崎和牛 特上雪花牛排肉：超好食❣️宮崎和牛 上牛排肉：好食❣️宮崎和牛 上牛排肉（鹽汁）：超好食❣️宮崎和牛 特上肩肉眼：超好食❣️澳洲和牛 橫隔膜（醬汁）：好食一次過俾你試勻晒五款唔同嘅和牛，款款都係咁鮮嫩多汁，鮮味十足。【雪花宮崎和牛刺身】和牛刺身雪花分佈均勻，佢嘅肉質細嫩柔軟，仲帶住一絲絲清甜甘潤嘅味道。送入口嗰陣，和牛濃郁嘅脂香同牛肉味伴住絲絲清涼一齊喺口腔入面溶化。【清酒燒日本真蠔】蠔身雖然細粒，但蠔肉好飽滿，海水味、蠔味、甜味配合平均，尾韻滲出濃郁嘅蠔味，味道真係鮮甜無比。【蟹肉蟹膏味增甲羅燒】好濃郁嘅蟹膏味喺成個口腔入面爆發，口感軟滑交疊住味蕾，感受到豐腴回香嘅好滋味。…Read More