黃金味蕾's Profile

上星期六和家人到這裏午膳，酒樓地方明亮寬敞，樓底也高空間感十足，我們叫了大紅袍（不記得清楚😅）烏龍茶？茶味甘香可口，不是一般酒樓的茶葉碎沖泡。蝦膠荔枝球和啤梨型鹹水角賣相吸引，鹹水角外脆內軟，充滿鹹香；燒賣豬肉新鮮Juicy，乳鴿味道中規中矩，特別推介係呢度啲腸粉超級軟糯，好食到俾人搶晒，忘了影相，粉果皮薄，餡料做得甘香，點上少少辣椒油，真係回味無窮；必點的是蛋白杏仁茶，不是坊間用杏仁油做的那種劣品，而是手磨現製，而且份量大大盅，性價比高值得一試，母親大人嘅大愛！總括來說，兩老都很滿意這一餐。…Read More

是晚共點了四味菜，其中一味係黑豚叉燒，但中間成條肥糕，只有蜜糖味，幸很夠熱，$248只有八塊，性價比相對較低。其餘三道菜都頗多油，食材不是太特別，都是一般貨色，羅漢齋不太咸，可取。但油太多，竹笙入面冇乜味。另一味係尖椒唐辛子煮牛肉，牛肉夠大塊，亦夠熱，可惜油太多，油淋淋的，不想多吃。最後由經理推介的魚蓉米粉，都係東莞米粉貨色，又係太多油，幸唔會好咸，但冇乜料炒，賣相不甚吸引，最後只好用熱水撈來吃，減低油膩感！…Read More

不知所謂!!黑椒叉燒拉麵得個辣字，完全吃吾到湯的鮮甜，失敗!!老公那碗呢?不消說，豚肉拉麵，仲話係甚麼推介，點知豚肉竟然用豬頸肉! 吾係fa?? 湯底仲有陣古怪藥味，麵質是硬但無趙頭，好硬，似未煮熟! 炸蠔總算ok, 但牛舌粒，又乾又無味，雪藏貨! 一定吾會再食! 又吾係平!…Read More

　　今天收早，幾經辛苦，先至叫倒食肉獸阿妹來食齋，同埋阿媽，一行三人，只係食午飯，就食左$326大圓，肉都赤，我地叫左：－　乾炒牛河（特別推介給食肉獸阿妹）－　「豆支」汁素黃魚－　一窩艇仔粥－　炒腸粉－　蘿蔔絲酥餅－　素粉果－　羅漢齋辦麵　　第一次食乾炒牛河好有鍋氣，勁推介給同事＊（我已食過四次，今次係第五次），但今次，油很多，一的都吾乾身，牙菜無平時那麼多，仲無左陣鍋氣味，好肥好溜……　　「豆支」汁素黃魚，上次食肉質方面好似魚，而且扮魚皮的紫菜煙煙un un，加上剛剛炸起，伴埋的汁，脆脆地，幾有口感，所以encore, 可是, 今日食的完全兩回事：魚肉中間用腐皮攪碎來整，口感確係霉，外皮吾脆，紫菜又吾煙un，個姓李的經理走過來問：點解食剩那麼多黃魚吾打包? 我答：吾好食。她說因為中間仲差少少未炸透，所以影響口感，話下次送翻條魚比我，講真，即時免我呢碟錢咪仲好 !　　隔離臺有個中年粉絲阿姐忍不住答嘴說：　以前呢度的牛河好出色，而家炒野都差晒，我而家凈係食點心炸，師傅差晒，不其然我想起：會吾會換左師傅　？？　又或者晚市個師傅吾同下晝的師傅，有無人答倒我呢個問題呀？？＊艇仔粥同上次食味道不同，雖然材料差不多。上次好味的。:(＊蘿蔔絲酥餅都幾好味，很甜，但吾似有味精。＊素粉果淡而無味，劣作！＊羅漢齋辦麵又係水汪汪，全欠鍋氣之作 　　服務員又吾提醒我DBS有九折，次次都無提我，我又顧住同阿媽講野……ｄ人做野無heart次次出到門先記得：呀!有九折wo! 失敗…Read More

明明坐左嚮到等位，成十五分鐘，點知有人客剛走入來，就望都無望就叫人坐抵，我呢？！服務態度勁差勁差另一次，叫了個椒鹽骨套餐（跟飯同湯）　＋　海南雞飯，首先係個骨，柴皮中的ｘｏ，好乾，好乾……ｓｉｚｅ又小，每條骨只有兩隻女性手指公拼埋禁大，只有六條的分量，賣到＄40幾$50蚊！！至於個雞：肥到吾食得，舊舊都係羔，仲又鞋又凍，好似響雪櫃出來似得，個醬又少又吾地道，個飯又吾熱，油飯的飯好肥，膽固醇＋脂肪爆標……。結果成碟放反嚮度，大浪費！本人以前見識個肥仔個間「泰ｘ人海南雞飯」，呢間都的確難食，但比起呢間三盞燈，欸！欸！欸！，如果十分滿分的話，泰仔個間：5分；三盞燈？吾想評分！不予置評！吾想影相，因無心情！:(…Read More

:(因為有折扣優惠，才會去試。我們兩人叫了淆肉海蜇頭盆，海蜇吾爽，無味，淆肉就是普通貨色，王X沙的海蜇都好食過佢。主菜要了個得獎菜，個菜名吾記得，但要成三百蚊，只得五六隻蝦，同一些炸好似蝦餅的物體，用合掌瓜之類雕成樹葉樣子來拌碟，賣相ok, 但未去到推介；還有一個士椒露筍炒牛肉，呢個味道還好，不會太多油，賣相一般，相信很多酒樓都有相同菜式推出，甚至超越其水準……。　焗響螺就仲攪笑！用curry來焗，跟本同海鮮吾甲，仲有些椰絲，這個葡汁焗真的不欣賞:(。最後仲有炸子雞，皮是脆，但雞肉本身味道欠奉，冰鮮貨，無期望，擺酒時食到的都好過佢！！全個過程，我食雞食到成手都是油，但連一條濕毛巾都沒有！以五星級酒店來說，服務差！…Read More

試過兩次：第一次：茄牛米+熱奶茶，蕃茄係罐頭貨，但比起大x活的蕃茄系列好，一試無妨 !熱奶茶就幾滑，比蘭x園好。凍奶茶無驚喜！第二次：檸蜜脆脆，檸檬汁好酸，只有少許蜜糖，同個包一d都吾夾! 因為我是九龍人，一場來到, 再叫個奶油脆豬，分別好大，好味好多-(比起檸蜜脆脆)，不過相比翠x餐廳的奶油脆豬，本人覺得翠x的較鬆化軟熟，而且無禁噥，一分錢一分貨吧！總體而言：大熱天時要排長龍 ?吾值得! …Read More

個晚好早出到去，見冇物人，但企響門口都足足30分鐘，入到去真係失望，一見到啲壽司都未食就知唔得，好想即刻走，但係排咗咁耐又唔抵，我平時都會捐入去睇睇先排隊，今次冇咁做就出事。壽司面啲魚生好細塊，帶子好似五毫子咁細，第二啲鋪頭，好似板前同一壽司，同價錢都會有五蚊銀咁大或大過五蚊銀。劍魚壽司呢，平個種啲劍魚就有“渣”，好啦，俾多幾蚊，攞碟貴嘅劍魚壽司，但個塊劍魚魚生就薄到透光。又試下軟腳蟹手卷，隻軟腳蟹就好似未發育，不過食飯飽囉，元氣壽司啲軟腳蟹手卷好好多，又平過佢。唔好以為我醃尖，坐我隔離個pair，埋單個陣首先發佢圍，好嚴肅咁同個waitress講，話“呢度啲嘢食又掂，service又唔得”，我一聽到就心都涼哂，果然有知音人，我埋單個陣就唔再俾意見，不過決定以後都唔再黎。但都食咗兩舊水又唔飽，後尾出去再食雞蛋仔。…Read More