ct0124's Profile

因有OpenRice coupon 7折，決定與友人一試日本極上和牛（松露鮮菌豆乳湯底）個湯底陣味好似金寶罐頭湯咁，但會好滯。豬肉好薄又好味，但都唔夠雞肉咁好食，雞肉好滑仲無雪味添（相信係湯底既功勞）為大家附上日本極上和牛既相片（按上枱先後次序黎排列）只有第二碟上枱同入口令人失望（唔係俾呢個價錢既話，會覺得唔差）其餘既四碟牛入口易咬，有肉汁，肥瘦都略算均勻。90分鐘真係趕，但無辦法喇。侍應只會留係落單機附近，想搵人過黎都唔易。後來我用手語向侍應表示要加牛。無折係唔會想試呢…Read More

一個人經過呢間舖，總會想去試食一下（聞到個陣味，真係少d定力都唔得）。但無奈見到條隊已經唔想試，幸好今晚排隊既人少，一個人總係易d搵到位。吉列豬扒黃金餅定食豬扒入口夠熱夠脆，咬落唔會太軟，仲有豬肉味，但總係覺得味道唔夠豐富。黃金餅入口除左夠熱夠脆，第一啖咬落去已經有肉汁出現（肉汁唔會太多，但足以令人有驚喜）。咬開係見到層層肉，好正呀。真心覺得好食過豬扒。椰菜絲，無醋提供，食落真係覺得自己似羊，無味道但夠清新既椰菜絲。豚肉湯，諗住定食既湯一定係咸。呢個湯有少少甜味得黎，材料仲好豐富。有羅白，紅羅白，洋蔥，豬肉片，真係唔可以睇少呢碗湯。總結：呢個價錢係平過當年係朗豪坊同家樂坊既吉列豬扒店，但味道整體黎講都叫做抵食，只可惜無醋俾我食椰菜絲用。可以再試。…Read More

星期六，日繁忙時段每人實收158蚊，本人真係無期望過食物質素係好好。但原來做好心理準備入去，係會發現有部分食物係令人有驚喜。落單任點既食物有：肥牛，豬肉，魚片，鯪魚滑。其餘食物就任君選擇（自取）蟲草雞煲：聞起黎唔覺有中藥材既味道，嘗試尋找雞煲中既材料得知 有蟲草，椰子片，唔算多既雞。真係無期望就無失望！（笑）以下是自取食物既小建議：菜類係好容易拎唔到，擺放菜類位置唔多，我都聽到唔少客人呻。響鈴真係脆架，有驚喜食物之一。青口既出現令我覺得好特別。（因為無蝦，無蝦滑既出）仲有豬皮，魚蛋添（如果有埋咖哩就正喇）有大路既丸類，食落唔會覺得似出面食個d咁滯。會有2-3種熟食提供。飲品：正常打邊爐，雞煲既飲品都有出現，但嘉士伯都係度，但銷情麻麻（真心覺得有古怪）總結：做好心理準備可以不妨一試，以呢個價錢食物不過不失真係已經好好。PS: 要留意個gas爐，做好一上枱開爐有火花既準備。（本人真係見過，個侍應一埋黎試個爐就走，咁岩個爐有火花，熄左爐叫另一個侍應黎，佢就咁空手拎走個爐了）…Read More

放題食過2次，都想試下定食。夏日壽司刺身便當沙律：入口夠爽，蕃茄仔唔酸，只係沙律醬多左少少。飲品：選擇都唔少，個人鍾意飲茶。餐湯：一上枱夠熱同真係足料（雞腳同瘦肉）。飲落唔太油膩，仲有陣蔘味添。個人好鍾意呢個湯。主菜：唔好食既係左下角-牛他他沙律 牛肉咬唔落口 -冷麵 完全無冷麵汁 好食既-刺身壽司 招牌食物，真係唔會差。 有驚喜既-鳳爪海哲沙律 鳳爪同海哲都夠爽口，味道唔辣有機會想試埋其他食物呢。 …Read More

期待已久既排球少年youme cafe，真係一個人衝第一場都值得。裝潢部分：真係跟住animate cafe去設計，值得一讚。餐牌：只係影左呢一頁（我會再去試菜架）東京合宿BBQ套餐 79蚊真係唔好期望牛肉會好好食，味道不過不失，咬落係堅韌左少少。但配菜真係夠清淡，個人黎講係好鍾意。飯團比想像中好食好多，夠醬油味道得黎唔會太油膩。份量真係唔會令人飽（我真係食完唔會再餓JA）鳥野飲品可樂一杯，杯底附送啫喱，杯邊附送橙。以味道黎講，真係一杯可樂，無特別。谷地之芒果巴菲 69蚊以呢個價錢係甜品舖食，我係會有少少要求。但今次係為左排球少年，已經唔會太期待。雪榚一上枱就漏出黎（夏天都未完，算正常掛），個人覺得個餅乾唔太配合呢個巴菲，有芒果肉都算幫到唔少。雪糕加芒果肉一向都唔會差得去邊，但底下既粟米片，一咬落去完全唔脆，真係“林”晒加唔好食。睇黎受到芒果醬影響。結論：唔好期待食物既味道係好好食，要知道舖頭都要賺到錢先會繼續轉唔同既主題。唔覺得食物真係差到令我唔想再去。強烈建議閒日去，淨叫飲品都已滿足到最低消費。PS發現服務員都好有精神，遊戲時間都盡力帶動氣氛。…Read More

鍾意食大排檔既我，可以帶埋風扇去食。但真係未試過室內大排檔，友人極力推介下獻出第一次。2個人真係好難試到好多野。幸好大家都肚餓，叫左5樣食物架。招牌豬手（例牌）- 好味，入口唔會太油膩，皮又夠脆 （一定要約多幾個友人試原隻）炸墨魚咀- 送酒一流，咬落去有彈性又脆，點少少個汁酸酸地咁食都唔錯。薯仔牛柳粒- 薯仔夠淋夠軟，仲入晒味添。牛柳粒既大細岩岩好，唔會太韌。（但我都係鍾情薯仔）翠玉瓜木耳炒肉片- 食落唔會太油膩，翠玉瓜夠爽口，木耳入晒味，相比之下肉片味道較淡（健康之選）星州炒米- 一上枱就感覺到鑊氣，食落唔會咬到咖哩粉（炒得夠均勻），重點有少少辣（個人唔食得辣都頂到，仲覺得好刺激添）無想像中咁油膩，一洗大排檔=油膩 既感覺。總結： 室內同室外大排檔，都各有特色。初次去食大排檔又注重油膩問題既可以試下呢間，了解左先。 味道方面，重口味人士可能會覺得呢間唔夠味，但係都可以試下（唔使成日都食咁重口味既）…Read More

8點前已到達，接近晚上9點才入座（9點後入座198蚊，另收加一），雖然唔想等咁耐，但眼見全場坐滿及都仲有人等位。心諗呢間野應該有出色之處。入座無耐，侍應已送上6小碟及講解點餐情況（建議客人加38蚊可任叫任食特別推介海鮮及肉類）。友人問都唔問我就表示願意。最終無令我失望。第一張單既食物到齊，攞上枱既賣相，顏色都無令人失望。用肉眼去睇海鮮類，都唔會覺得唔新鮮，帶子既份量令我驚訝（無諗過會俾咁多呢）味道方面，帶子係俾扇貝同青口清甜同清淡，更易食到海鮮既味道。用肉眼去睇肉類，牛、豬同雞肉都唔會過瘦或過肥，當中更睇得出脂肪分佈，尚算平均。味道方面，入口牛肉唔韌，唔需要多咬幾下先食到。豬同雞肉都唔會附上大量肥膏，雞肉入口仲好滑添。試飲人參雞湯，唔算太油，入口有人參味得黎唔會覺得苦澀，清淡得黎飲完唔會太口乾。平均1人260蚊，比起出面既放題，價錢唔算太貴，但提供既食材好味得黎係唔會差，仲充滿住韓風。真心會介紹友人黎試。…Read More

友人推介的放題坐低無耐就送上的特式飲品，雖然係唔太好味既汽水，但賣相夠特別。識食既黎到一定會加錢任食生蠔，原本以為點完無咁快上枱，呢個概念係錯架。（開蠔既師傅一定好忙）以任食黎講，有大有細，味道有淡有濃，但總括而言，好味既蠔係佔多數。刺身唔會比出面既差，夠凍又甜。壽司舊飯唔會太大舊，可以放心試。炸物，串燒，焗蠔，上枱都夠熱夠脆，又唔會太咸。食物比我預期既好，於是試下好易中伏既蟹粥。無諗過呢個粥真係好食，食得太多生冷野，食返啖粥真係好暖胃。羊架本身味道唔錯，但略嫌個汁太多。整體黎講，以特價由5點半食到7點，全程無漏過單，雖然點既刺身件數係出少左，但都係可接受。加上任點生蠔係黎足晒架，呢方面真係好驚喜。…Read More

以較平既價錢去試之餘，亦唔需要趕時間。閒日去客人都唔多，相信品質會好穩定。一上枱係刺身同壽司類。頓時覺得架上既壽司好靚同高貴。刺身真係鮮味過平時食既放題，唔需要另外點三文魚魚腩，店家會自動分配一半為魚腩。好貼心。呢碟壽司只有 蟹柳係唔好食，另外黑松露味唔出，但泰式生蝦壽司係中規中矩。炸物無任何特別，但個扇貝真係好味之餘又唔重沙律味，值得再試。燒羊架，唔騷唔太油，又唔會難咬開。同以往食開放題點既羊架好唔同。個薯蓉好甜，個人唔太中意。但個蒸蛋真係帶出黑松露個味，入口夠滑，又有蛋味，正呀。呢個啤酒甜品精緻得黎個啫喱又有淡淡既啤酒味，以放題式既甜品黎計，真係好特別。成份自取既甜品都好味，唯獨個黑松露朱古力令人失望。食極都唔覺有黑松露味。整體黎說，個人都係中意午市去食，由於食材一樣，唔使趕時間交枱同無咁多人。偶然靜靜地咁食放題，呢間真係好選擇。人少少服務員都好肯招呼同好樂意介紹食物架。…Read More

一行6人相約晚上9點半入席，9點20分已經齊人在門外等候，職員只叫我地點定野食。明明眼見未滿座但仍要等到9點33分才安排入座。（理解不能）被安排坐在最裡面既位置，開頭感覺不錯，但無幾耐就知道被發配邊疆。叫左好耐先有職員收紙。刺身一上枱，無咩特別（已經無心機影）。細心留意，第一份刺身已經唔齊食物。友人說只看到青瓜（原來係海膽壽司，我明既，人地都要賺錢）無味既蟹籽壽司。同以下既食物相比，呢個真係唔算差架。（笑）未見過日式炒蜆炒到咁款，真係要影低。唔明點解會有肉碎相伴，一食落口都唔知點形容個汁（個人覺得似湯多過汁），配埋個蜆食，真係難食加上個賣相好差。唔會再想食。大家都望唔透係咩既卷物，食落只有紫菜同芝士味（睇返張紙先知中間有鰻魚，但真係食唔出）同炒蜆相比，呢個崩壞既情況尚可接受。全場黎得最足既炸物類，炸既食物通常唔會太差，但已經o係呢度好食之一。（勇者試完個炒蜆就會明）黎到呢個moment，友人同我都覺得奇怪，點解叫極都無甜蝦、焗蠔、焗帶子。（叫左4次架）唯有問店員，店員話無晒了。（可能平時食開既放題都會提客人有咩食物無晒，真係覺得無服務可言。仲要食到成枱都係吉碟都無人會收，上菜既只會上菜）由於真係唔知仲有咩食物，同埋唔知點解點左一次既燒雞翼同多春魚可以重覆黎多1至2次。大家都覺得無野好食之餘，食落都唔差（甚至會覺得好食）先無叫店員收（諗起都so sad）最後附上令人失望既甜品類（明明睇食評都唔覺得失望架）真係最後既最後，食完都唔知有咩好食，黎唔足到算，無邊樣食物真係要主動問先知，服務真係唔覺得有。以同區既放題黎睇，真心唔會再去食。…Read More

已經轉左做半自助晚餐，決定一試。先附上餐牌自助沙律吧、雪糕及餐湯區域真係眼闊肚窄，原以為可以食多碟菜，但因為豆類太多，都好飽肚。沙律菜雖然只有3款，但勝在呢3款都多人食，加上配菜同醬汁都唔少，眼見都算受歡迎。味道方面唔錯，菜都爽口，粟米唔甜，值得一讚。但豆類較甜。餐包方面，內裡好鬆軟，如果有得烘熱，相信會更好食。主菜來了---------水牛城芝士和牛漢堡包配薯角 108蚊個包皮脆，個汁同蕃茄帶出酸味，味道中規中舉。以價錢而言都唔會覺得唔抵食。但食落會覺得個漢堡味道唔夠多汁，仔細一睇發現中間真係有少少紅色，所以食落唔會覺得乾。薯角方面，真係無特別。（如果再熱d上枱更好）焗鮮茄芝士豬扒飯 98蚊茄汁夠酸，芝士略嫌唔夠多，豬扒入口都算軟身。以呢個價錢，會覺得唔抵食。食後感轉左做半自助晚餐的確吸引到人黎幫趁，但真係會覺得借呢個轉變黎加價。食物款式比以前係少左，雖然味道還可以但選擇少左，真係食前要停一停（睇餐牌）諗一諗（作選擇）。…Read More

點心紙大點~雪影杏汁包，賣相唔錯，咬落皮脆但無杏仁味同香。唔抵食。大點~雪影叉燒包，外表比杏汁包更配合到雪影呢2個字，咬落先發現皮上有糖粒，除左皮脆，內涵既叉燒同洋蔥粒食落唔覺咸，繼叉燒餐包後另一種有甜味既叉燒包。好味但略嫌貴左少少。大點~竹笙珍菌腸，食唔到竹笙，腸粉皮又厚。認真唔抵食。大點~貢菜牛肉腸，食唔到貢菜，腸粉皮都係厚。勝在內裡既牛肉唔係出面食開既碎牛，而係牛肉片。較特別（可能我食得點心少）但以腸粉黎計，都係貴左少少。小點~潮州蒸粉果，同出面食既差唔多但店家提供既辣油真係好幫手，配合黎食真係好惹味。呢個價錢還過得去。大點~乾蒸牛肉燒賣，一上枱已經感到牛肉份量較少。食落一如所料，真係只食到豬肉味。以呢個價錢真係完全唔抵食。同唔會再試。隆重登場既148蚊海花尾躉菜遠籠仔蒸飯，一上枱陣陣蒜香魚香，只係中間位既飯較為吸油（魚同蒜既精華所在地），食落除左好香好惹味以外，魚身較滑同配合埋蒜蓉真係天作之合。外面食呢個飯都只係平呢度少少，所以呢個價錢都唔係太貴。總括而言，一行4人埋單接受450蚊，在同區既酒樓可以食到更多點心。保留去試晚市火鍋既權利先。食完先醒起呢間店好似係Paco開。…Read More

突然想食泰國餐，同事推薦試呢一間，講到明午餐只需42蚊。（令我眼前一亮）冬蔭公粉絲，個湯唔會太酸同辣，飲落好開胃，加上粉絲吸左個湯，食唔停呢，以呢個價錢黎講好值。菠蘿炒飯附近2串串燒（雞同豬），炒飯好足料，除左有主角菠蘿、2塊青瓜，仲有提子乾，粟米青豆同紅羅白，視覺上顏色好豐富，食落唔會太油同口乾，充滿口感。唔好睇小送既串燒，雞肉夠滑，豬肉都爽口（唔點醬油食都覺得好味）2份午餐合共84蚊，包龍眼冰同青檸水，熱天去食唔係另外加錢真係份外透心涼。…Read More

以set menu既價錢，曾經期望過水準應該唔差。但無奈租金高企，我覺得有一半既價錢係去左交租。跟餐既田園沙律同餐湯平平無奇，沙律略為細份，餐湯同出面餐廳既味道相若。主餐出場板燒雞扒配紫菜薯角及烤露荀，露荀只得2條，說好的紫菜變天婦羅蔬菜、薯角變薯條。（從賣相黎睇，已經失望）雖然雞扒夠滑，但以呢個價錢，我會期望配菜多返少少。銀鱈魚柳炸南瓜餅，只有一舊魚、菠菜、蕃薯片同炸南瓜餅。（一上碟已經感到中伏）既然俾得一舊魚我，我有諗住如果真係唔好食會無下次，事實上一入口只感到 鞋鞋鞋、菠菜落左蒜蓉去炒，都係 鞋口、蕃薯片夠清甜（但影響唔到我對呢碟野既評價）、炸南瓜餅味道甜，內裡有栗子（單單食呢個會覺得好味，但都係動搖唔到我既評價）甜品壓尾set menu加30蚊既窩夫千層配迷你芭菲，相同實物差好多呢（完全無晒幻想），用30蚊去食都還可以，俾64蚊正價我係唔會想食。…Read More

是晚點左招牌沾麵套餐，跟炸雞。麵條仍然保持彈牙，但沾麵整體都係差左。個湯完全唔熱（一到手只係溫暖），拉麵完全沾唔到個湯既味道。而塊叉燒似烚好先拎去燒，味道好淡（以前食到經過燒烤而出現既肉汁味道）。開張個時真心鍾意食，但到而家見到間野人氣少左，食物質素下降，睇黎好難會再去試。…Read More