膩膩歪歪's Profile

呢日夜晚來食個甜品，人少少好多位，諗住牛奶公司質量有保證，叫佐蓮子熱雙皮奶，d蓮子未煲透好硬身，雙皮奶唔夠熱，好像擺佐好耐拿出來咁，難食阿。其他分店好像質素好好多。…Read More

西區的中式酒樓最中意呢間，成日過來食，周末多數要排隊，排隊都好多人等，可見d出品尚算好食。呢日過來食晚餐，唔使等位，晚市有孖寶$218燒鵝+蒸魚，招牌燒鵝好好味，皮脆肉瘦熱辣辣香噴噴，上菜個時我地已經食佐龍蝦和羊架，幾成飽都覺得燒鵝有驚喜，條魚都蒸得好滑岩岩好咁。晚市的羊架都係我家必點菜，外面很香咬落嫩滑又夠熟，燒得恰到好處。芝士加拿大龍蝦都ok，但我自己中意澳洲龍蝦多d，麻辣鴨舌是來這裡飲茶吃飯都必點的，嗯，呢度係我家飯堂嘛！…Read More

請朋友一家大細食包包，呢個價位的漢堡包好食是應該的，叫佐4個包包，2個鵝肝牛肉包包，都話好食，鵝肝配漢堡包其實真係幾潮，唔知燕窩鮑魚海參可以配下嗎？因為我又唔食肝又唔食牛，只好食烤大菇素菜包，555，都新鮮足料ok啦，薯條大大條外脆內軟個個都中意，呢度食物ok，環境就好逼，5個人坐張小圓臺實在唔係請客食飯傾計的好地方，拍拖就ok。…Read More

雖然好耐沒食，但小龍包都是這間好吃，比較精致唔會太大舊肉，適合女仔，即叫即做幾新鮮。呢日中午點幾鐘入來叫佐金牌小籠包，芋泥小籠包和菜肉生煎包，除了生煎包外，另外2樣都保持到質素，細細個幼滑精致，小籠包好多汁。生煎包的菜肉餡就差d，沒味道。但我都是喜歡這裡的小籠包，由以前一籠6個吃到現在4個，價錢倒是沒變。…Read More

既然是零食第一名，當然要試下，剛好經過呢間分店，買佐5盒返屋企食，nama chocolate 有好多不同味道，我要了焦糖，white ，& mild cacao. 口感都好醇香軟滑，係口中嫩滑地慢慢溶，感覺幾特別。焦糖聽店員講是限量版最近才有，個人覺得white 好味d，可能平時都中意食white 。還有一款帶香檳味的都好食。抹茶杏仁好香口，食落沒咁悶，榛子就有點太甜。埋單$510，嗯，第一名，唔知道今年還是不是呢？…Read More

呢日特登過來試下德國豬手既，上次係赤柱個間想試但後來改食自助餐。呢度環境幾好，冬天門外的座位有火爐避寒，入邊又有live band，氣氛ok. 2個女仔叫佐豬手和薯條配飲品。薯條大大條又熱辣辣好香口。豬手皮脆，肉多，一d肥都沒，幾香口，食到要打包，想試埋德國腸都要等下次啦。…Read More

豆花和米線都好滑，再加d麻辣又幾好味哦。試佐2次，一次加拍青瓜，一次加茄子。d茄子凍冰冰，好像才從雪櫃拿出來咁，麻辣醬中有好多豬肉碎，算足料。唔想食咁多肉所以叫走醬。不過都是唔走好味d。…Read More

元朗咩都有得食，如果我係度住真係唔知點減肥，今日中午覺得都係食清d，於是搵到呢間試下，環境幾清幽乾淨，中午有唔少套餐。我唔想食碟頭飯就叫佐個豆腐枝竹班腩煲，52元有湯有前菜有飯有茶要加一。大廚手勢幾好，個煲足料之餘還有好多配菜例如雜菌紅蘿蔔椒絲等，送飯一流。雖然班腩是大豆纖維做的但好神似而且口感幾正。睇菜牌還有好多特色菜下次再來試過。…Read More

堅城的西餐廳通常細細間好逼，唔係咁好坐，呢間零舍寬敞，張臺都大，食飯舒服d。靠牆有沙發位，傾計好舒服，我反而唔鐘意靠街邊開放式的座位，感覺對住個巴士站好多廢氣，好污染食物，呵呵。不過夜晚都幾多人坐。是日過來食lunch，都是百幾元一個餐可以選湯或沙律，有甜品飲品。呢間的出品比較大路，不過不失，可能是連鎖店的關係。如果唔係同朋友傾計，唔會特登過來食飯啦，堅城有細間d西餐廳，雖然座位逼d，但食物絕對好好多。不過我鍾意呢間個自助沙律吧，想知可以單食個沙律嗎？哈哈。…Read More

火炭好少酒樓，去到成日唔知食咩好。今日和親戚去試呢間，要入會，100元會費有50元現金劵，2點零去到話230pm截單，沒下午茶的。裝修幾靚，還有個好大的開放式廚房。午市有好多種甜品，睇到都開心。還有幾款點心聽都未聽過，什麼是春風得意腸粉呢？下次有機會再去試下。雖然是訓練酒樓，但出品質素幾高，well，以後去火炭唔使再坐車出去食飯啦。…Read More

有日中午過來試下，叫佐2個餐，BBQ Ribs睇上去好大份，其實食落唔係好多肉，味道ok，配菜好豐富，女仔單點夠飽唔使要其他。長通粉有少少硬，但都幾好味，個汁好濃下。麵包好有包香，2個甜品，招牌tiramisu 好味d。張臺好細，個臺布顏色都幾誇張，個橄欖油樽仔幾得意噢。…Read More

前一排試佐堅城三間西餐廳，呢間係最好的！聽說開佐唔係好耐，但食物服務環境價格都是最好的！我地試佐2個set lunch，一個係湯+雞扒+雪糕，一個係沙律+海鮮扁意粉+coffee。全部好滿意兼且有驚喜。雞扒大大件好入味又靚，扁意粉是服務員推薦的，話大廚整呢道菜好拿手，確實個汁和海鮮意粉好夾好美妙，配搭得恰到好處。最驚喜係個雪糕有好多種唔同小食隨便加，好像食乳酪咁。而杯coffee 細細杯，香濃醇厚，比好大驚喜我，覺得一杯好coffee 是成個西餐廳的靈魂，而呢家既coffee 值得入來單點一杯細味一下。可惜唔記得影低。隔離臺有人食龍蝦好大件，看到流晒口水想下次再來試過。哈哈。…Read More

今日系度食佐個下午茶，重慶小麵加海帶加檸檬紅茶，d麵底好煙俺，有咬勁，值得一試。其他就普通，下午茶都有幾款素食，幾難得，一共39HKD. 上環都算係咁。環境尚算乾淨。…Read More

周六晚來食，要等位差d唔食呢度過隔離，不過隔離都係要等。呢度的菜好味但好細碟，個鐵板看menu 好大實際好細個，鐵板燒茄子得5件三位小姐唔夠食哦，我地一路食一路諗家下茄子好貴咩？反而個鐵板牛肉好多又香，牛肉還抵食過茄子，咁奇怪。好彩沙律和意粉尚算大碟，食肉醬意粉的小姐話好味不過我沒試，蘋果批雪糕就大家都覺得幾好，食完甜品好開心既。…Read More

想食呢間好耐，呢日飽飽地都入來試下。叫佐羅漢齋炒米和椒鹽炸豆腐，我地係第二度掃街食到6成飽都覺得好味哦，羅漢齋足料又新鮮，唔像有的素菜館求其整d濃味精芡汁噠上去。雖然米粉有點散，但我們都食曬。炸豆腐細細粒幾香口。看到還有好多唔同菜式，有機會再來試。老板好有善心每個月免費派飯，好值得隨喜讚嘆支持。就係d音樂和心經 ，聽到我地一路食一路想訓覺。呵呵…Read More