wonghoho的個人專頁

我地幫襯呢間韓燒有40年了，近年比較小幫襯，今日再來食，原來已經易手了。因為有以前的質素及服務對比，今次真的很失望。任食大人$278一位，小童／長者（注意要有長者卡）$218一位，另需加一，2小時截單。價錢唔算太貴，但食物種類對比以前真的小好多，前菜而家得番6-8款，以前好好食的魚仔任食竟然沒有提供，要單碟另叫 $20一小碟。肉類選擇當然也比以前小好多；參雞湯的味道好淡。另外，服務的姐姐態度也不理想，其中一位甚惡。總而言之，我懷念的是以前的高麗，現在的高麗軒未必會再去了。…查看更多

0尋日係父親節，我0地一行19人0黎到呢間新開唔夠一個月(09年6月1日開)既Harbour Grand Café 試食Lunch Buffet。由於父親節既關係，基本上成個場都full晒，超多人呀﹗好彩我係2個星期前已經book定位，所以有得坐0係海景位~~哈哈﹗呢到既環境好正，景觀係對住維港，基本上由官塘九龍灣望到中環尖沙咀一帶一覽無遺，而另一邊就有一個識噴水既泳池。餐廳內，樓底好高，裝修簡潔，俾人舒適既感覺，整體環境幾好0架。食物方面，真係應有盡有，樣樣都有d，尤其係海鮮方面，食過咁多間既Lunch Buffet，而家真係好小地方收你咁既價錢，而又提供長腳蟹又有生蠔0架喇﹗而且都好新鮮﹗而熱葷方面，選擇亦好多，我估計大概有10幾款呀，味道方面都OK 啦~另外又有車仔麵檔、燒味檔、點心、燒牛肉同燒雞肉等等，選擇真係好多，味道亦可以啦~~而甜品方面，d cake 都過得去啦，仲有朱古力噴泉、Pancake 同窩夫~~最重要係d雪糕，超多款揀，仲有0係Movenpick，我0地一行19人，平均每人都食3球，你就知啦~~:)值得一提既係佢0地有專人幫你夾點心同”畢”雪糕，令到d 0野食整整齊齊，唔會俾人攞到亂晒。(有時d小朋友”畢”雪糕”畢”都呢…..真係睇見都唔想食呀﹗):(不過美中不足既係，可能間0野唔係太大，所以佢0地buffet 既setting集中晒0係一張長枱到擺放所有食物，無論攞乜0野既人都要堆埋0係度，超唔方便。收費方面﹕$238/成人 $158/小童 (加一另計)因父親節用compass 白金卡埋單有8折(不連加一)，另外仲有每4位送一枝紅酒既優惠﹗除埋每人都係$200左右。真係幾抵0架﹗不過waiter 話compass visa 既8折優惠，只適用於父親節，平日既星期日只有85折，不過我見到openrice 有8折coupon (好似用到30/6/09)。考慮去食既記得print coupon 呀﹗…查看更多