wayukchan's Profile

12月尾成班朋友book咗枱想食燒肉，揀咗C餐180分鐘任食，再加生啤任飲，計埋+1其實都七百幾蚊一個人，絕對唔平，但大時大節都預咗收費貴，都希望食返啲有質素嘅食物，但絕對係失望而回。肉類嚟講基本上得牛仔骨係比較可以擺到落口之外，其他所有肉類都係好差，冇肉味冇油花好似擺咗喺雪櫃幾個月咁嘅樣海鮮嗰啲仲離譜，啲蝦全部都係梅肉，未燒擺上枱個蝦頭已經甩甩地，清酒煮蜆似白烚加啲鹽咁樣，啲蜆肉仲要係細隻又唔新鮮，蝦天婦羅仲神奇，好似食緊蝦膠咁，絕對唔似有隻蝦係入邊喺香港食飯真係好慘，七百幾蚊食啲嘢質素同二百幾蚊食嘅嘢差唔多，甚至更差，唯一值得稱讚就係服務員人手唔夠好忙嘅時候都係咁幫我哋加生啤，但係都有陣時會撈亂大家嘅杯，呢個就唔係幾好…Read More

夜晚叫咗個蘿蔔牛腩飯，打開夠膽剩係得三舊半牛腩，竟然可以賣45蚊，非常過分，味道唔係差，但份量真係少得太離譜，就算係蘿蔔都可以睇到唔係太多，又細件，理論上去到屯門呢啲商場冇理由咁貴租成本好貴，都賣到咁細份…Read More

今日同同事黎灣仔食飯，同事介紹呢間餐廳食嘢都非常唔錯，終於有機會嚟試一試。佢位置係26樓，景觀非常開陽，入門口已經見到海鮮缸，證明海鮮非常新鮮，絕對有保證。沙律正常，夠開胃。海鮮飯有驚喜，比較少食到嘅味道，首先佢嘅蜆同埋蟹都好新鮮，隻蟹實肉而且多膏肥美，下邊仲有用鮑魚肝醬煮既飯，超級和味，份量亦唔少，非常回味。跟住到刺身，普遍質素都好高，最鍾意三文魚，夠肥美，最有驚喜係譏燒鮑魚，醬汁入味，入口清甜，非常好食。另外佢嘅湯同甜品都唔錯，心機之作，值得推薦👍🏻👍🏻…Read More

同朋友嚟銅鑼灣呢間新開嘅酒吧餐廳chill下，首先呢到裝修非常之靚，非常適合黎打卡，而且佢有一個露台，可以望到維港兩岸嘅海景。因為我哋都未食嘢所以我哋叫咗嘢食先，餐廳主打係中西fusion，唔似一般酒吧嘅食物，喺呢度你可以食到天婦羅，壽司，甚至連乾炒牛河都可以食到，已食物嘅質素亦都唔係求求其，絕對係有心機有水準之作。食完野當然要去飲嘢啦，呢度既cocktail亦都非常有特色，朋友叫咗一杯vampire bubbles，用乾冰整出氣霧嘅效果，非常之靚，入口偏甜，唔錯，適合女士。而我就叫咗smoke grenade，入口有少少花茶嘅威士忌味道，都幾特別就咁就同朋友坐左成晚，非常舒服…Read More

同朋友約咗喺西環食嘢，朋友想食打邊爐，又想食辣，於是就揀咗呢間餐廳打邊爐。一坐低就有一碗紅棗糖水食，都幾好味少少甜。湯底特色係重慶辣，越滾越辣，食到成頭汗，非常過癮。嘢食我哋都叫咗好多，雖然我哋係兩個人，但佢勝在可以分量方面叫半份。海蝦食落彈牙，而且都算大隻，絕對係新鮮，必點👍🏻鴨血夠煙銀，冇任何異味，正👍🏻竹笙可以索晒啲湯底，過引👍🏻蟮片夠厚身，食落非常彈牙，亦都係新鮮味道👍🏻👍🏻其他嘢食質素亦都非常有水準，值得再嚟…Read More

今日午市喺尖沙咀做嘢，同事帶我嚟呢間餐廳打邊爐，話食物嘅質素唔錯，景觀亦都唔差，一於黎試一試。餐廳位於19樓，景觀的確唔錯，黎到即刻有碗紅棗雪耳糖水食，唔錯。湯底揀咗大骨滋補同重慶辣湯底，大骨湯底又甜又濃，重慶湯底就非常香辣，10分惹味，午市黎湯底係唔使錢。嘢食方面，我哋叫咗鴨血，夠煙銀老豆腐索晒啲湯底，正。鮮蝦真係唔錯，大大隻，食落彈牙，絕對係新鮮蟮片又係非常新鮮，肉質彈牙，切得夠厚身安格斯肥牛都好食，牛味十足，亦都有油花，唔錯總括來講食物質素都幾好，坐得又舒服，又有景觀，正…Read More

同同事喺銅鑼灣收工，想搵打邊爐食，上網搵左呢間餐廳睇落唔錯，一於去試一試。呢間餐廳坐得都幾舒服，枱同枱之間嘅距離唔會太近，食物嘅選擇都幾多。湯底方面我哋叫咗膠原蛋白美人鍋，湯底非常濃郁，帶有少少嘅藥材味，仲有原隻烏雞係入邊，烏雞肉質彈牙，肉味十足，唔錯另外叫咗安格斯雪花肥牛，厚度適中，油花亦多，好食仲有咸蛋炸魚皮，比較少見，呢到係新鮮即炸出黎，又脆又香，一流烏龍面亦都一定要叫，非常之滑，好食另外小食方面我哋叫咗夜市炸臭豆腐，亦都非常好食，外脆內鬆，配以醬汁…Read More

同朋友喺銅鑼灣行街想搵間野打邊爐，於是就搵左呢間試一試，裝修好懷舊feel，彷彿回到上個世紀嘅市集。不過最緊要都係啲嘢食，選擇都幾多，湯底都有20幾款，我哋揀咗大紅袍麻辣鴛鴦湯，麻辣嗰邊老實講比較辣而且會比較苦，唔太啱口味，另外嗰邊白湯就唔錯幾香。食物選擇都好多，有靚牛肉，貴價海鮮，亦都有刺身食，我哋就叫咗白蟮片，響鈴，牛骨髓，鬼馬蝦膠，極上牛肉刺身。蟮片新鮮，食落口好彈牙，而且都算厚切，必點響令又係即炸嘅，夠晒脆，粗身大件，好食牛骨髓正常既唔錯跟住係鬼馬蝦膠，呢舊嘢好好食，兩樣野加埋一齊口感又脆又彈㗎，以前真係未食過，推薦…Read More

前幾日同同事喺旺角做嘢，行過豉油街見到呢間酒店餐廳做緊自助餐優惠，食個中午自助餐都唔使$200 ，一於入去試吓。入到去見到竟然仲有生蠔食，老實講$200嘅價錢可以有生蠔食都已經好抵，即刻攞幾隻試吓先，蠔嘅size都真係算大，入口肥美，海水味唔算勁，重金屬味就勁啲，值得讚師傅都洗得幾乾淨，冇乜蠔殼老實講食完兩三輪蠔都有啲飽飽地，不過佢都有好多熟食，食咗南乳炸雞髀都唔錯，肉質嫩滑甜品亦都有好多，推薦楊枝甘露，味道唔錯。生果亦都有好多選擇，性價比都真係好高。…Read More

最近知道尖沙咀又開咗一間高質素燒肉放題，今日同朋友嚟試一試佢，價錢絕對唔平，希望佢可以比到佢應有嘅質素。首先坐得都幾舒服，裝修都係偏向日式，餐廳亦都會每人送兩個硬幣，比佢哋喺門口可以夾公仔，不過獎品就係一啲高級嘅和牛。首先佢會黎一盤和牛同刺身拼盤，和牛拼盤有六款不同部位，口感各有不同，牛胸腹肉味重，a4一口牛油脂味重，全部油脂分泌都好靚，好好食跟住到刺身拼盤，款款都好新鮮，融雪亦都做得好好，刺身嘅厚度亦都切得適中，唔會太薄身，最鍾意海膽同油甘魚，好食之後再有一盤海鮮拼盤，每一樣野都新鮮，特別係蝦同埋扇貝，冇得呃人，一食就知，真係唔錯👍🏻之後佢亦都有好多小食同埋前菜，基本上每一樣都有佢嘅質素喺度，絕對值回票價。…Read More

同事介紹左呢間火鍋餐廳，前日終於去試咗，價錢平，只係$200 ，但嘢食嘅選擇真係好多，而且質素都唔差。湯底點左佢哋推薦嘅蟲草花水鴨湯，黎到試一試，好鮮甜，就咁飲都得，未打邊爐已經飲左幾碗之後有佢哋送一盤海鮮拼盤，樣樣都好新鮮，而且你睇到size好大，帆立貝鮑魚仔花甲同蝦又夠鮮甜跟住可以喺佢哋嘅星級配料度揀選八樣，佢勝在每一疊嘅份量唔會太多，我兩個人嚟食嘅時間可以食到好多樣食物我哋揀咗鴨血，蟮片，牛舌，鵝腸，封門柳牛肉，仲有響鈴，樣樣都真係唔錯，食材夠新鮮食完呢幾樣都基本上好飽，跟住佢仲有啲丸類同埋蔬菜係任叫，所以呢間火鍋真心性價比超高…Read More

係銅鑼灣想食泰國菜有好多選擇，最近就新開左呢間，收工就同朋友上去試下上到去見到裝修設計都唔錯，感覺都幾開楊，坐得幾舒服。食物選擇方面都幾多，有泰國野越南野，不過我地主要叫左泰國菜。海南雞肉滑皮脆，實肉冬陰公酸酸辣辣，蝦肉新鮮彈呀，夠曬開胃串燒最好食，大大舊肉而且d肉勁多汁同彈牙，加埋d sauce好味波羅抄飯大大份，配料十足，而且抄得都幾香。馬拉盞抄耶菜苗菜就新鮮，但就比較少汁。總括呢間都唔錯，價錢亦都唔算貴。…Read More

一直都想試吓熟成牛扒，奈何香港比較少，今次係灣仔搵到一間，價錢亦都唔貴，大約$500就可以食到一個set，所以來試試。頭盤揀咗即開生蠔兩隻， size唔算大，但係味道真係非常好，少少海水既咸味，入口creamy，好好食，師傅洗殻亦都乾淨跟住前菜有煮蜆，首先佢嘅食材蜆非常新鮮，而且大隻既，而呢個醬汁奶油香味十足，但係唔會油膩，醬汁同蜆嘅配搭真係一流。到主菜45天熟成creekstone prime ribeye，入口真係好嫩，多汁，而且肉味重，好好食最後甜品要左white chocolate panna cotta，入口綿滑，奶味香濃，而且有少少薄荷提味，唔錯…Read More

同同事係公司ot完諗住係上環求其食d野，呢個時間可以選擇嘅餐廳實在不多，就搵咗一間泰國嘢填飽個肚入面坐得都算舒服正正常常，我叫咗泰式豬肉船面，黎到見到湯底夠晒黑色，味道夠晒濃郁，面底其實就係米線嚟嘅，煮得亦夠淋，豬肉同埋其他配料亦都好食，索晒啲汁。同事叫咗海南雞飯，個飯充滿油香亦都粒粒分明，好食。雞肉夠滑雞皮亦都爽脆，唔錯。另外叫咗一個餸，就係虎蝦粉絲煲，一個煲有兩隻虎蝦，非常大隻，肉質彈牙，好食。…Read More

今日同朋友嚟到尖沙咀琥酌，知道佢出名係食吉列牛，一直都未試過，終於有機會可以試吓。頭先叫咗個沙律，伴以芝麻醬，夠開胃。之後吉列牛黎到，首先佢外層薄薄的炸左一層，其實入邊就仲未熟嘅，食嘅時候就將佢放喺碟上面煎一煎，口感外脆內軟，再沾上小小岩鹽，好食炸豆腐亦都好食，口感水嫩，淡淡豆香燒茄子風味十足，亦都唔錯。佢嘅明太子雞軟骨都幾有驚喜，估唔到兩樣嘢又幾夾，又有口感味道又唔會單調最後有個海鮮湯，配料十足，所以飲落鮮甜…Read More