hkkakiyo's Profile

今次同朋友去銅鑼灣食$308任食刺身，壽司，火鍋~1.環境舒服，有卡枱，枱可以選擇共爐或獨立爐，十分細心！2.服務侍應們十分有禮貌，服務速度快！3. 食物壽司，刺身：種類都算多，而且新鮮。火鍋：湯底都有9 款，非常豐富。我揀左壽喜燒湯，唔會太咸，味道剛好~牛肉：肥瘦均勻，口感不錯， 而且每款牛肉都有紙條標明是什麼肉，十分細心！飲品：種類繁多，每人都包有一支酒，非常開心！甜品：記得要留肚食甜品，甜品都好多選擇，我最愛奶凍！其他火鍋食材都包羅萬有，熟食亦有多款選揀，味道ok! 總結：$308任食，選擇都非常多，食材都吸引，性價比高，值得推薦！…Read More

海港城美食如雲，食物質低都要有返咁上下色香味俱全先可以生存到，今日就去呢間美景美食餐廳！環境：餐廳充滿浪漫情調，遠望中環無敵夜景，如果係秋冬比較涼，我一定會坐戶外！服務：侍應們非常好客，有時會同你傾下計， 交流下野食，健康資訊，十分愉快抵讚！食物：有美景，食物都有返咁上下！1. 龍蝦湯，蠔湯佢地兩個湯都非常精緻，首先會放左兩碗放得美美的龍蝦同蠔係你面前，之後再分別倒上兩者的湯，充滿儀式感，亦都保持湯的温度同食材的新鮮！龍蝦湯非常鮮味，個人更加推介蠔湯，因為有2 隻生蠔浸於湯中，味道鮮甜一流！2. 焗蕃茄醬茄子作為前菜非常開胃，蕃茄醬融入水分充足的茄子，成個感覺好田園，好fresh! 3. 黑松露燴意大利飯滿滿的黑松露，香氣撲鼻，令人食不停口，very good! 4. 牛扒西餐的靈魂點少得牛，煮得剛剛好，牛肉嫩滑，十分可口！5. Drink係咁靚的環境美食下，點可以唔叫杯酒，簡直享受人生！總結：呢間餐廳full package值得讚，由環境，侍應到食物都做到盡善盡美，值得再去！ ☺…Read More

台式餐廳成行成市~今次推介呢間用心餐廳！環境：裝修係型格鐘錶設計，皮座位非常舒適，大量包廂卡枱，枱與枱有充足距離，very good! 服務：店員服務殷勤，細心講解，照顧客人需要，特別一讚餐廳設有多項high-tech服務，如電子餐牌，送餐機械人，手提電話消毒器，十分新奇有趣！食物：1. 皮蛋豆腐豆腐與肉鬆十分滑溜可口，皮蛋亦十分香甜！2.炸花枝蝦餅蝦餅鮮味，炸至脆口，非常喜歡這款美食！3. 肉燥鹽酥雞扒飯肉燥飯非常好食，不太膩肉燥與香菇比例很好，鹽酥雞扒十分脆口，好味！4. 香芒西柚丸子豆腐花甜品清新，味道香甜，果肉十足，真材實料！5. 飲品珍珠奶茶very good, 好多珍珠，份量十足！…Read More

疫情之下，出街食野有所避忌，呢間係東涌站遠少少的餐廳性價比非常高！環境：環境寬廣，裝飾未算華麗，但有泰國小店感覺，好有渡假feel, 亦設有室外座位。服務：疫情下，個人消毒設備齊全，感覺安心。特別要讚老闆娘服務親切，笑容可親，樂於關心食客需要，very good! :-) 食物：整體食物水準十分高，每樣菜約$80, 但分量係市區2 倍，性價比非常高！1.炸蝦餅非常彈牙，蝦味濃郁，十分開胃！2. 沙嗲串燒雞牛豬每種肉都十分厚切，燒得剛剛好，沙嗲醬香口，個人特別喜歡雞肉，最滑！3.黃咖哩雞配蒜蓉包咖哩甘甜味美，配香脆蒜蓉包同白飯一流，蒜蓉包份量都幾大，有5片！4.椰汁雞湯椰汁味濃，配上菇同雞肉，十分豐富！5.豬頸肉沙律十分多豬頸肉，酸辣汁刺激醒胃！6.泰式炒金邊粉比起平時食，真係多一倍有多，金邊粉食咁耐都仲好彈牙，好好味！…Read More

今日由於同家人慶祝生日，今天晚宴就由我付脹！ 帶佢食餐豪的！今次去食福川日式鐵板料理，我好鍾意這種形式的餐廳，雖然主打日式菜，但廚師加入西式元素，部分更加入分子料理，一餐飯食盡日本魚生，和牛，龍蝦等高級食材，絕對係味覺享受！環境：餐廳位於灣仔地鋪，非常易搵！環境走奢華簡約日本風，座位亦十分舒服，亦我同家人都十分喜歡一邊坐，一邊睇廚師煮嘢食傾下計，學到唔少食材的知識！服務：所有侍應都非常友善健談，好願意解釋食材配搭。我都長左唔少知識，點分龍蝦種類，和牛，點樣煮魚最好食等，多謝你呀！食物：頭盤：1.胡麻豆腐2.水雲菜3.南瓜凍湯這三個頭盤都非常清新，買相精緻，豆腐充滿芝麻味，南瓜凍湯甜甜地好易入口，水雲菜十分開胃。刺身：1.帶子2.油甘魚3.拖羅與蓮霧wow, 好靚呀！每片魚生都十分新鮮鮮甜肥美！拖羅脂肪分佈剛剛好再配上華麗的蓮霧好味到不得了！壽司：1.青柳貝2.八爪魚青柳貝爽甜，個人十分喜歡八爪魚壽司，上面梅醬，雖然只是一小滴，但味道十分濃郁，食完我的胃口全開！鯛魚：超級靚！超級好食！見到賣相已經相當吸引！我個人其實不愛食熟魚，但呢個魚真係讚不絕口！鯛魚用高溫炸到魚皮脆口，但魚肉保持鮮嫩，配合甘筍汁天衣無縫！ 紫蘇花為其帶上淡淡田園氣息！真係100分！帶子湯：煎香肥美的帶子唔洗講都知好食，重點係個湯用上瑤柱湯，帶出帶子鮮味，白色泡沫係柚子，其果香帶點酸中和帶子膩和苦的味道，簡單的湯，但可以看出廚師心思！法國藍龍蝦：藍龍蝦因生於咸淡水交界，海水味濃，微生物多，所以肉質特別甜美，再加上蝦頭膏，白酒汁及檸檬汁，簡直一絕的配搭！宮崎A4 和牛：脂肪分佈均勻，不會太油，廚師將蒜頭切片，炸到好似薯片咁脆，與和牛食，簡直味覺享受！和牛炒飯：炒飯每粒係鮮明的黃金色，金包銀炒飯就係咁，不會太油，與湯回相輝影！哈蜜瓜，白桃啫喱，芝麻芝士蛋糕哈蜜瓜非常味，比多個我都食得曬！芝麻芝士蛋糕十分滑，芝麻味濃！雖然這餐要過千元， 但廚師都用上最優質食材，用心烹調，每道菜都精緻無比，侍應廚師都十分友善，環境舒適，我同家人都過左個開心的晚上~ :-)…Read More

難得今日去杏花邨探朋友，同友人食返餐海鮮大餐。環境：這間餐廳裝飾雖然不算華麗，但座位算舒適。而一入餐廳見到大大個雪櫃，雖然有點古怪，但勝在你食完，覺得好食，可以買食材返屋企自已煮。服務：店員十分細心，會介紹今日較新鮮食材，食完的海鮮殼，亦幫我地盡快清理，good!食物：1. 生蠔以蠔為主題的餐廳，一定要食蠔，這間生蠔十分新鮮，creamy, 選擇亦十分多。2.帶子帶子煮得非常清甜，加上蝦籽令整個菜式更加爽口。3.海膽炒飯海膽量多，十分新鮮，飯不會太油，very nice! 4.大蜆蜆肉新鮮，特別一讚係泰式辣汁，非常惹味！5.串燒特別推介燒午餐肉，多脆內軟，好好食。其他燒物亦不錯。6.清酒有美食當然要有酒，這個十分清甜，米味濃，值得推介！…Read More

想係旺角，搵間靚餐廳坐下，同朋友傾下計，呢間又唔錯！環境：100分， 整間綠悠悠，充滿大自然氣息，成個綠野仙踪咁，座位十分舒適，餐具亦十分漂亮！服務：店員十分勤力，見到佢地成間餐廳跑來跑去十分辛勤，照顧細心，不斷添水，上菜速度快！特別想講佢地的水十分特別，用上蝶豆花，所以水是紫藍色，有淡淡花香，好喝！食物：這間食物裝飾得十分華麗，有高級餐廳的感覺，打卡一絕！1.青口青口新鮮，汁酸酸甜甜，十分開胃。2. 慢煮豬肉豬肉香口，烤得十分好味，而最鍾意係炸蕃薯條，甜甜地，食完又食~ nice! 3.紅菜頭大蝦意大利飯砌得非常靚，香噴噴，紅菜頭意大利飯十分新奇有趣，味道不錯，大蝦亦新鮮香口。4.檸檬雪糕係唔係好靚呢？ 裝飾得十分精緻，雪糕清甜，檸檬味突出，非常好味！…Read More

尖沙咀好多好野食~ 今次這間西餐水準都唔錯。環境：有種田園小店的感覺，感覺好warm. 服務：店員十分有禮貌，會主動收碟，上菜速度也剛剛好。食物：餐湯和餐包我個人十分喜愛佢地的椰菜花忌廉湯，好濃味，十分開胃。 而餐包每個都好好食，最驚喜係有藍莓果醬，very nice! 沙律：兩個沙律都好清新，特別喜愛沙律中加上合桃，紅菜頭，菲達芝士，好好味！烤10安士美國頂級肉眼：肉眼斤兩十足，有一隻手掌咁大，而且烤得剛剛收，沒有overcook, 十分金香！加上蘑菇馬爹利汁，甜甜地，好好食！芝士焗薯都香口美味！帶子蘑菇黑松露意大利飯：帶子煎得香口亦保持鮮味，意大利飯浸出陣陣黑松露香，令人胃口大開！so nice! …Read More

這間位於山頂，打正地獄廚神Gordon開的餐廳，今日試試！環境：餐廳位於山頂，可惜是地鋪，景觀係無敵人龍等搭纜車境，選址可能係中環，銅鑼灣更好。座位裝飾舒適簡潔，但枱與枱間空間不多，私隱度底。但消費滿指定金額可免費泊車，這又ok~服務：100分，店員們十分友善，期間因為威靈頓牛份量太大，我地cancel甜品，店員都樂意做，而當日是朋友生日飯，餐廳最後竟然驚喜送上生日小蛋糕，十分窩心！食物：必定推介威靈頓牛，雖然好貴，要$888,但用料十足，牛扒被一層厚厚的黑松露包圍，超級香，外層酥皮好脆口，而最鍾意佢有個牛骨髓油令牛扒更加濃味。可惜係兩個人食真係太飽，建議3-4人食！2.煎帶子配西班牙腸，味道新奇，帶子鮮甜，伴西班牙腸咸咸甜甜，超好食，值得一試。3. 威士忌鵝肝威士忌算濃郁，伴碟的藍莓醬亦十分可口。4. 其他…Read More

以充滿香港懷舊為題材的餐廳，令你懷念舊香港！環境：個裝飾真係好ok, 有香港大排檔感覺，再加入好多唔同招牌，飛行棋壁畫，連餐具都充滿香港情懷，非常細緻！座位亦算舒適，枱與枱都有合理的空間。服務：侍應們態度親切友善，上菜快，收碟快，細心講解，有求必應，亦不斷加湯，為你更換骨碗，very good!食物：1.餐前小食餐廳好細心，為免客人等火鍋湯滾，預先為客人準備地度的炸魚蛋及燒賣十分脆口，而且仲可以無限添食~2.花膠雞湯這個湯不得了，十分好喝，唔會太咸，一飲就有火喉十足濃濃的花膠和雞味。花膠非常淋，雞非常滑，我同友人都飲左3大碗！火鍋種類多：1.海鮮併盤，海鮮都十分新鮮。2.炸老油條，好脆，好好食！3.肥牛肉質鮮嫩，特別推介安格斯牛。4.甜品食到好飽時，來左個紅豆菠蘿涼粉，而且好大碗，味道好正，結果清曬~5.其他配料，種類多，而且味道ok! 總結：這間火鍋值得推介，裝飾靚，服務好，食物ok, 價錢合理，約埋三五知己開餐最好不過~ :-) …Read More

火炭工業區原來都有好多好野食。今日同2位朋友一齊來開餐。環境：雖然餐廳得3張枱，但環境好warm, 但係由於3張枱，一定要預先book枱。餐廳距離火炭站都需要行15mins, 但食完飯可以散下步都好，而且附近清靜，泊車都唔會抄牌。餐廳無招牌，大家認住張相 ; -) 服務：服務員十分細心。介紹同幫我地煮食物，每次蒸完一個菜都會換蒸盤及幫你收殼，骨，十分清潔！食物：1.魚塊非常新鮮，美味。2.帶子十分鮮甜可口。3.鮑魚剛剛好，銀耳與杞子甜甜地，爽口。4.蜆肉肥美！5.梅菜扣肉美味，手打豆腐一流。6.雞滑爽口，彈牙。7.肥牛脂肪分佈平均，好食！…Read More

日式放題林立，這間有日式又有韓式比你更多選擇，今日就睇下呢間有咩好野食~ :-) 環境：牆身佈滿塗雅畫作，funny新潮。地方都充滿空間感，座位舒適。服務：店員非常有禮貌推介食物，上菜速度超快，亦無漏單。good!食物推介：韓國餐廳部隊鍋都$100-200,呢間真係落足料，而且火鍋料十足，所有野叫一份都夠3,4人食。魚生精美，厚切，肉質肥美，新鮮。活八爪魚，超新鮮，食到完都仲活動緊。人蔘湯，蔘味濃，足料！天婦羅，超鍾意玉子，新鮮好味！沙嗲雞串，十分香口，個汁好掂ar! 甜品的雪糕都有好多，好多貴野同韓國野，好食！其他都唔錯！…Read More

hotel icon buffet好多人都話難book, 同好食~ 今次試過，確係令人失望~今次buffet連加一要索價$745(平日價) .環境：極差，環境超逼有如身在food court. 酒店安排的window seat亦無景可言，以呢個價錢左右，靚境的buffet餐廳都有自助山，同cafe 103, 兩者都飽覽無敵維港境。呢間餐廳的環境格局真係差過好多放題餐廳，由於座位太逼，出入唔方便，同太嘈！So bad!服務：尚算合格，侍應收碟速度快，有禮貌，要求廚師煮野亦有求必應。食物：以這價錢，無生蠔，確係搵笨，堂堂酒店buffet無生蠔~ 真係天大笑話！ 如果無生蠔，呢個buffet仲衰過一個普通日式放題！ $250 都比多佢！冷盤：煙三文魚，完全唔新鮮，有陣醒味。刺身：只有好基本的三文魚，帶子，吞拿魚，等下價魚生，唔超過7款選擇~ 你睇到呢度，係唔係已經想改變主意book放題~龍蝦，蟹腳：看似好好食，但沒有鮮味，浪費食材。熱食：只有鵝肝，BBQ蝦，中式牛柳，海鮮湯好食，其他都一般。甜品：貓山王的製品都好食，其他正常。這個buffet可以由6:30pm可食到10pm, 但食左1.5hrs, 由於選擇太少，質素麻麻，大部分的食客都停手，沒有胃口。另外，好多酒店buffet都會包一杯酒精飲品，但這間需要另外收費，這都叫人一一失望。我打到呢度都覺得這個buffet好唔值，就算比足1日1夜你食，你都唔可以食到回本，亦食唔到高質素食物，亦感受唔到酒店的高尚氣氛！除非佢減到平過放題價，否則永不再食！…Read More

放工想搵個地方同朋友飲下野，這間位於銅鑼灣周邊的"WTF"很不錯！環境：環境雖少，但裝修新潮，有點工業同北歐風格，座位都算舒服，枱與枱間都有適當空間，亦設有outdoor. 服務：兩位店員好friendly, 親切笑容，細心講解，熱情招待~ good! 食物：1. London to tokyo酒杯十分特別，充滿果香味，好fresh!2. Snowy white充滿芒果，檸檬味，酸酸甜甜，十分醒胃。另外，我朋友的2杯酒，賣相都非常吸引！3.雞，豬串燒另外，我地都order一些串燒，非常美味，後來知道係隔離鋪， 佢地係同一個老闆，價錢都係$20-$30, 性價比高，我同朋友飲完都去串燒店食晚飯~ 正！…Read More

每次食放題都好興奮~ 可以試曬好多日本菜式~ 而大喜屋出名質素有保証~ 今次都再推介這間！環境：好多卡位，座位十分舒服。服務：非常滿意，店員態度親切，上菜速度快，亦沒有跟漏單，特別經理十分友善。讚！食物：1. 魚生買相非常吸引，帶子，蟹腳，三文魚都好新鮮味美！2.壽司相當多種類，火炙壽司好好食，而壽司飯份量少，食多幾件都唔會飽！3. 海膽手卷你睇下海膽幾多，幾大粒，必食！4. 芝麻雞翼十分香口，我叫左3 round! 5.天婦羅唔會太多粉~ 最鍾意食蟹柳！6. 雪糕這款牛奶雪糕超好味， 好重奶味！7. 飲品除左正常野飲，這些清酒，梅酒都可任叫，nice! …Read More