yi_lui's Profile

好耐冇入荃灣， 於是同男朋友一齊走入荃灣行下街食下野。行到千色，唔知點解覺得超級肚餓，好似普通一個飯都唔會食得我飽。由於小妹肚餓到咁上下時就會開始黑面、發脾氣、仲會發癲。於是男友老遠見到牛摩，諗住任食可以餵飽我，拿拿聲就拎我入去醫肚。時間岩岩好過左午市，所以都冇咩人食飯，唔使等位。未入座，侍應會喺門口問定你想咩咩湯底先，我地揀左左昆布清湯同豬骨濃湯。侍應們既服務都好好，雖然我地得兩個人，都安排左卡位比我地坐，夠唒舒服！可能係間鋪既地理問題，天花位係玻璃。如果坐到入少少既位置既，一抬頭就可以望到個天。日間既關係，鋪面都盡量採用自然光，呢點要讚，夠唒環保！另外，店鋪都設有兩部大電視播 NOW 台既節目，唔怕悶親！一坐低已經急不及待叫我男友幫手拎野食返黎。出面可以拎既通常都係菜 / 麵 / 烏冬 / 沙律 / 甜品等等，肉要嗌待應拎~到今日主角食牛，已經餓到係咁食係咁食 XD今次揀左美國牛，食入口好香。牛既脂肪雖然唔太平均 (一分錢一分貨)，但都係有少少口感，唔會唔知自己食緊咩。豬肉方面有驚喜，冇諗過任食日式火鍋既豬肉都可以咁有豬味！咬落去軟棉棉，但又有好香好濃既豬肉味喺口中湧出黎，正啊喂！呢味可以不停 encore!本來仲有海鮮食既...但我玻璃肚，所以全部海鮮都比男友食唒 /_\其實好鍾意佢有大量粟米、生菜等等嘅蔬菜俾人去攞嚟食，加上啲蔬菜都好新鮮好甜，為健康梗係食多啲菜。而且啲烏冬都唔算太粉，咁當然冇可能同貴價超市賣開嘅比較，但已經比好多平價烏冬好食。如果打完邊爐，仲有肚嘅話都可以去甜品櫃拎甜品食。雖然選擇唔多，但可以過下口癮。…Read More

敝公司既 financial year end 係 3 月...所以永遠去到 3 月尾, 我地條 team 都會 OT O 到痴唒線.3 月最尾個星期, 日日返工都朝 9 晚 9 起跳, 29-30 號更加係冇凌晨都唔會諗住走.敞公司有部份 sales 同事都幾好人...知道我地辛苦, 都會買野上黎比我地食, 慰勞下我地.當然, 好多同事 3 月尾都掛住出去 chur 單.所以有部份 4 月頭先買野上黎請我地食...今次呢位同事就揀咗好近我地公司既 agnes b.~佢買咗好多上黎比我地, 作為被同事叫做 "朱古力怪" 既我, 當然會揀左呢款朱古力 MOOSE 食!一入口, 最表面個層黑朱古力淋面, 嗰種濃濃既朱古力味已經爆發出黎.食到好香既可可味, 少少甘苦. 之後食到入面, 係好香好滑既朱古力 moose.層 chocolate moose 係有入口即溶既感覺.可可濃度唔及面層既朱古力淋面高, 但品嚐到少少奶香.最入面仲有個少少既朱古力海棉蛋糕.雖然個海棉蛋糕發得好靚, 但味道, 水準就一般, 呢方面扣分.整體黎講, 一試無妨.…Read More

由於男朋友住富安花園，午飯時間好多時爸 B 食堂都未開，我地就會黎呢間食午餐。平心而論，佢既焗飯焗意粉不過不失。而且價錢都比出面既焗類食品平少少 (真係少少，唔好諗住平一半)。當然，足料既。可能始終富安商場係私人公司管理，冇比領展收購。加上環境 + 地理位置問題，加租幅度唔會太大。所以好多間鋪，不論係洗衣店定食肆，都開咗好耐，包括金馬來。男朋友由細食到大，最愛食肉醬意粉。不過我就偏好焗芝士類既野…有芝士香嘛 (仲好肥=_=)男友岩岩坐低，廚房係開放式，大廚都問佢係咪要肉醬意粉。以前個老細好似都退休了，現任大廚係佢個仔黎。男友由細食到大，基本上都認得佢係邊位。我就揀芝士白汁焗西蘭花雜菌螺絲粉。如果佢再多少少白汁我會再開心啲，但味道其實係足夠，只係我鐘意食汁。都係罐頭湯白汁開出黎，所以個汁都冇咩好講。西蘭花爽口，焗既時間都叫岩岩好。雜菌可以多返少少，兩啖就食唒。整體水平不過不失，但最少佢係足料。唔好睇佢好似好細碟，食落都好飽下，最後我仲要食唔唒。街坊小店，唔會有五星級既服務，但有既係人情味。…Read More

新年過後開工大吉，基於同某幾個差不多年紀既同事有個群，於是就約咗返工第一日食個開工大吉餐。本來唔想食呢間，即使同事已經一早喺太古城個 app 到拎唒幾間食肆既飛仔，但附近好食既餐廳都要等好耐，2 點要趕返去公司，唯有食呢間。坐低，過左陣先有人得閑理我地，都算。我地 4 個人，但佢比得 3 杯水，咩玩法?嗌完野食...15 分鐘後 3 個人既野食都陸續黎唒，剩返嗰個要催佢先黎，大家都等到眼訓 = ="其實不嬲都都對丼丼屋印象好差，因為係美心集團。我對美心集團既印象不嬲都差...美心集團喺裝修上真係冇得輸既丼丼屋既位好闊落，基金上太古店既間隔都令客人坐得舒服，唔會好迫好辛苦。天婦羅咖哩飯...um, 啲炸粉厚到呢......個份量應該最少有隻蝦既 3/4仲要炸到好乾...食完去立即要飲水。爽口彈牙? 哈哈哈哈哈 -_-成個餐係用咖哩汁搭救...用磚開出黎既咖哩汁又唔會太差既。不過有得揀既話唔會再幫襯 =,=…Read More

細表哥 11 月尾生日，但約極都夾唔到時間，結果到2 月先食。我喺太古返工，佢喺牛頭角返工，觀塘最就腳。又係大家都愛日本菜，加上細表哥待我不薄，就寧願揀間貴既都唔去食板長。都係當日先決定黎呢間食，因為細表哥要 OT，所以訂咗 8 點。結果佢都係遲到 = = (銀行業冇計啦...)壽司由上至下、左至右排唔記得咩魚、火炎三文魚、三文魚左口魚、鰻魚下面嗰盤係壽喜燒既牛肉三文魚同火煉炎三文魚都係入口就已經有油脂香。三文魚比火炎三文魚出色！火炎三文魚可能燒既時間太耐，冇三文魚咁嫩。而且燒完照計應該香味會揮發，但佢既表現較遜色。左口魚反而超出預期，好少左口魚壽司會咁香。雖然不至於入口即化，但入口後，甘香已經充盈口腔。呢款壽司抵讚。鰻魚亦稍遜，少鰻魚汁，但鰻魚既鮮味亦欠奉，只能以大件取勝。登登登鄧，壽喜燒！幾鐘意佢個爐，老老豆豆想買返個 XD佢唔係用傳統 gas，而係喺爐中擺個藍色既燃料。點好火後，藍色既燃料會不停氣化，直至燒唒個火就會熄。較健康既我地係食完大部份蔬菜先開始食肉，所以中間都要叫人幫手再加下面既藍色燃料。一打開...wow 佢個湯底已經好濃。豆腐非常嫩滑但唔易散開，而且好濃豆味，大力推薦！牛肉鮮味好重，入口會有少少融化既感覺。而且有時唔小心滾耐咗少少都唔會話太鞋口，肉積質好「林」。其他啲就普普通通，不值一提。如果個壽喜燒既價錢平返一半，咁呢間鋪頭都值得 ENCORE。…Read More

由於男朋友就住富安花園，我地又好鐘意食日本菜，於是呢間就腳既食肆就成為我地既飯堂。第一次去食時，呢間店冇咩人等位，唔知係咪因為當時新開幾個月，未打響知名度？所以我地開頭去食時，基金上都唔需要等位，坐低就嗌野食。負責煮野食嗰位老細仲間中有時間出黎同我地傾計，收集食客意見。鋪面好細，客人坐既野置一係就坐出面 (當然係有瓦遮頭)，一係坐富安商場既走廊食。呢間鋪只得 2 位老板，2 MEN BANK，老板係佢地、廚師係佢地、樓面係佢地、打雜洗碗亦係佢地。所以啲餐具都已經擺好唒喺檯面，食客自理。食到今時今日，佢地已經喺馬鞍山打響咗名堂，呢晚落黎我地要等位食飯 T^T佢地間中都會轉 Menu，今次加入咗紫薯薯餅同冷烏冬！作為紫薯控既我當然立即要食 XD老板好有心思咁加咗甘栗入去，個味好 match 好夾！睇落好似偏燶，但其實唔係。炸到岩岩好，未擺上檯面已經聞到好香。食落去，外層鬆脆，炸粉唔厚。紫薯蓉既香味同栗子既香味 MIX 埋一齊，一個薯餅，兩種享受！到天婦羅冷烏冬老板好細心，蔥、wasabi 分開上，個汁亦有加冰去做保溫。呢啲先叫真．冷烏冬！個汁食得出係用木魚較出黎，好 dum 本啊！其中一個我鐘意黎呢到食既原因就係佢好多野都會不計工本用木魚去煮。要知道，日本木魚用黎整汁整湯係一件好奢侈既事！天婦羅既蝦細心品嚐，會食到有少少鮮味，整個水平就是比 XX 屋高好多啊！烏冬亦好彈牙，加埋 WASABI 落個汁到撈埋一齊食，媽啊我好耐未食過咁好食既冷烏冬！木魚汁既甜味中和 WASABI 攻鼻既味，但 WASABI 既香味亦另成個木魚汁既味道提升到另一個層次。…Read More

由於我同男友都喺2月生日，於是一班街坊朋友就定咗呢日黎神學院團拜加幫我地慶生。雖然已經訂咗檯，但星期五六日既神學院餐廳都係人頭湧湧。結果都係等多 20 分鐘先有檯食飯。鐘意黎神學院都係貪佢近，同埋冇落味精煮野。由於我地遲黎既關係，所以都唔知朋友嗌咩 XD第一味黎既蝦仁炒蛋，老老豆豆，賣相就唔多吸引…不過食落去又幾好，蛋仲有少許蛋汁，都幾嫩滑！蝦亦爽口彈牙，但鮮咪當然爭少少⋯可能係神學院，唔用味精，所以煮出黎既野食都係偏淡，岩唒我呢啲食開淡味既人！炸子雞，呢味野真係無得輸！外皮超脆，啲雞炸到啱啱好，唔會鞋口，仲鬼咁嫩滑！真係要講句食雞有雞味！西檸雞不嬲都係我最喜愛菜式之一，個汁係做得偏甜同稀身，冇大排檔嗰啲咁酸咁「潔」。但個嘅汁冇影響到個菜既味道，反而仲比出面嘅西檸雞多咗種清新嘅味道。不過今次個雞炸得偏鞋身咗少少，呢度扣左少少分。雖然個雞係鞋身左少少，但口感都唔錯的，而且份量搭救！…Read More

見好耐冇食花園餐廳，咁岩同男朋友經過，就頭也不回入去食。由於細個娘親成日帶我食花園餐廳既關係，所以我對花園餐廳係有情意結的 XD特別係花園餐廳好多間，但唔係間間好食，唯獨呢間水準差極有限！一入去就見到好古舊、70~80 年代既裝修。沿住樓梯直上，依然係嗰位已經有返一定年紀既知客，咁多年都繼續係佢做呢個位。我地好好好彩，星期六中午居然唔使等位！到我地走既時候，出面已經好多人等...每次食花園餐廳，我都一定會嗌羅宋湯飲。佢地啲羅宋湯真係好好味啊！飲落去有好香既牛肉味，蕃茄味唔會酸 (出面周街都用茄膏煲，酸到核爆)，而且飲得出佢係真材實料！唔係話佢冇用茄膏，都有用好少去調一調個色同味。好過出面嗰啲係咁加茄膏落去，怕怕重點係我男友喺可以揀既情況下，都唔會揀有蕃茄做材料既食物。但佢飲完都話下次黎要嗌羅宋湯飲，好神奇的說 XD去食花園餐廳，點可以唔嗌牛扒食！嗌咗個澳洲肉眼扒鐵板 lunch，抵到爛！$68 食扒有埋野飲有餐湯，出面食啲垃圾扒餐都要呢個價肉眼扒本來應該好正的。但因為個 part time waitress 既態度，搞到件肉眼爭啲出事！火都黎，好彩嗌 medium rare，嗌 medium 既應該唔係 well done，係 super well done!最後我切開黎睇，塊扒已經係 medium 同 well done 既中間！不過肉眼，硬極有限，我都由佢...西冷扒我應該同佢死過！配菜都乾煎到麻麻地好食了...小唐菜都仲 ok 的.總會再黎食，不過唔該唔好再比呢個 part time 黎 serve 我.再比佢 serve 我一定第一時間投訴佢！連客都睇到佢 d 工作態度差…Read More

是晚同男朋友喺中環食完飯，佢返公司繼續努力工作，我就約埋朋去食糖水，獨自去偷歡。由於兩個朋友都喺九龍東返工，咁岩一個要開 OT 一個收晏，唯有我死死氣氣喺中環返去牛頭角拎位。(太古收工去中環食完飯又坐車返九龍東係咩玩法= =)睇黎當晚係好日，旺到人未坐低已經要嗌定野食先。問題係，嗌完野食都仲要等 10 分鐘先入去坐低，坐低又唔係即刻有野黎，都仲要吽多 10 分鐘先有野食。當晚已經嬲嬲地，啲安排好混亂，我地比人打尖！間鋪似乎又唔夠人，啲店員忙到踢唒腳，搞咗好耐。好啦，到我地好似乞求咁入到去坐，又係冇店員得閑理我地。我就係咁一路傾計一路坐，又唔知啲野食幾時黎，想搵個人問下都冇！過多十幾分鐘終於有甜品黎，如果朋友嗰個做錯唒 = =仲要一食完就好似趕我地走咁 =,=平心而論，唔計較服務態度既話，其實都幾欣賞佢呢個咖啡奶媽。個名改得有趣其一，其二食個雪糕嗰時，個質感幾有趣！少少碎冰完全混合入雪糕之間，中間應該有少少打碎唒既果仁？雪糕食落去有少少咬口，冰唔會蓋過雪糕本身有既咖啡香味，反正令個雪糕喺室溫下 keep 耐咗。呢樣野幾令我驚喜！雪糕本身少少甜甜地，咖啡同奶香有相輔相成既作用，令到個雪糕香得黎又唔會過甜，但又唔會冇咗咖啡本身有少少既苦味。不過個咖啡布丁就比下去，都有好濃既咖啡味，唔會過甜。不過相比起雪糕，失色不少！如果服務唔係咁差既話，呢間鋪都值得 encore!…Read More

11 月時，GODIVA 出咗個限定，轉用杯裝住個雪糕，下面擺咗個心太軟。當日喺 whatsapp group 到瘋傳，話買一送一好抵，啲網站不停推介。結果作為朱古力控既我就走咗去試食。買既時候都仲好期待，雪糕既水準當然 KEEP 到，滑、香、可可味重。食雪糕既時候真係覺得好幸福，大拿拿 $43，黠捨得買黎食?由於自己有整開心太軟食，對 GODIVA 既期待自然更高。點知食唒啲雪糕時，已經覺得好似有少少伏。見到個心太軟時，好乾，似乎唔會有太流心既效果。果然不出所料，入口嗰下我覺得食緊大陸製既老翻野！個心太軟乾到似食緊脆脆咁，入面當然唔流心啦！係仲有少少朱古力漿咁囉個心太軟乾到食緊柴皮咁！我仲滿心期待，以為會食到好濃好濃既心太軟。食完個天堂雪糕，咪落地獄食柴皮！再對比返側邊啲雪糕，簡直係來回地獄又折返人間！中完呢次大伏，我唔會再喺GODIVA買心太軟食！…Read More

是日初三, 又貢入去馬鞍山搵朋友食糖水. 由於冇咩糖水鋪有開, 唯有去梨巴.新春期間應該做唔到咁多野吧, 有個新春限定MENU.而 MENU 上只係抽咗幾款平時做開既甜品, 仲要新春價全部比平時再貴啲喜氣洋洋 = 雜果芒果汁西米露 (就好的楊枝金露呢?).果然係人多唔憂做生意, 今晚既出品同平時爭好遠!楊枝金露冇西柚, 好彩佢 d 西米都仲發得幾好.都救唔返啦, 用唔係時令既西瓜做其中一款雜果.呢個時候食西瓜緊係唔甜, 再擺多幾粒芒果椰果上去就算毫無賣相可言!芒果又唔係甜, 勁 hea 咁堆好碗野出黎就算.我唔會再揀新年既時候過黎!!食開業食到而家, 未試過咁差!…Read More

由於大部份朋友都住馬鞍山既關係, 於是我明明唔係住馬鞍山都成日出入馬鞍山...是日一行十幾人幫其中三個人慶祝生日, 一下就將甜匠半個場包起咗 由於太多人, 而甜匠不嬲都要等位既關係其中一個朋友一早同老細講定我地多人.雖然一早講好, 都最後都係要等位...(始終人多, 冇可能要佢 hold 住半個場唔做生意既)今日突然唔想食士多啤梨, 就嗌咗香蕉朱古力 waffle! 估唔到有幾好食bo!因為我對朱古力既要求比較高, 加上我本身都成日整朱古力味既甜品所以我好少會嗌朱古力類甜品自己整易控制甜度嘛~朱古力少少苦, 應該係用 56~70% 朱古力整?食到好濃可可味, 但食落去係回甘而唔係得個苦字.仍唔會有澀喉既情況出現香蕉就冇咩好講 = =反面今次要彈下個 waffle雖然都係外脆內軟, 但我嫌佢太燶好彩焦香仲未覆蓋蛋味鐘意焦香既人會岩食…Read More

本來係約好朋友星期五晚食飯, 但佢又唔得閑, 於是即興約今晚~Book 好左位, 一入去, 好有貴賓既感覺,幾個人一齊黎serve仲安排4人檯比我地坐 XDDD餐廳 menu 選擇唔算太多, 咪可以精於出品!可能係平日, 餐廳唔算多人, 好靜, 好岩情侶拍拖, 夠唒SWEET!!我幾鐘意餐廳既裝修, 簡約, 水泥牆身及天花有後現代工業既感覺.一坐低, waiter 已經立即為我地斟水.So sweet~有2人套餐同set dinner 揀…不過筆直所限, 我地都係決定 2個main + 兩個小食就算 (朋友超級大食)由於我超愛食鵝肝, 所以一見到但鵝肝呢樣野就會情不自禁一定要嗌XD不過唔係每間餐廳都整得好食, 於是就懷著戰戰兢兢既心態一試嗌左呢個「香煎鵝肝伴鳳梨」一食落口, 不得了!!!超級香!! 鵝肝外脆內軟, 烏肝本身太肥膩,要配D淡味既野先好食.餐廳用左鳳梨去做配搭, 少少酸甜既鳳梨中和返鵝肝既肥膩.食完之後鵝肝香味喺個人到回甘!好想ENCORE, 可惜驚食唔唒浪費~餐廳亦好貼心, 等我地食完個鵝肝先上呢味「黑松露蜜糖烤雞翼」黑松露味唔算重, 但雞翼既生熟度岩岩好, 非常 juicy *0*蜜糖味唔會過重, 擺入口,  少少蜜糖味, 之後再有好香既雞肉既味.如果黑松露味可以再重返少少, 呢個絕對係水準之作!** 餐廳檯面有少少黑醋同橄欖油比食客, 雞翼加左少少黑醋後勁好食~跟住餐廳就先上「新鮮空運西冷(8oz) 伴紅酒汁」朋友驚我食唔到太生, 所以我地嗌左7成熟~咬落去勁 juicy, 超多肉汁好正啊!!食得淡既人可能唔使要個汁都夠!冇落汁既牛扒好鮮…不過我都係偏好有汁.落返汁既牛扒味道即係升左幾個層次. 食得紅酒汁入面有蘑 ”gu”點左個汁後, 放入口先會有好香既蘑 “gu” 味, 之後再由紅酒味將牛扒既香味帶出.食個扒食到一半左右, 餐廳就上埋個「紐西蘭羊架配香草醬意大利飯」為食的我當然立即食啖飯先~味偏淡, 但仍食到好香既香草味.可能我個人偏好硬身少少既飯, 所以我都幾鍾意.但對食開軟身既野人黎講可能就爭 d.由於羊架偏重味, 配埋個飯食就岩岩好中和返飯既淡味.羊架唔 “so”. 朋友幾岩. 但我個人就偏好有 ”so” 味, 所以對我黎講係爭少少啦~So far 平時食飯都唔錯, 一落樓就係巴士站, 非常就腳. 食物質素亦好,食得出係用心煮的~…Read More

是晚食完禮記, 有人提議到聰嫂糖水, 於是一行人就由九龍灣入黎食糖水...基於女生月事, 我唔可以食凍野 >.<入到黎都係11點幾左右, 已經乜都冇唒 =,=所有同芒果有關既野冇唒, 合桃糊芝麻糊又係...又唔食得凍野, 唯有揀呢味食...何解聽嫂熱食好似愈做愈差?一上黎, 已經聞到好甜既味...一擺入口, 果然係「糖水」!食唔到雪梨味, 只有冰糖既糖水味...好似嚴重偷工減料, 只係用大量冰糖黎覆蓋冇雪梨龍眼味...連本身既雪梨都因為吸引過多既糖水而無左本身既香味試完一次, 我諗之後都係食返凍野算...…Read More

好耐之前就走咗去呢間試新野，只不過一路都冇打食評上嚟。入正題，先講年糕千層蛋糕。岩岩上菜時，一睇個樣，咁似 Lady M 個蛋糕嘅！由於非常肚餓既關係，就唔理三七廿一，食左先算。個蛋糕每一層都係由韓國年糕組成， 當然唔會有 Lady M 嗰種咁軟、好味嘅感覺啦！啲cream係類似 Lady Mb蛋糕嗰種，當然冇 Lady M 既清甜。呢款蛋糕一試無妨。個煲我都唔記得左叫咩名，只記得有雞但個煲又整得幾惹味幾香，小小辣辣地，令人想一食再食。但味精過多，食完我要狂飲水個爆谷雪糕，如你愛食爆谷又愛食雪糕，我會推介。雪糕好滑好重牛奶味，爆谷又好脆口，但始終爆谷有少少熱，所以啲雪糕會融得好快。如果我冇記錯，碟野好似係卡邦尼意粉。我自己都會成日整呢味黎食，咁當然出面啲師傅整得比教滑。但意炒略嫌冇咩彈性，咬落去仲有少少硬，試完就算。…Read More