little_tummy's Profile

🤎 近排先喺社交平台問過有邊間韓國餐廳好食，就搵到呢間喺尖沙咀由韓國人主理既韓國餐廳😍 🤎 一座低就有六碟小菜上，最surprise既係有鵪鶉蛋！比較少食到☺️ 又醃得好入味😁🤎 醬油蟹 1pc 配紫菜飯 $250 ♡ 今次既重點係醬油蟹！🦀 因為韓式醬油蟹比起中式既又有另一番風味。♡ 今次叫左一隻醬油蟹，都夠大，我同媽咪兩個人食都OK😁 醬油唔會太鹹，用隻手唧晒啲蟹肉出嚟再一啖食真係好正😍😍 蟹膏經過醬油點綴，仲特別鮮甜🤤♡ 另外配咗一碗紫菜飯，可以將蟹膏蟹肉唧落碗飯度撈勻。亦可以將紫菜飯加入蟹蓋入邊撈勻~ 🤎 Saturday Lunch Special for 2 - 旋轉煲五花腩BBQ Lunch Set $289♡ 星期六見到有呢個lunch special 好似幾抵食。首先有滿滿嘅五花肉！店員將五花肉同配菜，加入我第一次見既旋轉煲😳 嗰個旋轉波會自己轉動，令到啲五花肉均勻受熱，煮出嚟夠香，又唔會燶晒~ ♡ 有附送嘅生菜可以夾住五花肉一齊食♡ 飯可以揀白飯或者炒飯，如果揀炒飯店員會加埋泡菜入去個旋轉煲度幫你整炒飯☺️♡ 最後仲可以揀牛胸肉大醬湯或者純豆腐辣湯~ 我媽咪唔食辣所以就揀咗牛胸肉大醬湯☺️ 牛肉同配菜都足夠，可以連白飯一齊食😁🤎 下次再想搵韓國餐廳，我應該都會再嚟，想再食醬油蟹同埋試吓呢度嘅人蔘雞呀！🤩…Read More

❤️ 位於服務式住宅嘅2樓，裝修典雅，環境都算幾有情調。❤️ 餐廳叫 The Grill Room，感覺上一定要試吓呢度嘅烤肉 😝 所以主要叫咗兩個主菜:❤️ 香煎慢煮牛柳 配 新鮮黑松露片 $368♡ 牛柳嗌左三成熟，煮出嚟嘅熟度剛剛好，食落唔會韌，牛味出眾☺️ ♡ 上面鋪左新鮮黑松露片，加上原味嘅牛肉原汁，整體感覺都好夾，好好食😌♡ 另外，薯蓉都非常幼滑creamy~❤️ 燴蕃茄牛面肉扁意大利麵 $168另一個主菜都係牛，不過呢個係牛面肉。意大利粉中嘅牛面肉俾牛柳更加入口即溶😍扁意大利麵相信係手工製作，有咬口，食到蛋味😆❤️ 整體嚟講，兩款主菜都高質~ 係拍拖/聚會好地方☺️…Read More

❤️ 喺旺角TOP商場既第三層發現左呢間西餐廳~ 價錢合理，環境又企理，我覺得係好朋友嚟傾偈食嘢嘅好地方 👯‍♀️❤️ 小食拼盤 (包括三款小食) 小食拼盤可以揀一款 $48，雙拼 $88 或者三拼 $128我哋想試多幾款所以就揀咗三拼！♡ 唐揚魷魚爽口，唔會太韌♡ 鹹蛋黃雞翼單骨雞翼，所以好容易就可以食到啲肉😁 ♡ 鐵板燒牛舌牛舌都好大塊，煎得幾香~❤️ Dinner Set $238平時其他餐廳 $238可能得個主菜，今次你配埋沙律餐湯甜品飲品，都算好抵！😁❤️ 鮮蝦柚子沙律估唔到跟餐沙律都咁有驚喜😍 一啲都唔Hea👍🏼 隻蝦好新鮮蛋呀，酸酸地嘅沙律好開胃🥗❤️ 是日餐湯 - 雜菜湯❤️ 白酒蜆肉扁意粉 蜆肉唔細隻，吐沙吐得好乾淨完全冇沙☺️意粉口感軟硬適中❤️ 是日甜品 - Brownie到最後除咗更餐飲品仲有甜品！我哋嗰日有Brownie😚 一開始督落去覺得有啲硬，但係食落朱古力味好濃，又唔會太甜，幾好食😋❤️ 如果想入旺角又唔知約邊度好，可以考慮吓呢間餐廳😆 …Read More

❤️ 嚟到驚安燒肉商店，一定一定要嗌而家推廣緊嘅$8牛舌！🤩🤩 其實嚟之前都知道有呢個優惠，但係一上枱都嚇親，因為原來$8係咁大碟！我初頭expect係得幾塊🙈　點知應該都有成十幾二十塊，仲要質素都高🤤每人限嗌一碟，講真真係好抵😍❤️ 首先嗌啲小食先。炸九肚魚 $48，粟米天婦羅$38，兩款都非常香脆好食，做小食就剛剛好🥰❤️ 之後我哋嗌咗呢度好出名嘅九宮格！每款肉都有啲又唔使自己煩嗌啲咩🤣　佢有幾款九宮格揀，我哋就揀咗 $388既 上.九宮格~❤️ 除咗有唔同牛嘅部位，仲有豬五花，雞肉，白鱔！滿足晒不同嘅願望😁❤️ 日式拌冷麵 $48 食咁多熱氣嘢，我都會想食吓啲凍嘢解下熱氣，呢個冷麵就啱晒啦👍🏼❤️ 另外如果鍾意食蟹嘅，我推薦你哋食蟹黃海膽月見飯！ $168海膽完全唔腥唔臭唔使擔心☺️ 滿滿嘅蟹黃同埋蟹肉加埋生雞蛋撈埋飯一齊食，好食呀😍😍❤️ 飲品係清甜解渴嘅 青檸菠蘿梳打 $28 同 焦糖菠蘿特飲 $38 😘❤️ 最尾食埋脆脆豆腐雪糕 $18 解吓油膩感，清新~…Read More

💙 第一次睇到嘅時候都覺得好驚訝，竟然有咁抵嘅事🤯 $99就係88分鐘， $199就係150分鐘 (仲會多咗蟹黃麵，蟹粉小籠包等選擇)!!💙 咁我哋就揀咗$199嗰款任食。首先可以揀雞煲或者烤魚，食晒可以再食~ 個人就建議嗌咗烤魚先，因為雞煲之後直接加水就可以做火鍋！我哋淨係因為嗰日食晒雞煲打完邊爐已經好飽，所以冇食到烤魚了😝💙 雞煲可以揀唔同辣度或者唔辣，我哋揀咗小辣，食雞嘅時候又唔算好辣，但係反而火鍋嘅時候啲菜變到好辣😂😂💙 台式放題，除咗雞煲，梗係仲要嗌多啲唔同嘅嘢😍 首先有手帕青瓜同埋涼拌木耳做前菜。💙 之後嗌咗好幾款小食。鹽酥雞粒同滷水糖心蛋都好高質😍 蟹黃麵嘅蟹黃都非常滋味~💙 串燒最特別有個叫做牛油小串，真係穿住幾粒燒香咗機牛既油脂，非常邪惡得來又幾好食😂💙 想講雞煲份量真係都幾大，食到差唔多可以加水變火鍋。火鍋料都繼續係任食！有牛肉，豬肉，羊肉，丸同菜！💙 總括來說兩個字，就係”抵食”! 👍🏼⭐️ 貼心提醒: 當日平日都好爆滿！所以非常建議預先電話/Whatsapp留位！…Read More

💙 一入到去餐廳已經比巨型壁畫吸引! 係一個越南女仔嘅側面，顏色同埋風格都好靚👍🏼 餐廳氣氛亦都幾舒適，少少昏暗感有啲情調🤣💙 肉鬆烤茄子 $68首先嗌啲小食食吓，呢個係冷盤，連埋肉鬆食都唔會太鹹，茄子充分吸收咗醬汁，一咬就爆汁，估唔到又幾滋味😍💙 蝦醬炒通菜 $78通菜一直都係我哋好鍾意食嘅菜，因為都係非常之掛汁！蝦醬同通菜好夾，份量亦都不少😁💙 生牛肉河粉 🍜 $98嚟到越南餐廳一定要食Pho 🤓 生牛肉換言之就係上菜嘅時候仲係半生熟，之後用非常熱嘅湯去浸熟佢，咁就唔會過熟而引致肉質太韌。湯底都處理得非常好，高質的越南河粉👍🏼💙 燒豬扒鴨蛋飯 $98雞蛋就食得多，鴨蛋比較少食，煎到燶邊，撈埋飯同埋豬肉一齊食好滋味😋半碟仲有青瓜同蕃茄💙 斑斕撞奶 $38 💙 桔仔梳打 $38呢度嘅飲品都比較特別😍 斑斕撞奶易入口，桔仔梳打有少少鹹柑桔嘅感覺非常解渴~下次早啲嚟可以試埋呢度嘅椰子咖啡/雞蛋咖啡呢~…Read More

💜 之前嗌外賣都有嗌過呢一間餐廳，今次經過就入去試吓😁 我覺得環境其實都坐得幾舒服，自己去counter落單所以唔使加一，上菜又快，自己一個或者同朋友一齊食都OK😚💜 店員仲同我講小胖推出了全新餐單！一於睇吓有咩好食😋💜 首先叫個小食先，叫咗夜市鹽酥雞嘅海苔味😍 $44外皮酥脆，肉質軟嫩，食落都唔會太油。加埋海苔味，都幾夾幾好食~💜 紅燒牛頰肉便當 跟餐配 鳳梨抹茶 $76♡ 除咗牛頰肉仲有好多其他配料，包括雞蛋粟米白菜紅蘿蔔西蘭花等！牛頰肉含有豐富膠原蛋白，加埋咁多蔬菜，營養均衡，好抵食😁♡ 鳳梨抹茶幾好飲，有淡淡嘅鳳梨香，第一次飲呢種配搭😝💜 蕃茄大排骨滷肉湯麵 跟餐配 桑葚洛神花茶 $80♡ 本人是非常喜歡吃湯麵的😍 食湯麵最緊要係湯底，今次湯底茄味夠濃，仲可以撈埋滷肉汁，不錯不錯。額外仲附上排骨，麵嘅份量都好多，食到好滿足😆♡ 餐飲方面，桑葚係莓既一種，加埋洛神花飲落會有少少微酸，但係又帶點醒神嘅感覺。💜 同埋我想講凍嘅餐飲係會用靚靚膠樽上，飲唔晒可以拎走，膠樽亦都可以重用！…Read More

🧡 我呢個亞洲胃都真係幾鐘意食中菜，所以食得好開心~ 😝 金和潮菜環境光猛，冷氣好足夠，大熱天時真係好重要呀👍🏼🧡 海皇冬瓜盅 $168細個婆婆成日帶我食冬瓜盅，好耐冇食過啦，今日見到一定要嗌黎試吓！大燉盅上，入面有成個去皮冬瓜，冬瓜肉固然足夠，入邊啲料都唔少！有蝦，帶子，豬肉粒，瑤柱，蓮子，金華火腿等😍 份量勁多，足夠四個人飲！重點係飲完都冇口渴😆🧡 金沙茄子 $68鹹蛋黃炒茄子！做小食一流😋 非常香脆，鹹蛋黃同茄子原來都幾夾，總共都有10條左右👍🏼🧡 鮮菠蘿咕嚕肉 $128咕嚕肉外皮都算脆，酸酸甜甜很開胃。伴碟有一條菠蘿🍍 仲有三色椒 🫑 🧡 桂花醉雞 (半隻) $138凍嘅最佳就食得多，第一次食熱嘅醉雞！😳 初頭驚會蒸到好鞋，點知唔會！酒味好似更加香濃，加埋紅棗同埋薑絲，好好食呀，我用匙羹𢳂埋啲汁嚟飲😂🧡 下次嚟想試吓呢度嘅滷味同埋椒鹽九肚魚🥹…Read More

🤎 大圍開咗間新嘅串燒店~ 營業時間仲至到凌晨四點，隨時去食宵夜都得😝🤎 一睇Menu就見到有$120十串串燒，有32款選擇。見到呢個性價比都幾高所以即刻嗌返十串先~🤎 最後我哋嗌咗 ♡午餐肉 ♡牛舌 ♡雞軟骨 ♡台灣腸 ♡煙鴨胸 ♡牛筋丸 ♡墨魚丸 ♡雞翼 ♡免治雞肉棒 ♡菠蘿🤎 午餐肉比我想像中厚肉，燒得外皮香脆，淡淡滋味🤎 台灣腸都係比較少食，同普通香腸唔同，額外有一種甜味🤎 菠蘿都幾大嚿，唔會酸，咬落爆汁！🤎 如果驚唔夠飽仲有麵可以嗌，我哋就嗌咗一個肥牛蛋炒公仔麵 $68除咗肥牛仲有鳴門卷同埋生菜等，都幾豐富☺️…Read More

💙 搵到間好正嘅海鮮自助Brunch! 平時去食自助餐主要都係想食海鮮同埋肉類，Porterhouse $528就滿足晒你所有願望😍 💙 首先海鮮有龍蝦，長腳蟹，海螺，青口，鮮蝦，仲有即開嘅生蠔！😍龍蝦已經切邊所以好易食，啱晒我呢啲懶人😙 食落肉質結實，龍蝦膏非常鮮甜另外有個龍蝦包我都幾推薦，龍蝦肉加沙律，同埋上面啲魚子夾埋都好滋味☺️💙 除咗海鮮當然有Porterhouse最出名嘅牛肉，牛扒非常之嫩滑，重牛味。另外仲有羊架，燒春雞，同燒豬肉任食~💙 冷盤有沙律同埋唔同嘅火腿💙 另外熱食仲有即席煮嘅意大利粉麵。同埋條蒸魚都非常吸引🤤 💙 甜品方面都仲有好多選擇，Panna Cotta 同 Tiramisu都好好食😍 仲有其他生果同蛋糕揀~💙 講真如果主打海鮮同埋烤肉類，食多少少已經回本😎💙 而且樓底都幾高，又有充足陽光，成個感覺都好舒服。快啲約埋朋友或者屋企人一齊去食餐高質嘅自助brunch啦！🤩💟 溫馨提示: 建議預早book位，因為我嗰日星期六去到都好Full~…Read More

💜 天澗壽喜燒性價比幾高👍🏼 仲要唔使加一😍💜 北海道A4黑毛和牛配北海道豚五花套餐 $148💜 鹿兒島A4黑毛和牛肩胛套餐 (130g) $188♡ 一人一個鍋😌 可以根據自己食嘢速度慢慢燒~ 每枱亦有張instruction紙，可以跟住步驟嚟燒，唔怕唔識😝♡ 不過其實都係好簡單嘅啫，主要都係燒熟佢再加壽喜燒醬汁最後就可以再加昆布鰹魚清湯再將佢變成火鍋😌♡ A4黑毛和牛質素高就唔使講，估唔到豚五花燒後都非常香👍🏼♡ 最後加晒所有配菜落去非常豐富，有菜有菇有豆腐,芋絲, 日本雞蛋, 麻糬魚糕💜 火炙鰻魚壽司 (兩件) $38💜 火炙左口魚壽司 (兩件) $38♡ 除咗壽喜燒亦都仲有壽司可以選擇~ 壽司食落都好新鮮，非常喜歡坐口語的質地☺️💜 香茅鴨屎香檸檬茶好解渴清新🍃…Read More

❤️ 和宴可以話係元組級日式燒肉，甚至可能係香港第一間日式高級燒肉餐廳😳❤️ 而家和宴推出緊一個優惠套餐: “宮崎和牛海鮮十三品盛宴套餐”，正價$698一位，而家特價每人$498🥰 (套餐需2位起)❤️ 前菜 Appetizer♡ 迷你沙律♡ 特製宮崎和牛他他配法包和牛他他拌上麻醬，加埋自己烘脆嘅法包，作為前菜唔錯🥰♡ 韓式海鮮煎餅煎得好香脆！又唔會太多麵粉~❤️ 燒肉 Yakiniku餐廳選用左4屆榮獲「日本一」殊榮的特上宮崎和牛，質素絕對有保證😍♡ 宮崎和牛薄切牛板腱（壽喜燒風）配日本蛋♡ 薄切牛舌芯（鹽蔥汁）上兩款菜式都會由店員親自操刀~ 火候掌握得好好，高質牛肉食落真係唔同啲，牛板腱肥肉唔多，但反而食落感覺有種結實又軟嫩嘅口感👍🏼♡ 宮崎和牛 上牛排肉♡ 宮崎和牛 特上牛肩肉眼♡ 鹿兒島豚五花肉呢三款就自己慢慢燒，衫褲入邊我最鍾意食特上牛肩肉眼，入口即溶🤤另外仲有生菜附送，可以連埋啲五花肉一齊食，減少油膩感~❤️ 海鮮 Seafood♡ 海老估唔到隻蝦都好大隻！店員會教你點樣每邊燒熟佢，個蝦頭都有蝦膏可以食埋🤓♡ 原隻帆立貝刺身級帆立貝，所以唔使煮到食晒都可以食😝❤️麵 Noodles 二選一：♡ 迷你盛岡冷麵 或 迷你雞肉熱烏冬我哋每個揀咗一款，所以兩隻都可以試吓~ 老公鍾意食熱烏冬，我自己就覺得冷麵比較特別啲😙 冷麵仲可以配埋醋一齊食~❤️ 甜品Dessert♡ 黑糖珍珠雪糕❤️ 成餐都食得幾舒服同埋店員非常細心。…Read More

🤎 突然之間想食台灣紅燒牛肉麵，就諗起之前食過嘅段純貞！果然冇揀錯好好食😍🤎 蒜醬青菜: 油麥菜 $48出街都要食菜~ 估唔到嘅係呢碟油麥菜份量都幾多! 好似食極都仲有咁😂🤎 鹽酥雞 $48小食之推薦蟹呢個鹽酥雞!! 炸粉薄，又唔會太油，超好食！😍🤎 藥膳雞翼 $48藥膳雞翼都很不錯，熱辣辣，藥味濃郁，食完飲完暖笠笠☺️🤎 招牌紅燒腱心牛肉麵 $86重點牛肉麵來了😍 所有面都可以配手工麵或者細麵。手工面韌性比較重，牛肉麵我就覺得配搭手工麵比較夾~ 牛肉麵湯底濃郁不在話下，牛肉都非常之嫩同入味🤤🤎 濃湯燉雞麵 $88嫩雞麵就嗌咗細麵，細麵麵體氣孔多，比較掛湯。勁大隻雞髀😍 湯底濃郁雞味，飲完唔會口渴。🤎 呢間段貞同日出茶太係一齊合作，所以餐廳可以嗌勁多唔同嘅款式嘅日出茶太台式飲料😚 我哋就揀咗紫香芋芋泥特調 $36 同 宇治金時抹茶牛奶 $38 兩款都香滑好飲~附上單據俾大家參考價錢：…Read More

🧡 夏日炎炎，QUE都推出咗新嘅夏日菜單，今次都想同媽咪黎試下新既單品😚🧡 薄切三文魚 配 蜜柑香梨 $118 (期間限定)非常開胃清新嘅前菜！雖然話係薄切三文魚，但係其實食落我覺得都唔算太薄😝 啲汁酸酸哋，襯埋甜甜地嘅香黎，做前菜不錯！🧡 長腳蟹棒牛油果蟹籽壽司塔可 $72非常欣賞這個壽司塔可 ！估唔到用日式嘅壽司配搭都可以做到Taco! 外層嘅酥炸紫菜勁脆，入邊包住滿滿嘅牛油果同埋長腳蟹棒🥹 雖然食得有啲混亂🤣 但係非常好食呀😍 推薦👍🏼🧡 香煎鳳梨鴨胸 配 熱情果香蕉醬及芥末薯蓉$168 (期間限定)擺盤非常之吸引，估唔到鴨胸鳳梨同埋熱情果醬可以咁夾😆 底下仲有啲伴碟薯蓉添~🧡 蓮霧藍莓拿破崙蛋糕 $78呢個拿破崙又係非常之脆！完全冇潮濕嘅感覺。吉士醬好香滑，蓮霧同藍莓完全唔會酸~🧡 抹茶椰子髒髒咖啡 $48雖然話係髒髒咖啡，但係其實飲落好似唔係太多咖啡味，所以我覺得夜晚飲都唔會太影響睡眠😆 椰子味超濃，我已根據口味到不同份量的抹茶落去👍🏼🧡 菠蘿青瓜迷迭香氣泡飲 $58 (期間限定)呢個飲品超級適合夏天飲！青瓜同菠蘿都係非常消暑，仲要加埋冰凍嘅口感同埋有汽水soda😚 消暑一流~…Read More

🧡 終於俾我搵到一度有高質丼飯飯食！😋啟德地鐵一入AIRSIDE上一層就見到👍🏼🧡 呢間餐廳主要主打丼飯或者壽司~ 我今次就係衝着丼飯而來！😍 坐低見到天花頂吊住魚豉油造型嘅燈，非常可愛☺️🧡 三味吞拿魚丼 $248有三款吞拿魚就係赤身，中拖羅同大拖羅！三款唔同嘅吞拿魚部位都可以食到😊當然帶拖羅就最有油脂感，但係我最鍾意食係中拖羅！因為平衡咗赤身既結實度同埋大拖羅嘅油脂度。伴碟仲有啲醃蘿蔔~🧡 火炙漁夫丼 $208超級豐富！有三文魚，帆立貝，左口魚邊，釣魚等等。火炙後仲增加咗魚嘅鮮味😙 真係勁好食！😍😍 🧡 每款丼飯都會附送一個鯛魚茶漬湯🥰比起普通嘅麵豉湯，我覺得呢個鯛魚茶漬湯真係非常有誠意👍🏼 熟既鯛魚又係另一種口感，熱辣辣嘅茶漬湯飲完好舒服☺️🧡 青森100%蘋果汁🍎 $38非常清新，清心蘋果有種獨特嘅香味，唔係平時普通蘋果食到🧡 夕張哈密瓜乳酸梳打🍈 $38乳酸梳打記得一定要攪勻啲先好飲，如果唔係飲到最尾就會有啲甜😝🧡 最後仲有開心果雪糕，係少有嘅口味，正！😍…Read More