chingkok's Profile

話說朋友生日，由佢發板食咩野。。最後佢見網上對呢間幾好評，所以就決定呢間。講真，啲食物一入口就知貨不對板。我個意粉好小小，全碟得XO醬味，其他味一啲都食唔到。朋友個牛就差好多，牛唔夠汁，好乾。意粉凍既。連個配菜番茄都好難食。食完真係無下次。反而環境唔錯。幾闊絡，幾乾淨。亦可能lunch time,所以人流唔多。服務都唔錯。叫到即應。價錢我認識食完啲野食就覺得貴。本身諗住呢個價錢都差不多，但食物質素與價錢不相對。…Read More

香港打冷店已經愈來愈少，keep到水準的更加少。呢間係一個朋友之前提過，算係老字號，話算係keep到水準。雖然怕係伏，但話哂朋友推介，試下無壞，最多咪唔再去😂環境:有三間鋪，有得坐入面或者出面。當日係平日，又有小小雨。但都算多客，大多數坐出面。如果天氣太凍坐入面好啲，平時正正常常坐出面就舒服，闊絡啲。因爲係冷巷位同個位置比較偏僻啲，所以都上嚟得比較辛苦，睇下本身有無巴士或者小巴到，唔係既話，行過果到都幾辛苦。服務:啲姐姐幾好人，反而係啲哥哥(可能係老闆或者太子爺掛)就比較惡。啲姐姐叫到都有反應，坐得遠可能未聽到，叫多幾次，香港人遷就下囉。食物:真心，我覺得真係算好食，雖然老一輩話以前再好食啲，但今次佢地都話唔錯，不得了。個人亦都認為係食過最好食。因為行到上嚟太餓，諗都唔諗食左先算，無影好多相。價錢唔算貴，都係打冷價錢啦。…Read More

簡單嚟講，都係想食個小籠包。就決定試下呢間。環境算是乾淨，位與位都唔算好迫。價錢算中等偏上，而茶芥每位$6再加一服務費。食物都算可以，唔算太差。呢啲地方預左一半食環境，一半食食物。服務都唔差，都算叫到有人應，啲態度都不錯。食物種類都唔係話好多，拉麵選擇就多啲。其他都唔算多。…Read More

由於睇完戲想食個下午茶，見呢間野以新加坡食物做主題就試下啦。。。食物嚟講，唔算話真係好好味。特別啲蝦，一啲味都無。普通過普通。可能去過新加坡食過當地野，所以覺得呢間野都係買下個主題吸引人。啲野飲，真係好難飲。可能免費，所以都無特別祈望。可能下午茶時間，無咁多人，坐得都好闊絡。環境都算乾淨舒服。服務都ok啦。可能人唔多，叫到都有人應。價錢就接近午餐價，唔算有特別平。係商場食到咁既價錢都算ok啦。。ps.下午茶價。…Read More

食過好多間韓國餐廳，呢間感覺目前俾我覺得最好食。環境都無特別，都係掛幾幅韓國畫，都算乾淨。座位比較迫，係好唔方便，坐入面出出入入都阻到人。枱面叫兩樣野食基本係滿哂整張枱，好麻煩。食物好好食，佢出名係醬油蟹同蝦。但因為第一次食，所以試左其他野先，睇下係咪伏。好彩都唔係，所以下次會再嚟試醬油蟹同蝦。價錢嚟講，唔算貴。比起尖沙咀果啲，個人覺得價錢與味道算是一致。今日去好彩唔算多人，平時都有見人排隊。所以人少先去會好好多，否則內面真係好迫好唔方便，坐得食得都好輪盡。…Read More

聽過間野，見九龍灣開左間新既就試一試佢啦。。食物其實都算係普通冰室水準，無話特別好食或者難食。環境乾淨，用香港懷舊風情去作主題，都吸引，係坐中間睇唔到電視播既懷舊野。電視好高呀⋯⋯位與位唔算話好迫，可能無咁多人，如果人多可能會迫小小。價錢都中規中矩。…Read More

話說果日晏就去完街見到間野上樓梯，門面都唔錯。不過唔細心留意都未必知道有間食日本野既餐廳係到。但入到去環境都唔錯，可能接近下午茶時間，唔算好多人，環境迫小小。我和友人各自叫了定食，雖然都係普通果啲刺身海膽，但個人覺得真係好好食。環境嚟講，乾淨，迫小小。食物好吃，款式不算多，但有些定食有不同配搭，好夾。其實以呢個質素呢個價錢又未至於好貴，但對我貧窮人仕嚟講，間中食下都ok。聽說都會不定時轉下menu…Read More

算係間唔中會食既一間野。相比起出面炸脾嚟講算唔錯。炸脾算不錯，意粉既味道就不太濃。一份炸脾意粉加一杯雪糕可樂都好飽下。環境就迫小小。價錢不過不失。服務員態度都好好。之前都試過瀂味雞脾，但都覺得炸脾好食啲。…Read More

間野雖然要行樓梯上去，但都算多人食下。價錢我覺得對我呢啲窮人嚟講算偏貴，但一分錢一分貨，啲牛真係好好食。不過，個人認為有多啲其他肉類選擇會好啲，因為齋牛好dry,幾好食都會流。牛是好食價錢小小偏貴食物種類選擇唔多，集中食牛。…Read More

之前聽過呢間野，一路都想去試下。但真係好失望，價錢與食物不成正比。感覺所有野都係packing 貨，我叫左個醉雞餐，但啲雞好苦，個麵個口感係好食但味道唔夠。而另外個肉骨茶餐就普普通通。另外，啲配菜都無特色亦唔好食。所以嚟呢到係食個環境影下相，食物就比較失望。…Read More