r390gti's Profile

同太太去完葵涌廣場買嘢，諗起好耐冇食過嘅米線，就專程坐3個站過嚟食，嚟到時只有3個人喺前面等位，好快就有位坐低，點餐時專登同佢（男嘅）講走芫荽，佢回答話「冇芫荽架」，點知碗米線嚟到食食下發現有芫荽，因為我太太係唔食嘅，搞到佢食得唔開心，係咁要夾走啲芫荽，而且講真，個湯底都同以前爭好遠，腩肉保持到水準嘅，但只有呢樣可取之處，真係唔覺得會再為碗米線坐幾個站嚟食囉。香港地咁多嘢食，不進則退，想人食完返轉頭好難囉。…Read More

呢間去年12月開張，唔知係咪比較新所以少人知，晏晝打去訂抬訂即晚都仲有位。我地二人都叫咗吉列大蝦豬扒定食，大約10分鐘就有得食，大蝦同豬扒炸得好鬆化，但食落一啲都唔熱氣，啲椰葉絲柚子汁酸酸地好開胃，差不多食咗一半就會主動幫你加，服務效率一流！食完奉上甜品＂西瓜＂嘅時候仲會換過一杯暖茶，夠細心。…Read More

呢排鍾意食乳酪，食完晚餐行過見呢間有乳酪，所以就入去試下．叫咗個原味乳酪配紅豆同芒果，士多啤梨醬．唔使等好耐就有得食啦，睇個賣相算係正常嘅，但一食就出事，乳酪完全冇味，好似食緊冇味嘅雪糕咁，紅豆整得耐得滯？爛嘅．．．啲芒果酸嘅．．．成杯嘢食咗幾啖就比錢走人，去隔離金乜堂食番個正常嘅甜品補償番．．．可能叫其他會好食啩，但我冇信心玥比機會佢囉…Read More

是次都唔記得係第幾次幫襯啦，以前都覺得呢度幾好，嘢食平有一定水準出菜又快，洗手間又乾淨，但自上次（約三星期前）幫襯過之後開始對佢哋嘅服務態度改觀．上次同老婆大人兩個人去食，我不嬲食嘢都快我老婆大人好多，所以我食完就攞手機出嚟上下網打發時間，點知個侍應（紮馬尾望落去最後生嗰個）突然問我哋啲嘢食齊未仲會唔會叫嘢食，我話唔會再叫嘢食架啦，我望下門口出面原來有人等緊位，我哋食嘢不嬲都好識做食完就走唔會喺度磨爛蓆，我同老婆大人講有人等位之後老婆大人都即刻加快速度食，點知馬尾侍應拎張單埋嚟叫我哋埋咗單先，點呀，未食完就要人埋單分明趕客啫！食完我哋就拿拿聲走人．我哋都明白佢哋都係想快喲做多一台客，但出啲咁嘅招真係令人覺得好討厭！到噚晚再去，同老婆大人講好如果再係咁以後都唔去呢間，反正九龍城大把泰國菜館．我哋食食下出面又有人等位，上次個馬尾侍應（今次紮雙馬尾）已經成日係咁昅住我哋，一見有邊碟食完即刻收走，到我食完停咗手，碟金邊粉仲有３分１，蝦餅仲有１個，老婆大人電話响聽個電話，馬尾侍應即刻（老婆大人聽電話５秒都冇）埋嚟問啲嘢仲要唔要！我碌大雙眼話梗係要啦！　哇！　真係冇嘢吓話，使唔使咁呀，你不如直接同我哋講出面有人等叫我哋食快啲唔好聽電話啦！我係一個唔鍾意同人嘈嘅人，但都有啲忌唔住，心入面已經諗好如果再好似上次咁叫我哋埋單先嘅話，我就會大大聲同佢講叫佢唔好淨係問我哋，問埋其他食緊嘅客係咪唔會再ｏｒｄｅｒ，係就埋埋單先！　到最後另一位侍應問我哋會唔會叫甜品，我話唔會叫啦好快走架啦，佢哋先冇叫我埋咗張單先．　食完老婆大人嘴都未抺我就話走人出去慢慢抺．　講真，講平，呢間未係最平，講好食，亦唔係最好食，但呢種咁嘅待客態度真係多謝晒！　我只可以講一句'後會無期'！ …Read More