鐵人's Profile

幫襯咗30年，龜苓膏由$30食到而家$45 ，每次去九龍城食完泰國菜，路過都必定幫襯碗龜苓膏用以清熱解毒一下😮‍💨(對我嚟講好有效，因為第二日即刻有舒服清腸胃的效果💩)有時如果唔係太過夜，又有朋友陪嘅話，我地就會坐低慢慢嘆，通常都係老闆娘坐陣，撞啱就快收舖，佢都會好好咁送多碗葛菜水俾我地😘感受到深深的人情味涼茶又稱苦茶，從來都唔可以用好飲嚟形容，但個個都知係健康有益嘅飲品👍🏻如果想要好飲，其實可以去7仔買支又甜又冰嘅汽水飲⋯⋯…Read More

週日放假可以瞓到自然醒，簡直係每個打工仔夢寐以求嘅事😽，如果可以加埋個豐富嘅lunch就更加係夫復何求🤪，自助餐就緊係不二之選😋即刻search OpenRice搵到呢間訂位有八五折，即刻打電話去book👍🏻間酒店新新地，位處偏僻都真係冇乜事唔會嚟🤣去到餐廳門口已經一早排晒人，大家都準備入去大擦一餐自助餐嘅基本嘢一定有，晏晝都有生蠔長腳蟹就真係唔錯，生蠔雖然唔大隻，但都算鮮甜: 爽，長腳蟹肉質白雪雪多肉實淨👍🏻: good，熱食味道中規中矩，好唔好食見仁見智，最特別有專人調製Cocktail 紅酒任飲🤤，整體環境舒適服務到位，中上價錢中上材料，如果下次再想食生蠔同長腳蟹都會再嚟嘅…Read More

食碗仔翅無醋😰身為港式食品嘅代表，食碗仔翅竟然無醋，失去了靈😩好驚訝失望🥺🥺🥺⋯⋯姐姐話: 我地嘅翅係完汁完味，所以唔跟醋。😩但係佢嗰碗翅又多料又杰撻撻，都有少少膩，醋就係用嚟中和返㗎嘛⋯⋯…Read More

小情味小店，遠到大澳都可以體會到😘😘為咗一睹小燈籠風采,遠道去到水鄉大澳，大約五點全街仍然有很多人，應該係想等到6:30亮燈儀式簡單走了一圈，食咗一個淡而無味嘅豆腐花仍然未夠喉，走着走着很香的炭火燒烤魷魚串燒撲鼻而來，最後被這間門口貼着豬扒包照片而吸引着，決定走入這間毫不起眼的小店在門口正在徘徊的時候疑似老闆已經很熱情的招呼着: 裏面坐啦，有冷氣㗎❄️對行到又熱又攰嘅我呢個時候聽到呢一句說話簡直就好似遇到救世主打救一樣😚原來經過廚房裏面係別有洞天，簡單放着四張枱，整個空間其實係煙霧離漫，不過冇辦法只好硬着頭皮坐埋去唯一張吉枱因為表姐未食嘢，所以好快就決定 豬扒包🍔炸雞髀🍗同埋蝦醬炒飯🦐上菜速度快速，雞髀炸得好靚，外皮金黃色非常吸引，豬扒包嘅麵包係法包，看似好硬但係外脆內軟，真係好想問佢麵包可唔可以單買，反而係塊豬扒比較平凡，不過整體都OK嘅登登登，嚟到大澳點可以唔食蝦膏嘅產品，蝦膏炒飯出場較早嘅時間睇住一位應該係老闆娘嘅女士拎住一碟白飯同埋一碟材料行入去後邊貼住廁所圖樣嘅門口，我諗應該係廚房吧，3分鐘後一點香噴噴嘅蝦膏炒飯就出爐了🥰🥰🥰第一啖食得出一啲都唔孤寒，用料足好多蝦，而且啲蝦肯定係原產地直送唔係雪藏，蝦膏鹹香唔係死鹹明顯新鮮唔係擺咗成年，大大碟抵食兼好食😋食到一半嘅時候老闆娘經過見我停晒手，問我係咪唔好食，我話唔係，係好好食不過我要慢慢食㗳真啲期間有個小插曲，食到咁上下有個小妹妹突然企喺我面前望住我，我問佢做咩事有咩可以幫到佢？開頭佢唔出聲，我就問佢肚唔肚餓，想唔想食嘢？佢竟然話想，咁我就叫佢攞個碗嚟裝咗碗仔飯比佢食，佢好開心之後就係咁撩我玩，原來佢係老闆娘個孫女，唔怕生好可愛好似個小公關咁🤣🤣再講下先至知原來小店係由爸爸媽媽哥哥妹妹一齊經營，總括嚟講，做街坊生意充滿人情味家庭式小作業都有用心嘅出品，冇大量宣傳冇名人推薦，仍然會有欣賞嘅客人😘…Read More

見到社交平台有推介，見🌶辣🌶辣🌶辣發哂癲，即時上openrice訂位有開業優惠😍7:50到達，門口人山人海，但係入到去大約只有六七台客，1/4人都冇，原來只係隔離燒烤店嘅人潮🤪，心諗冇人食嘅，會唔會中伏🤨因為已經喺OpenRice度買咗個套餐，所以直接揀要幾辣就可以😁😁前菜先上：木耳唔夠爽，雞肉尚算OK，但味道一般，連最期待嘅辣度都唔夠，中辣都只係 譚X嘅5小辣程度😓終於主角出場，樣子吸引，先飲啖湯，湯唔熱腥到不得了，又唔酸又唔辣，再食下啲魚雖然都算滑但係一啲味都無，干扁四季豆都係凍嘅，唔辣不特止仲覺得好甜添，之後嘅餃子小籠包完全冇期待😩其實佢嘅宣傳做得好成功，介紹講到好吸引，又惹火噴火又招牌又層次，又話星級名廚😤令到連一個唔食得辣嘅我我覺得嘥咗個quota，完全中伏🤬🤬🤬🤬不過都有值得一讚嘅地方，全間店得兩個樓面員工，已經負責門口接待、帶位入座、茶水、落單、傳菜、埋單，一腳踢冇停過，想要一壺茶都等咗30分鐘，雖然俾客人不斷催促，但係禮貌服務一流全程冇黑面，最後仲細心問我哋菜式啱唔啱心水，經理值得一讚，係咁艱難嘅時間都盡心盡力，仲要係星期六週末黃金時間，咁大間鋪竟然會得兩個人做晒樓面所有嘢，真係令人費解，慳返啲宣傳費專注返食物質素服務嗰度仲好啦，吹到咁大，失望越大絕對唔會推介朋友去P.S. 之後一行四人食唔飽仲轉陣走去食串燒🤪🤪🤪…Read More

今日去開鴨寮街，路過e間腸粉店，好似幾特別諗住試吓，係大陸依家好興嘅皺紋腸粉，嗰日喺珠海食過都唔錯，喺香港第一次見到所以諗住不妨試吓兩個人叫咗蔥花腸，蝦米腸，同埋乾撈麵，蝦米腸都還ok幾香蝦米味，葱花齋腸真係好齋，但係其實啲腸粉又唔滑d汁好又油膩 (我喺大陸食過都係比較傳統用豉油) ,唔知點解香港會變咗一啲啡啡地好似牛腩汁嘅獻汁好奇怪囉，乾撈麵直頭食唔到，又乾又有浸怪味，食咗幾條真係冇辦法只好垃圾桶見，各位深水埗街坊千祈唔好中伏！！！…Read More

突然好想食片皮鴨，家附近只有衪，所以今晚決定就是你了🥰5:45在apps攞咗飛，6:15到達，但是原來五點半已經係第一輪，所以都要等一陣，怪不得apps一路都唔叫過7:00入座，兩個人叫了半隻片皮鴨 兩條黃花魚 胡麻雜菜 小籠包，最後驚唔飽所以叫多咗個刀削麵雖然話周日用餐只有90分鐘唔可以叫做可以慢慢嘆，當鴨到咗我哋已經立刻食，但係唔夠10分鐘已經凍哂，肉同埋皮都已經變硬，建議如果加個小火爐㷫住，咁會令食物冇咁快變質黃花魚煎得幾好外脆內軟胡麻雜菜都好食小籠包就麻麻哋雖然個皮好薄但係都食到好靱刀削麵OK…Read More

見到好多人介紹，好壞參半，都抱着不妨一試的心態去。六點未到已經到達，店內已經坐滿大半，不是六點才開的嗎？！因為沒有訂位，所以服務員問我們願不願搭枱，並且七點半要交枱，反正我們也要趕船返香港，所以都無問題。先點了個出名的卜卜蜆煲蒜味撲鼻，不過仍然食得出蜆不夠鮮味，無乜特別因本人不好芥末，所以無打算食手撕雞，不過同枱的其他客人都想食，奈何是要提前一日訂的， 後來有其他客取消了所以有得食，來到一看非常大碟，相信最少要四個人才吃得完，聽他們的對話說好好食，芥末味很濃很過癮⋯⋯看見其他枱叫了，好大隻好雪白，好吸引，即時決定order,係就係好飽滿好juice ,但都係嗰句，無乜鮮味，淥耐少少d邊都會un之後再追加咗碟生魚片，好明顯醃過，不過都好食好滑最後食多兩份菜就收工啦⋯⋯基本上食物都大大碟，幾抵食，外表都好吸引，但真係食落又無乜特別，下次未必會專程嚟食…Read More

跟為食貓同事一心想食海鮮拼盤嚟到山林道，點知full咗無得食，唯有轉陣打邊爐，e間喺附近樓上舖，見到有好多名人幫襯嘅相貼住，咁就是但啦，go.....上到去立即有人招呼，安排咗我地坐角落位，因為已經有三枱操普通話嘅國強人喺度開緊'party'，坐埋一邊靜d喎，裝修有d舊，同樓下嗰發咗黃嘅相片好match呀！有名人幫襯都估唔會平，但係一睇一碟手切本地肥牛要$888～嚇咗一跳😱，睇真d都有平d嘅～雪花肥牛盛惠$298👍🏻湯底都好緊要嘅，見到有自己唔會整亦難得見到嘅菜干豬肺，就決定你啦👇🏻我覺得材料喺臨上枱前先結合，豬肺無味似急凍，但起碼用上湯唔係清水嘅，好似係$168👎🏻響鈴午餐肉雲吞正常貨式👌🏻魚腩，生菜算係不錯👌🏻還有黃金墨魚丸，開頭唔點解叫黃金，後來知道原來係手打墨丸內藏蟹膏+蛋黃，e三樣嘢我都食嘅，但唔知點解結合咗一齊有d難怪😖(Sorry唔記得影相)最後仲叫咗豉油王炒肥腸同一問題，雪藏嘢唔夠新鮮唔夠肥，又唔夠味，汁還汁腸還腸，非常差的一味👎🏻👎🏻👎🏻仲叫咗兩支可樂，埋單共1100，總括嚟物非所值…Read More

自從表姐轉咗新工後，好耐都無試過新菜，難得今日夾到時間就相約出動去揾食。睇完openrice後決定選定e間新開嘅韓國料理。星期六晚上9:30到達只有七八枱客人，大約四成左右，所以唔駛等直接入坐，環境幾舒服，現場有電視播映韓國歌曲MV，但唔會好似坊間有些燒烤店聲浪太大太嘈吵，好適合三兩知己一路食住美食一路聽住歌曲但仍然可以秉燭談心，當晚亦有些客食完還在玩遊戲，很有cafe的感覺。因為見推介的炸尤魚要"小食套餐"先有,所以就叫咗份小食套餐，包括四樣嘢:紫菜包飯,拉麵,炒年糕,當然唔少得炸尤魚。包飯用料充足;拉麵麵質彈牙，就算凍咗都仍然咁爽口;炒年糕做法好似千島海鮮pizza，不過餅底係幼條年糕，面頭佈滿芝士啱哂我e位芝士怪客，不過最好盡快食，否則年糕會變硬;炸尤魚肉質幼嫩炸得酥脆，勁正！ 另外再加咗個泡菜煎餅，表姐勁like，因為一條葱都冇而且粉漿唔太厚，主要材料只有泡菜及魷魚但仍然覺得好豐富，好有口感。 諗起韓食又點少得炸雞，雞迷的我仲點咗半份炸雞，真係做得非常正確，熱辣辣炸起肉質嫩滑但唔會食到一口油my favorites 之後仲分別叫咗三杯特飲，正確名稱唔記得了，只記得係青檸味,西柚味,桃味，全部都好清新，剛好可以解咗e餐嘅heavy感。總括嚟講有機會我一定會再去！…Read More

舊年試咗季季紅嘅有米豬，新奇又好味，所以今年再接再厲又encore，準時六點已到達，去到所有豬已經包好一字排開等緊，一攞上手已經覺得唔熱，問位侍應點樣整返熱，佢即時講：剛燒好，熱㗎喎！我都二話不說9秒9即去搭的士，用咗16分鐘返到屋企即時開飯，一打開嘩😱。。。。已經係凍哂兼超迷你，縮哂水，同舊年差得多，非常失望@@@無下次😠😠…Read More

為食二人組今晚又出動，平時兩個人嘅我地，今晚多咗位特別嘉賓~同事個老公@@ 經媽媽推介而認識，加上食評亦有不少讚賞，所以一直都好想試下，book咗幾次一係full哂，一係時間唔啱，今次提前三日想話訂9:30,但對方話爆哂，都只係得10:00，心諗：算啦，等多一陣睇下你係咪真係咁好食！！ 9:50分到達，門口侍應立刻帶我地上去，一望中間一張大枱二張細枱都係吉嘅， 心裏面已經覺得奇怪， 乜唔係full哂嘅咩………… 空氣唔通風，好大陣油煙味，一坐低侍應已經快手攞咗一碟泡菜、一碟青豆、三碟wasabi洋蔥醬汁同三碗充滿住冰嘅芽菜湯嚟，第一次見到有冰囉⊙_⊙本來已經清淡嘅湯更加無味~ 點咗個熟食海鮮葱餅:淋packpack，唔香口 另外三樣燒物，辣醬豬腸：乾淨無肥膏，夠哂辣 生蠔：幾有海水味 濟洲島黑毛豬面青：因為厚切，所以要燒耐少少先熟，因此變得好un 總括嚟講，唔覺得有乜咁特別要等咁耐去食，同區大把韓式燒烤一樣咁有風味好食， PS.店內有年輕帥氣韓籍侍應，確實會令人賞心悅目，食得開懷d…Read More

唔3為食二人組今晚又出動，平時兩個人嘅我地，多咗位特別嘉賓~同事個老公@@ 經媽媽推介而認識，加上食評亦有不少讚賞，所以一直都好想試下，book咗幾次一係full哂，一係時間唔啱，今次提前三日想話訂9:30,但對方話爆哂，都只係得10:00，心諗：算啦，等一陣睇下你係咪真係咁好食！！（仲要唔係自助但限時個半鐘） 9:50分到達，門口侍應立刻帶我地上去，一望中間一張大枱二張細枱都係吉嘅，心裡已經覺得奇怪：乜唔係full哂嘅咩…………:( 直到我地走，個張大枱同細枱都係無人坐嘅。空氣唔通風，好大陣油煙味，一坐低侍應已經快手攞咗一碟泡菜、一碟青豆、三碟wasabi洋蔥醬汁同三碗充滿住冰嘅芽菜湯嚟，第一次見到有冰囉@@本來已經清淡嘅湯更加無味~ 點咗個熟食海鮮葱餅:淋badbad，唔香口 另外三樣燒物，辣醬豬腸：乾淨無肥膏，夠哂辣 生蠔：幾有海水味 濟洲島黑毛豬面青：因為厚切，所以要燒耐少少先熟，因此變得好un 正常嚟講，單單e幾味係滿足唔到我地嘅肚皮，雖然燒物唔係難食，但亦唔覺得好好食，所以無再添食，一個鐘完成e一餐，埋單每位$170總括嚟講，唔覺得有乜咁特別要等咁耐去食，同區大把韓式燒烤一樣咁有風味好食， 吸引唔到要返兜…Read More

:)今年反傳統玩玩新意，堂家姐提意團年飯去BBQ~~一早聽過九華徑有個燒烤場好想去試好耐，今次終於決定食一次，係自助任食，無限你時，重點係喺市區，大家放工後到都無問題，各自入場燒住等，非常good。我地仲自備靚蟹、蔬菜金茹……，初初睇食評嚟度俾人彈到一文值都有d擔心，純粹有爐有义有位就算，所以都抱任何期望，入場費每位$148係有d貴，門口哥仔即話而家物價高漲無計喎……，七點半到達，已經有部份家人到咗，入去一睇又唔係好差喎，金菇冬菇秀珍菇雞肶菇豆卜，全翼半翼，尤魚，豬排牛排，墨丸牛丸獅子狗魚蛋……總之應該有嘅燒烤料佢都有，當然唔係乜嘢靚料，但味道都唔太難食，全部都入得口嘅，都見唔到之前食評中所講嘅“青色豬排“，最特別佢竟然有幾種醬料：沙茶、油、茄汁，仲有無限牛油、生蒜任攞任食，有d意外。總括來說雖然價錢唔便宜，食物又唔係特別好味，但勝在夠就腳…Read More